Page 1871 – Top Nepal News

फेरी गयो भूकम्प

२१ जेठ, सिन्धुपाल्चोक । सिन्धुपाल्चोक जिल्लालाई केन्द्र बनाएर शुक्रबार बिहान भूकम्प भएको छ ।   बिहान पाँच बजेर १० मिनेट जाँदा सिन्धुपाल्चोकको थापालथोक नजिकै केन्द्र बनाएर ४.४ रेक्टर स्केलको भूकम्पको परकम्प गएको राष्ट्रिय भूकम्प मापन केन्द्रले जनाएको छ ।   गत वर्ष वैशाख १२ गते गोरखाको बारपाक केन्द्र बनाएर गएको भूकम्पपछि अझै पनि त्यसको परकम्प जाने क्रम जारी रहेको छ । बारपाकको भूकम्पपछि चार रेक्टर स्केल माथिका चार सय ५९ भन्दा बढी भूकम्पका परकम्प गएको भूकम्प मापन केन्द्रले जनाएको छ ।

‘हामी जनताको भरोसा योग्य साथी वन्ने छौ’

निजामती कर्मचारीहरुको आधिकारीक ट्रेड युनियनको निर्वाचन सकिएको छ नेपालमा पहिलो पटक भएको निजामती कर्मचारीहरुको निर्वाचनमा एमाले निकट नेपाल निजामती कर्मचारी संगठनले कुल मतको ४४ प्रतिशत मत पाएको छ ।यस्तै नेपाल निजामती कर्मचारी युनियनले ३४ र नेपाल राष्ट्रिय कर्मचारी संगठन (निजामती) १०.५ प्रतिशत मत पाएका छन् । नेपाल मधेसी निजामती मञ्चले भने कुल मतको जम्मा ७ प्रतिशत मत पाएको छ । यसै विषयलाई लिएर नेपाल निजामती कर्मचारी संगठनका महासचिव मोहन कुमार घिमिरेसँग गरिएको कुराकानी ।<div class="mceTemp" style="color: rgb(51, 51, 51); font-family: Georgia, 'Times New Roman', 'Bitstream Charter', Times, serif; line-height: 19px;"><dl id="attachment_113819" class="wp-caption alignnone" data-mce-style="width: 216px;" style="border: 1px solid rgb(221, 221, 221); text-align: center; padding-top: 4px; margin: 10px 0px; -webkit-user-drag: none; width: 216px; background-color: rgb(243, 243, 243);"><dt class="wp-caption-dt" style="-webkit-user-drag: none;"><a href="http://www.xpresskhabar.com/wp-content/uploads/13382110_1196886557030197_995622445_n.jpg" data-mce-href="http://www.xpresskhabar.com/wp-content/uploads/13382110_1196886557030197_995622445_n.jpg" style="-webkit-user-drag: none;"><img class="size-full wp-image-113819" src="http://www.xpresskhabar.com/wp-content/uploads/13382110_1196886557030197_995622445_n.jpg" alt="मोहन कुमार घिमिरे महासचिव नेपाल निजामती कर्मचारी संगठन" width="206" height="206" data-mce-src="http://www.xpresskhabar.com/wp-content/uploads/13382110_1196886557030197_995622445_n.jpg" style="margin: 0px; padding: 0px; border-style: none; -webkit-user-drag: none;"></a></dt><dd class="wp-caption-dd" style="font-size: 11px; line-height: 17px; padding: 0px 4px 5px; margin-top: 0px; margin-right: 0px; margin-bottom: 0px; -webkit-user-drag: none;">मोहन कुमार घिमिरे महासचिव नेपाल निजामती कर्मचारी संगठन</dd></dl></div>मोहन कुमार घिमिरे महासचिव नेपाल निजामती कर्मचारी संगठनआधिकारिक ट्रेड  यूनियनको निर्वाचन कस्ता  भयो ?-११७ जिल्ला-विभागीय कार्य समितिमा सम्पन्न भएको मतदान प्रक्रियामा उत्साहजनक ढंगले कर्मचारीहरुले मतदान गर्नु भएको छ । ५५,३२९ मतदाताहरुमध्ये ४९,०९५ जनाले आफ्नो मताधिकार प्रयोग गरेको विषयले पनि निर्वाचनमा उत्साह रहेको पुष्ट्याई गर्दछ ।अव त मत परिणाम पनि आई सक्यो कत्तिको सन्तुष्ट हुनुहुन्छ ? हजुर , स्वाभाविक रुपले मुलुकभर हाम्रो अग्रताले हामी सन्तुष्ट नै छौं । केही जिल्ला-विभागीय कार्य समितिहरुमा झिनो मतान्तरले पराजय भएको विषय समिक्षाको विषय हो । ११७ संरचना मध्ये करिव २२ हजार मत सहित ५० जिल्ला र ३० विभागीय कार्य समितिको विजयीले हामीलाई उत्साहित र गम्भीर बनाएको छ । आधिकारिक ट्रेड यूनियनको नेतृत्व कसले गर्दै हुनुहुन्छ त ?- हाम्रो संगठनका थुप्रै अग्रज संगठक, वर्तमान क्रियाशील पदाधिकारी, सदस्य आधिकारिक ट्रेड  यूनियनको नेतृत् गर्न सक्षम हुनुहुन्छ । आगामी असार १ र २ गते सम्पन्न हुने केन्द्रीय कार्य समितिको बैठकले उपयुक्तढंगले यसलाई व्यवस्थापन गर्नेछ ।सरकार र बजेटको प्रभाव प-र्यो यस निर्वाचनमा भन्ने गुनासो आएको छ नि ?- होइन । हाम्रो संगठन २०४७ सालमा स्थापना भएर यसले सम्पन्न गरेका कार्यभारहरु गौरवशाली र नेतृत्वदायी भूमिका, लोकतान्त्रिक विधि र प्रक्रियामा चलेको हाम्रो सांगठनिक पद्दती, सेवा प्रवाह र क्षतिपूर्ति सहितको नागरिक सेवा प्रवाहको विषयमा हामीले उठान गरेको मुद्दाहरु, सवै राष्ट्रसेवकहरुको सामाजिक सुरक्षा बैज्ञानिक बन्नुपर्छ भन्ने हाम्रो माग र दवाव, सम्पन्न गरिएका जनतासँग कर्मचारी अभियान, यस संगठनका नेता र कार्यकर्ताको अनुकरणीय व्यक्तित्व, आवाज विहिनहरुको आवाज संगठन बनेको वास्तविकता नै हाम्रो चुनाव जित्ने आधारहरु हुन् । सरकार र बजेटको विषय त केवल सरकारी र प्रशासनिक नियमितता मात्र हुन् ।कति संरचनामा संगठनले अग्रता हाँसिल गरेको छ ? हामीले ११७ वटा जिल्ला-विभागीय संरचना मध्ये ५० जिल्ला र ३० विभागीय गरी कूल ८० वटा संरचनामा संगठनको वर्चश्व कायम गरेका छौं । करिव ७० प्रतिशतका हाराहारीमा जिल्ला-विभाग जितेका छौं । कूल मतको २१,१२७ मतदान गरी कूल मतको ४५ प्रतिशत मत प्राप्त गरेका छौं भने आधिकारिक ट्रेड यूनियनको २१ सदस्यीय केन्द्रीय कार्य समितिमा ३ जना पदाधिकारी सहित ११ जना नेपाल निजामती कर्मचारी संगठनको तर्फबाट प्रतिनिधित्व गर्ने निश्चित भएको छ ।ट्रेड  यूनियनले सरकारी सेवा प्रवाहमा अवरोध गरिरहेका छन्, सरुवा, बढुवामा भागवण्डा खोजिरहेका छन् भन्ने विषयमा के भन्नु हुन्छ ? हामी क्षतिपूर्ति सहितको नागरिक सेवा प्रवाहको ग्यारेन्टीको माग गरिरहेका छौं । सेवा प्रवाहमा सवैभन्दा तल्लो निकायमा राजनैतिक नेतृत्व विहिन अवस्थामा समेत सवै स्थानीय संरचनाहरु निजामती कर्मचारी सेवा प्रवाह गरिरहेको यथार्थता हो, शुन्य सहनशीलताको भ्रष्टाचार विरोधी अभियानका विषय उठानकर्ता यो संगठन भएको विषय स्मरण गर्दा म गौरवान्वित हुने गर्दछु । मधेश आन्दोलन, माओवादी आन्दोलन, शाही सरकारको एकलौटी शासन सञ्चालनको अवस्था वा अन्य सवै समयमा कर्मचारीमाथि हुने सवैखाले दुव्र्यवहारको संगठनले निडरतापूर्वक भण्डाफोर गरेको यथार्थता छ ।हामी अधिकार र दायित्वलाई व्यवस्थापन गर्दै कर्मचारीको सामाजिक सुरक्षाको विषय, सेवा प्रवाह जनताको गुनासो रहित बनाउने सन्दर्भ, सरुवा र बढुवाजस्ता विषय बैज्ञानिक र पूर्वानुमानयोग्य बन्नु पर्छ भन्ने विषयमा क्रियाशील रहेका छौं । जहाँसम्म आरोपको विषय छ, हाम्रो संगठन टे«ड यूनियनका पदाधिकारीलाई सरुवाको निवेदन बोकेर हिड्ने विषयबाट मुक्त गर्दै खवरदारीको भूमिकामा सिमित गर्नुपर्छ भन्ने मात्र सरकार समक्ष गरिरहेका छौं । तर यसका लागि पूर्वानुमानयोग्य बैज्ञानिक प्रणाली स्थापित गर्नुपर्दछ ।आधिकारिक ट्रेड यूनियनमा संगठनले नेतृत्व गरेपछिका तपाईहरुका मुद्दा के के हुन ? जनतालाई यसबाट के फाईदा हुन्छ त ? आधिकारिक ट्रेड यूनियनको नेतृत्व हाम्रो संगठनले गरिसकेपछि क्षतिपूर्ति सहितको नागरिक सेवा प्रवाहको ग्यारेन्टी गर्नका लागि सरकारलाई दवाव र सुझाव प्रस्तुत गर्नेछौं । बैज्ञानिक र पूर्वानुमानयोग्य सरुवा, बढुवा प्रणाली स्थापित गर्नेछौं । कर्मचारीको सामाजिक सुरक्षामा विशेष ध्यान दिनेछौं । संघीयताको सरकारी प्रशासन र कर्मचारी बाँडफाँडको विषयमा सुझाव प्रस्तुत गर्नेछौं । सरकारी प्रशासनलाई दीर्घकालीन सोचको आधारमा जनताको नजिकको भरोसायोग्य साथी बनाउने तर्फ हाम्रो ध्यान जानेछ ।अन्त्यमा, केही भन्नु छ ?सम्भव त विश्व ईतिहासमा निजामती क्षेत्रमा पहिलो पटक सम्पन्न भएको ऐतिहासिक आधिकारिक टे«ड यूनियनको निर्वाचनमा प्रत्यक्ष र परोक्ष रुपमा सहयोग गर्नु हुने र पु¥याउनु हुने मतदाता कर्मचारी महानुभावहरु, सवै संगठक मित्रहरु, नेपाल सरकार, पत्रकारबन्धु लगायत सम्बद्ध सवैमा संगठन हार्दिक आभार एवं धन्यवाद ज्ञापन गर्दछ ।

कविता– ‘अछुतको प्रेमगीत’ : अभय श्रेष्ठ

म छु वारि भीरमाथि पिँजराको बुलबुलझैँ पारि छ मेरो प्यार । जसरी जैसीकोठामा चल्छ खिया लागेको पुरानो घडी ठीक त्यसरी नै चल्छ नयाँ संविधानमा सत्ताको रथ त्यसरी नै तिम्रो नजरमा म अझै पिँढीभन्दा तल गिडगिडाइरहने उही पुरानै अछुत हुन्छु । हार्नेहरूको वीरताझैँ मेटिन्छ त्यहाँ मेरो आँसु, पसिना र रगतको धारा । मलाई विश्वास छैन– प्यारको आकांक्षामा वर्णको कुनै दायरा हुन्छ म मान्दिनँ– प्यारको संसारमा निषेधको कुनै भित्ता हुन्छ एक बारको अमूल्य जुनीकै जोखिममा रोजेको हँु मैले एक ‘सवर्ण’ युवतीको प्यार भोरको मन्द हावाझैँ मेरो हृदयमा नित्य ठोकिएको प्रेमको जबाफमा किन रोकिन्छ मलाई प्रेमनगरको प्रवेशद्वारमा ? मान्छेको निर्दोष रगत र अक्षत प्रेमलाई जिउँदै जल्न नदिन अब त मसँगै छन् वर्णको प्रदूषित हावा र प्रेमको निषेधमा निःसासिएका सहस्र मानिस प्रेमको पवित्र सौन्दर्यशास्त्रले पनि भन्न सक्दैन मेरो पवित्र प्रेमलाई अपवित्र यो देशको सर्वोच्च विधान रगतले सिँचेको यो भूमि, पसिनाका बुँद, यो घाम, यी जूनतारा बतास र रूखपातले पनि युगमाथि तर्जनी औँला ठड्याइसके । तर, हरेक पटक प्यारको आकांक्षामा मेरो कलेजाको मध्य भागमा रोपिन्छ जातको खन्जर । म प्यारको अतुल गहिराइमा बोल्छु मौन भाषा त्यसलाई तिमी तरबारले थुन्छौ जबाफमा वाचाल छ मेरो मौन छाड्नु छ मैले यहाँ पवित्र प्रेमको डोब दिनु छ युगलाई प्रेमको भाषामा एउटा बाफिलो जबाफ यो देश सबैको फूलबारी हो भने मत्स्यवेदको प्रवेशद्वारमा तोड्नु छ मैले निषेधाज्ञा । म पनि त चाहन्छु यो शान्त शरद्मा नचलोस् आँधीहुरी मेरो पवित्र प्यारको आकांक्षामा नखलबलियोस् कुनै रूखको जरा नलागोस् कुनै वनमा डँडेलो तर, दुनियाँमा कैयन् यस्ता कुरा छन् जसलाई नजलाए यहाँ धेरैले जिउँदै जल्नुपर्छ ।

रामशरण महतलाई सिध्याइदिने धम्की

२१ जेठ, काठमाडौं । केपी ओली नेतृत्वको सरकारले नहुने मामा भन्दा कानो मामा नै जाति भने जस्तै गरी औसत प्रकारको बजेट प्रस्तुत गरेपछि काँग्रेस भित्र घर झगडा चुलिएको छ । २०४६ सालपछि एकाध समय बाहेक प्राय सबै समय सरकारमा बसेको काँग्रेसकै कारण मुलुक टाट पल्टिएको छ । आजको जनआह्वान साप्ताहिकमा खबर छ–उद्योग धन्दाहरु कौडीको भाउमा लिलाम गरिए र ट्रली बस इतिहास भयो , साझा यातायात इतिहास भयो । हेटौडा काठमाडौँ रोपवेको खण्डहरले गिज्याइरहेको छ । सात हजार प्रतिव्यक्ति ऋणबाट आज प्रतिव्यक्ति ऋण २२ हजार पुगेको छ । यो सबै काँग्रेसको देन हो । उद्योग धन्दा बन्द गराएर भारतको एकाधिकार बजार बनाउने श्रेय पनि काँग्रेसलाई जान्छ । रोजगारी कटौती गरेर नेपाली युवालाई खाडीमा धकेल्ने जिम्मा पनि काँग्रेस नै लिएको हो । राष्ट्रिय योजना आयोगको उपाध्यक्षदेखि सात पटक अर्थमन्त्री बन्दा डा रामशरण महत नामका नुवाकोटे काँग्रेसले नेपालको अर्थतन्त्रलाई रसातलमा पुर्याए । विदेशीलाई खुला रुपमा नेपालको चोटा कोठा चहार्न दिए । जसको प्रतिफल नेपाली जनता अहिले अभाव बेरोजगारीबाट आहात भएका छन् । जति पटक अर्थमन्त्री भएपनि डा महतले नेपालको पक्षमा नेपाली जनताको पक्षमा कुनै पनि सिन्को नभाचेको तथ्य स्पष्ट छ । बरु उनले कर छल्ने व्यापारिलाई घरमै बोलाएर छुट दिने वातावरण तयार पारेका थिए । पूथ्वीबहादुर पाण्डेहरुसँग घरायसी नाता जोडेर कालो धनलाई सेतो बनाएको तथ्य पनि काँग्रेसी जनलाई राम्ररी थाहा छ । पटक पटक अर्थमन्त्री बन्दा पनि लोकप्रिय कार्यक्रम किन नल्याएको भन्दै काँग्रेसका सांसद दीपक गिरिले डा महतलाई प्रश्न गरे , ए डाक्टर तिम्ले बजेट ल्याउँदा कुन चाहि लोकप्रिय कार्यक्रम ल्याया,ै एक दुई तिन गनेर देखाऊँ त ? गिरि मात्रै होइन चन्द्रकान्त भण्डारी पनि डा महत माथि आइलागे आफू दश पटक मन्त्री बन्दा वरको सिन्को पर नसार्ने अनि अरुलाई दोष लगाएर पानीमाथिको ओभानो बन्ने ?

जापानको जंगलमा हराएका ७ बर्षे बालक ६ दिनपछि यस्तो अवस्थामा भेटिए

गोकर्ण अधिकारी-२१ जेठ, टोकियो । ५ दिन देखी होकाइदोको जंगलमा हराइरहेका ७ बर्षिय बालक सकुशल भेटिएका छन् । उद्दारकर्मीहरुनै चकित पर्नेगरि बेपत्ता बालक भोको अवस्थामा एक झुपडीमा सुतिरहेको अवस्थामा भेटेका हुन् । यामातो तानोका शुक्रबार साँझ म्याटेसमा सुतिरहेको अवस्थामा भेटिएका हुन् । बालकका आमा बाबुले तानोकालाई गाडीबाट ओर्लन दवाव दिएपछि उनि घना जंगलबिच ओर्लीएका थिए । गुडिरहेको गाडीबाट तरकारीका टुक्रा र ढुंगाले बाहिर गुडेका गाडी र मान्छेलाई हानेपछि पाठ सिकाउन भन्दै उनिहरुका बाबु आमाले गाडीबाट ओरालेका थिए । एकछिन डर देखाएर पाठ सिकाउने भन्दै केही पर पुगेर करिव ५ मिनेट पछि आउँदा बालक बेपत्ता भएपछि जापानी उद्दारदल शनिवारदेखी खोजिमा लागेको थियो । ३ सय बढी सुरक्षाकर्मी सहित हेलिकोप्टर समेतको परिचालन गरेर बालक खोजिमा लागेको उद्दारदलले बालक सकुशल भेटिएपछि प्रयास सफल भएको भन्दै खुशी व्यक्त गरेको छ । <img src="https://topnepalnews.comuploads/posts/0e359e29d0ff8896f76a9ec008e3b3df1464926636.jpg" style="width: 750.075px; height: 421.633px;"> उद्दारकर्मीहरुका अनुसार भोको अवस्थामा भेटिएका बालकले ५ दिन आफुले केही नखाएको पानी मात्र खाएर बाँचेको बताएका छन् । उनलाई उद्दारकर्मीहरुले भेटेपछि खानेकुरा दिंदा उनले भोको पेटमा धेरैनै खाएको बताएका छन् । बालकका आमा बाबुले छाडेको जंगलदेखी ५ किलोमिटर पर भेटिएका बालकलाई उद्दारपछि अस्पताल भर्ना गरिएको छ । बालकको स्वास्थ्य परिक्षणपछि डक्टरहरुले बालकको खुट्टामा सामान्य चोट बाहेक अन्य अवस्था सामान्य रहेको बताएका छन् । बालकका आमा बाबुले आफ्नो छोरालाई अस्पतालमै पुगेर भेटेका छन् । बच्चालाई भेटेपछि धेरैबेर रोएका आमाबाबुले अब कहिल्यै यस्तो अपराध नगर्ने बताउँदै खोजिमा संलग्न सुरक्षाकर्मीलाई आफ्नो छोरा सकुशल फेला पारिदिएकोमा धन्यवाद दिएका छन् ।<img src="https://topnepalnews.comuploads/posts/0d7ee29af334c54cd057231501128aee1464926699.jpg" style="width: 750px; height: 454.31px;"> सुरुमा होकाइदो जंगल क्षेत्रका पार्क घुम्न जाँदा बच्चा हराएको भन्दै प्रहरीमा रिपोर्ट लेखाएका बालकका आमा बाबुले पछि मात्र सत्य कुरा बताएका थिए । त्यसलगत्तै शनिवार देखी खोजिमा खटिएको प्रहरीले बालक सकुशल भेटेपछि प्रयास सफल भएको प्रतिक्रिया दिएको छ । प्रहरीले बालकलाई थप अनुसन्धान र स्वास्थ्य हेरेर परिवारको जिम्मामा लगाउने बताएको छ । विश्वभर समाचार बनेको यो घटनामा बालकका आमाबाबुले सजायको नाममा निर्दयी बनेको भन्दै जापानभर उनीहरुको आलोचना सहित कडा सजाय हुनुपर्ने माग उठेको थियो ।<h3><a target="_blank" href="https://topnepalnews.comjapan/2411">जापानमा रिसको झोकमा जंगलमा बच्चा छाड्दा बेपत्ता, सयौं सैनिक खोजिमा (घटनाको नालीबेली)</a> </h3>

मैत्रीपूर्ण फुटबल :पोर्चुगल इंग्ल्याण्डसँग पराजित

एजेन्सी,जेठ २१ । युरोकपको तयारीमा रहेको पोर्चुगल इंग्ल्याण्डसँग पराजित भएको छ । विहिवार राती भएको  मैत्रीपूर्ण खेलमा स्टार खेलाडी क्रिष्टियानो रोनाल्डो र पेपे विना मैदान उत्रिएको पोर्चुगल इंग्ल्याण्डसँग १–० ले स्तब्ध भएको हो।  इंग्ल्याण्डका क्रिश स्मोलिङले खेलको ८६ औं मिनेटमा गरेको गोल नै निर्णायक बन्यो । इंग्ल्याण्डलाई दबाबमा राखे पनि खेलको ३५ औँ मिनेटमा बु्रनो अल्भेसले रातो कार्ड पाएपछि पोर्चुगल १० खेलाडी हुन पुगेको थियो । इंग्ल्याण्डका लागि खेलको ८६ औँ मिनेटमा क्रिस स्माइलिङले गरेको गोल नै निर्णायक बन्दै खेल आफ्नो पक्षमा परो ।

एसएलसीमा साढे सात हजार अयोग्य

काठमाडौं । गत वर्ष एसएलसी परीक्षाको आवेदन फाराम भरेकामध्ये झन्डै साढे सात हजार विद्यार्थी अयोग्य रहेको पाइएको छ । परीक्षा नियन्त्रण कार्यालयका अनुसार देशभरमा कुल सात हजार चार सय विद्यार्थी अयोग्य भएको पाइएको हो । परीक्षा नियन्त्रक कृष्ण काप्रीले एसएलसीको परीक्षा फारम भरेका, तर हाजिरी नपुगेर उनीहरू अयोग्य देखिएको जानकारी दिए । ०७२ को एसएलसीमा नियमित र एक्ज्याम्टेडतर्फ गरी ६ लाख एक सय २२ परीक्षार्थी सहभागी भएका थिए ।  फारम पहिले नै भर्ने गरेको, तर त्यसपछि विद्यार्थीले स्वेच्छाले पढाइ छाडेकाले हाजिरी नपुग्ने गरेको उनको भनाइ छ । उनका अनुसार अयोग्यको संख्या अझ केही थपिन सक्छ । यस वर्ष साधारणतर्फ चार लाख ४० हजार ६ सय ४९ र एक्ज्याम्टेडतर्फ ५९ हजार चार सय ७२ सहभागी भएका थिए । असार पहिलो साता नतिजा गत चैतमा सञ्चालित परीक्षाको नतिजा छिटै निकाल्ने तयारी भइरहेको छ । अघिल्ला वर्षहरूमा भन्दा झन्डै दुई साता ढिला गरी सुरु भएको एसएलसी परीक्षाको नतिजा असार पहिलो साता सार्वजनिक हुने बताइएको छ । परीक्षा नियन्त्रक काप्रीका अनुसार उत्तरपुस्तिका परीक्षणको काम सम्पन्न गरेर नम्बर मार्क स्लिपमा इन्ट्रीको तयारी भएको छ । इन्ट्रीपछि म्याच–अनम्याच हेर्ने र टेबुलेसनको काम हुनेछ । एसएलसीको नतिजा ग्रेडिङ प्रणालीबाट यस वर्षदेखि साधारण विषयमा पनि ग्रेडिङ प्रणालीमा मूल्यांकन हुँदै छ । सुरुमा उत्तरपुस्तिका परीक्षकले दिएको नम्बर अंकमै मार्कसिटमा इन्ट्री गर्ने र त्यसलाई पछि कम्प्युटरबाटै लेटर ग्रेडिङमा लैजाने तयारी भएको छ । प्राविधिक कठिनाइ नभएमा यही महिनाको अन्त्यसम्ममा सबै काम सक्ने गरी तयारी भएको पनिका स्रोतले जनाएको छ ।  ६० हजार बढे परीक्षार्थी करिब तीन हजारले प्राविधिक एसएलसी परीक्षा दिएका छन् । यस वर्षको एसएलसीमा नियमित र एक्ज्याम्टेड दुवैतर्फ विद्यार्थीको संख्या बढेको छ । एसएलसीमा अघिल्लो वर्षको भन्दा झन्डै ६० हजार विद्यार्थी बढेका छन् । परीक्षा नियन्त्रक काप्रीका अनुसार यस वर्ष नियमित र एक्जाम्टेडतर्फ गरी कुल ६ लाख १५ हजार पाँच सय ५३ विद्यार्थीले एसएलसी परीक्षाका लागि आवेदन फारम भरेका थिए् ।  नियमिततर्फ चार लाख ५२ हजार आठ सय ८१ र एक्ज्याम्टेडतर्फ एक लाख ५९ हजार चार सय १७ विद्यार्थीले आवेदन फारम भरेका छन् । अघिल्लो वर्षको एसएलसीमा नियमितमा चार लाख १० हजार चार सय ३७ र एक्ज्याम्टेड एक लाख ४५ हजार दुई सय ५१ गरी पाँच लाख ५५ हजार ६ सय ८८ परीक्षार्थी सहभागी भएका थिए ।  यस वर्ष ५९ हजार आठ सय ६५ बढेर ६ लाख १५ हजार पाँच सय ५३ ले आवदेन भरेका थिए । नियमिततर्फ ४२ हजार चार सय ४४ र एक्ज्याम्टेडतर्फ १४ हजार एक सय ६६ बढेका थिए । ग्रेडिङ प्रणालीकै कारण परीक्षार्थीको संख्यामा वृद्धि एक्ज्याम्टेडमा परेका विद्यार्थी बढ्नुको एउटा मुख्य कारण ग्रेडिङ हुन सक्ने परीक्षा नियन्त्रक काप्रीको दाबी छ ।  एक्ज्याम्टेडमा प्रत्येक वर्ष एक–दुई हजारको फरक हुनेमा यो वर्ष १४ हजारभन्दा बढी थपिएका छन् । विगतमा जस्तो यस वर्ष पास वा फेल नभनी ग्रेडमा मात्र मूल्यांकन हुने भएकाले पहिले परीक्षा दिन छाडेकाले पनि फारम भरेको हुनसक्ने काप्रीको तर्क छ । आजको नयाँ पत्रिका दैनिकमा समाचार छापिएको छ ।

आपूर्तिमन्त्री पुन भूमिगत, निगम र मन्त्रालय माफियाको कब्जामा

काठमाडौं,जेठ २१ । नेपाल सरकार एक जना बहालवालामन्त्री बेपत्ता भए भन्ने सुन्दा तपाईलाई पत्यार नलाग्न सक्छ । मन्त्री नै कसरी बेपत्ता हुन सक्छ । सामान्य नागरिक भए हो भन्न सकिन्थ्यो । किनकी नेपालमा सामान्य नागरिकको कुनै पनि मूल्य छैन र उसको हैसियत भोट हाल्ने बेलामा मात्रै हो अरु बेलामा होइन भन्ने कुरा जवरजस्ती स्थापित गरिएको छ । तर मन्त्री नै बेपत्ता भए भन्ने कुरा भने सहज होइन ।  वाइसिएलका पूर्व–अध्यक्ष समेत रहेका माओवादी केन्द्रका नेता समेत रहेका मन्त्री पुन विगत तीन महिना देखि कुनै पनि सार्वजनिक कार्यक्रममा सहभागी भएका छैनन् । न त मन्त्रालयमा कुनै पत्रकार सम्मलन नै आयोजना गर्छन नत सञ्चार माध्यमसँग नै उपलब्ध हुन्छन् । उनी मन्त्री पदमा बहाल छन् कि छैनन् भन्ने समेत थाहा हुन छाडेको माओवादीका एक नेताले बताए । ती नेताकाअनुसार मन्त्री पुनले सक्ने जति पनि काम गरेनन् । नेपाल आयल निगमका प्रबन्ध निर्देशक गोपाल बहादुर खड्कालाई मनपरि गर्न खुला छाडिदिए । अर्थ मन्त्रालय र आपूर्ति मन्त्रालयले बोनस नबाँड्न निर्देशन दिएपनि निगम बोनस बाँड्न तयार देखिएको छ । तर पछिल्लो दिनमा मन्त्री कुनै पनि विषयमा बोल्दैनन् । भूकम्पले ध्वस्त पारेको सिंहदबारको मूल भवनको तेस्रो तल्लामा राखिएको आपूर्ति मन्त्रालयको कार्यकक्षमा बसेर उनी क्यान्डीक्रस खेलेर बस्ने गरेका छन् । मन्त्री ज्यू कहिले क्यान्डी क्रस खेल्नुहुन्छ, त्यो खेल्दा–खेल्दै अल्छी लागे टिभी हेर्नुहुन्छ । त्यसपछि उहाँ घर जानुहुन्छ । आजकल आपूर्ति मन्त्री पुनलाई भेट्न कोही पनि माओवादीका नेता तथा कार्यकर्ता मन्त्रालय जान त परै जाओस फोन समेत गर्दैनन् । पार्टीको बैठकमा समेत सहभागी हुँदैनन् । उनका एक निकट सहयोगीकाअनुसार मन्त्री पुन नराम्ररी फ्रस्टेसनमा फसेका छन् । उनलाई उपचारको जरुरत छ । तर मन्त्रीको बारेमा सोचिदिने समेत कोही नभएको भन्दै आलोचना समेत सुरु भएको छ । मन्त्रीका निजी तथा स्वकिय सहयोगी समेत मन्त्रीको ताल देखेर हैरान भएका छन् । मन्त्री पदमा पुन छन् । उनी रुकुमबाट प्रत्यक्ष निर्वाचित सांसद समेत हुन तर सधै वेपत्ता नै हुने प्रवृत्तिका कारण नेता तथा कार्यकर्ता पनि हैरान भएका छन् । आजको जनआह्वान साप्ताहिकमा खबर छ – स्वयम् मन्त्रीकै सुरक्षागार्ड समेत मन्त्रीको कार्यशैलीका कारण हैरान भएका छन् ।<div> </div>

उपराष्ट्रपतिको डरले राष्ट्रपतिको भारत भ्रमण स्थगित !

काठमाडौं,जेठ २१ । अन्तिम समयमा आएर राष्ट्रपति विद्या भण्डारीको भारत भ्रमण स्थगित भएको विषयमा नयाँ खुलासा भएको छ । सरकार निकट उच्च कुटनीतिक स्रोतले भ्रमण स्थगनमा भारत र नेपालको आन्तरिक राजनीतिलाई नै जिम्मेवार ठानेको छ । गत वैशाख २७ बाट राष्ट्रपति भण्डारीले भारत भ्रमण गर्ने तय भएको थियो । तर, अन्तिम समयमा आएर सरकारले बैखाख २४ मा उनको भ्रमणलाई अनुमोदन गरेन । त्यसपछि भ्रमण स्वत स्थगन भयो । उपराष्ट्रपति नन्दबहादुर पुन पासाङले चाल्न सक्ने कदमप्रति चासो राख्दै राष्ट्रपतिको भ्रमण स्थगित गरिएको स्रोतहरुको भनाई छ ।  पहिलो कारण राष्ट्रपति भण्डारीको भारत भ्रमणका बेला भारतीय प्रधानमन्त्री नरेन्द्र मोदीसँगको भेट तालिका बनेको थियो । भारतीयपक्षबाट बनाइएको तालिकामा भेट मोदी कार्यकक्षमा हुने गरि तयार भएको स्रोतले बतायो । शिष्टचारमा राष्ट्रपति बसेकै ठाँउमा भारतीय प्रधानमन्त्री मोदीले भेट गर्नुपर्ने हुन्थ्यो । तर, भारतीय अधिकारीहरुले भेटका लागि मोदीको कार्यकक्ष तय गरे । यसलाई कुटनीतिक मामलाका जानकारहरुले भारतले नै राष्ट्रपतिको भ्रमण नचाहको रुपमा ब्याख्या गरेका थिए । यतिबेलासम्म पनि प्रधानमन्त्री ओली राष्ट्रपतिलाई भारत पठाएर सम्बन्ध सुधारको सम्भावना खोजी गरिरहेका थिए ।तर, दोस्रो कारण जसले भ्रमण रोक्यो जतिबेला राष्ट्रपति विद्या भण्डारीको भारत भ्रमणको तयारी हुँदै थियो, ठीक त्यहीबेला नेपालमा सत्ता परिवर्तनको कसरत भैरहेको थियो । माओवादीले एमालेसँगको सहकार्य तोडेर आफ्नै नेतत्वमा राष्ट्रिय सहमतिको सरकारका लागि गृहकार्य गरेको थियो । यस्तो बेला राष्ट्रपतिको भूमिका बढन सक्ने विषयमा एमाले निकट वकिलहरुले प्रधानमन्त्री केपी शर्मा ओलीलाई विफ्रिङ गरेका थिए । राष्ट्रपति विदेश भ्रमणमा गएका बेला स्वत उपराष्ट्रपति कार्यबाहक हुने संवैधानिक व्यवस्था छ । स्रोतका अनुसार ती कानुन व्यवसायीले यस्तो अबस्थामा माओवादी सरकारबाट बाहिर आउने र उपराष्ट्रपति नन्दबहादुर पुन पासाङले राष्ट्रिय सरकारका लागि आव्हान गर्न सक्ने सम्भावना देखेका थिए । तर, पछि एमाले र माओवादीवीच ९ बुँदे सहमति बन्यो र सरकार बच्यो । अहिले सत्ता साझेदार दलवीच भद्र सहमति अनुसार सरकारको नेतृत्व फेर्ने विषयमा मतभेद शुरु भएको छ । राष्ट्रपति भण्डारीको भारत भ्रमण स्थगित हुनुमा प्रधानमन्त्री केपी शर्मा ओलीको भारतसँगको असन्तुष्टिका रुपमा यसलाई ब्याख्या गरियो । आफ्नो सरकार परिवर्तनमा भारतले भूमिका खेलेको निश्कर्षसहित प्रधानमन्त्री ओलीले राष्ट्रपतिको भ्रमण रोकेको रुपमा पनि ब्याख्या गरिएको थियो । सोही बेला सरकारले भारतस्थित नेपाली राजदूत दीपकुमार उपाध्यायलाई पनि फिर्ता बोलाउने निर्णय गरेको थियो । मन्त्रीपरिषद्बाटै राष्ट्रपतिको भ्रमण अनुमोदन भएन । प्रधानमन्त्री कार्यालयका अधिकारीहरुले औपचारिक भ्रमणको तयारी नपुगेको भन्दै भ्रमण स्थगन भएको बताएका थिए । आजको जनआह्वान साप्ताहिकमा खबर छ– राष्ट्रपतिको भ्रमणका लागि भारतीय राष्ट्रपति प्रवण मुखर्जीको निम्तो आएको थियो ।<div> </div>

भारतले नेपाली भूमि मिच्यो, नेपाली भूमिमा भारतीय जाँचचौकी

भारतले वीरगन्जस्थित सीमा क्षेत्रमा नेपाली भूमि मिचेर एकीकृत भन्सार जाँचचौकी 'आईसीपी' बनाएको छ। अन्नपूर्ण पोस्टमा समाचार छ।   वीरगन्जको अलौं सिर्सियामा नेपाल र भारत दुवैतर्फको आईसीपीको भौतिक संरचना निर्माण कार्य भारत सरकारले नै गर्दै आएको छ। दसगजा क्षेत्रमा आईसीपीको निर्माण भइरहेको छ।   आईसीपीको भारततर्फको भौतिक संरचना भने बनिसकेको छ। नेपालतर्फ आईसीपीको निर्माण कार्य जारी छ। दुवै देशको आईसीपीको पर्खाल दसगजा क्षेत्रमा रहेको सीमा स्तम्भभन्दा ठिक १० गज पर निर्माण गर्नुपर्ने सम्झौतामा उल्लेख छ।   तर भारत सरकारले आफ्नोतर्फको आईसीपीको सिमेन्टेड पर्खाल सीमा स्तम्भभन्दा ठीक १० गजको दूरीमा बनाएको छ भने नेपालतर्फको पर्खाल दसगजामा रहेको सीमा स्तम्भभन्दा नेपाली भूमितर्फ १७ गजभित्र पर्ने गरी बनाएको छ।

प्रधानमन्त्री भन्छन्-‘सानका साथ मर्छु, टाङमुनि छिर्दिनँ’

प्रधानमन्त्री केपी ओलीले कसैले तत्काल ‘प्रधानमन्त्री पद छाड्’ भनेर हप्काउने वा तर्साउँदैमा आफू पदबाट नहट्ने बताएका छन्। मानवअधिकार एलाइन्सद्वारा बिहीबार आयोजित कार्यक्रममा आफ्नो तर्सिने बानी नभएको पनि बताएका हुन्। नयाँ पत्रिका दैनिकमा समाचार छ।   नाफाको जिन्दगी देशका लागि खर्चन्छु   देशलाई शिरमा राखेर भन्छु, मैले सधैँ भन्ने गरेको पनि छु–यो मेरो नाफाको बाँकी जिन्दगी देशका लागि खर्चिनेछु। केही गर्न सकिनँ भने पनि आँटका साथ बाँच्छु, सानका साथ मर्छु। कसैले मलाई मार्छ भने पनि टाङमुनि छिर्ने छैन, हाम्रो देशको विकास हामीले नै गर्ने हो।   जन्मिदैँ पद लिएर आएको होइन   दलहरूबीच धोकापूर्ण होइन, पारस्परिक विश्वासका आधारमा सम्बन्ध विकास गर्दै जानुपर्छ। दलहरू दलीय स्वार्थ होइन, राष्ट्रिय स्वार्थलाई ध्यानमा राखेर चल्नुपर्छ। म जन्मँदा प्रधानमन्त्री भएर जन्मेको होइन र मर्दा पनि प्रधानमन्त्री पद लिएर जाने होइन। देश र जनताको सेवा गर्दै यहाँ आएको हुँ, मलाई कमाउनु छैन, कसैका लागि कमाइदिनु पनि छैन, भ्रष्टाचार पनि गर्नुछैन। देश बनाउने समय पाएको छु, जति दिन प्रधानमन्त्री हुन्छु २४ सै घन्टा देश विकासमा लाग्छु।   समस्या हल हुन्छन् भने धर्ती छाड्न पनि तयार छु   मैले प्रधानमन्त्रीको पद छाड्दा देश र जनताको भलो हुन्छ, समस्या हल हुन्छन् भने कुर्सीमोह छैन, बरु धर्ती नै छाड्नुपरे पनि छाड्न तयार छु। काँध फेर्न मात्रै छोड्नु भनेको हो भने केपी ओलीको काँध गलिसकेको छैन, किन फेर्नुपर्‍यो ?

गृह मन्त्रीको मनपरी सरूवाले सत्तारुढ गठबन्धन दुरी बढ्यो

प्रधानमन्त्री कार्यालय र सामान्य प्रशासन मन्त्रालयसँग सहमति नलिई गृह मन्त्रालयले १५ जिल्लाको प्रमुख जिल्ला अधिकारीसहित ५१ जना काज सरुवा गरेपछि सत्तारुढ गठबन्धनमा खटपट बढेको छ। कान्तिपुर दैनिकमा समाचार छ।   सरुवा निर्णय सार्वजनिक भए लगत्तै प्रधानमन्त्री केपी शर्मा ओली र मुख्यसचिव सोमलाल सुवेदीले निर्णय रद्द गर्न गृहलाई निर्देशन दिए। तर रवाना पत्र बुझिसकेकाले सम्भव नभएको भन्दै गृह आफ्नो निर्णयमा अडिग बस्दा विवाद चुलिएको हो।   गृहले निजामति कर्मचारीको आधिकारिक युनियनको निर्वाचनको अघिल्लो दिन १८ मा १५ जिल्लाको प्रमुख जिल्ला अधिकारी सहित ५१ जनाको काज सरुवा गरेको थियो।   सरुवामा ९ जना सहायक प्रमुख जिल्ला अधिकारीले प्रमुख जिल्ला अधिकारीको जिम्मेवारी पाएका थिए भने त्रिभुवन विमानस्थलका वरिष्ठ अध्यागमन अधिकृत पर्सा, जगन्नाथदेवल, नक्खु कारागारका जेलरको समेत सरुवा भएको थियो।   सल्लाहनै नगरी सरुवाको निर्णय गरेको भन्दै प्रधानमन्त्री ओलीले गृहमन्त्री बस्नेतसंग असन्तुष्टी जनाउँदै निर्णय रद्ध गर्न मौखिक निर्देशन दिएका थिए ।

फेरी गयो भूकम्प

‘हामी जनताको भरोसा योग्य साथी वन्ने छौ’

कविता– ‘अछुतको प्रेमगीत’ : अभय श्रेष्ठ

रामशरण महतलाई सिध्याइदिने धम्की

जापानको जंगलमा हराएका ७ बर्षे बालक ६ दिनपछि यस्तो अवस्थामा भेटिए

मैत्रीपूर्ण फुटबल :पोर्चुगल इंग्ल्याण्डसँग पराजित

एसएलसीमा साढे सात हजार अयोग्य

आपूर्तिमन्त्री पुन भूमिगत, निगम र मन्त्रालय माफियाको कब्जामा

उपराष्ट्रपतिको डरले राष्ट्रपतिको भारत भ्रमण स्थगित !

भारतले नेपाली भूमि मिच्यो, नेपाली भूमिमा भारतीय जाँचचौकी

प्रधानमन्त्री भन्छन्-‘सानका साथ मर्छु, टाङमुनि छिर्दिनँ’

गृह मन्त्रीको मनपरी सरूवाले सत्तारुढ गठबन्धन दुरी बढ्यो

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता