दोधारा चाँदनीको शान्ति टोल, बैतिफाँटा र कुतियाकवरका स्थानियहरु सुरक्षित स्थानमा सर्न थाले

<p>पप्पु गुरुङ्, १७ असार, दोधारा चाँदनी । मुलुकभर यस वर्ष बिहीबार देखि मनसुन सक्रिय भए पछि भारी वर्षा सुरु भए पछि दोधारा चाँदनीको शान्ति टोल, बैतिफाँटा र कुतियाकवर टोलका घरहरुमा पानी पस्न थालेको छ् । कञ्चनपुरको दोधारा चाँदनी वडा नं. १०, शान्ति टोल, बैतिफाँटा र कुतियाकवर घरहरुमा पानी पसेको हो । महाकाली नदी र जगबुडा नदीको दोभानमा रहेको शान्ति टोल, बैतिफाँटा र कुतियाकवरका करिव २६ घरधुरीमा पानी पस्न थालेपछि स्थानियहरु आतंकित बन्न थालेका थिए । गाँउमा पानी पस्न थोपछि नेपाल प्रहरी र सशस्त्र प्रहरीको टोली शान्ति टोल, बैतिफाँटा र कुतियाकवरमा पुगेको थियो । “जगबुडा नदीको पानी बिस्तारै गाउँ पस्दै छ् ” स्थानिय गग्न खत्रीले भने । जगबुडा नदीको पानी ओभरफ्लो भएर नदी गाँउ पस्न थालेपछि दोधारा चाँदनीका शान्ति टोल, बैतिफाँटा र कुतियाकवरका २६ घरधुरी प्रभाबित भएका हुन् । शान्ति टोल, बैतिफाँटा र कुतियाकवरका स्थानियहरु सुरक्षित स्थानमा सर्न थालेको बताईएको छ् । पानीको सतह कम हुदै गएको भनिएपनि स्थानियहरु बढीको त्रास ज्युको त्युँ रहेको स्थानियहरु बताउछन् । <br><br><br></p>