सञ्चय कोषका ऋणी पनि कालोसूचीमा पर्ने

<p>५ असार, काठमाडौं ।<br>कर्मचारी सञ्चय कोषको ऋण समयमै चुक्ता नगने ऋणीहरूलाई कालोसूचीमा राखिने भएको छ। यसअघि बैंक तथा वित्तीय संस्थाको ऋण चुक्ता नगरे कालोसूचीमा राख्ने व्यवस्था भए पनि सञ्चय कोषका ऋणीहरूको हकमा भने यस्तो व्यवस्था थिएन। कारोबार दैनिकमा समाचार छ।<br>&nbsp;<br>‘कर्मचारी सञ्चय कोष ऐनलाई संशोधन गर्न बनेको विधेयक २०७१’मा ऋणीहरूलाई कालोसूचीमा राख्ने व्यवस्था गरिएको छ। यसअनुसार कोषसँग कोषबाट ऋण लिएको कुनै व्यक्ति वा संगठित संस्थाले हानी नोक्सानी पुर्याएमा वा कोषलाई ऋण तिर्न बुझाउनुपर्ने बाँकी नबुझाएका त्यस्ता व्यक्ति वा संस्थालाई कालोसूचीमा राख्ने व्यवस्था गरिएको छ। त्यस्तै, ठेक्का लिएको वा कुनै किसिमको ठेक्कापट्टामा हिस्सेदार भएको वा कोषले लगानी गरेको ऋणीसमेत कालोसूचीमा पर्नेछन्।<br>&nbsp;<br>कालोसूचीमा राखिएका व्यक्ति वा संस्थालाई कोषले कालोसूचीबाट हटेको २ वर्षसम्म पनि कुनै ऋण दिन पाउने छैन। त्यस्तै ठेक्कापट्टा दिने वा हिस्सेदार बनाउन समेत सक्ने छैन। <br><br><br></p>