<p align="justify">२८ माघ, काठमाडौ । काठमाडौँ उपत्यकासहित मुख्य सहरका यात्रुलाई सस्तो, सुलभ, स्तरीय र भरपर्दो नगर यातायात सेवा दिने गरी सरकारी स्तरबाट यातायात कम्पनी खुल्ने भएको छ । १० करोड रुपैयाँ सञ्चालन खर्च हुने गरी कम्पनी स्थापनाको अन्तिम चरणमा पुगेको संघीय मामिला तथा स्थानिय विकास मन्त्रालयका पूर्वाधार विकास महाशाखा प्रमुख जीवनकुमार श्रेष्ठले जानकारी दिनुभयो ।<br><br>देशका विभिन्न ठूला सहरमा यात्रुको सहजताका लागि सरकारले सय वटा ठूला बस सन्चालन गर्ने यस अघिको प्रतिबद्धता अनुसार सेवा दिन थालिएको हो । ४० देखि ५० वटा सिट भएको र बस अपांगमैत्री र वातावरणमैत्री हुने श्रेष्ठले बताउनुभयो ।<br><br>काठमाडाैं, धनगढी,&nbsp; विराटनगर, नेपालगन्ज, पोखरा, बुटवल, जनकपुर, वीरगन्जलगायत सहरमा बस सञ्चालन गर्ने तयारी भइसकेको छ । यी सहरमा सरकारी बस चलाउने प्रक्रिया सुरु भएको र शुक्रबार प्रबन्ध पत्र तयार गरिने श्रेष्ठले बताउनुभयो । आउँदो आइतबार र सोमबार बस सञ्चालनका&nbsp; लागि कम्पनी दर्ता गर्ने तयारी पनि भएको उहाँले बताउनुभयो ।<br><br>सरकारले तत्कालका लागि ५० वटा बस चलाउन अनुदान दिने सहमति गरेको छ । यस्तै बस चल्ने रुटको बारेमा पनि छलफल भइरहेको छ ।&nbsp; काठमाडौं उपत्यकामा भने रत्नपार्कलाई केन्द्र विन्दु बनाएर चलाउने तयारी भइरहेको छ ।<br></p>

<p>२८ माघ, काठमाडौ । दुग्ध विकास संस्थान अर्थात डिडिसीको निलो प्याकेटको दुध लिटरको ६४ रूपैयाँ पर्छ अझ फ्याटयुक्त हरियो प्याकेटको दूध (होलिमिल्क) खाने हो भने प्रतिलिटर ८० रूपैयाँ तिर्नुपर्छ । उपभोक्ताबाट लिटरको ८० रुपैयाँ असुल्ने दुग्ध विकास संस्थानले पशुपालक किसानलाई भने प्रति लिटर ३५/३६ रुपैयाँ मात्र थमाउँछ ।<br><br>पशुपालक किसानले उत्पादन गरेको दूधको बजार व्यवस्थापन गर्ने जिम्मेवारी पाएको दुग्ध विकास संस्थानबाटै किसान ठगिएको रुपन्देहीका पशुपालक किसान शशि पौडेलले बताउनुभयो । ‘दुःख गर्नेको हातमा जम्मा ३५/३६ रुपैयाँ, अनि दुग्ध विकास संस्थानले झण्डै दोब्बरमा बेच्छ, हामी किसान कति ठगिएका छौं’ पौडेलले भन्नुभयो ।<br><br>पशुपालक किसानबाट लिटरको ३६ रुपैयाँमा किनेको दूधबाट पनि चिल्लोपदार्थ अर्थात फ्याटको मात्रा झिेकेर मात्र दुध बजारमा पठाउने गरेको किसान बताउँछन् । दूधमा फ्याटको मात्रा चार प्रतिशत भन्दा बढी नै हुने र आधाजसो झिकेर मात्र बेच्ने गरेको किसानहरु बताउँछन् । <br><br>ती फ्याटबाट नौनी तथा घिउ बनाएर संस्थानले अतिरिक्त लाभ उठाइरहेपनि&nbsp; दूध उत्पादक किसान भने हेरेको हेर्‍यै हुनुपरेको ललितपुरका पशुपालक किसान अम्बिका हुमागाईं बताउनुहुन्छ । &nbsp;<br><br>तर दुग्ध विकास संस्थानले भने किसानले ३६ रुपैयाँमा दुध नदिने र दुधको गुणस्तर अनुसारको मूल्य तिर्नुपर्ने भएकाले संस्थानलाई किसानले भनेजस्तो मुनाफा नरहेको जनाएको छ । ‘किसानबाट दुध उठाउँदा नै ४५ देखि ६५ रुपैयाँ तिर्दै आएका छौं, धनगढीबाट दुध किन्दा १५ रुपैयाँ त ढुवानीमै लाग्छ, विक्रेतालाई प्रति लिटर दुई रुपैयाँ कमिसन दिनुपर्छ, यसरी लागत थपिदै जाने भएकाले संस्थानलाई नाफा छैन’ संस्थाका निमित्त उपमहाप्रबन्धक ईश्वरीप्रसाद अधिकारीले भन्नुभयो ।<br><br>इलाम, ताप्लेजुङ लगायत जिल्लाका किसानबाट संकलित दुध पनि चिस्यान केन्द्रमा भण्डारण गर्नुपर्ने, उपकरण चलाउनका लागि जेनेरेटर चलाउने पर्ने र ट्याङकरमा ल्याउँदा लागत थपिदै जाने उपमहाप्रबन्धक अधिकारीले बताउनुभयो ।<br><br>‘विराटनगरसम्म ल्याएपछि पनि सबै दुध विक्री हुदैन, त्यहाँ पाउडर बनाउनुपर्ने संस्थानको बाध्यता छ, एक किलो पाउडर बनाउन १२ लिटर दुध खपत हुन्छ । दुधलाई पाउडरमा परिणत गर्दा ४५ रुपैयाँ अतिरिक्त खर्च लाग्छ, उपमहाप्रबन्धक ईश्वरीप्रसाद अधिकारी भन्नुुहुन्छ ‘विराटनगरबाट ल्याएको पाउडर दुध काठमाडौमा पुनः प्रोसेसिङ गरेर विक्री गर्नुपर्छ’ दुध विक्री गर्न सोचेजस्तो सजिलो छैन, हामीले उपभोक्तालाई पनि ठगेका छैनौं र किसानलाई पनि ।’ <br><br>दुग्ध विकास संस्थान, दुग्ध उत्पादक कृषकबाट उत्पादित दूधको बजार व्यवस्थापन गर्न र उपभोक्तालाई स्वच्छ र प्रशोधित दूध तथा दुग्ध पदार्थ आपूर्ति गर्ने उद्देश्यले तत्कालीन दुग्ध विकास बोर्ड संस्थान ऐन अनुसार २०२६ सालमा दुग्ध विकास संस्थान गठन भएको हो । संस्थानले अहिले विभिन्न दुग्ध पदार्थ सहित दैनिक १ लाख लिटर स्ट्यान्डर्ड दुध र झण्डै २० हजार लिटर होलीमिल्क विक्री गर्दै आएको छ ।&nbsp; <br><br></p>

<p align="justify">२८ माघ, काठमाडौ । हिन्दू धर्मावलम्बीले प्रत्येक वर्ष पौष शुक्ल पूर्णिमादेखि श्रद्धापूर्वक वाचन र श्रवण गर्दै आएको श्रीस्वस्थानी व्रतकथा आज पूजाआजा गरी सम्पन्न गरिँदैछ । व्रत बस्ने प्रत्येक महिला (पुरुष पनि) ले महिनाभरि स्नान गरी मध्याह्न श्रीस्वस्थानीको पूजा गरी एक छाक खाएर बसेका खण्डमा पुण्य मिल्ने तथा मनोकाङ्क्षा पूरा हुने विश्वास गरिन्छ । सत्ययुगमा हिमालयकी पुत्री पार्वतीले महादेव स्वामी पाउनाका लागि विष्णुको सल्लाहानुसार निराहार रहेर स्वस्थानीको व्रत गर्दा आफ्नो मनोकाङ्क्षा पूर्ण भएको र पछि उहाँले लोककल्याणका निम्ति सो व्रतकथा प्रचारप्रसार गराई गरिब तथा दुःखीको उद्धार गर्नुभएकाले परम्परागत रूपमा यो कथा प्रचलित हुँदै आएको मानिन्छ । आज व्रत समाप्तिका दिन श्रीस्वस्थानीको पूजा गरी चढाइने एक सय आठ–एक सय आठ रोटी, पान, कुड्का सुपारीलगायत सामग्रीमध्ये आठ–आठ रोटी, सुपारी र पानलगायत सामग्री आफ्ना श्रीमानलाई, श्रीमान नभए छोरालाई, छोरा पनि नभए मीत छोरालाई दिने र मीत छोरा पनि नभए आफ्नो इच्छा पूरा होस् भनी खोलामा लगेर बगाइदिने र बाँकी व्रतालु स्वयम्ले खाने प्रचलन छ । <br><br></p>

<p>२८ माघ, काठमाडौ । अख्तियार दुरुपयोग अनुसन्धान आयोगको आज स्थापना दिवस मनाइदैछ । यस अवसरमा आज विहानै काठमाडौंमा प्रभातफेरी निकालिने भएको छ । रत्नपार्कस्थित शान्तिबाटिकाबाट शुरु भएको (याली नगरको परिक्रमा गर्दै अख्तियार दुरुपयोग अनुसन्धान आयोगको कार्यालय टंगालमा पुग्ने तयारी छ । अख्तियार दिवस दाङ लगायत देशभर बिभिन्न कार्यक्रम गरी मनाइँदै छ । अख्तियार दुरुपयोग अनुसन्धान आयोगको स्थापना भएको २६ वर्ष पुगेको अवसरमा भ्रष्टाचार नियन्त्रणका लागि क्रियाशील संघसंस्थालहरुले बिबिध कार्यक्रम गरी यो दिवस मनाउन लागेका छन् । अख्तियारमा लोकमानसिंह कार्की निल्मित भएपछि अहिले प्रमुख आयुक्त खाली छ । आज प्रधानमन्त्री डा पुष्पकमल दाहाल प्रचण्डको आतिथ्यतामा स्थापना दिवसको मूख्य कार्यक्रम हुँदैछ । <br><br></p>

<p>&nbsp;काठमाडौं,माघ २७ । नेपाल प्रहरीको नयाँ नेतृत्व चयनको विषयमा विमलेन्द्र निधि आफ्नो अडानबाट पछि हट्दै जयबहादुर चन्दको पक्षमा उभिएका छन् । कांग्रेस सभापति शेरबहादुर देउवाको वचन हार्न नसकेपछि गृहमन्त्री निधीले फागुन ३ गतेदेखि रिक्त हुन लागेको नेपाल प्रहरीको महानिरीक्षक पदमा चन्दलाई बढुवा गर्ने प्रस्ताव तयार गर्न गृहमन्त्री निधिले गृहसचिवलाई निर्देशन दिएका छन् ।&nbsp;</p><p>नेपाली कांग्रेसका सभापति शेरबहादुर देउवाले प्रहरीको नयाँ नेतृत्वमा चन्दलाई बढुवा गर्ने अडानमा अडिग रहेपछि डिआईजी नवराज शिलवालको पक्षमा उभिदै आएका गृहमन्त्री निधि आफ्नो अडानबाट पछि हट्न पुगेका हुन् । ‘अब आइतबार बस्ने मन्त्रिपरिषद बैठकले त्यसमाथि निर्णय गर्नेछ ।’<br></p><p>कांग्रेसका दुई नेताबीच ‍उत्पन्न ‍तिक्ततालाई साँघुरो बनाउन सरकारमा रहेका देउवा पक्षमा मन्त्रीहरू बालकृष्ण खाँड र प्रकाशशरण महतलगायतका नेताहरूले दुबै नेताहरूको बिचमा समन्वय गरेका थिए।</p><div><br></div>