19.12¡ÆC
<p>१३ जेठ, कपिलवस्तु ।<br>जिल्लाको शिवराज नगरपालिका ५, वनकट्टीमा अबैध रुपमा संचालन भएका घरेलु मदिराभठ्ठीमाथि प्रशासनको अगुवाईमा लगातार दोस्रो पटक छापा मारेको छ ।</p><p>जिल्लास्तरीय अबैध मदिरा नियन्त्रण समितिको संयोजक आन्तरिक राजस्व कार्यालय कृष्णनगरको सक्रियता र इलाका प्रशासन कार्यालय चन्द्रौटाको सहकार्यमा आन्तरिक शुल्क ऐन २०५८ अनुसार अबैध घरेलु मदिरा नियन्त्रणका लागि छापा मारिएको हो ।</p><p>टोलीले अबैध रुपमा संचालन भएका रक्सीभठ्ठीबाट ६ हजार घरेलु मदिरासहित २२ क्विन्टल कच्चा पदार्थ, ५० क्विन्टल सहायक कच्चा पदार्थ, विषादी, मदिरा उत्पादन गरी भण्डारण गरिने २ सय ओटा ठूला प्लाष्टिकका ड्रम, धातुका ठूला भाँडाकुँडा लगायतका सामग्री बरामद गरेको छ ।</p><p>पूर्वपश्चिम राजमार्गसँगै जोडिएको वनकट्टीमा अबैध रुपमा खोलिएका मदिराभठ्ठीको दुर्गन्धले त्यसक्षेत्रबाट आवतजावत गर्ने सर्वसाधारणले ठूलो सास्ती बेहोर्नुपरेको जनगुनासो बढेको भन्दै अबैध मदिरा उत्पादन कार्यलाई पूर्ण रुपमा बन्द गर्न पहल चालेको इकालका प्रशासन कार्यालय चन्द्रौटाका उपसचिव मेघनाथ पाध्याले बताउनुभयो ।</p><p>दुई दिन अघि जेठ १० गते ठूलो परिमाणमा अबैध घरेलु मदिरा सहित कच्चा पदार्थ बरामद गरेपनि मदिरा उत्पादन कार्य नरोकिएपछि पुनः छड्के अनुगमन सहित छापा मारेको पाध्याको भनाई छ ।<br><br><br></p>
