<p>३ भदौ, जापान ।<br>बुढेसकालको सहारा बन्ला भनेर सुनौलो भविष्यको सपनामा श्रण गरेर अध्ययनको पठाएको छोरा रमेश तामाङको निधनपछि उनको परिवार पाँचदिनदेखी शोकमा छ ।</p><p>मृत्यु भएपनि छोराको अन्तिमपटक मुख हेर्ने ईच्छा परिवारले गरेपछि जापानमा रहेको नेपाली समुदाय अहिले रमेशका बुवा आमाको ईच्छा पुरा गरिदिन एकजुन बनेको छ ।<br><br>आफ्नो छोराको अनुहार अन्तिम पटक हेर्ने बुबा आमाको इच्छा अनुसार तामाङको पार्थिब शरीर लाई नेपाल लैजानको लागि नेपाल तामाङ समाज जापानले आर्थिक सहयोग संकलन थालेको छ ।<br><br>यो अभियानमा जापानमा रहेका सयौं व्यक्तिले व्यक्तिगत सहयोग गरिरहेका छन् भने विभिन्न राजनीतिक दल आवद्ध संगठन सहित संघसंस्थाहरुले समेत सहयोग गरेका छन् ।<br><br>यसै क्रममा तामाङ समाजका अध्यक्ष कर्मा वाङ्गेल लामाको सम्वन्यमा नेपाली राजदुताबास जापानका कार्यबाहक राजदुत श्री कृष्णचन्द्र अर्याल र जापानमा रहेको बिभिन्न संघ सस्थाहरूको प्रधिनिधिहरूको उपस्थितिमा स्व. रमेश तामाङको पार्थिब शरिर नेपाल सम्म पठाउने व्यवस्था मिलाइएको छ ।<br><br>यसको लागि जापानिज् कम्पनी सान्तोकु फुनरल पार्लर कम्पनी लिमिटेडसँग सहमति गरिएको छ । सहमतिपछि जापानिज कम्पनी सान्तोकुले रमेशको शव नेपालसम्म लैजाने भएको छ ।<br><br>तामाङको पार्थिब शरीरलाई २३ तरिख टोक्योबाट लगिने र २४ तरिखमा नेपाल पुर्याउने भएको छ ।<br><br>तामाङको आर्थिक अवस्था कमजोर भएका कारण शव लैजानको लागि भने आर्थिक खर्च धेरै लाग्ने भएकाले जापानवासी नेपालीहरुलाई सहयोग गरिदिनुहुन समाजले आग्रह गरेको छ ।<br><br>२२ तारिख अपरान्ह १२ बजेसम्ममा नेपाल तामाङ समाज जापानको खाता नम्वर १०११० ७८७६३५११ मा सहयोग रकम पठाइदिनुहुन अनुरोध गरिएको छ ।<br><br>प्राप्त रकम सार्वजनिक सँगै सम्पूर्ण रकम स्वर्गित रमेशका परिवारजनलाई बुझाइने संस्थाले स्पष्ट पारेको छ ।<br><br>यसैबिच बाबुराम भट्टराई नेतृत्वको नयाँ शक्ती पार्टीको जापान भात्री संगठनले सोमवार निधन भएका रमेश तामाङको शव नेपाल पठाउन को लागि आर्थिक सहयोग गरेको छ ।<br><br>अन्तरराष्ट्रिय नेपाली समाज जापान नाम दिइएको नयाँ शक्ति आवद्ध संगठनले २ मान ३ हजार जापानी एेन आर्थिक सहयोग गरेको हो ।<br><br>समाजका संयोजक पदम सिंह ठगुना तथा आर्थिक संयोजक सरिता ढकाल लगायतको टोलिले संयुक्त रुपमा एभरेष्ट फुजी अनलाईनका सम्पादक प्रेमिला गौचनलाई सो रकम हस्तान्तरण गरेको हो ।<br><br>प्राप्त सहयोग रकममा गौचनले थप १ मान आफ्नो तर्फवाट सहयोग गरि कुल ३४ हज़ार&nbsp; ८९&nbsp; रुपैयाँ नेपाली बराबरको जापानी एने नेपाल तामाङ समाज जापानका अध्यक्ष तथा सहयोग समितीका संयोजक कर्म वाङगेललामा लाई हस्तान्तरण गर्नुभएको छ ।<br><br>जानकारी अनुसार स्वर्गिय रमेश तामाङको बैंक खातामा रहेको र काम गरेको ठाउँमा लिन बाँकी समेतगरि करिव ३० मान संकलन हुने भएको छ ।</p><p>बुधवार सम्ममा विभिन्न संघसंस्था र व्यक्तिगत सहयोग समेतगरि १५ मान बढी संकलन भएको र यो क्रम बढीरहेको भन्दै आवश्यक पर्ने करिव १ सय २० मान संकलनमा जापानमा रहेका सबै नेपालीहरुलाई जेपी बैंकको खाता नम्बर १०११० ७८७६ ३५११ मा आर्थिक सहयोग रकम राखिदिनुहुन तामाङ समाज जापानले हार्दिक आग्रह गरेको छ ।<br><br>यस्तै गैर आवासिय नेपाली संघ जापानले पनि मृतक तामाङको शव नेपाल लैजानको लागि सहयोग गर्न जापानमा रहेका सबै नेपालीहरुसँग आग्रह गरेको छ ।<br><br>मिलनसार र हँसिला स्वभावका रमेश दुई बर्षअघि मात्र अध्ययनका लागि जापान आएका थिए भने उनको उच्च रक्तचापका कारण मृत्यु भएको हो ।</p><p><b>यो पढ्न छुटाउनुभयो कि ?</b></p><h3><a target="_blank" href="https://topnepalnews.commain-news/4136">जापानमा निधन भएका रमेश तस्विर र भिडियोमा</a></h3><h3><b><a target="_blank" href="https://topnepalnews.comjapan/4126">नेपाली विद्यार्थीको जापानमा आकस्मिक निधन </a></b></h3><p><br><br></p>