जापानको जंगलमा हराएका ७ बर्षे बालक ६ दिनपछि यस्तो अवस्थामा भेटिए

<p>गोकर्ण अधिकारी-२१ जेठ, टोकियो ।<br>५ दिन देखी होकाइदोको जंगलमा हराइरहेका ७ बर्षिय बालक सकुशल भेटिएका छन् । उद्दारकर्मीहरुनै चकित पर्नेगरि बेपत्ता बालक भोको अवस्थामा एक झुपडीमा सुतिरहेको अवस्थामा भेटेका हुन् ।<br><br>यामातो तानोका शुक्रबार साँझ म्याटेसमा सुतिरहेको अवस्थामा भेटिएका हुन् ।<br><br>बालकका आमा बाबुले तानोकालाई गाडीबाट ओर्लन दवाव दिएपछि उनि घना जंगलबिच ओर्लीएका थिए ।<br>गुडिरहेको गाडीबाट तरकारीका टुक्रा र ढुंगाले बाहिर गुडेका गाडी र मान्छेलाई हानेपछि पाठ सिकाउन भन्दै उनिहरुका बाबु आमाले गाडीबाट ओरालेका थिए ।<br><br>एकछिन डर देखाएर पाठ सिकाउने भन्दै केही पर पुगेर करिव ५ मिनेट पछि आउँदा बालक बेपत्ता भएपछि जापानी उद्दारदल शनिवारदेखी खोजिमा लागेको थियो ।<br><br>३ सय बढी सुरक्षाकर्मी सहित हेलिकोप्टर समेतको परिचालन गरेर बालक खोजिमा लागेको उद्दारदलले बालक सकुशल भेटिएपछि प्रयास सफल भएको भन्दै खुशी व्यक्त गरेको छ ।<br><img src="https://topnepalnews.comuploads/posts/0e359e29d0ff8896f76a9ec008e3b3df1464926636.jpg" style="width: 750.075px; height: 421.633px;"><br>उद्दारकर्मीहरुका अनुसार भोको अवस्थामा भेटिएका बालकले ५ दिन आफुले केही नखाएको पानी मात्र खाएर बाँचेको बताएका छन् । उनलाई उद्दारकर्मीहरुले भेटेपछि खानेकुरा दिंदा उनले भोको पेटमा धेरैनै खाएको बताएका छन् ।<br><br>बालकका आमा बाबुले छाडेको जंगलदेखी ५ किलोमिटर पर भेटिएका बालकलाई उद्दारपछि अस्पताल भर्ना गरिएको छ । बालकको स्वास्थ्य परिक्षणपछि डक्टरहरुले बालकको खुट्टामा सामान्य चोट बाहेक अन्य अवस्था सामान्य रहेको बताएका छन् ।<br><br>बालकका आमा बाबुले आफ्नो छोरालाई अस्पतालमै पुगेर भेटेका छन् । बच्चालाई भेटेपछि धेरैबेर रोएका आमाबाबुले अब कहिल्यै यस्तो अपराध नगर्ने बताउँदै खोजिमा संलग्न सुरक्षाकर्मीलाई आफ्नो छोरा सकुशल फेला पारिदिएकोमा धन्यवाद दिएका छन् ।</p><p><img src="https://topnepalnews.comuploads/posts/0d7ee29af334c54cd057231501128aee1464926699.jpg" style="width: 750px; height: 454.31px;"><br></p><p>सुरुमा होकाइदो जंगल क्षेत्रका पार्क घुम्न जाँदा बच्चा हराएको भन्दै प्रहरीमा रिपोर्ट लेखाएका बालकका आमा बाबुले पछि मात्र सत्य कुरा बताएका थिए । त्यसलगत्तै शनिवार देखी खोजिमा खटिएको प्रहरीले बालक सकुशल भेटेपछि प्रयास सफल भएको प्रतिक्रिया दिएको छ । प्रहरीले बालकलाई थप अनुसन्धान र स्वास्थ्य हेरेर परिवारको जिम्मामा लगाउने बताएको छ ।<br><br>विश्वभर समाचार बनेको यो घटनामा बालकका आमाबाबुले सजायको नाममा निर्दयी बनेको भन्दै जापानभर उनीहरुको आलोचना सहित कडा सजाय हुनुपर्ने माग उठेको थियो ।</p><h3><font color="#731842"><a target="_blank" href="https://topnepalnews.comjapan/2411">जापानमा रिसको झोकमा जंगलमा बच्चा छाड्दा बेपत्ता, सयौं सैनिक खोजिमा (घटनाको नालीबेली)</a></font><br></h3>