<p><span style="line-height: 1.42857143;">भक्तपुर,जेठ &nbsp;१२ । नेपाली काँग्रेसकी नेतृ एवं केन्द्रिय सदस्य सुजाता कोइरालाले तत्काल सरकार परिवर्तन सबैका लागि घातक सावित हुने बताउनु भएको छ । रफत सञ्चार क्लबले आयोजना गरेको साक्षतकार कार्यक्रममा कोइरालाले केपी ओली नेतृत्वको सरकारले आर्थिक, सामाजिक विकासको योजना नेपाल र नेपालीको हितमा भएकाले काँग्रेसले समेत सहमति जनाउने भन्दै उहाँले तत्काल सरकार परिवर्तन गरिए विकासको बाटाहरु बन्द हुने भएकाले तत्काल सरकार परिवर्तन सबैका लागि घातक हुने बताउनु भयो ।</span><br></p><p><br></p><p>कोइरालाले स्थानिय निकायको निर्वाचन गर्ने मिति सरकारले तोकेता पनि एमालेले नचाहेको भन्दै यदि एमालेले स्थानिय निकायको निर्वाचनको तयारी गर्ने भए प्रतिपक्ष काँग्रेसलाई छलफलमा बोलाउनु पर्ने तर त्यसो नभएको उहाँले बताउनु भयो । स्थानिय निकायको निर्वाचन हुन नसक्दा जताततै भ्रष्टाचार मौलाएकाले समेत स्थानिय निकायका निर्वाचन सबैको आवश्यकता रहेको उहाँको टिप्पणी छ ।</p><p>प्राधिकरणका काम सुस्त गतिमा भएको गुनासो गर्दैै बर्खाको समयमा भुकम्पपिडितहरुका लागि केहि गर्न नसक्दा त्यसले सबै तर्फ नकारात्मक असर पार्ने भएकाले सरकारले पूनर्निर्माणको कामलाई तिब्रता दिन नेपाली सेना लगायत अन्य युवा दस्ताहरुलाई स्वयम सेवकका रुपमा परिचालन गर्न सक्नु पर्ने कोइरालाले बताउनु भयो ।</p><p>मधेश आन्दोलनका जायज मागहरुको सम्बोधन गर्नु पर्ने भन्दै कोइरालाले अबको एजेन्डा भनेको देशको आर्थिक र सामाजिक विकास भएकाले सबै मिलेर यता लाग्न र तराईलाई समेत आर्थिक बाटो तर्फ अगाडि बढाउन लाग्नु पर्नेमा जोड दिनु भयो ।</p><p>हिन्दु राज्यका बिषयमा नेपाली काँग्रेसभित्र विभिन्न भनाइहरु बाहिर आएता पनि त्यो गलत भएको भन्दै अब साना बिषयहरुलाई संबिधानमा समेटर संशोधन गर्न सकिए पनि मूख्य बिषयहरु जो नेपाली जनताले लेखेका छन् ती परिवर्तन नहुने समेत कोइरालाले दाबी गर्नु भयो ।</p><p>नेपाली काँग्रसेले आफ्ना भातृ संगठनको निर्वाचन गर्न नसकेको तर्फ सबै केन्द्रित भएर लाग्नु पर्ने भन्दै कोइरालाले यदि बेलैमा काँग्रेसले सोचेर निर्वाचनतर्फ अग्रसर नभए त्यसले कार्यकर्तामा निराशा छाउने बताउनु भयो ।</p><p>नेपालका छिमेकी देशहरुसँग सफल कुटनीतिक सम्बन्धको बिस्तार गर्दै बिकासका बिषयलाई एजेन्डाको रुपमा लिएर नेपालले लाभ लिने तर्फ अगाडि बढ्नु पर्नेमा कोइरालाले जोड दिनु भयो ।</p><div><br></div>

<p><span style="line-height: 1.42857143;">काठमाडौं,जेठ १२ । &nbsp;नेकपा माओवादी केन्द्रका अध्यक्ष प्रचण्डले अदालतको प्रक्रियामा सहयोग गर्ने तर सर्वोच्व अदालत नजाने भएका छन् । उनको नीजि सचिवालयका अनुसार अदालतको मानहानी गरेको भन्दै उनीमाथि परेको रिटमा प्रचण्ड स्वंयम आफैं नगएर अधिवक्तामार्फत अदालतको प्रतिजवाफ लाउने भएका हुन् । गत जेठ ११ गते सर्वोच्च अदालतले अवहेलना मुद्दामा आफैँ अथवा प्रतिनिधिमार्फत ती दिनभित्र अदालतमा उपस्थित हुन प्रचण्डलाई आदेश दिएको थियो।</span></p><p>सोही अनुसार प्रचण्डले कानुनी अधिवक्तासँग बुधबार बिहानमात्रै छलफल गरेका थिए । प्रचण्डका कानुनी सल्लाहाकारले अधिवक्तामार्फत नै अदालतको प्रतिजवफाव लगाउन मिल्ने बताएपछि उनी नजाने भएका हुन् ।</p><p>द्वन्द्वकालीन मुद्दामा आफ्नो पार्टीका नेताहरुलाई अदालतले फँसाउन खोजेको भन्ने प्रचण्डको अभिव्यक्तिले अदालतको अवलेहना भएको भन्दै दिनेश त्रिपाठीले उनीविरुद्द जेठ ३ गते मुद्दा दायर गरेका थिए ।</p><p>अदालतको अवहेलना मुद्दामा १ वर्ष जेल र ५० हजार जरीवाना वा दुवै सजाय हुनसक्ने व्यवस्था छ ।</p>

<p><span style="line-height: 1.42857143;">काठमाडौं,जेठ १२ । राजधानी केन्द्रित आन्दोलन गर्दै आएको संघीय गठबन्धनले आज बालाजु बाइपासमा प्रदर्शन गर्ने भएको छ । आफ्ना मागका बिषयमा सरकार गम्भीर नभएको भन्दै वार्तामा बस्नुको कुनै औचित्य नभएको बताउँदै आएको मोर्चाले आज बालाजुमा आन्दोलन गर्न लागेको हो । अपरान्ह ४ बजे देखि सुरु हुने सभामा विभिन्न स्थानबाट र्याली सहित आउने जुलुस सभामा परिणत हुने मोर्चाका नेताहरुले बताएका छन् ।&nbsp;</span><br></p><p><span style="line-height: 1.42857143;">मोर्चाले पछिल्लो समय सिंहदरबार र प्रधानमन्त्री निवास घेराउको आन्दोलनपछि १० दिने विरोधका कार्यक्रम घोषणागरि विभिन्न स्थानमा सभा गर्दै आएको छ । मधेस केन्द्रित आन्दोलन गर्दै आएको मोर्चाले पछिल्लो समय केही जातीय संगठन तथा पार्टीहरुसँगको सहकार्यमा राजधानी केन्द्रित आन्दोलन गर्दै आएको छ ।&nbsp;</span><br></p>

<p>१२ जेठ, काठमाडौं ।<br>नेकपा एमालेका नेता माधवकुमार नेपालले प्रधानमन्त्री केपी शर्मा ओलीलाई सुहाउँदा र सक्ने सपना मात्रै देख्न आग्रह गरेका छन्।<br><br>नपत्याउँदा सपना बाँडेर माजाकको पात्र नबन्न उनले आफ्नै दलका अध्यक्षसमेत रहेका प्रधानमन्त्री ओलीलाई सुझाएका खबर आजको नयाँ पत्रिकासहित अधिकांश पत्रपत्रिकामा छापिएको छ।<br><br>प्रधानमन्त्रीले एकपछि अर्को विकासका योजना घोषणा गर्दै गएकोमा मंगलबार मदन भण्डारी अध्ययन केन्द्रले राजधानीमा गरेको कार्यक्रममा नेता नेपालले व्यंग्य गर्दै नेपालले भने,‘ घरघरमा ग्यास पाइप फिट गरिदिने कुरा पनि आएको छ, सपना देख्न पाइन्छ तर यो कुरा सगरमाथाबाट दार्चुलासम्म केबलकार चलाउँछु,विदेशबाट १० करोड पर्यटक भित्र्याउँछु भनेजस्तै हो ।<br>सपना देख्नुपर्छ, सपना देख्नु राम्रो पनि हो तर त्यो यथार्थ र तथ्यसंगत हुनुपर्छ।’<br><br></p>