<p><span style="line-height: 1.42857143;">काठमाडौं,असार ५ । &nbsp;नेपाल खेलकुद पत्रकार मञ्चले आयोजना गर्ने पल्सर स्पोर्टस् अवार्डको १२ औं संस्करण आगामी साउन ६ गते काठमाडौंमा हुने भएको छ । मञ्चले आज पत्रकार सम्मेलन गरी अवार्डको मिति र हंशराज हुलासचन्द एण्ड कम्पनी प्रालिको बजाज पल्सरस“ग मुख्य प्रायोजन सम्झौता नविकरण गरेको छ । पछिल्लो सात बर्षदेखि हंशराज हुलाचन्द एण्ड कम्पनीले नै अवार्डलाई प्रायोजन गर्दै आएको छ । शनिबारको सम्झौतापछि आउने पाँच संस्करण पनि पल्सर स्पोर्टस अवार्डकै नाममा कार्यक्रम हुनेछ ।&nbsp;</span><span style="line-height: 1.42857143;">हंशराज हुलासचन्द एण्ड कम्पनीका कार्यकारी अधिकृत शेखर गोल्छा र मञ्चका अध्यक्ष महेश आचार्यले सम्झौतामा हस्ताक्षर गर्नुभयो । पल्सरले यो वर्ष मुख्य प्रायोजन वापत ३ वटा पल्सर मोटरसाइकलसहित १५ लाख रुपैया“ बराबर उपलब्ध गराउने भएको छ । उत्कृष्ट खेलाडी पुरुष–महिला र लोकप्रिय खेलाडी बिधाका विजेताले पल्सर मोटरसाइकल प्राप्त गर्नेछन् ।&nbsp;</span><br></p><p><span style="line-height: 1.42857143;">‘पल्सर स्पोर्टस् अवार्ड खेलकुद क्षेत्रमा मात्रै नभइ मुलुककै प्रतिष्ठित अवार्डका रुपमा दर्ज भइसकेको छ ,’ गोच्छाले भन्नुभयो,‘ हामीसँग सहकार्य गरेकामा मञ्चलाई धन्यवाद दिन चाहन्छौं ।’&nbsp;</span><span style="line-height: 1.42857143;">खेलकुदले राष्ट्रलाई एकताको सुत्रमा बा“ध्ने काम गरे पनि राज्यले यसमा लागानी बढाउन सकेको छैन । ‘राज्यले लगानी नगरेको क्षेत्रमा नीजि क्षेत्रले जति नै गरेपनि अपुग देखिन्छ,’ उद्योग वाणिज्य महासंघका उपाध्यक्ष समेत रहेका गोल्छाले भन्नुभयो ‘सर्वप्रथम राज्य खेलकुद प्रति उदार भइदिनुपर्छ ।’ खेलकुदमा पछिल्लो समय बढेको नीजि क्षेत्रको लगानीबाट खेलाडी, प्रशिक्षक र खेल अधिकारीका साथै पल्सर स्पोर्टस् अवार्ड पनि लाभान्वित भएको गोल्छाले जनाउनुभयो । &nbsp;</span><br></p><p><span style="line-height: 1.42857143;">मञ्चले प्रत्येक वर्ष उत्कृष्ट खेलाडी महिला र पुरुष, युवा खेलाडी, प्रशिक्षक, लोकप्रिय खेलाडी, लाइफ टाइम एचिभमेन्ट अवार्ड, पारा एथ्लिट अवार्ड र स्पेशल अवार्ड गरी ८ विधामा खेलाडीलाई पुरस्कृत गर्दै आएको छ । विनाशकारी भूकम्प, त्यसपछिको अघोषित नाकाबन्दी र खेल पत्रकार सुमन भोम्जनको निधनका कारण मञ्चले गत वर्ष अवार्ड कार्यक्रम भने गरेन ।</span><br></p><p>मञ्चका अध्यक्ष आचार्यका अनुसार सबै बिधामा मनोनित हुने खेलाडीहरुको नामावली खेलाडी छनोट समितिले छिट्टै सार्वजनिक गर्नेछ । अवार्ड कार्यक्रमका लागि भन्दै मञ्चले विभिन्न १२ वटा उपसमिति समेत गठन गरिसकेको छ । उहा“ले भन्नुभयो, ‘मुख्य प्रायोजकस“गको सम्झौता र अवार्डको मिति घोषणास“गै कार्यक्रमले गति लिएको छ । अघिल्लो संस्करणको अवार्डभन्दा यसपालि थप रोमाञ्चक र आकर्षक कार्यक्रम पस्किनेपट्टि हाम्रो ध्यान जानेछ ।’</p><p>लोकप्रिय खेलाडीको छनोट भने एस.एम.एस भोटिङका आधारमा हुनेछ । मञ्चले हरेक वर्ष जुलाई २ अर्थात् विश्व खेलकुद पत्रकारिता दिवसको सेरोफेरोमा अवार्ड कार्यक्रम आयोजना गर्दै आएको छ ।&nbsp;</p>

<p><span style="line-height: 1.42857143;">काठमाडौं,असार ५ । राहुल दर्शन र सिमरन मानन्धर ओलम्पिक डेको उपलक्ष्यमा आयोजित ट्रायथल प्रतियोगितामा आइतबार पहिलो भएका छन् । क्याटगोरी ‘डि’ को पुरुषमा राहुल तथा महिलामा सिमरन पहिलो भएका हुन् ।</span><br></p><p><span style="line-height: 1.42857143;">पुरुषमा सार्थक श्रेष्ठ दोश्रो र प्रणमय डंगोल तेश्रो भए । महिलामा समिरासोभा थापा मगर दोश्रो र आश्मा तामाङ तेश्रो भए । स्पोर्ट्स फर अल कमिसन तथा नेपाल मोर्डन पेन्टाथनल संघद्वारा संयुक्त आयोजित प्रतियोगिताको क्याटगोरी ‘इ’ को पुरुषमा आदर्श कार्की पहिलो, पीयूष श्रेष्ठ दोश्रो तथा सनिलकुमार थापा मगर तेश्रो बने । सोही स्पर्धाको महिलामा अनुसिंह तन्डुकार पहिलो, टीएन शेर्मा लिम्बू दोश्रो तथा रेहा महर्जन तेश्रो भए ।</span><br></p><p>विजेतालाई राष्ट्रिय खेलकुद परिषद् (राखेप) का उपाध्यक्ष एवं नेपाल ओलम्पिक कमिटीका महासचिव लामा टेन्डी शेर्पाले एक कार्यक्रमबीच पुरस्कृत गरे । सुटिङ, पौडी र दौड समावेश ट्रायथलमा २२ खेलाडी सहभागी थिए ।</p>

<p><span style="line-height: 1.42857143;">काठमाडौं,असार ५ । रियो दि जेनेरियोमा हुने ३१ औं ग्रिष्मकालीन ओलम्पिकका लागि वाइल्डकार्डमार्फत छनोट भएकी निशा रावलका लागि तेक्वान्दो सम्बन्धित चलचित्र रिलेशनले पुरस्कारको घोषणा गरेको छ । रिलेशन चलचित्रका नायक तथा निर्माता ग्रान्डमास्टर दिवाकर डान महर्जनले निशाले ओलम्पिकमा एक बाउट जितेको खण्डमा एक लाख रुपैयाँ प्रोत्साहनस्वरुप रिलेशन चलचत्रिकोतर्फबाट प्रदान गर्ने घोषणा गरेका हुन् ।</span><br></p><p><span style="line-height: 1.42857143;">‘हाम्रो चलचित्र रिलेशनले तेक्वान्दोमार्पmत समाजमा परिवर्तन गराएको सन्देश दिएको समयमा नेपालका लागि उत्कृष्ट पदर्शन गर्नका लागि प्रेरणा प्रदान गर्ने उद्देश्यले हामीले उनलाई प्रत्येक बाउट जित्दा एक् लाख पुरस्कार दिने घोषणा गरेका हौं,’ महर्जनले भने । प्रत्येक बाउट जित्दा एक लाख रुपैया थपिदै जाने समेत महर्जनले बताए ।</span><br></p><p><span style="line-height: 1.42857143;">तेक्वान्दो सम्बन्धी चलचित्र रिलेशन अमेरिकाको पोर्टल्यान्डको हलिउड थ्रिएटरमा भव्यताका साथ देखाइएको छ । त्यसैगरि १० असारबाट नेपालका सम्पूर्ण हलहरुमा रिलेशन चलचित्र पदर्शन हुने तयारी रहेको अवस्थामा चलचित्रले निशालाई पुरस्कार दिने घोषणा गरेको हो । ‘चलचित्रले कमाएपनि नकमाएपनि हामी खेलकुदकर्मी भएका नाताले खेलाडीको प्रोत्साहन गर्नु हाम्रो कर्तव्य हो भन्ने महसुस गरेर यो घोषणा गरिएको हो,’ महर्जनले भने । तेक्वान्दो सम्बन्धी चलचित्र हेरेर खेलाडीलाई प्रोत्साहन गर्न पनि उनले आग्रह गरेका छन् ।</span><br></p><p><span style="line-height: 1.42857143;">निशा महर्जनले स्थापना गरेको मैत्री तेक्वान्दो डोजाङकी उत्पादन हुन् । यस अघि मैत्री तेक्वान्दो डोजाङ्गले निशालाई मैत्री देखि ओलम्पिकसम्म यात्रा गरेको भन्दै सम्मान गरेको थियो । रावलले २०१६ को ५ देखि २१ अगष्टसम्म हुने रियो ओलम्पिकमा ६७ केजीमाथि तौल समूहमा प्रतिस्पर्धा गर्ने छिन् । उनी यतिबेला ओलम्पिकको विशेष तयारीका लागि दक्षिण कोरियामा छिन् ।</span><br></p>

<p><span style="line-height: 1.42857143;">काठमाडौं,असार ५ । ओलम्पिक डेको अवसरमा आयोजित उपत्यकाव्यापी टिम टेबलटेनिस प्रतियोगिताको पुरुषमा काठमाडौं आइतबार पहिलो भएको छ । ललितपुर दोश्रो र भक्तपुर तेश्रो भए । स्पोर्ट्स फर अल कमिसन तथा अखिल नेपाल लनटेनिस संघद्वारा संयुक्त आयोजित प्रतियोगिताको महिला टिम इभेन्टमा ललितपुर पहिलो, काठमाडौं दोश्रो र भक्तपुर तेश्रो बने ।</span><br></p><p><br></p><p>लैनचौरस्थित राष्ट्रिय टेबलटेनिस प्रशिक्षण केन्द्रमा भएको एकदिने प्रतियोगिताका विजेतालाई टेबलटेनिस संघका अध्यक्ष चतुरानन्दराज वैद्य, ओलम्पियन संगीना वैद्य, टेबलटेनिस संघका उपाध्यक्ष धर्ममान वज्राचार्यलगायतले पुरस्कृत गरे ।</p><p>&nbsp;</p>

<p><span style="line-height: 1.42857143;">काठमाडौं,असार ५ । अन्तर्राष्ट्रिय क्रिकेट काउन्सिल आईसीसीले तयार पारेको नयाँ प्रस्तावसँगै नेपाली राष्ट्रिय क्रिकेट टिमले नयाँ अवसर पाउने भएको छ । आईसीसीले नयाँ एकदिवसीय लिगको प्रस्ताव तयार पारेपछि नेपालले टेष्ट मान्यता प्राप्त शीर्ष दश टिमसँग खेल्ने मौका पाउने भएको हो ।&nbsp;</span><br></p><p><br></p><p>क्रिकइन्फोका अनुसार आईसीसीद्वारा प्रस्तावित नयाँ लिगमा १० शीर्ष टेष्ट टिम र नेपाल, अफगानिस्तान र आयरल्याण्डसहित १३ देशको सहभागिता रहनेछ । यो लिग तीन वर्षको हुने र यो अवधिमा सबै देशले एक अर्कासँग खेल्ने अवसर पाउनेछन् । यसैगरी लिगको शीर्ष दुई टिमले प्ले अफ सिरिज खेल्नेछ भने त्यसको विजेता एकदिवसीय लिगको विजेता हुने व्यवस्थासहित आईसीसीले नयाँ प्रस्ताव तयार गरेको छ ।&nbsp;</p>

<p><span style="line-height: 1.42857143;">काठमाडौं,असार ५ । मेक्सिकाको पोष्टमा गालको वर्ष गर्दै डिफेन्डिङ च्याम्पियन चिलीले कोपा अमेरिकाको सेमिफाइन प्रवेश गरेको छ । आज बिहान अमेरिकाको लिभाइज स्टेडियममा भएको खेलमा मेक्सिककोलाई ७-० को फराकिलो गोलअन्तरले पराजित गर्दै चिलीले कोलम्बियासँगको भेट पक्का गरेको छ । चिलीलाई जिताउन भार्गास एक्लैले मेक्सिकोको पोस्टमा ४ गोल गरेका थिए । त्यस्तै इड्सन पुचले दुई गोल गर्दा एलेक्सिस सान्चेजले एक गोल गरे । मेक्सिकोले खेलमा कुनै गोल गर्न सकेन ।&nbsp;</span></p><p>चिलीले २–० को अग्रता लियो । चिलीले दोस्रो हाफमा थप पाँच गोल गर्‍यो । ४९ औं मिनेटमा सान्चेजले गोल गर्दै ३–० को अग्रता दिलाए । भारगासले ५२ र ५७ औं मिनेटमा गोल गर्दै ह्याट्रिक पूरा गरेपछि चिलीको अग्रता ५–० मा पुग्यो । त्यसपछि पनि मेक्सिकोको पोस्टमा चिलीका खेलाडीले गोल गर्ने क्रम रोकिएन । ७४ औं मिनेटमा भारगासले व्यक्तिगत चौथो तथा ८८ औं मिनेटमा पुचले व्यक्तिगत दोस्रो गोल गरेपछि चिलीले ७–० को शानदार जित दर्ता गर्‍यो । चिलीले अब फाइनल प्रवेशका लागि कोलम्बियासँग खेल्ने छ ।&nbsp;</p>

<p><span style="line-height: 1.42857143;">एजेन्सी,असार ५ । &nbsp;अर्जेन्टिना कोपा अमेरिका फुटबलको सेमिफाइनलमा पुगेको छ । आइतबार बिहान भएको खेलमा भेनेजुएलालाई ४-१ गोलअन्तरले पराजित गर्दै अर्जेन्टिनाले सेमिफाइनल यात्रा तय गरेको हो । अर्जेन्टिनाले सेमिफाइनलमा अमेरिकासँग खेल्नेछ । अर्जेन्टिनाको जितमा हिगुइनले दुई तथा मेस्सी र लामेलाले एक एक गोल गरेका थिए । &nbsp;आठौं मिनेटमा नै हेगुइनले गोल गर्दै अर्जेन्टिनालाई सुरुवाति अग्रता दिलाए ।&nbsp;</span><br></p><p><br></p><p>२८ औं मिनेटमा हेगुइनले व्यक्तिगत दोस्रो गोल गर्दै अग्रता दोब्बर पारे । पहिलो हाफमा २–० ले अघि रहेको अर्जेन्टिनाका लागि कप्तान लियोनल मेस्सीले ६० औं मिनेटमा गोल गरे । ७० औं मिनेटमा सालोमोन रोनडनले भेनेजुएलाका लागि एक गोल फर्काएपछि खेल ३–१ को अवस्थामा पुग्यो । तर त्यसको एक मिनेटपछि नै लामेलाले गोल गर्दै अर्जेन्टिनालाई ४–१ को जित दिलाए ।&nbsp;</p><p><br></p><p><br></p><p><br></p>