ढोरपाटनको अर्गानिक आलु फ्रान्स निर्यात गरिंदै

<p>१२ जेठ, काठमाडौं ।</p><p>बागलुङको बोवङ गाविसस्थित ढोरपाटन, ताराखोला, अधिकारी चौर गाविसमा उत्पादित अर्गानिक आलु युरोपेली मुलुक फ्रान्स निर्यात गर्ने तयारी गरिएको छ ।<br><br>फ्रान्समा आलुको माग भएपछि ढोरपाटनको आलु हिमालयन आलुको ब्रान्डमा निर्यात गर्ने पक्रिया सुरु गरिएको आजको अन्नपूर्ण पोस्टले जनाएको छ ।<br><br>समुद्र सतहबाट १८ सयदेखि २७ सय मिटरसम्मको उचाइमा उत्पादन हुने अर्गानिक आलु फ्रान्समा माग भएपछि अर्गानिक सपर्टफिकेसनको तयारी गरुएिको जिल्ला कृषि विकास कार्यालय बागलुङका प्रमुख विदानेद हमालले जानकारी दिए ।<br><br>फ्रान्समा रहेका ढोरपाटन क्षेत्रका नेपालीको पहलमा यो प्रक्रिया सुरु भएको हो ।</p><p>ढोरपाटनको आलु स्वाद राम्रो भएकाले फ्रान्समा माग भएकोले गुणस्तरीयताको परीक्षण प्रतिवेदन आएपछि निर्यातको प्रक्रिया अगाडि बढ्ने जिल्ला कृषि विकास कार्यालय बागलुङका प्रमुख हमालले बताए ।<br><br></p>