<p><span style="line-height: 1.42857143;">एजेन्सी,आसर १८ । विश्व फुटबल वरियतामा दोस्रो नम्बरमा रहेको बेल्जियमलाई &nbsp;हराउँदै वेल्स युरो २०१६ को सेमिफाइनलमा प्रवेश गरेको छ। २६ औँ वरियतामा रहेको वेल्सले &nbsp;शुक्रबार राति भएको क्वाटरफाइनलमा बेल्जियमलाई ३–१ ले हराएर कुनै पनि मुख्य प्रतियोगिताको अन्तिम चारमा पहिलो पटक स्थान बनाएको हो &nbsp;।१३ मिनेटमा नाइनगोलानले गोल गर्दै बेल्जियमलाई अग्रता दिलाएका थिए।&nbsp;</span><br></p><p><span style="line-height: 1.42857143;">३१ औँ मिनेटमा वेल्सका कप्तान एश्ली विलियम्सले गोल गर्दै खेल पहिलो हाफमा १–१ को बराबरीमा ल्याए । मध्यान्तरपछि पहिलो पटक युरो खेल्दै गरेको टिम वेल्सले दुई गोल गर्‍यो र इतिहास बनायो । &nbsp;वेल्सका प्रशिक्षक क्रिस कोलेम्यानले क्वाटरफाइनलको खेललाई सन् १९५८ पछिकै वेल्सको सबै भन्दा ठूलो खेल रहेको बताएका थिए ।</span><br></p><p><br></p><p>वेल्स सन् १९५८ को विश्वकपको क्वाटरफाइनलमा ब्राजिलसँग पराजित भएको थियो । वेल्सले यसअघि प्राप्त गरेको सबै भन्दा ठूलो सफलता भनेको सन् १९५८ को विश्वकपमा हंगेरीलाई २–१ हराउनु हो । यस्तै सन् १९९१ मा विश्व विजेता जर्मनीलाई पनि वेल्सले हराएको थियो ।&nbsp;</p><p><br></p><p>वेल्स सन् १९९२ पछि युरोकपको पहिलो सहभागितामै सेमिफाइनलमा पुग्ने पहिलो टिम बनेको छ । सन् १९९२ मा स्वीडेन पनि पहिलो सहभागितामै युरोकपको सेमिफाइनलमा पुगेको थियो । वेल्सले अब फाइनलमा स्थान बनाउन बुधबार पोर्चुगलसँग खेल्नेछ।</p>

<p><span style="line-height: 1.42857143;">काठमाडौं, असार १७ । &nbsp; दशरथ चन्द मेधावी खेलाडी पुरस्कार– २०७२ अन्तर्गत फुटबलर विराज महर्जन शुक्रबार सर्वोत्कृष्ट खेलाडीको अवार्डबाट सम्मानित भएका छन् । &nbsp; राष्ट्रिय खेलकुद परिषद् (राखेप) र दशरथ चन्द मेमोरियल ट्रष्टद्वारा त्रिपुरेश्वरस्थित राखेप हातामा संयुक्त आयोजित कार्यक्रममा विराजलाई नगद १५ हजार १ रुपैयाँसहित सम्मान पत्र प्रदान गरियो । गत वर्ष भारतमा भएको १२ औं दक्षिण एसियाली खेलकुद (साग) को फुटबल तथा बंगलादेशमा भएको बंगबन्धु गोल्ड कप फुटबलमा नेपालले स्वर्ण जित्दा विराज टोलीका कप्तान थिए । &nbsp; ट्रष्टले पाँच विकास क्षेत्रको प्रतिनिधित्व हुने गरी प्रत्येक क्षेत्रका खेलाडीलाई सम्मान गर्दै आएको छ । विराज मध्यमाञ्चलबाट छनोट भएका हुन् ।</span><br></p><p><br></p><p>&nbsp;त्यस्तै पूर्वाञ्चलबाट जुडोकी फुपु ल्हामु खत्री, पश्चिमाञ्चलबाट तेक्वान्दोकी निमा गुरुङ, मध्यपश्चिमाञ्चलबाट उसुकी निमा घर्ती मगर तथा सुदूरपश्चिमाञ्चलबाट उसुकै राजेश चौधरी उत्कृष्ट खेलाडीको अवार्डबाट सम्मानित भए । चारै १२ औं सागका पदक विजेता हुन् । फुपु र निमाले स्वर्ण तथा तेक्वान्दोकी निमा र राजेशले रजत पदक जितेका थिए । चारैले १० हजार १ रुपैयाँका दरले नगद र सम्मान पत्र पाए ।</p><p><br></p><p>राखेपका अध्यक्ष युवा तथा खेलकुद मन्त्री सत्यनारायण मण्डल, नेपाली कांग्रेसका नेता एनपी साउद, ट्रष्टका अध्यक्ष कर्णबहादुर चन्द तथा राखेपअन्तर्गत खेलकुद विकास विभागका प्रशासकीय अधिकृत चन्द्र राईलगायतले खेलाडीलाई सम्मान गरे । फुपु प्रशिक्षणका लागि हंगेरीमा रहेका कारण उनकी आमाले पुरस्कार ग्रहण गरेकी थिइन् ।</p><p>&nbsp;</p>

<p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.10000000149011612px; line-height: 23px;">काठमाडौं,असार १७ &nbsp;नेपाल क्रिकेट संघ (क्यान) की प्रमुख कार्यकारी अधिकृत (सिइओ) पद छाड्ने घोषणा गरेकी छिन्। शुक्रबार साँझ ट्विट गर्दै उनले क्रिकेट संघको सम्पुर्ण जिम्मेवारी बाट बाहिर बस्ने निर्णय गरेको बताएकी छिन्। उनले लेखेकी छिन्, 'हालको स्थितिमा क्रिकेट संघमा रहँदा भन्दा क्रिकेट संघ बाहिर बसेर नै नेपाली क्रिकेटलाई बढी योगदान गर्न सक्छु भन्ने मेरो ठहर हो।'</p><p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.10000000149011612px; line-height: 23px;">'करोडौँ नेपालीहरुको सपनासँग जोडिएको क्रिकेट यसरी लामो समय बन्दी बनाउनु दुर्भाग्यपूर्ण छ। सबै स्टेकहोल्डरहरु एकजुट भई निकास निकाल्न अपिल गर्दछु', उनले थपेकी छिन्।&nbsp;<br>आइसिसीले नेपाललाई निलम्बन गर्ने निर्णय अनुमोदन गरेको भोलिपल्ट सिइओ घिमिरेले यस्तो घोषणा गरेकी हुन्।&nbsp;</p><p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.10000000149011612px; line-height: 23px;">किन उनले यस्तो निर्णय गरिन् त ? पाँच कारण दिइन्-<br>&nbsp;<br>१) नेपाली क्रिकेटको अहिलेको अन्योलपूर्ण स्थितिमा संघभित्र रहनु भन्दा बाहिर बसेर नै क्रिकेटलाई सहयोग गर्नु उचित लाग्यो। दुई वटा संघ अहिले अस्तित्वमा छन्। अदालतले पनि अहिलेसम्म निर्णय गरेको छैन। क्रिकेटको वर्तमान अवस्थाले गर्दा नै क्यान छाडेकी हुँ।&nbsp;<br>&nbsp;<br>२) ६ महिनादेखि क्यानमा केही काम नै भएको छैन।&nbsp;</p><p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.10000000149011612px; line-height: 23px;">३) क्यानले राम्रोसँग पारिश्रमिक दिन सकेको छैन। यस्तो अवस्थामा संघभित्र बस्नुको कुनै औचित्य छैन।&nbsp;<br>&nbsp;<br>आफूले क्रिकेट संघ छाडेपनि समग्र क्रिकेट नछाडेको बताउँदै घिमिरेले आगामी ७ वर्षभित्र नेपालले टेष्ट राष्ट्रको मान्यता प्राप्त गरेको हेर्न चाहेको बताइन्। घिमिरेले आफूले क्यान छाड्ने बारे तदर्थ समितिका अध्यक्ष रमेश सिलवाललाई जानकारी गराएको तर उनले स्वीकृत नगरेको पनि बताइन्।<br>&nbsp;<br>तपाईलाई पछिल्लो समय क्रिकेट संघमा एकलौटी शासन गरेको आरोप लागेको थियो नि भन्ने जिज्ञासामा उनले भनिन्, 'यदि म बसेर क्रिकेटलाई कुनै समस्या थियो भने अब त्यो पनि प्रष्ट भएको छ।'<br>&nbsp;'आई डन्ट निड पोजिसन, आई बिलिभ इन परफरमेन्स', घिमिरेले भनिन्।<br>-पहिलोपोस्ट</p>

<p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.10000000149011612px; line-height: 23px;">एजेन्सी,असार १७ । फ्रान्समा जारी युरोकप २०१६ अन्तर्गत शुक्रबार राती पौन १ बजे हुने दोस्रो क्वाटरफाइनल खेलमा वेल्स र बेल्जियम भिड्दैछन्। सन् १९५८ को वल्र्डकपपछि वेल्सका लागि सबैभन्दा ठूलो प्रतियोगिता हो । &nbsp;विश्व वरियताको २४ औं नम्बरमा वेल्सर &nbsp;दुई स्थानमाथि रहेको बेल्जियमबीचको भिडन्त रोचक रुपमा हेरिएको छ । &nbsp;वेल्समा रियल म्याड्रिडका फरवार्ड गारेथ वेल र आर्सनलका मिडफिल्डर आरोन राम्से जस्ता खेलाडी रहेका छन् । बेल्जियममा चेल्सीका मिडफिल्डर इडन हजार्ड, म्यानचेष्टर सिटीका फरवार्ड केभिन डि बु्रनेर इर्भोटनका स्ट्राइकर रोमेलु लुकाकु जस्ता खेलाडीहरुले भरिएकाले यी दुवै आ आफस बलियो रहेको दाबी गर्दै आएका छन् ।&nbsp;</p><p style="margin-bottom: 1em; text-align: justify; color: rgb(102, 102, 102); font-family: Roboto, 'Helvetica Neue', Helvetica, Arial, sans-serif; letter-spacing: 0.10000000149011612px; line-height: 23px;">वेल्स प्रिक्वाटरफाइनलमा उत्तरी आयरल्याण्डलाई पराजित गर्दै पहिलो सहभागितामै क्वाटरफाइनलमा पुगेको हो। बेल्जियमले भने प्रिक्वाटरफाइनलमा हंगेरीलाई हराएको थियो। समूह चरणमा स्लोभाकिया र रसियालाई पराजित गरेको वेल्स इंगल्याण्डसँग पराजित भएको थियो। सन् १९७२ मा युरोमा डेब्यु गरेको बेल्जियमको यो पाँचौ सहभागिता हो। सन् २००० यता भने बेल्जियमले युरो खेलेको यो पहिलो पटक हो।<br>&nbsp;<br>पहिलो सहभागितामै तेस्रो बनेको बेल्जियम सन् १९८० मा उपविजेता भएको थियो भने १९८४ र २००० मा समूह चरणबाटै बाहिरिएको थियो। यी दुई टोलीबीच अहिलेसम्म भएको १२ खेलमा बेल्जियमले ५ खेल जितेको छ भने वेल्स ४ खेलमा विजयी भएको छ। बाँकी ३ खेल बराबरीमा सकिएको थियो। कम्टिटेटिभ टुर्नामेन्टमा वेल्स र बेल्जियम भिड्न लागेको यो पहिलो पटक हो।<br>&nbsp;<br>&nbsp;<br>खेल हुने समय : मध्यरात १२:४५ बजे<br>खेल हुने स्थान : स्टेड पिएरे माउरो, लिले<br>हेर्नलायक खेलाडी : गारेथ बेल, एडेन हाजार्ड, केभिन डे बु्रएन<br>हेड टु हेड : वेल्स ४, बेल्जियम ५, बराबरी ३<br>रेफ्री : दमिर स्कोभिना, स्लोभेनिया<br>युरो सहभागिता : वेल्स १, बेल्जियम ५<br>फिफा वरियता : वेल्स २६, बेल्जियम २<br>मुख्य उपलब्धि : बेल्जियम फाइनल सन् १९८०</p>