<p>५ कार्तिक, काठमाडौं ।<br>मुलुकमा बढ्दो सवारी दुर्घटनामा पुराना सवारी साधनलाई दोष दिइए पनि यसको परीक्षणका लागि स्थापित भेहिकल फिटनेस टेस्ट सेन्टर भने चरम उपेक्षाको शिकार बनेको छ । दुर्घटना बढ्दा सबैको चासो हुने गरे पनि यसको सञ्चालनमा कसैको चासो देखिंदैन ।<br><br>निर्माण सकिएको ६ वर्षसम्म पनि केन्द्र सञ्चालनमा आउन सकेको छैन । सञ्चालनको जिम्मेवारी लिएको यातायात व्यवस्था विभागले सञ्चालन निर्देशिका बनाउन नसक्दा २०६८ मै निर्माण भएको केन्द्र सञ्चालनमा आउन नसकेको हो ।आजको कारोबारमा खबर छापिएको छ ।<br><br>मेसिन, विद्युत्लगायत सबै संरचना तयारी हालतमा रहे पनि त्यहाँ आवश्यक कर्मचारी, इलेक्ट्रो मेकानिकल प्रविधिको उपलब्धता नहुँदा समस्या आएको हो । विभागले २०७१ पुसमा सवारी परीक्षण केन्द्र रहेको टेकुमा नै कार्यालय स्थापना गरिको काम अघि बढाएको थियो ।कार्यालयले विभागलाई पटक–पटक कार्यविधि तथा अन्य आवश्यक प्रविधि र दक्ष कर्मचारी आए सञ्चालन गर्ने सक्ने भनी पत्र पठाएको जनाएको छ । सरकारले आव २०६६/०६७ मा बजेट विनियोजन गरी सवारी परीक्षण केन्द्र निर्माण सुरु गरेको थियो ।<br><br>रोपवेको भवनमा निर्माण गरिएको सेन्टरमा विद्युत् जडान भइसकेकाले निर्देशन र कार्यविधि आउने हो भने सवारी परीक्षण कार्यालय आफ्नो काम गर्न तयारी हालतमा रहेको कार्यालयले जनाएको छ ।<br><br>परीक्षण केन्द्र सञ्चालनका लागि सवारीको ब्रेक फोर्स कति हुनुपर्ने, एक्सएल लोड कति हुने, टायरको स्लिम कति हुने जस्ता प्रविधिक कुरा स्पस्ट रूपमा मापदण्ड बनाउनु पर्ने हुन्छ । विभागले यसबारे निर्देशिका नबनाउँदा काम अघि बढाउन नसकिएको हो ।<br><br>सरकार सवारी परीक्षण केन्द्र सञ्चालनका लागि तयार रहेको यातायात व्यवस्था विभागका महानिर्देशक चन्द्रमान श्रेष्ठले बताए ।<br><br>“तर परीक्षण केन्द्र सञ्चालनका लागि मेकानिकल र कम्प्युटरको पार्टसहितको इलेक्ट्रोमेकानिकल सफ्टवेर बनाउनु पर्नेछ, त्यो हाल बनिरहेको छ,” उनले भने, “त्यससँगै कार्यालयलाई आवश्यक प्राविधिक कर्मचारी पनि आवश्यक पर्छ त्यो पनि माग गरेका छौं ।”<br></p>

<p>५ कार्तिक, काठमाडौं ।<br>सरकारले गत वर्षदेखि आठवटा जिल्लामा सुरु गरेको सीमा क्षेत्र विकास कार्यक्रम चालु आर्थिक वर्षदेखि १२ वटा जिल्लामा विस्तार गरेको छ ।</p><p>सरकारले पहिलो चरणमा प्रदेश नं। २ का पर्सा, बारा, रौतहट, सर्लाही, महोत्तरी, धनुषा, सिराह र सप्तरी जिल्लाको भारतसँग सीमा जोडिएका १०९ गाविसमा यो कार्यक्रम सुरु गरेको थियो ।<br><br>उक्त कार्यक्रम प्रभावकारी भएको ठहर गर्दै सरकारले चालु आर्थिक वर्षदेखि नै लागू हुने गरी झापा, मोरङ, सुनसरी, चितवन, नवलपरासी, रुपन्देही, कपिलवस्तु, दाङ, बाँके, बर्दिया, कैलाली र कञ्चनपुर गरी १२ जिल्लाका १०३ गाविस र २२ वटा नगरपालिकाको ९३ वटा वडामा कार्यक्रम विस्तार गरेको सङ्घीय मामिला तथा स्थानीय विकास मन्त्रालयले जनाएको छ ।<br><br>ती जिल्लामा मानव विकासको सूचाङ्क अन्य जिल्लाको तुलनामा कमजोर भई गरिबी उच्च रहेकाले भौतिक पूर्वाधार, सामाजिक विकास, आर्यआर्जन वृद्धि, सीपमूलक कार्यक्रम, सशक्तीकरण र सचेतनामूलक क्रियाकलाप सञ्चालन गरिने मन्त्रालयका उपसचिव सुमन घिमिरेले जानकारी दिए । उनकाअनुसार सरकारले पाँच वर्षमा पाँच अर्ब रुपियाँ लगानी गर्ने कार्यक्रम बनाइ चालु आर्थिक वर्षमा भने २० जिल्लामा गरी एक अर्ब २१ हजार रुपियाँ सम्बन्धित जिल्लामा अख्तियारी पठाइसकेको छ । आजको गोरखापत्रमा खबर छापिएको छ ।<br><br>सङ्घीय मामिला तथा स्थानीय विकास राज्यमन्त्रीको संयोजकत्वमा सहायक मन्त्री, राष्ट्रिय योजना आयोगका सदस्य, मन्त्रालयको वैदेशिक सहयोग समन्वय महाशाखा प्रमुख सदस्य रहेको केन्द्रीय मूल्याङ्कन तथा अनुगमन समिति निर्माण गरेको छ भने मन्त्रालयका सचिवको संयोजकत्वमा कार्यक्रम निर्देशन समिति र जिल्लामा स्थानीय विकास अधिकारीको संयोजकत्वमा विषयगत कार्यलयका प्रमुख रहेको जिल्ला कार्यक्रम समन्वय समिति बनाएइको छ ।<br><br>सरकारले भारतसँग सीमा जोडिएका क्षेत्रलाई विशेष प्राथमिकतामा राखी समानुपातिक विकासका लागि उक्त कार्यक्रम सञ्चालन गरेको हो ।<br><br></p>

<p>५ कार्तिक, काठमाडौं ।<br>कान्ति लोकपथअन्तर्गतको लेले टिकाभैरव–भट्टेडाडा सडक खण्ड निर्माण सम्पन्न नहुदै भत्कन थालेको छ । पीआर निर्माण सेवाले निर्माण गरेको सडकको लप्से खण्डमा भत्कन थालेको हो ।</p><p>‘ठेकेदारले सडक निर्माणकोक्रममा कमसल सामानको प्रयोग गरेको स्पष्ट देखिन्छ,’ उनले भने, ‘आवश्यक छानविन गरि दोषीलाई कारबाही गर्नुपर्यो ।’आजको कान्तिपुरमा खबर छापिएको छ ।</p><p>उनका अनुसार उक्त बाटो भएर विद्यालय जाने बालबालिकासमेत मर्कामा परेका छन् । कान्ति लोकपथ सडक योजना प्रमुख दिपक केसीले मर्मतका लागि ठेकेदार कम्पनीलाई पत्र पठाइसकिएको बताए । ‘ठेकेदारले बर्खाको पानीको भेलले गर्दा भत्किएको भनी स्पष्टिकरण दिएको छ,’ उनले भने, ‘दसै र तिहारका बीचमा कामदार नपाएकाले काम रोकिएको हो ।’<br><br>उनले बर्खाका कारण निर्माणाधीन सडक भत्कनु सामान्य भएको बताए । ‘भट्टेडाडामा पनि भएको थियो,’ उनले भने, ‘त्यहाँ मर्मत भइसकेको छ ।’<br><br>हेटौडालाई काठमाडौं जोड्ने छोटो, भरपर्दो वैकल्पिक लोकमार्गमा गत आर्थिक वर्षभित्र मालवाहक सवारी साधान गुड्न सक्ने गरि स्तरोन्नती गरिसक्ने सरकारी योजना थियो । तर मिनीबस पनि सञ्चालन हुन गाह्रो छ ।<br><br></p>

<p>पप्पु गूरुङ्, ५ कार्तिक, दोधारा चाँदनी । रामलिलाको फर्जी टिकटको विषयलाई लिएर गाली गलौच तथा कुटपिट गरेको भन्दै आज प्रहरी समक्ष निबेदन परेको छ् । रामलिला समितिका अध्यक्ष छबिलाल भण्डारीले सदस्य डम्मर राना र डम्मर रानालाई टिकट ब्यवस्थापन समितिलाई फर्जी टिकट कार्यमा संलग्न भएको आरोप लगाएपछि दुबै बिच हातपात र गाली गलौच भएको हो । फर्जी टिकटको बारे छलफलको क्रममा हिजो दुबै बिच हात हालाहाल भएको थियो । आज ईलाका प्रहरी कार्यालय दोधारा चाँदनीमा आफुलाई गाली गलौच र कुटपिट गरेको भन्दै रामलिला समितिका सदस्य डम्मर राना र सहयोग गरेको भन्दै बेल बहादुर रानाको बिरुद्ध उजुरी दिएको ईलाका प्रहरी कार्यालय दोधारा चाँदनीका प्रहरी निरिक्षक बिरेन्द्र बिर बिश्वकर्माले बताउनु भएको छ् । फर्जी टिकट बितरण गरेको कुरा प्रमाणित नभई बिनासित्तै हावादारी रुपमा आरोप लगाईएको कारण हातपात भएको रामलिला समितीका सदस्य डम्मर रानाले जानकारी दिनुभएको छ् । &nbsp;भोली बिहान १० बजे ईलाका प्रहरीमा दुबै पक्ष बिच छलफल गरिने चलाईने प्रहरीले जनाएको छ् । बिना प्रमाण सुनुयोजित ढङ्गले आफुहरुलाई फसाउने षडयन्त्रले आरोप लगाएको रानाको भनाई रहेको छ् । असोज १५ गते देखि कार्तिक १ गते सम्म दोधारा चाँदनीमा संचालित श्री आदर्श रामलिला नाट्य मञ्चनको कुर्चीको फर्जी टिकट पाईएपछि बिबाद श्रजना भएको हो । रामलिलामा कुर्चीमा बसेका प्रति ब्यक्ती दर्शकहरुका लागी रु. २० सहयोग रकम लिने रामलिला समितिको निर्णय अनुरुप गुलाबी कागजमा निलो मसीले लेखिएको सहयोग टिकट रसिद समितीले काट्दै आएकोमा असोज २६ गते गुलाबी कागजमा कालो मसीले लेखिएको कुर्चीको फर्जी सहयोग टिकट पनि बिभिन्न स्थान तथा दर्शकहरु संग फेला परेपछि आरोप र प्रत्याआरोप श्रजना भएको हो । असोज २५ गते सिमावर्ती भारतीय बजार खटिमाको ईष्टदेब प्रिन्टिङ्ग प्रेसमा २ जना दोधारा चाँदनीका नचिनेका ब्यक्तीले उक्त फर्जी टिकट रसिद १० ठेली छापेको रामलिला समितिका अध्यक्ष छबिलाल भण्डारीले बताउदै आउनुभएको छ् ।&nbsp;</p><p><br></p>

<p>पप्पु गुरुङ्, ४ कार्तिक, दोधारा चाँदनी । दोधारा चाँदनीमा संचालित रामलिला नाट्य मञ्चनमा कुर्ची बिक्रीको फर्जी टिकट फेला परेको छ् । असोज १५ गते देखि कार्तिक १ गते सम्म दोधारा चाँदनीमा संचालित श्री आदर्श रामलिला नाट्य मञ्चनको कुर्चीको फर्जी टिकट पाईएपछि रकम हिनामिना भएको पुष्टी भएको हो । बिबादको घेरा बिच संचालनमा आएको रामलिलामा कुर्चीमा बसेका प्रति ब्यक्ती दर्शकहरुका लागी रु. २० सहयोग रकम लिने रामलिला समितिको निर्णय अनुरुप गुलाबी कागजमा निलो मसीले लेखिएको सहयोग टिकट रसिद समितीले काट्दै आएकोमा असोज २६ गते गुलाबी कागजमा कालो मसीले लेखिएको कुर्चीको फर्जी सहयोग टिकट पनि बिभिन्न स्थान तथा दर्शकहरु संग फेला परेको श्री आदर्श रामलिला नाटय मञ्चन दोधारा चाँदनीका अध्यक्ष छबिलाल भण्डारीले जानकारी दिएका छन् । “सक्कली टिकटमा टिकट ब्यवस्थापन संयोजकको हस्ताअक्षर छैन्” एक रामलिला समितिका सदस्यले भने–“सायद हतारको कारण टिकटहरुमा टिकट ब्यवस्थापन संयोजकको हस्ताअक्षर नभएको हो” समाचार श्रोत अनुसार असोज २५ गते सिमावर्ती भारतीय बजार खटिमाको ईष्टदेब प्रिन्टिङ्ग प्रेसमा २ जना दोधारा चाँदनीका नचिनेका ब्यक्तीले उक्त फर्जी टिकट रसिद १० ठेली छापेको हो । “कुर्चीको फर्जी टिकट छापेको बारे हामीले जानकारी पाएका थियौ । हामीले उक्त फर्जी टिकट कसैलाई नदिनु भनेर प्रिन्टिङ्ग प्रेसलाई भनेका थियौ” श्री आदर्श रामलिला नाट्य मञ्चन अध्यक्ष भण्डारीले भने । तर प्रिन्टिङ्ग प्रेसले नाम नचिनेको ब्यक्तीलाई टिकटको ठेली दिएको भण्डारीले बताए । “२६ गते देखि टिकट बिक्री भएको प्रमाण जुटेको छ् । छानबिन सहित दोषी उपर कार्वाही गर्छौ” भण्डारीले भने– “यसका लागी चाडै बैठकको तयारी गरेका छौ” रामलिला नाट्य मञ्चनमा कुर्ची ब्यवस्थापनका जिम्मा पाएका सदस्यहरुले फर्जी &nbsp;टिकटको बारे अनबिज्ञता प्रकट गरेका छन् । “१६ गते देखि २९ गते सम्म कुर्चीबाट उठेको जम्मा रकम रु. ५८ हजार ८ सय ९२ रुपिया नियम संगत रामलिला समितिलाई बुझाएका छौ । टिकट काउण्टरबाट कुनै फर्जी कुर्ची बिक्रीको टिकट काटिएको छैन्” कुर्ची ब्यवस्थापनका जिम्मा पाएका डम्मर बहादुर गुरुङ्गले भने । अर्का टिकट ब्यवस्थापनका बस्दै आएका सञ्जु नेपालीले टिकट काउण्टरबाट फर्जी टिकट बिक्री नगरेको दाबी गरेका छन् । “हामीले गुलाबी कागजमा कालो मसीले लेखिएको कुर्चीको फर्जी टिकट बारे थाहा पाएनौ” टिकट बिक्रीमा बस्दै आएका सञ्जु नेपालीले भने । रामलिला मैदान र केही दर्शकहरु संग गुलाबी कागजमा कालो मसीले लखिएको फर्जी टिकटहरु फेला परेको अध्यक्ष छबिलाल भण्डारीको दाबी छ् । “टिकट काउण्टरबाट फर्जी टिकट बिक्री भएको छ्” भण्डारीको दाबी छ् । तर टिकट काउण्टरबाट फर्जी टिकट बितरण नभएको टिकट ब्यवस्थापन समितिहरुले दाबी गर्दै आएका छन् । “समितिले टिकट ब्यवस्थापन समितिलाई गलत आक्षेप लगाईरहेका छन्” कुर्ची टिकट ब्यवस्थापन समितिका सदस्यले भने । भारतको खटिमा शहरको फर्जी टिकट छाप्ने प्रिन्टिङ्ग प्रेसले फर्जी टिकट छाप्न लगाउने २ जना ब्यक्तीलाई देखेपछि सहजै चिन्ने दाबी गरेको रामलिला समितिका अध्यक्ष भण्डारीले जनाएको छ् । रामलिला समितिका सदस्य डम्मर राना र कुर्ची ब्यवस्थापन समितिका संयोजक डम्मर गुरुङ्गलाई फर्जी टिकटमा संलग्न भएको आरोप श्री आदर्श रामलिला समितिले लगाएका छन् ।</p><p><b><u style="background-color: rgb(255, 0, 0);">अध्यक्ष र सदस्य बिच हात हालाहाल&nbsp;</u></b></p><p>श्री आदर्श रामलिला नाट्य मञ्चनका अध्यक्ष छबिलाल भण्डारी र सदस्य डम्मर राना बिच हात हालाहाल भएको छ् । फर्जी टिकटको बारे छलफलको क्रममा दुबै बिच हात हालाहाल भएको हो । अध्यक्ष छबिलाल भण्डारीले सदस्य डम्मर राना र टिकट ब्यवस्थापन समितिलाई फर्जी टिकट कार्यमा संलग्न भएको आरोप लागेपछि दुबै बिच हात हालाहाला भएको हो । “फर्जी टिकट बितरण गरेको कुरा प्रमाणित नभई बिनासित्तै हावादारी रुपमा आरोप लगाईएको छ्” डम्मर रानाले भने । स्थानिय अनुसार आरोप लगाएको ब्यक्तीहरुलाई प्रमाणित गर्ने कुनै आधार नै नभएको दाबी गरेका छन् । “बिना प्रमाण अध्यक्षले टिकट ब्यवस्थापन समितिका पदाधिकारीलाई अरोप लगाएका छन्” तत्कालिन दोधारा गाबिस कार्यालयका अध्यक्ष बेल बहादुर राना भने । उनका अनुसार अहिले आरोप लगाउनु पुर्वाग्रही देखिएको छ् । “छानबिन पछि सबै सामु आउछ” अध्यक्ष रानाले भने । गए राती श्री आदर्श रामलिला समितीले आपतकालिन बैठक राखेर स्थानियहरु र समितिका साझा उपस्थितीमा छानबिन टोली समेत गठन गरिएको समितिका सचिव रतन बहादुर ओलीले जानकारी दिएका छन् । दोधारा चाँदनी सयुक्त वडा सचिव मोहन सुनारको संयोजकत्वमा ५ सदस्यीय फर्जी टिकट छानबिन टोली गठन गरिएको छ् । सदस्यमा पत्रकार पप्पु गुरुङ्ग, निर्मल गिरी, रुप सिंह साँउद, खेम थापा रहेका छन् । समितिले ५ दिन भित्र न्यायीक प्रतिबेदन बुझाउन रामलिला समितिले जानकारी दिएको छ् । गत वर्ष रामलिला संचालनमा राजनितिक अंशबण्डा गर्दै नेपाली काग्रेंसका छबिलाल भण्डारी रामलिला समितिको अध्यक्ष, नेकपा एमालेबाट टिकाराम शर्मा उपाध्यक्ष, नेकपा माओबादी केन्द्रबाट रतन बहादुर ओली सचिवमा, नेपाली काग्रेंसबाट राजेन्द्र मल्ल सह–सचिवमा, नेपाली काग्रेंसका निर्मल गिरी कोषाध्यक्ष गरि बिभिन्न राजनितिक दलहरुलाई समेटेर आदर्श रामलिला समिति कार्य समिति गठन भएको हो । यस वर्ष नेपाली काग्रेंसका निर्मल गिरी कोषाध्यक्ष पद रिक्त भएपछि नेपाली काग्रेंसको प्रतिनिधी उक्त पदमा पदपुर्ती गर्नु पर्ने उनिहरुले माँग राखेका थिए । यसै बिषयलाई लिएर रामलिला समिति र डम्मर गुरुङ्ग, डम्मर रानाको टोली बिच केही दिन अघि हातपात तथा गाली गलौच समेत भएको थियो । उक्त बिबाद साम्य गर्न सर्बदलिय र रामलिला समिति बिच बैठक समेत बसेको हो । डम्मर गुरुङ्ग र डम्मर राना नेपाली काग्रेंस सम्बद्ध युवाहरु हुन् । दोधारा चाँदनीमा संचालनमा भएको आपसी मतभेद तथा फर्जी टिकटको सम्बन्धमा स्थानियहरुले गत वर्ष र यो वर्षको सम्पुर्ण खर्चा तथा आम्दानीको एक निश्पक्ष छानबिन समिति गठन गरि न्यायपुर्ण छानबिन सहित सम्पुर्ण हिसावहरु सार्वजनिक तथा पारदर्शी हुन पर्ने माँग राखेका छन् । &nbsp;&nbsp;</p><p><br></p>