“हामी हौं प्रभाती, अदम्य सहिदका रक्तिम”-बिजु सुवेदी “विजय”

<p>“हामी हौं प्रभाती, अदम्य सहिदका रक्तिम,<br>क्रान्तिकारी, सिर्जनशील, जनमुक्तीका महामान्छे ।<br><br>हामी हौं प्रभाती मान्छे, ज्वालामुखी–चट्याङ निकाल्ने,<br>अन्यायीलाई सधैं झुकाउने, वैरीको नामोनिशान मेटाउने ।<br><br>हामी हौं अदम्य मान्छे, साहसको आँधीबेहरी ल्याउने,<br>आकाश–पाताल एक बनाई धर्तीलाई संसार बनाउने ।<br><br>हामी हौं सङ्घर्षशील मान्छे, रक्तकुण्डमा क्रान्तिको कमल फुलाउने,<br>दिन–रातलाई परास्त गरी प्रभाती किरण सदा फुलाउने ।<br><br>हामी हौं सहिदका रक्तिम मान्छे, विद्रोहको ज्वाला दन्काइरहने,<br>हुँकारले व्रम्हाण्ड कम्पायमान गरी, सारा ठाउँमा दासता हटाउने ।<br><br>हामी हौं सिर्जनशील मान्छे, गरिबको बस्तीमा लाली किरण दिने,<br>जस्तै कठिनमा पनि सुवास देख्ने, दुःखीतिर सुगन्ध छल्काउने ।<br><br>हामी हौं जनमुक्तिका मान्छे, अन्यायलाई बदला लिने रक्तवीज,<br>महाभूकम्प–महाप्रलय ल्याउने, समतामूलक समाज सदा बनाउने ।<br><br>हामी हौं क्रान्तिकारी मान्छे, न्यायको बिगुल सदा फुक्ने,<br>बम–बारुदलाई सहजै पचाउने, राता झन्डा फर्फराइरहने ।<br><br>हामी हौं प्रभाती, अदम्य सहिदका रक्तिम,<br>क्रान्तिकारी, सिर्जनशील, जनमुक्तीका महामान्छे”</p><p><i>बिजु सुवेदी “विजय”को रत्न पुस्तक भण्डारबाट केहि समय अगाडि प्रकाशित कथा सङ्ग्रह “सत्य सङ्घर्षका कथाहरु”बाट <br></i><br></p>