<p>काठमाडौं ।<br>चीन सरकारले भूकम्प पीडितका लागि सहयोग स्वरुप दिएको ११ हजार इन्डक्सन चुलो नबाँडेर पुष्पकमल दाहाल सरकारले कुहिने अवस्थामा पुर्याएको छ ।<br><br><br>भूकम्प पीडितलाई बाँड्न थोरै हुने भनेपनि विक्रि समेत नगरि सरकारले गोदाममा थुपारेर काम नलाग्ने अवस्थामा पुर्याएको छ ।<br><br>अनुदानमा चीनबाट १० हजार इन्डक्सन चुल्हो भित्रिएको १४ महिना वितिसक्दा समेत यसलाई बाँड्न वा विक्रिगर्न सरकारले पहल गरेको छैन ।<br><br>चीन सरकारले दिएको इन्सक्सन चुलो सहयोगमा नदिने भनेपनि विक्रि समेत नगरि विगारेर नष्ट गर्ने&nbsp; मनसाय सहित १२ हजार मूल्य तोकेको इन्डक्सले २ महिनामा एउटा मात्र विक्रि भएको थियो ।<br><br>त्यसपछि प्राप्त १० हजार इन्डक्सनपनि भन्सार पास समेत नगराई नियोजित रुपमा चीन सरकारको सहयोग खेर फाल्न सरकार लागि परेको छ ।<br><br>चुल्हो भन्सारमा थन्किँदा विक्रीको जिम्मा पाएको नेशनल ट्रेडिङले २ करोड रुपैयाँभन्दा बढी जरिवाना स्वरुप बिलम्ब शुल्क बेहोनुपर्ने अवस्था आएको छ तर सरकार विक्रि नगरि उल्टै घाटा खुवाउन तल्लिन रहेको देखिएको छ ।<br><br>नाकाबन्दीका कारण नागरिकले ग्यास नपाएर सास्ती बेहोरेपछि चीनले नेपाललाई सर्वसाधरणलाई वितरण गर्न भन्दै अनुदानमा इन्डक्सन चुल्हो सहयोग गरेको थियो ।<br>चीनले ५ मिलियन अर्थात ५० लाख आरएमबीमा दोस्रो चरणमा १० हजार चुल्हो दिएको थियो ।<br><br></p>

<p>काठमाडौं ।<br>भारतबाट आयातीत भन्दा करिव दोब्बर मूल्यमा उपभोक्तालाई बेचेर मुनाफा आएको भन्दै नेपाल आयल निगमले करिव डेढ अर्ब रुपैयाँ कर्मचारीलाई बोनस बाँड्ने भएको छ ।<br><br>ऋणबाट मुक्त भएकै वर्ष निगमले झण्डै १ अर्ब १४ करोड रुपैयाँभन्दा बढी रकम निगमका कर्मचारीलाई बोनसका रुपमा छुट्याइएको हो ।<br><br>आयल निगमले बोनस बापतको रकम आफनो विनियमावली अनुसार नै छुट्याइएको दाबी गरेको छ । निगमले गत वर्ष ९० करोड रुपैयाँ बोनसका रुपमा छुट्याइएपनि जनबिरोधपछि रोकिएको थियो ।<br><br>आपूर्ति र अर्थ मन्त्रालयले ऋण नतिरी बोनस नबाँड्न भनेपछि बोनस रकम त्यत्तिकै थन्किएको थियो । योसँगै अब आयल निगममा झण्डै २ अर्ब रकम बोनस बाँड्ने तयारी थालेको छ ।<br><br>आयल निगम घाटामा जाँदा सरकारबाट रकम माग्ने गरिन्छ । तर, नाफा भयो भने विनियमावलीको हवाला दिँदै कर्मचारीले बाँडेर खाने प्रचलन रही आएको छ ।<br><br>निगममा अहिले ४ सय २२ जना स्थायी कर्मचारी छन् । करार र ज्यालादारीमा पनि निगममा थुप्रै कर्मचारी भर्ती भएका छन् । छुट्टिएको रकमलाई आधार मान्दा प्रति कर्मचारी मासिक झण्डै डेढ लाख रुपैयाँ बोनस खाने भएका छन् ।<br><br>निगमले तेल भित्र्याउँदा पूर्वाधार शीर्षकमा उठाएको कर रकम पनि पूर्वाधारमा खर्च नगरी नाफाका रुपमा राख्ने गरेको छ ।<br><br>यसैको निश्चित प्रतिशत बोनसका लागि छुट्टिने भएकाले संसदीय समितिले पनि बोनसकै लागि लागि जथाभावी करबापतको रकम खर्च गरिएको ठहर गरिसकेको छ ।<br><br>निगमका कर्मचारीले भने बोनस रकम रोकेको भन्दै सर्बोच्चमा मुद्धा दायर गरेका छन् । त्यसको फैसला पनि आउन बाँकी छ । आयल निगमका अधिकांश कर्मचारी अदालतले आफ्नो पक्षमा फैसला गर्नेमा ढुक्क छन् ।<br><br>इन्धनको चर्को मूल्य कायम गरेर नाफामा केन्द्रित हुने आयल निगमका कर्मचारीलाई बाँडिने बोनसको तीव्र आलोचना हुने गरेको छ ।</p><p>कमजोर वितरण प्रणालीका कारण उपभोक्ताले अनेकन सास्ती भोग्नुपरिरहँदा जिम्मेवार आयल निगमले बोनसका लागि रकम छुट्याउनु नाजायज भएपनि सबै दल भित्र निगम भित्रको लाभले गर्दा उनिहरुसमेत मौन रहँदै आएका छन् ।<br>तर जनस्तरबाट हुने चर्को बिरोधले केही बर्षयता यो काम रोकिंदै आएको छ ।<br><br>निगमका अनुसार हाल पेट्रोलमा प्रतिलिटर १ रुपैयाँ ३३ पैसा नाफा छ । डिजेलमा लिटरको १.५० रुपैयाँ घाटा खाइरहेको निगमले एलपीजी ग्यासमा प्रतिसिलन्डर ७८.२४ पैसा र मट्टीतेलमा १५ रुपैयाँ नाफा कमाइरहेको छ ।<br><br>निगमले नाफाका लागि अन्तर्राष्ट्रिय बजारमा ठूलो दरमा मूल्य घट्दा पनि नेपालमा नघटाउने र थोरै बढ्नासाथ नेपालमा धेरै दरमा बढाउने गरेको छ ।<br><br>निगमले कर्मचारीलाई यातायात खर्चका नाममा अतिरिक्त रकम वितरणको तयारी गरेको छ । बिनियमावलीमा यातायात सुविधा पाउने व्यवस्था भएको भन्दै निगमका कर्मचारीलाई मासिक प्रतिव्यक्ति ४ हजार ५ सय रुपैयाँ यातायात खर्च दिन निगमले आन्तरिक तयारी गरिरहेको छ ।<br><br></p>

<p>धनकुटा ।<br>बाँदरले कुनैपनि बाली खान नदिएपछि गाउँनै मिलेर अदुवा खेती लगाएका धनकुटा २ वारीपात्लेका किसानहरु यतिबेला तनावमा परेका छन् ।<br><br>भारतिय ब्यपारीहरुले अदुवामा बिभिन्न बिषादी र रसायनिक मल मिसाएको बहाना देखाउँदै अदुवा लान नमानेपछि उक्त गाउँ स्थित डाँडाबारी टोलका ३२ परिवारले अदुवा नखनी बसेको छन् ।<br><br>अदुवा किन्न कोहि नआएपछि&nbsp; ६ रोपनी क्षेत्रफलमा अदुवा लगाएरका उक्त गाउँका धनकुमारी घिमिरेले अहिले सम्म अदुवा नखनेको जानकारी दिनुभयो।<br><br>गत बर्ष प्रति केजी ६० रुपैंया सम्ममा ६ हजार केजी अदुवा बेचेर १ लाख ५५ हजार कमाएका उनले यो बर्ष ब्यापारी नै नआउँदा प्राय सबै गाउँलेहरुले अदुवा नखनी बसेको उनले बताईन् ।<br><br>त्यस्तै सोहि गाउँकी कमला पराजुलीले पनि गत बर्ष प्रति केजी ६० देखि ६५ रुपैंया सम्म अदुवा बेचे पनि यो बर्ष एकाध ब्यपारी आएर १५ केजीले मागे पनि नलगेको जानकारी दिनुभयो ।<br><br>५ रोपनीमा अदुवा लगाएर गत बर्ष १ लाख २० हजार सम्म कमाएका उनले गाउँका सबै किसानहरु तनावमा रहेको बताउनुभयो ।<br><br>उक्त गाउँका अगुवा कृषक यज्ञ बहादुर कार्कीका अुसार भारतिय पक्षले अदुवामा बिभिन्न बिषादी लगाएको खोट देखाए पछि अदुवा नबिकेको हो ।<br><br>अदुवामा कुनै पनि रसायनिक मल र बिषादी प्रयोग नहुने भएपनि अदुवा नबिक्नुमा भारु हजार र पाँच सयको नोटमा लगाएको प्रतिबन्धका असर हुन सक्ने उनको धारणा छ ।<br><br>५ बर्ष अघि देखि बाँदरको पिरले अदुवा खेती अपनाएका उक्त गाँँका ३२ किसान परिवारले बार्षिक १ सय ५० टन अदुवा निकासी गर्ने गरेको अर्का किसान पुण्य प्रसाद खतिवडाको भनाई छ ।<br><br>जिल्ला कृषि बिकास कार्यालय धनकुटाको तथ्यांक अनुसार धनकुटामा २ सय ५० हेक्टरमा अदुवा खेती हुने गर्दछ ।<br><br></p>