<p>१४ जेठ, काठमाडौं ।<br>सरकारले काठमाडौ उपत्यकामा वस र्यापिड ट्रान्जिट र मेट्रो केवल कार निमार्ण तथा विकासका लागि सम्भाव्यता अध्ययन गर्न तथा कार्यान्वयन गर्ने कार्यका लागि लगानी वोर्डलाई तोक्ने निर्णय गरेको छ । <br><br>प्रधानमन्त्री निवास वालुवाटारमा हिजोसाझ वसेको मन्त्रीपरिषदको बैठकले जीयो थर्मल पावर प्लान्टको सम्भाव्यता अध्ययन, विकास र कार्यान्वयन सम्वन्धी कार्य गर्न समेत लगानी वोडलाई तोक्ने निर्णय गरेको सरकारका प्रवक्ता एवं सूचना तथा संचारमन्त्री शेरधन राइले बताउनु भयो । <br><br>बैठकले जापान सरकारबाट हियूमन रिर्सोस स्कर्लसीप प्रोजेक्टको लागि प्राप्त हुने अठ्ठाइस करोड ४७ लाख रुपैया अनुदान सहायता स्वीकार गर्ने निर्णय गरेको छ । <br><br>इन्जिनियर समुहबाट संजय शर्मालाई सचिव पदमा बढुवा गरि खानेपानी तथा सरसफाई मन्त्रालयमा पदस्थापना गर्ने लगायतका निणर्य मन्त्रीपरिषदेको बैठकले गरेको संचारमन्त्री राईले जानकारी दिनु भयो । <br><br></p>

<p>१३ जेठ, काठमाडौं ।<br>सरकारले सदनसमक्ष आर्थिक वर्ष २०७२/७३ को आर्थिक सर्वेक्षण आज प्रस्तुत गरेको छ । 

सर्वेक्षणअनुसार चालु आवमा मुलुकको कुल गार्हस्थ्य उत्पादन ० दशमलव ७७ प्रतिशतले वृद्धि हुने अनुमान गरिएको छ । गत वर्ष त्यस्तो वृद्धिदर २ दशमलव ३२ प्रतिशत थियो ।</p><p>कृषि क्षेत्रको वृद्धिमा कमी, भूकम्पको प्रभावबाट गैरकृषि क्षेत्रका गतिविधिमा अधिक प्रभाव र भारतसँगको सीमा क्षेत्रमा भएको अवरोध र आपूर्तिमा त्यसबाट उत्पन्न व्यवधानले आर्थिक वृद्धि हुन नबसकेको&nbsp; उल्लेख छ ।</p><p>चालु आवमा कृषि क्षेत्रको उत्पादन १ दशमलव ३ प्रतिशतले बढ्ने अनुमान गरिएको छ भने गैरकृषि क्षेत्रको वृद्धि ० दशमलव ६ प्रतिशतले बढोत्तरी हुने प्रक्षेपण गरिएको छ ।</p><p>चालु आवमा उद्योग क्षेत्रको उत्पादनमा ६ दशमलव ३ प्रतिशतले कमी आएको देखाइएकोछ भने सेवा क्षेत्रको उत्पादनमा २ दशमलव ७ प्रतिशतले वृद्धि भएको उल्लेख छ ।</p><p>मुलुकको अर्थतन्त्रमा संरचनागत परिवर्तनसँगै कुल गार्हस्थ्य उत्पादनमा कृषि र उद्योग क्षेत्रको योगदान नगण्य रह्यो भने सेवा क्षेत्रको योगदान क्रमशः वृद्धि उन्मुख छ ।<br>
त्यसैगरी कुल गार्हस्थ्य उत्पादनमा कृषि क्षेत्रको योगदान घट्दो क्रममा रहे पनि गैरकृषि क्षेत्रको योगदानमा भने वृद्धि हुँदै आएको छ ।</p><p>चालु आवमा कुल राजस्व परिचालन रु चार खर्ब ७५ अर्ब एक करोड रहने अनुमान गरिएकामा बितेका आठ महिनामा रु दुई खर्ब ३१ अर्ब सात करोडमात्र सङ्कलन भएको छ ।<br>
गत आवको तुलनामा चालु आवमा मूल्य वृद्धि अनपेक्षित रुपमा बढेको सर्वेक्षणमा उल्लेख छ ।</p><p>
चालु आवमा मुलुकको कुल खाद्यान्न उत्पादन (धान, गहुँ, मकै, कोदो, जौ र फापर) गत आवको तुलनामा छ प्रतिशतले घट्ने अनुमान गरिएको छ । मौसमी प्रतिकूलता, सीमा नाकामा भएको अवरोधले मल र इन्धन ढुवानी समयमै नहुँदा भूमिगत सिँचाइमा परेको प्रभावले अन्नबाली उत्पादन कम हुने प्रक्षेपण गरिएको छ ।<br>
<br><br></p>

<p>१३ जेठ, काठमाडौं ।<br>सरकारले आगामी आव २०७३/७४ को राजस्व र व्ययको अनुमान ९बजेट० आगामी शनिबार सदनसमक्ष पेस गर्दै छ ।</p><p>
व्यवस्थापिका–संसद्को आजको बैठकमा अर्थमन्त्री विष्णुप्रसाद पौडेलले नेपालको संविधानअनुसार वार्षिक बजेट प्रस्तुत गर्न सदनसमक्ष गर्नुभएको अनुरोधलाई स्वीकार गर्दै सभामुख ओनसरी घर्तीले यही जेठ १५ गते अपराह्न ४ बजे पेस गर्ने गरी समय निर्धारण गरिएको जानकारी दिनुभयो&nbsp; ।</p><p>संविधानमा हरेक वर्ष सरकारले जेठ १५ गते बजेट प्रस्तुत गर्नुपर्नेछ ।<br><br><br><br></p>