राजदुत रे भन्छन्-‘नेपाल–भारत सम्बन्ध विकासको माध्यमबाट अघि बढ्छ’

<p><span style="line-height: 1.42857143;">धादिङ्ग, असार १७ &nbsp;। नेपालका लागि भारतीय राजदुत रन्जित रेले नेपाल–भारत सम्बन्ध कसैले चाहेर पनि विगार्न नसक्ने स्पष्ट पारेका छन् । शुक्रबार धादिङ्गमा चामभन्ज्याँङ्ग खानेपानी परियोजनाको शिल्यान्यास गर्दै राजदुत रेले भने,“नेपाल–भारत सम्बन्ध अब विकासको माध्यमबाट अघि बढ्छ, यो प्रगाढ सम्बन्धलाई कसैले चाहेरपनि विर्गान सक्दैन् ।” भारत सरकारको सहयोगमा निमार्ण हुने उक्त खानेपानी परियोजनाको लागत १ करोड ७८ लाख हुनेछ । उक्त परियोजनाबाट १ सय ५९ घरधुरीले प्रत्यक्ष लाभ लिनेछन् ।&nbsp;</span><br></p><p>शिल्यान्यास समारोहका सभापति स्थानीय विकास अधिकारी भगवान अर्यालको सभापतित्वमा आयोजित कार्यक्रमलाई सम्बोधन गर्दै राजदुत रेले नेपाल–भारत सम्बन्ध सामाजिक, साँस्कृति, धार्मिक सबै हिसावले ऐतिहासिक भएको टिप्पणी गरे । उनले भारत नेपालको तिव्र विकास होस भन्ने पक्षमा रहेको बताए । “राजनीतिक स्थायित्वसँगै नेपालको तिव्र विकास होस्, हामी यही हेर्न चाहान्छौं”, उनले भने ।&nbsp;</p><p><br></p><p>राजदुत रेले नेपालमा महाविनाशकारी भुकम्प आउँदापनि भारतले आफ्नै देशमा भुकम्प आएको महशुस गर्दै सहयोग गरेको स्मरण गर्दै दोस्तीमा कहिलेकाहीँ सम्बन्ध चिसिएपनि त्यसले झनै मित्रतालाई प्रगाढ बनाउने काम गर्ने दाबी गरे । उनले भारत सरकार नेपालको तिव्र विकासको लागि भौतिक पूर्वाधार, उर्जा, शिक्षा, स्वास्थ्य लगायत खानेपानीमा विशेष सहयोग गर्न तयार रहेको समेत प्रतिबद्धता व्यक्त गरे ।</p><p>&nbsp;</p><p>उनले संविधान जारी भएपछि नेपाल अब आर्थिक समृद्धिको बाटोमा अघि बढ्ने विश्वास व्यक्त गर्दै सबै राजनीतिक दलहरु विकासको एजेण्डालाई लिएर अब एक ढिक्का हुनुपर्ने समेत सुझाव दिए ।&nbsp;</p><p>अविरल झरीका कारण सडक हिलाम्य बनेर सवारी आवतजावत ठप्प हुँदा समेत राजदुत रे एक घण्टाको उकालो पैदल हिँडेर कार्यक्रमस्थल पुगेका थिए । राजदुत रेले उक्त खानेपानी परियोजनाका लागि पत्रकार ऋषि धमलाले विशेष रुपमा आफूलाई घचघचाएको हुँदा सवैले उनको योगदानको कदर गर्नुपर्नेमा जोड दिए । उनले पत्रकार धमलाको कार्यशैली र लगनशिलता देखेर आफू निकै प्रभावित भएको समेत बताए ।&nbsp;</p><p><br></p><p>उनले भने, “धमलाजी जुन काम गर्न चाहानुहुन्छ, त्यसलाई पूरा गराएरै छाड्नुहुन्छ, उहाँलाई मैले पत्रकार मात्रै नभएर एक विकासप्रेमीको रुपमा लिएको छु ।” उनले धमलालाई नेता भैसकेको भनेर समेत टिप्पणी गरे ।&nbsp;</p><p>स्थानीयवासिन्दाहरुले राजदुत रेलाई गोलाभन्ज्याँग, सिम्लेदेखि टोड्केभन्ज्याँगसम्मको बाटो पिच गर्न र ज्यामरुङ्गस्थित् भूकम्पले क्षतिग्रस्त शंकादेवी उमाविको पूर्ननिर्माणको लागि भारत सरकारले सहयोग गरिदिनुपर्ने मागसहितको ज्ञापनपत्र समेत बुझाएका थिए । &nbsp;कार्यक्रममा पूर्वमन्त्री एवम् सभासद तथा नेकपा एमालेका प्रभावशाली नेता राजेन्द्र प्रसाद पाण्डेले खानेपानी परियोजनामा भारतले सहयोग गरेकोमा खुशी व्यक्त गरे ।</p><p><br></p><p>उनले भारतले नेपालको हरेक क्षेत्रको विकासमा निरन्तर सहयोग गरिरहेको भन्दै आगामी दिनमा समेत सहयोगलाई अझै बढोत्तरीका साथ अघि बढाउन आग्रह गरे ।&nbsp;</p><p>नेता पाण्डेले खानेपानी परियोजना गाउँमा ल्याउन पत्रकार ऋषि धमलाको विशेष भूमिका भएको उल्लेख गर्दै धमलालाई आफूले राजनीतिक प्रतिष्पर्धीको रुपमा लिएको उद्धघोष गरे । उनले भने,“हामी विकासको मामिलामा सबै नेताहरु सँगसँगै छौं, अब हुँदाहुँदै धमलाजी पनि यो रिंगमा देखापर्नुभएको छ, कम्तिमा म चाहीँ उहाँको उपस्थितिलाई कमजोर आँक्दिन्, उहाँ बोलेको कुरा पूरा गर्ने मान्छे हो ।”</p><p><br></p><p>अर्का एमाले नेता तथा सांसद गुरुप्रसाद बुर्लाकोटीले पनि भारत सरकारले नेपालको भौतिक पूर्वाधारदेखि लिएर शिक्षा, स्वास्थ्य लगायत महत्वपूर्ण क्षेत्रमा सहयोग पुर्याउँदै आएको उल्लेख गर्दै खानेपानीको अति आवश्यक रहेको ठाउँ चामभन्ज्याँगमा सहयोग गरेर भारतले पुण्य कमाएको बताए । उनले भारत सरकारलाई विशेष धन्यवाद समेत दिए ।&nbsp;</p><p>राप्रपाका नेता तथा सांसद पर्शुराम तामाङ्ले नेपाल भारत सम्बन्ध अत्यन्तै सूमधुर रहेको भन्दै यसलाई अझै मजबुद बनाउने काम विकासको साझेदारी र सहयोगले गरिरहेको टिप्पणी गरे । उनले भारत सरकारले नेपालप्रतिको सहयोगलाई सँधै निरन्तरता दिओस् भन्ने चाहना व्यक्त गरे । &nbsp;त्यस्तै, नेपाली काँग्रेस धादिंग जिल्ला सभापति रमेश धमलाले पनि खानेपानी परियोजना ल्याउनमा पत्रकार धमलाको ठूलो हात रहेको भन्दै प्रंशसा गरे । उनले नेपाल भारत सम्बन्ध हरेक हिसावले ऐतिहासिक एवम् महत्वपूर्ण भएको उल्लेख गर्दै आगामी दिनमा यसलाई अझै मजबुद एवम् विकासको माध्यम बनाउनुपर्नेमा जोड दिए ।</p><p>&nbsp;</p><p>रिपोर्टर्स क्लब नेपालका अध्यक्ष ऋषि धमलाले आफूले २ वर्षअघि नै खानेपानी परियोजना जसरीपनि ल्याएरै छाड्ने भनेर स्थानीवासिन्दासँग प्रण गरेको स्मरण गर्दै आज त्यो सपना साकार भएकोमा निकै खुशी लागेको बताए । उनले स्थानीयवासीन्दाहरु खानेपानीको अभावका कारण एक घण्टा लामो बाटो हिँडेर दुःख गरेको देखेकै कारण आफूले खानेपानीको लागि पहल गर्ने बताएकै कारण आज यो परियोजना सफल भएको स्पष्ट पारे । उनले भने,“मैले यो विचमा अथक प्रयास गरे, आज मेरो प्रयास सफल भएको छ, म यसमा निकै खुशी छु ।”</p><p>धमलाले नेपालको विकासको लागि भारतको सहयोगको अनिवार्यतावारे प्रकाश पारेका थिए । नेपाल–भारत सम्बन्धका बहुआयामिक पक्षहरु रहेको भन्दै २१ औं शताब्दी एशियाको विकासको शताब्दी भएकोले नेपालको विकासको लागि भारतले निरन्तर सहयोग गर्नुपर्नेमा धमलाले जोड दिए ।&nbsp;</p><p>मुलुकमा ठूलठूला राजनीतिक क्रान्तिहरु सम्पन्न भईसकेको र संविधान जारी भएपछि राजनीतिक एजेण्डा गौण भएको र आर्थिक समृद्धिको एजेण्डा अबको अनिवार्य आवश्यकत्ता भएको भन्दै त्यसमा सबै राजनीतिक दलहरु सहमति र एकताका साथ प्रस्तुत हुनुपर्ने धमलाको भनाई थियो ।&nbsp;</p><p>उनले स्थानीयहरुसँग कच्ची बाटो पनि पिच भएरै छाड्ने प्रतिबद्धता जनाए । धमलाले आफू धादिंगको विकासको लागि जस्तोसुकै कदम चाल्न पनि तयार रहेको स्पष्ट पारे ।&nbsp;</p><p>काँग्रेसकै युवा नेता विष्णु धिताल, पूर्वसभासद एवम् निर्वतमान काँग्रेस जिल्ला सभापति रामनाथ अधिकारी र समाजसेवी एवम् स्थानीयवासी फणिन्द्र धमलाले समेत आ आफ्नो भनाई राखेका थिए ।&nbsp;</p><p>&nbsp;&nbsp;</p><p><br></p>