<p>१२ जेठ, काठमाडौं ।</p><p>चीनको रेल आउँदो सन् २०२० सम्ममा नेपाल आइपुग्ने चिनियाँ सरकारी मुखपत्र ग्लोबल टाइम्सले मंगलबार जनाएको छ ।<br><br>सो अवधिमा रसुवागढीसम्म रेलमार्ग पुग्ने र त्यसपछि काठमाडौं जोड्न सजिलो हुने सो पत्रिकामा चिनियाँ पक्षको अपेक्षा भन्दै प्रकाशित एक आलेखमा विश्लेषण गरिएको आजको नेपाल समाचारपत्र दैनिकले जनाएको छ ।<br><br>काठमाडौं जोडिएपछि रेलमार्ग वीरगन्ज लगिने र भारतको विहार क्षेत्रमा चीनसँगको व्यापारिक कारोबार पनि सजिलो हुने पनि सो आलेखमा उल्लेख गरिएको छ ।<br><br>अहिले कोलकता हुँदै भइरहेको व्यापारभन्दा बिहारीका लागि वीरगन्ज हुन्दै गरिने व्यपार सहज हुनेसमेत उक्त आलेखमा उल्लेख छ ।<br><br>उक्त आलेखलाई उदृत गर्दै भारतका सञ्चारमाध्यमले समेत सोसम्बन्धी समाचारको व्यापक प्रचारप्रसार गरेका थिए ।<br></p>

<p>१२ जेठ, गोरखा ।</p><p>गोरखा नगरपालिका ६ का ८५ वर्षीइ तिलकबहादुर खत्री सम्बन्धविच्छेदको मुद्दा बोकेर जिल्ला अदालत पुगेका छन् ।<br><br>२०७२ फागनु १२ गते गोरखा नगरपालिकामा दर्ता उक्त मुद्दा मिलापत्र हुन नसकेपछि अदालत पुगेको आजको नागरिक दैनिकमा समाचार छ ।<br><br>६३ वर्षीय श्रीमती आफूसँग नबसेको र बेढेसकालमा पालनपोषण्मा ध्यान नदिएको भन्दै खत्रीले उनीसँग सँगै बस्न नचाहेको बयान अदालतमा दिएका छन् ।<br><br>आफ्नो शरीर थेग्न पनि लौरीको सहायता लिनुपर्ने वेलमा खत्री श्रीमतीसँग सँगै बस्न नसक्ने ठहर गर्दै अदालत पुगेका हुन् । अहिले सम्बँन्धविच्छेद गर्न लागेको श्रीमतीसँग उनले २०६६ सालमा बिहे गरेका हुन् ।<br><br>श्रीमतीले पनि २०७२ सलामा मंसिरमा अंश मुद्दा दायर गरेकी छिन् । खत्री दम्पत्तीलाई मिलाउन नगरपालिकाले धेरै प्रयास गरे पनि मिल्न सकेन ।<br><br></p>

<p>११ जेठ, काठमाडौं ।<br>व्यवस्थापिका संसद्, अर्थ समितिले काठमाडौं तराई–मधेश द्रूत मार्ग र निजगढ दोस्रो अन्तर्राष्ट्रिय विमानस्थल निर्माणको कार्य पाँच वर्षभित्र सम्पन्न गर्ने गरी पर्याप्त बजेट विनियोजन गर्न सरकारलाई निर्देशन दिएको छ ।<br><br>अर्थ समितिका सभापति प्रकाश ज्वालाको अध्यक्षतामा मंगलबार सिंहदरबारमा बसेको समितिको बैठकले तराई–मधेश द्रूत मार्ग र निजगढ दोस्रो अन्तर्राष्ट्रिय विमानस्थल आयोजनाका लागि चालू आर्थिक वर्षमा १५ देखि २० अर्ब रुपियाँ बजेट विनियोजन गर्न सरकारलाई निर्देशन दिएको हो ।<br><br>समितिले यसअघि निर्देशन दिए अनुरुप तराई–मधेश द्रूत मार्ग र निजगढ दोस्रो अन्तर्राष्ट्रिय विमानस्थल निर्माण कार्य सरकार आफैले गर्ने गरी नीति तथा कार्यक्रममा समावेश गरिएकोमा सरकारलाई धन्यवाद समेत दिएको छ ।<br><br>यसैगरी, समितिले हुलाकी राजमार्ग निर्माणको काम समयमा नै सम्पन्न गर्नका लागि पर्याप्त बजेट विनियोजन गर्न समेत सरकारलाई निर्देशन दिएको छ ।<br><br></p>

<p>११ जेठ, रौतहट ।<br>अख्तियार दुरुपयोग अनुसन्धान आयोगले सरकारी रकम हिनामिना गरेको अभियोगमा रौतहटको एक विद्यालयका प्रधानाध्यापक र शिक्षकविरुद्ध विशेष अदालतमा मुद्दा दायर गरेको छ ।</p><p>

रौतहट जिल्लाको रामनरेश लक्ष्मण माध्यमिक विद्यालय हजमनियाका प्रधानाध्यापक नगनारायण सिंह र खाता सञ्चालक शिक्षक कौशलकिशोर प्रसादले विभिन्न आर्थिक वर्षका विद्यालयको भौतिक पूर्वाधार मर्मत तथा निर्माणका लागि प्राप्त भएको ६ लाख ६८ हजार रुपैयाँ हिनामिना गरेको अभियोगमा मुद्दा दायर गरिएको अख्तियारले जनाएको छ । <br><br><br></p>