25.12¡ÆC
<p>मजाक उडाउँदै हिँड्नेहरू<br>संकीर्ण सोचमा<br>अग्रगामी हौँ भन्छन्<br>युगकालका कुरा गरेर<br>गल्लीभित्र<br>कालझैँ कैद गर्छ<br>वर्तमान मान्छे<br>उफ्रन्छ ऊ<br>विर्सेर इतिहास<br>आफ्नै धर्मसंकृति<br>आफ्नै देश<br>आफ्नै राष्ट्र<br>आफ्नै राष्ट्रियता भुलेर<br>आख्यानकार ठान्छ<br>आफ्नै खाडल खनेर<br>हाम्रा खरका झुप्राहरूमा<br>निरन्तर आगो झोसिरहेछन्<br>हाम्रो काममा अवरोध गर्दै<br>थुप्रै झारहरू<br>अनगिन्ति कीराहरू<br>हाम्रो छातीमा कुल्चीरहेछन्<br>मिथ्यामा<br>समय गुमाएँ<br>कष्टमय जीवन लिएर<br>षडयन्त्रका फूलहरू<br>हरेक पाइलामा उम्रिएका<br>हाम्रा सामान कब्जागर्न<br>हरेक गौँडामा<br>मजाक उडाउँदै हिँडिरहेका<br>पागल भित्रका पागलहरूले<br>बिर्सिएका छन्<br>नैतिक शिक्षाहरू<br>अन्धकार आगो बलिरहेछ<br>दिमागमा<br>खोज अनुसन्धान छैन<br>ऊ आफूलाई सम्पादक भन्न छाड्दैन<br>दुर्गन्धी चोकमा<br>नाङ्गो भुतुङ्गो<br>भाषा बोल्न जान्दैन<br>उही चलेको सम्पादक<br>युगपुरूषको खिल्ली उडाउँदै<br>चुरोटको धुवाँझै उडिरहन्छ<br>टुकुचाको युवक<br>त्यसरी नै उडिरहेछ<br>शिल्ली अनुवादक<br>हृदयलाई अवरोधगरेर<br>सिँगाने बालक<br>मनका वेग भाँच्न<br>फट्याङ्ग्रो झैँ उफ्रिरहेछ<br>बीच सडकमा<br>कसैको कान नलागोस्<br>आँखाहरू नहेरिऊन<br>कान लागेर<br>यतिबेला<br>कटु पटाक्षेप भइरहेछ<br>आफ्नै घरगाउँ<br>मजाक उडाउँदै हिँड्नेहरू<br>आफैँलाई भकाभक पुरिरहेछन्<br>पहाड भत्काएर<br>कसरी भुल्न सकिन्छ<br>अनगिन्ति पीडाहरू<br>नयाँ पूराणका कथा सुरुवात् भएकाछन्<br>हाम्रो शहरमा<br></p>
सूचना–प्रविधिमा भारतीय एकाधिकार अन्त्य,चीनसित पनि जोडियो अप्टिकल फाइबर
<p><span style="line-height: 1.42857143;">काठमाडौं,जेठ २९ । दूरसञ्चार सेवाका लागि तारयुक्त प्रविधिबाट विश्व सन्जालमा जोडिन भारतको मात्रै भर पर्दै आएको नेपालले अब चिनियाँ बाटो प्रयोग गर्न सक्ने भएको छ । गत साता जमिनमार्गबाट चीनसँग अप्टिकल फाइबर जोडिएपछि नेपालको सूचना प्रविधिमा भारतीय एकाधिकार अन्त्य भएको हो । ‘रसुवागढी नाकाबाट हामी चीनसँग अप्टिकल फाइबरमा जोडियौं,’ नेपाल टेलिकमका सहप्रवक्ता डिल्लीराम अधिकारीले भने, ‘त्यसको सफल परीक्षण पनि भइसक्यो, अब चाँडै व्यावसायिक प्रयोग सुरु हुन्छ ।’</span><br></p><p><br></p><p>रसुवागढी नाका हुँदै फाइबरमार्फत नेपाल टेलिकम र सरकारी स्वामित्वको चिनियाँ कम्पनी ‘चाइना टेलिकम्युनिकेसन कर्पोरेसन’ एकआपसमा जोडिएका हुन् । दुवै मुलुकका प्राविधिक टोलीले गत साता फाइबर परीक्षण गरिसकेको छ । परीक्षण क्रममा रसुवागढी नाकाबाट काठमाडौं र बेइजिङ दुवैतर्फ ब्यान्डविथ आदानप्रदान गर्दा सफल भएको थियो ।</p><p><br></p><p>पहिरोको जोखिमका कारण रसुवागढीमा जडान गरिएका उपकरण रसुवाको टिम्मुरेमा सार्नुपर्ने भएकाले यसको व्यावसायिक प्रयोगका लागि भने केही समय लाग्ने अधिकारीले बताए । ‘रसुवागढीका अरू सरकारी कार्यालय पनि टिम्मुरेमा सारिएका छन्, त्यहाँ पहिरोको जोखिम छ,’ उनले भने, ‘हामीले पनि पहिरोको जोखिम हेरेर टिम्मुरेमा उपकरण सार्नुपर्ने भयो ।’</p><p><br></p><p>सरकारले यसअघि दक्षिण एसियाली सूचना मार्ग (सासेक) अन्तर्गत तातोपानी नाका हुँदै चीनसँग अप्टिकल फाइबर जोड्ने योजना अघि बढाएको थियो । त्यसका लागि तातोपानी नाका नजिकै अप्टिकल फाइबर पुगिसकेको भए पनि चीनसँग जोडिएको थिएन । ‘गत वर्षको भूकम्पपछि दुवैतर्फ पहिरोले अप्टिकल फाइबर विस्तारलाई अवरोध गर्यो,’ अधिकारीले भने, ‘त्यसले गर्दा तातोपानीको योजना यता सारिएको हो ।’ चीनसँग अप्टिकल फाइबर जोड्न टेलिकमले धादिङको गल्छीबाट त्रिशूली हुँदै रसुवागढीसम्मै करिब ९० किलोमिटर फाइबर बिछ्याएको हो । आजको कान्तिपुर दैनिकमा खबर छापिएको छ ।</p>
दलालको फन्दामा दोधारा चाँदनीको कृषी बिकास बैंक : कर्मचारीलाई कार्य कक्षमा स्थानियले थुने
पप्पु गुरुङ्, २९ जेठ / दोधारा चाँदनी, कञ्चनपुर । कञ्चनपुरको दोधारा चाँदनी नगरपालिका स्थित रहेको कृषी बिकास बैंक शाखा कार्यालय दलालको फन्दामा रहेको भन्दै हिजो बिहान कृषी बिकास बैंक शाखा लि. कार्यालय स्थानिय तथा पिडितहरुले घेराउ गर्दै बैंकको कर्मचारीलाई कार्य कक्षमा थुनेका छन् । ऋण दिदा कमिसनको चलखेल लगाएत धितो लिलामी प्रकृयामा दलालको हालीमुहाली रहेको भन्दै स्थानिय तथा पिडितहरुले शाखा कार्यालय घेराउ गरि कर्मचारीलाई उनैको कार्य कक्षमा थुनेका हुन् । कृषी बिकास बैंक शाखा कार्यालय कार्यालय प्रमुख सहित ५ कर्मचारीलाई कार्य कक्षमा १ घण्टा थुनेका थिए । प्रहरी, स्थानिय राजनितिक दलका प्रतिनिधीको सहमतीमा ताला खोलेर कर्मचारीलाई बाहिर लयाएका थिए । कृषी विकास बैंकमा बढी भन्दा बढी गतिशीलता ल्याई सर्वसाधारण जनताको आर्थिक हित र सुविधा कायम गर्ने र कृषि क्षेत्रमा सुलभ र सरल पद्धति अपनाई पूँजी तथा ऋण उपलब्ध गराउनु कृषि विकास बैंकको स्थापनाको प्रमुख उद्देश्य हो । यिनै उद्देश्य परिपूर्ति गर्न कृषि विकास बैंक ऐन, २०२४ अन्तर्गत कृषि विकास बैंकको स्थापना २०२४ साल माघ ७ गते भएको हो । सरकारी मातहतमा रहेको दोधारा चाँदनीमा रहेको एक मात्र बैंक, कृषी बिकास बैंक शाखा कार्यालयले गरिब किसानहरुको जिवन स्तर उकास्न तथा कृषी क्षेत्रलाई बैज्ञानिककरण गर्ने लगाएतका उद्धेश्यले स्थापित भएको भएपनि कर्मचारीहरु दलालहरु संग मिलेमत्तो गर्दै कमिसन खेलले सर्वसाधारण कृषक भन्दा दलाल फष्टाउदै आएको स्थानियबासीहरुको आरोप छ् । दोधारा चाँदनी नगरपालिका वडा नं. ६, रेश्मीटोल निवासी प्रेम सिंह थापा मगरको धितोमा रहेको पक्की घर सहित ८ कट्टा जग्गालाई गोप्यरुपमा रित पुर्याएर दलाल र बैंकको कर्मचारीको हालीमुहाली रहेका ब्यक्तीलाई लिलामी प्रकृया पुर्याएर स्थानिय टेकेन्द्र बस्नेतको नाउमा पक्की घर सहित ८ कट्टा जग्गा रु. २ लाख ४ हजारमा लिलामी गरेको पिडितहरुको आरोप छ् । “बैंकले जग्गा तथा पक्की घरको मुल्य निर्धारण गरि हचुवाको भरमा लिलामी गरेर एक अपाङ्ग तथा गरिबलाई बेघर बनाएको हो” तत्कालिन पुर्व दोधारा गाबिस अध्यक्ष बेल बहादुर रानाले भने । कर्मचारीको मिलेमत्तोले गोप्य रुपमा रित पुर्याएर कमिसनको चक्करमा बैंकले खेल खेलेको अध्यक्ष रानाले भनाई रहेको छ् । “बैंकले गरिब मानिसलाई बेघर बनाएर दलाल मत्ताउने कार्य गरेको छ् ” स्थानिय गोर्ख सिजालीले बताए । कमिसन नदिनेहरुको महिनौ बित्दा समेत ऋण स्विकृत नगरिदिने गरेको स्थानियहरुको आरोप रहेको छ् । हिजै ईलाका प्रहरी कार्यालय दोधारा चाँदनीको कार्यालयमा अपरान्ह सर्वदलिय तथा सर्वपक्षिय छलफल पछि बैंकले प्रेम सिंह थापा मगरलाई रु. २ लाख ४ हजार बैंकमा तिर्नु पर्ने रकम चुक्ता गरेर सबै कानुनी प्रकृया पुर्याएर जग्गा तथा घर फिर्ता गरेको स्थानिय सामाजसेबी भरत भट्टले जानकारी दिएका छन् । उक्त लिलामी प्रकृयामा बैंकका भान्से भिम आलेका भाई भरत आले, टेकन्द्र बस्नेतका भाई कृष्ण बस्नेत लिलामीमा सहभागी भएर मिलेमत्तोमा बैंकको साँठ गाँठ रहेका टेकेन्द्र बस्नेतको नाउमा जग्गा तथा घर पारेको पिडित प्रेम सिंह थापाले बताएका छन् । “बैंकको कर्मचारीको मिलेमत्तो देखिएको छ् ” स्थानिय भरत भट्टले भने । ऋण लिदा कमिसनको खेल हुने हुदा स्थानियहरुमा बैंक प्रति नकारात्मक शोच बन्दै आएका छ् । दलालको मार्फत ऋण लिन आए सहजै एकै दिनमा लाखौ रुपिया ऋण पाउने गरेको दोधारा चाँदनीबासीहरुको भनाई रहेको छ् । कृषी बिकास बैंक शाखा कार्यालयका प्रमुख गणेश चन्दले बैंकले नियमपुर्वक कार्य गर्दै आएको बताएका छन् । “नियमपुर्वक जग्गा लिलामी भएको छ । बैंकमा कुनै कमिसनको खेल भएको छैन्” प्रमुख गणेश चन्दले भने । जग्गाधनी प्रमाण पुर्जालाई कृषी बिकास बैंकमा धितो राखेर ऋण लिएर बैदेशिक रोजगारको लागी ऋण काढ्ने र उक्त कार्यमा बैंकको कर्मचारीबाट एक लाख ऋण काढ्दा रु. ५ हजार कमिसको खेल हुने गरेको समाचार श्रोतको दाबी रहेको छ् । बैदेशिक रोजगारको निम्ती रकमको लागी प्राय: युवाहरु कृषी बिकास बैंक धाउने गरेको छन् । उक्त ऋण लिदा दलाल मार्फत कमिसनको चलखेल हुने गरेको बताईन्छ् । कृषी बिकास बैंकको कमिसनको खेलको कारण दोधारा चाँदनीका गरिब कृषकहरु मर्कामा पर्दै आएको एक थरीको भनाई रहेको छ् । दोधारा चाँदनी स्थित रहेको कृषी बिकास बैंक कार्यालयले गरेको कमिशनको खेल तत्कालै बन्द गरेर गरिब किसानलाई सहुलित ढङ्गबाट ऋण प्रवाह गर्नु पर्ने अन्यथा कृषी बिकास बैंक दोधारा चाँदनीमा रहेको अर्थ नभएको स्थानियहरुको भनाई रहेको छ् । कृषी बिकास बैंक लिं. शाखा कार्यालय दोधारा चाँदनीको श्रmणमा कमिसनको चलखेलले दोधारा चाँदनीमा रहेका शहकारी संस्थाहरुमा स्थानिय कृषकहरु आकर्षित हुदै आएको गुनासो बन्दै आएको छ् । घेराउ कार्यक्रमा स्थानियहरुले बैंक कर्मचारीको गरेको कमिसनको खेल तथा दलाल पाल्ने कार्य तत्कालै बन्द गर्नु पर्ने स्थानियहरुले आक्रोश पोखेका थिए । दोधारा चाँदनीमा बिभिन्न समयमा हुने सभा समाहरोहमा समेत कृषी बिकास बैंकले गरेको कमिसनको खेल र त्यसबाट परेको असरको बारे कुरा आउदै गर्दा पनि कृषी बिकास बैंक नसच्चीएको एक थरीको भनाई रहेको छ् । जस्ले गर्दा बैंकको छबी प्रति नकारात्मक बन्दै गरेको जानकारहरु बताउदै आएका छन् ।
चुनाव हारेका नेताले मनोनित गर्न दबाब बढाएपछि देउवा तनावमा
<p><span style="line-height: 1.42857143;">काठमाडौं,जेठ २९ । नेपाली कांग्रेसको १३ औं महाधिवेशनमा चुनाव हारेका नेताले केन्द्रीय सदस्य मनोनित गर्न दबाब बढाएपछि सभापति शेरबहादुर देउवा तनावमा परेका छन् । केन्द्रीय सदस्यमा पराजित सबैले मनोनित गर्न भन्दै धम्की दिन थालिएपति उनी तनावमा परेका हुन् । पराजितहरुको दवावबीच देउवाले शुक्रबार मात्रै १३ औं महाधिवेशनमा चुनाव नलडेका तीन नेतालाई केन्द्रीय सदस्य मनोनित गरेका छन् । उनले किशोरसिंह राठौंर, केशवकुमार बुढाथोकी र श्यामकुमार घिमिरेलाई केन्द्रीय सदस्य मानोनीत गरेका हुन् । आजको राजधानी दैनिकमा समाचार छ ।</span><br></p><p><span style="line-height: 1.42857143;">यो मनोनयनसँगै पराजितहरुले भलनै दबाब बढाएको देउवानिकट एक नेताले बताए । अब ११ सदस्यको मनोनयन गर्न बाँकी छ । देउवा निकट स्रोतका अनुसार ११ मध्ये ६ सिटमा तत्कालै मनोनयन गर्ने योजनामा देउवा रहेका छन् । त्यससँगै ४२ वटा विभाग प्रमुख मनोनयान गर्ने तयारीमा देउवा रहेका छन् । यता देउवालाई केन्द्रीय सदस्यमा पराजित भएकाहरुलाई पुनः मनोनित नगर्न दबाब दिएका छन् । केही नेताहरुले भने पराजित भएकाहरुलाई मनोनयन गर्ने परम्परानै भइसकेको भन्दै मनोनयन गर्न सकनिे सुझव दिएका छन् । २५ औं स्थानमा आउन नसकी केही चर्चित अनुहार समेत महाधिवेशनमा पराजित भएका थिए ।</span><br></p>
एमालेमा ओलीका ४ सम्भावित उत्तराधिकारी,भण्डारी बाहिरिईन्
<p><span style="line-height: 1.42857143;">काठमाडौं,जेठ २९ । नवौं महाधिवेशन सकिएको दुई वर्ष नबित्दै एमालेमा अध्यक्ष केपी ओलीको उत्तराधिकारीको चर्चा हुन थालेको छ । ओलीले गत वैशाख ३ गते बसेको केन्द्रीय समितिको बैठकमा १० औं महाधिवेशनमा अध्यक्षको दाबी नगर्ने घोषणा गरेका थिए । मदन भण्डारी फाउन्डेनसले गरेको भेलामा संस्थापन पक्षले ओलीको उत्तराधिकारीको बहस नै चलाएको आजको नयाँ पत्रिका दैनिकमा खबर छ ।</span><br></p><p><br></p><p><b>भण्डारी बाहिरिन्</b></p><p>नवौं महाधिवेशनपछि ओलीको उत्तराधिकारीको रुपमा सबैभन्दा बलियो दाबेदारी मानिएकी उपाध्यक्ष विद्यादेवी भण्डारी राष्ट्रपति बनेसँगै यो रेसबाट बाहिरिएकी छिन् । जसबाट अन्य नेतालाई उत्तराधिकारी बन्ने बाटो खोलिदिएको छ ।</p><p>यस्ता छन् सम्भावित उत्तराधिकारीहरु</p><p><br></p><p>१। ईश्वर पोखरेल महासचिव</p><p>विशेषताः दुई पटक महासचिव, सांगठनीक रुपमा कुशल र चतुर नेता</p><p><br></p><p> सुवास नेम्वाङ, दलका उपनेता</p><p><br></p><p>विशेषताः पार्टीमा संयोजनकारी, मृदुभाषी र कूटनीतिक नेता</p><p><br></p><p> शंकर पोखरेल, स्थायी समिति सदस्य</p><p><br></p><p>विशेषताः वैचारिक नेता । ओलीलाई साथ दिएका विश्वाशिला नेता</p><p><br></p><p> प्रदीप ज्ञवाली</p><p>विशेषताः पार्टीमा लोकप्रिय र ओलीका विश्वासिला नेता</p><p><br></p><p> सबैको साझा बन्ने रणनीतिमा रावल</p><p><br></p><p>यता पार्टी उपाध्यक्ष भीम रावल भने ओली र वरिष्ठ नेता माधवकुमार नेपालको साझा उत्तराधिकारीको रुपमा अघि बढ्न प्रयासरत छन् ।</p>
पूर्वअख्तियार प्रमुखकै कार्यालमा भ्रष्टाचार !
<p><span style="line-height: 1.42857143;">काठमाडौं,जेठ २९ । अख्तियार दुरुपयोग अनुसन्धान आयोग पूर्वक्षेत्रीय प्रमुखको नेतृत्वमा रहको बर्दिवास मालपोत कार्यालयमा सेवाग्राहीबाट अनावश्यक रुपमा रकम असुल गर्ने गरेको पाइएको छ । आयोगको क्षेत्रीय कार्यालय वर्दिवासका तत्कालीन प्रमुख देवनाथ पोखरेल प्रमुख रहेको मालपोत कार्यालय बर्दिवासमा कार्यालयबाहिर लेखनदास र कार्यालयभित्र कार्यालय सहयोगिदेखि कार्यालय प्रमुख सम्म् आर्थिक चलखेलमा सामेल हुने गरेको पाइएको आजको अन्नपूर्णमा समाचार छ ।</span><br></p><p><br></p><p>कार्यालयले रजिष्ट्रेसन पासपछि जग्गाधनीलाई दिने रातो प्रमाणपुर्जाको बाहिरी भागमै मूल्य २५ रुपैयाँ लेखिएको भए पनि उक्त पूर्जाको ५० रुपैयाँ असुल गरिन्छ । झट्ट हेर्दा थोरै रूपैयाँ देखिएपनि दैनिक सयौंका संख्यामा आउने सेवाग्राही ठगीमा परिरहेका छन् । <span style="line-height: 1.42857143;">बर्दिवास मालपोतमा सामान्य रजिष्ट्रेसन पास गर्दा लेखनदासले मात्र सेवाग्राहीसँग हजारौं रुपैयाँ लिने र त्यसको केही हिस्सा फाँटवालाखेखि कार्यालय प्रमुखसम्म्लाई बुझाउने गरेको पाइएको छ ।</span></p><p><span style="line-height: 1.42857143;">मालपोत प्रमुखले आफू तालिमको सिलसिलामा काठमाडौंमा भएकाले कार्यालयमा भएको अनियामितताका विषयमा बुझ्ने बताए ।</span><br></p>
बाबुरामको शक्ति प्रदर्शन, दुई करोड रुपैयाँ खर्च हुने अनुमान
<p><span style="line-height: 1.42857143;">काठमाडौं,जेठ २९ । नयाँ शक्ति नेपालको पार्टी स्थापना घोषणा सभामा दुई करोड रुपैयाँ खर्च हुने भएको छ । नयाँ शक्तिले घोषणासभामा सहभागी हुने प्रतिनिधिहरुको व्यवस्थापन, मञ्च व्यवस्थापन, प्रचारप्रसार गर्नका लागि दुई करोड रुपैयाँ खर्च हुने अनुमान गरेको हो । </span><span style="line-height: 1.42857143;">एनेकपा माओवादी पत्यिाग गरेका भट्टराईले आठ महिना पछि नयाँ पार्टी खोल्न लागेका हुन् । दशरथ रंगशालमा आयोजना हुने कार्यक्रमका लागि प्रमुख राजनीतिक दलका शीर्ष नेतादेखि विभिन्न २६ देशका प्रतिनिधिलाई निमन्त्रणा पठाइएको आजको नेपाल समाचारपत्र दैनिकमा समाचार छ ।</span></p><p><span style="line-height: 1.42857143;">एक संस्थापक ससदस्यहरुबाट १ सय ५ रुपैयाँको दरले १ करोड ५ लाख, अन्तरिम केन्द्रीय परिषदमा रहेका ४ सय ४९ बाट २२ लाख ४५ हजार, सचिवालय सदस्यमा रहेका ५१ जनाबाट ५ लाख १० हजार पार्टीत्रबाटै संकलन हुने नयाँ शक्ति नेपालका सचिवालय सदस्य गंगा श्रेष्ठले बताए । </span><span style="line-height: 1.42857143;">उनले १५ सय प्रतिनिधिबाट प्रवेश शुल्क १ हजार र सहयोग रसिदबाट पनि आर्थिक संकलन गर्ने तयारी गरेको बताए । </span><span style="line-height: 1.42857143;">नयाँ शक्तिले १५ सय जना प्रतिनिधिका लागि ब्रेकफस्ट र लन्चका लागि १५ लाख रुपैयाँ, मञ्च व्यवस्थापन र प्रचारप्रसार गर्न ३९ लाख खर्च हुने अनुमान गरेको छ । </span><span style="line-height: 1.42857143;">नयाँ शक्तिले सहयोगका लागि उद्योगी व्यापारीसमक्ष रसिद पठाएर सहयोग माग गरेको छ । अहिले सम्म खातामा १३ लाख रुपैयाँ जम्मा भइस्केको छ ।</span><br></p>
युरो कप: रोमानियालाई हराँउदै फ्रान्सको विजयी सुरुवात
<p><span style="line-height: 1.42857143;">एजेन्सी,जेठ २९ । रोमानियालाई हराँउदै आयोजक राष्ट्र फ्रान्सले युरो कप २०१६ मा विजयी सुरुवात गरेको छ । राजधानी पेरिसको स्टेड डी फ्रान्समा शुक्रबार राति भएको उद्घाटन रोमानियालाई २–१ ले हराँउदै फ्रान्सले विजयी सुरुवात गरेको हो । पहिलो हाफ गोलरहित बराबरीमा सकिएको खेलको दोस्रो हाफको ५७ औं मिनेटमा ओलिभर जिरउडले गोल गर्दै घरेलु टोली फ्रान्सलाई सुरुवाति अग्रता दिलाए । उनले पयेटको क्रसमा हेड गोल गरेका थिए ।</span><br></p><p><span style="line-height: 1.42857143;">त्यसको ८ मिनेटपछि नै रोनामियाले पेनाल्टीको अवसर पायो । यो अवसरलाई सदुपयोग गर्दै बोग्डान स्टानकुले रोमानियाका लागि बराबरी गोल फर्काए । १–१ को बराबरी भएको अवस्थामा ८९ औं मिनेटमा वेष्ट ह्यामका पेयटले फ्रान्सका लागि ३० यार्डबाट बल प्रहार गर्दै सुन्दर विजयी गोल गरे । फ्रान्सको जितमा दिमित्री पेयटले अन्तिम समयमा गरेको सुन्दर गोल महत्वपूर्ण बन्यो । </span><br></p>
श्रीराम स्मृति विद्यालय स्तरीय भलिबल: आरुणीका दुवै टिम क्वाटरफाइनलमा
<p><span style="line-height: 1.42857143;">काठमाडौं जेठ २८ । श्रीराम स्मृति अन्तर विद्यालय भलिबल प्रतियोगिता अन्र्तगत छात्रतर्फ भएको उद्घाटन खेलमा एपीएफ स्कुललाई २५–१२ र २५–११ ले हराउदै आरुणी सेकेन्डरी स्कुल क्वाटरफाइनलमा प्रवेश गरेको छ । आरुणी सेकेन्डरी स्कुल र काठमाण्डौं जिल्ला खेलकुद बिकास समितिको संयुक्त आयोजनामा भएको खेलमा छात्रतर्फ प्याराडाइन स्कुल,रेन्बो स्कुल,एपीएफ स्कुल कुलेश्वर आवास ,ओसीस स्कुल र ग्रीन कान्तीपुर स्कुल पनि अन्तीम आठमा पुगे । माछापोखरीस्थीत आयोजक आरुणी स्कुलको भलिबल कोर्टमा शुक्रबार भएको लिग खेलमा ओसिसले त्रिलोक स्कुललाई २–० को सोझो सेटमा हराए पनि सेक्रेट हर्टसँगको दोस्रो खेलमा २–१ ले गुमायो । अन्य खेलमा कुलेश्वर आवासले अरुणी एलाई र रन्बो स्कुलले कुलेश्वर आवासलाई २–० को सोझो सेटमा हराएका थिए ।</span><br></p><p>त्यस्तै महिलातर्फ बिजेश्वरी ज्ञानमन्दिर,आरुणी स्कुल र कुलेश्वर आवास सेमीफाइनलमा पुगेको विद्यालयका प्रिन्सिपल हिक्मत दाहालले जनाए । बिहिबार महिलातर्फको खेलमा विजेश्वरीले प्यारामाउन्ट स्कुलाई ३–० को सोझो सेटमा हराएको थियो । प्रतियोगिता ३०जेठ सम्म हुनेछन् । प्रतियोगिताको शुक्रबार एक कार्यक्रमका बिच नेपाल भलिबल सघंका महासचिव जितेन्द्र चन्द ,काठमाडौँ जिल्ला खेलकुद विकास समितीका अध्यक्ष ध्रुवराज न्यौपानले सयुक्त उद्घाटन गरे । सो अवसरमा नेपाल भलिबल सघंका सचिव मनबिर छन्त्याल, स्कुलका प्रिन्सिपल हिक्मत दाहाल लगायतको उपस्थिति रहेको थियो ।</p>
युरोकपको दुर्लभ तस्विर: सहोदर दाजुभाइ एक आपसमा भिड्दै
<p><span style="line-height: 1.42857143;">एजेन्सी । युरो २०१६ को समूह ए अन्तर्गत भोलि हुने स्वीट्जरलयाण्ड र अल्वानियाबीचको खेलमा एउटा यस्तो दृश्य देखिनेछ कि यस्तो यसअघि कमै मात्रामा भएको थियो । भोलिको खेलमा सहोदर दाजुभाइ एक अर्को टोलीको प्रतिनिधित्व गर्दै मैदानमा आमने सामने हुँदैछन् । त्यसमा पनि दाइ डिफेण्डर भाइ मिडफिल्डर । </span><span style="line-height: 1.42857143;">हो टाओलेन हाका र ग्रानेस जाका सहोदर दाजुभाइ हुन् । उनीहरु पहिले स्वीस उमेर समूहको टोलीबाट सँगै खेल्थे । तर, तीन बर्षअघि दाइ टाओलानले स्वीस् टोली छाडेर अल्वानियाको नागरिकता लिने निर्णय गरे भने भाइ ग्रानेसले भने स्वीस टोलीबाटै खेलिरहेका छन् । र, टाओलान डिफेण्डर पोजिसनमा खेल्छन् भने भाइ मिडफिल्डर ।</span></p><p><br></p><p>सन् २०११ देखि स्वीस् टोलीबाट खेलिरहेका ग्रानेसले ४० खेलमा ६ गोल गरिसकेका छन् । २३ बर्षीय उनी स्वीस् टोलीका भरपर्दा मिडफिल्डर हुन् । उनले इंग्लिस टोली आर्सनलबाट व्यवसायिक फुटबल खेलिरहेका छन् ।</p><p><br></p><p>यता सन् २०१३ मा अल्वानियाको नागरिकता लिएपछि उसैका लागि खेल्न थालेका स्वीस क्लव एफसी बासेलका डिफेण्डर टाओलान्डले अल्वानियाको राष्ट्रिय टोलीबाट १० खेल खेलेका छन् । उनलाई २०१४ मा फिफाले अल्वानियाबाट खेल्न मान्यता दिएको थियो । उनले उमेर समूहका सबै प्रतियोगितामा सन् २००८ देखि २०१३ सम्म खेलेका छन् ।</p><p><br></p><p>स्वीट्जरल्याण्डमा फुटबल सिकेर अल्वानियाबाट खेल्ने टाओलान्टमात्र भने होइनन् । अल्वानियाको अहिलेको राष्ट्रिय टोलीमा उमेर समूहमा स्वीस् टोलीबाट खेलेका ८ खेलाडीहरु छन् । आपसमा सीमा जोडिएका अल्वानियाबाट स्वीट्जरल्याण्ड बसाई सरेका परिवारका युवाहरु सिनियर करिअर खोज्न अल्वानियातिर जाने मनासयमा देखिन्छन् ।</p><p><br></p><p>स्वीस् टोली छाड्ने बेलामा दिएको एक अन्तर्वार्तामा ताओलानले भनेका थिए कि ‘मैले मेरा पुर्खाको देश अल्वानियाबाट खेल्ने इच्छा गरेको हुँ, मेरो इच्छालाई अल्वानिया सरकारले स्वागत गरेकोमा खुसी छु ।’</p><p>उनले भाइ ग्रानेसलाई पनि स्वीस् टोलीबाट खेलेर गल्ती नगर्न भनेका थिए । तर, ग्रानेसले त्यसलाई अस्वीकार गरेका छन् ।</p><p>-अनलाईन खबर</p>
फ्रान्स भर्सेस रोमानियाको खेलमा नजर राख्नै पर्ने दुई खेलाडी
<p><span style="line-height: 1.42857143;">एजेन्सी । युरो कप अन्तर्गत आजको उद्घाटन खेल आयोजक राष्ट्र फ्रान्स र रोमानियाबीच हुँदैछ। आजको खेलमा नजर राख्नै पर्ने दुई खेलाडी यस्ता छन् ।</span><br></p><p><br></p><p>पउल पोग्वा, फ्रान्स</p><p>युरो २०१६ मा खेल्ने मध्येका उत्कृष्ट सेन्ट्रल मिडफिल्डर हुन्, पउल पोग्वा । फ्रान्सका लागि यु २० विश्वकपको उपाधि जितिसकेको पोग्बाले युभेन्ट्सबाट चार पटक इटालियन सिरी ए को उपाधि जितिसकेका छन् । सन् २०१३ मा फ्रान्सलाई यु २० विश्वकप जिताउँदा उत्कृष्ट खेलाडी खेलाडी बनेका पोग्बा सन् २०१४ को विश्वकपकमा उत्कृष्ट युवा खेलाडी घोषित भएका थिए । युरो २०१६ मा पनि फ्रान्सले पोग्वाबाट धेरै नै आश गरेको छ । सन् २०१३ मा जर्जिया विरुद्धको खेलमा फ्रान्सका लागि डेब्यु गरेको २३ वर्षे पोग्बाले अहिलेसम्म ३१ खेल खेल्दै ५ गोल समेत गरेका छन् । </p><p> </p><p>भ्लाड चिरिसेस, रोमानिया</p><p>रोमानियन टीम क्याप्टेन भ्लाड चिचिरेस ड्रेसिङ रुमका समेत लिडर हुन् । युरो छनोट चरणको पुरै खेल खेल्ने दुई मध्ये एक खेलाडी चिरिसेसमा पुरै रोमानियन टीमको विश्वास अडेको छ । सन् २०१३ मा ८।५ मिलियन युरोमा इंग्लिस क्लब टोटनहम पुगेका उनी २०१५ मा इटालियन क्लब नेपोली गएका थिए । सन् २०११ मा रोनियाका लागि डेब्यु गरेको चिरिसेसले ४० खेल खेलेका छन् भने कुनै गोल गरेका छैनन्।</p><p><br></p><p> -पहिलोपोस्ट</p>
नेताहरुका दिनभरका दशथरी भाषण, कुन नेताले कहाँ के बोले ?
<p>उपप्रधानमन्त्री एंव मधेशी जनअधिकार फोरम लोकतान्त्रीकका अध्यक्ष विजयकुमार गच्छदारले मधेशी मोर्चाले उठाएको जायज मागलाइपुरागर्न सरकार तत्पर रहेकाले वार्ता छलफलवाटै समस्याको समाधान खोज्न मधेशी मोर्चालाइ आग्रह गर्नु भएको छ ।<br><br>विराटनगरमा आज पार्टीका कार्यकर्तासंगको भेटमा उपप्रधानमन्त्री गच्छदारले आन्दोलनले कसैलाई फाइदा नहुने भएकाले वार्ता छलफलवाटै समस्याको समाधान खोज्नुपर्ने बताउनुभयो ।<br><br>उपप्रधानमन्त्री गच्छदारले संविधानको सफल कार्यान्वयनका लागी मुख्यदल विच राष्ट्रिय सहमती आवश्यक रहेको बताउनुभयो ।<br><br>…………<br>नेपाली काँग्रेसका महामन्त्री शशांक कोइरालाले सरकारले ल्याएको बजेट सस्तो लोकप्रियताको लागिमात्र आएकोले यसले दीर्घकालिन रुपमा देशको हित गर्न नसक्ने बताउनु भएको छ । <br><br>नेपाल शिक्षक संघ रामेछापले सदरमुकाम मन्थलीमा आज आयोजना गरेको कार्यक्रममा सिंगो देश विकासको लागि आर्थिक समावेशीकरण गर्न नसक्ने बजेटले गरिविमात्र बढाउने बताउनु भयो । <br><br>………….<br>नेकपा एमालेका महासचिव ईश्वर पोखरेलले सरकारको नेतृत्व परिवर्तन बारे तत्कालिन एमाओवदीसँग कुनै भद्र सहमति नभएको बताउनुभएको छ ।<br><br>प्रेस चौतारी नेपालले काठमाडौंमा आज गरेको साक्षात्कारमा महासचिव बाहेक अर्को कुनै पनि सहमति नभएको स्पष्ट पार्नु भयो । महासचिव पोखरेलले प्रमुख दलहरुबीच नेतृत्व परिवर्तन बारे सहमति जुट्छ भने एमाले त्यसका लागि खुला रहेको तर अहिलेको गठबन्धन भत्काएर अर्को सरकार बनाउने प्रयास भने स्वीकार्य नहुने बताउनुभयो । <br><br>उहाँले अहिलेको अवस्थामा नेपाली कांग्रेस लगायतका प्रमुख दलहरु बीचमा सहमति बनाएर संविधान कार्यान्वयनमा जानु आवश्यक भएको उल्लेख गर्दै संविधानमा संशोधन हुन सक्ने तर पुर्नलेखन गर्ने भन्नु अनुचित कुरा भएको बताउनुभयो । <br><br>महासचिव पोखरेलले नेकपा एमालेको नेतृत्वको बर्तमान सरकारले राष्ट्र र जनताको पक्षमा गरेको कामले नेकपा एमालेले मात्र होइन समग्र देशले नै गर्ब गरेको बताउनुभयो । <br><br>…………….<br>नेपाली कांग्रेसका नेता कृष्णप्रसाद सिटौलाले संविधान कार्यान्वयन गर्न स्थानीय निकाय सहित प्रदेश सभाहरुको निर्वाचन गर्न जरुरी भएको वताउनु भएको छ । <br><br>आज कांग्रेस क्षेत्रीय कार्यसमिति क्षेत्र नम्बर ७ ले दमकमा कार्यकर्ता भेटघाट कार्यक्रममा नेता सिटौलाले संविधान कार्यान्वयन गर्न कांग्रेसले सरकार बहिर रहेर भएपनि अगुवाई गर्ने बताउनु भयो ।<br><br><br>……………<br>सङ्घीय समाजवादी फोरम नेपालका अध्यक्ष उपेन्द्र यादवले संविधानले विभेदमा परेका वर्ग तथा समुदायका साथै मधेसी, आदिवासी जनजातिलाई सामाजिक न्याय दिन नसकेको बताउनुभएको छ ।<br><br>नेपाल बौद्धिक पेसाकर्मी महासङ्घले आज काठमांडौमा गरेको कार्यक्रममा उहाँले राज्यको पुनःसंरचना गर्दा पहिचान र सामथ्र्यका आधारमा गर्नुपर्ने बताउनु भयो ।<br><br>अध्यक्ष यादवले स्थानीय निकायको निर्वाचन बर्तमान सरकारले नभई प्रदेश सभाले गराउनुपर्ने बताउनुभयो । <br><br><br>……………..<br>नेपाली काँग्रेसका नेता शेखर कोइरालाले संविधान कार्यान्वयन र तराई मधेशको समस्या समाधानको नेतृत्व नेपाली काँग्रेसले गर्ने बताउनु भएको छ । <br><br>नेपाल स्वास्थ्यकर्मी संघको केन्द्रीय भेलाको आज भक्तपुरमा उद्घाटन गर्नुहुँदै नेता डा। कोइरालाले संविधान कार्यान्वयन र तराई मधेशको समस्या समाधान गर्न सरकार गम्भीर नहुँदा विभिन्न खालका षड्यन्त्र हुन थालेको बताउनु भयो । उहाँले वर्तमान अवस्थामा काँग्रेस सरकारमा सहभागी नहुने बताउनु भयो । <br><br>भोलिसम्म चल्ने संघको भेलामा समग्र स्वास्थ्य अवस्था, स्वास्थ्यकर्मीका समस्या लगायतका विषयमा छलफल भैरहेको संघका उपाध्यक्ष अंगदबहादुर शाहीले जानकारी दिनु भयो ।<br></p>