लोग्नेले यातना दिन नछाडेपछि आफैंले आफुलाई आगो लगाइन् अलिसाले

<p>बाँके ।<br>नेपालगञ्ज-१२ खटिकनकुरुवाकी २३ वर्षीया अलिसा खटिकले आफ्नै श्रीमान राजेन्द्रको कुटपिट सहन नसकेपछि आत्मदाहको प्रयास गरेकी छन् ।<br><br>जलेर गम्भीर घाइते भएकी अलिसाको बेहोस अवस्थामा भेरी अञ्चल अस्पताल नेपालगञ्जमा उपचार भइरहेको छ भने पछि फरार छन् । प्रहरीले अलिसालाई उनको पतिले आगो लगाएको आशंका गरेको छ ।<br><br>श्रीमान् राजेन्द्र खटिकले उनलाई दिनहुँ कुटपिट गर्ने गरेको पाइएके छ ।बिहीबार राति पनि मदिरा सेवन गरेर घर आएका राजेन्द्रले श्रीमती अलिसालाई कुटपिट गर्न थाले ।</p><p>यातना सहन नसकेपछि श्रीमती अलिसाले बलिरहेको टुकीको मट्टीतेल टाउकोबाट खन्याइन् र आगो लगाइन् । श्रीमान् राजेन्द्र भने आगो निभाउनुको सट्टा फरार भए ।<br><br>अलिसाको टाउको, अनुहार, घाँटी र छाती जलेको छ । उनको अवस्था गम्भीर छ र भेरी अञ्चल अस्पतालमा उपचार भइरहेको छ ।<br><br>यसअघि नेपालगञ्जमै एक व्यक्तिले श्रीमतीलाई आगो लगाएर हत्या प्रयास गरेको घटना सार्वजनिक भएको थियो ।<br><br><br></p>