<p>विदुर । नुवाकोटको विदुर नगरपालिका वडा नं। ३ खङ्गभञ्याङको छापथोकमा गोपी मिजारले आफ्नो छोराको उपचारको लागी सहयोगको अपिल गर्नुभएको छ ।<br><br>पछिल्लो समय ढिकुरे बजारमा बस्दै आउनुभएका मिजारले करीब पाँच वर्षका गौरवको टंङ्सीलको उपचारको लागी रकम अभाव भएकाले सहयोगको आग्रह गर्नुभएको हो ।<br><br>जन्मेको समयदेखि नै टंङ्सीलबाट प्रभावित भएको गौरवको पछिल्लो समय घाटीमा मासु बढ्दै गएर शल्यक्रिया गर्नुपर्ने भएकाले उपचारको लागी रक अभाव भएको बताउनुभएको छ । गौरवको शल्यक्रिया गर्न आगामी पुस पहिलोसाता भित्र गरिसक्नको लागी चिकित्सले समयसीमा दिएको र त्यसको लागी सहुलियत सुविधा सहित साढे दुई लाख रुपैयाँ लाग्ने जनाएकाले रकम अभावले सहयोगको आग्रह गरेको उहाँले बताउनुभएको छ ।<br><br>ढाँड कुप्रो भएर सजिलोसंग हिडडुल समेत गर्न नसक्ने र चरम आर्थिक अभाव भएकले गोपी मिजारले दाताहरुबाट सहयोग भएमा छोरा गौरवलाई बचाउन सहयोगको आपिल गर्नुभएको हो । &nbsp;<br><br>उहाँलाई सहयोग गर्न चाहनेले फोन नं. ९८६१८१५३५३ मा सम्पर्क गरेर ढिकुरे बजारमा भेट्न सक्नुहुनेछ । <br><br></p>

<p align="justify">नुवाकोट । नेपाल प्रहरीका प्रमुख, प्रहरी महानिरीक्षक सर्वेन्द्र खनालले प्रहरी संगठनको सेवा प्रवाह पहिलाको जस्तो नभई सुध्रिसकेकाले त्यसमा विश्वास गर्न आग्रह गर्नुभएको छ । </p><p align="justify"><img style="width: 1024px;" src="https://topnepalnews.comuploads/posts/8bf72bfd6cf8c86f427200b5260d5f8c1543853220.jpg"><br></p><p align="justify"><br>सशस्त्र युद्ध र विनासकारी भूकम्पले क्षति पुगेका प्रहरी इकाईको पुर्ननिर्माण अन्तरगत राष्ट्रिय पुर्ननिर्माण प्राधिकरणको पुर्ननिर्माण कोष मार्फत नुवाकोटमा बनाइएको तीनवटा भवनको मंसिर १६ गते आइतबार उद्घाटन गर्दै प्रहरी महानिरीक्षक खनालले आफ्नो नेतृत्वमा रहेको प्रहरीले ‘गलत नगर्ने’ प्रद्धिबद्धता जनाउनुभयो । </p><p align="justify"><img style="width: 1024px;" src="https://topnepalnews.comuploads/posts/031a9108be26ef0d7850cb1aac6091031543853233.jpg"></p><p align="justify"><img style="width: 1024px;" src="https://topnepalnews.comuploads/posts/c751edc90c7232be50a17ad811fb43791543853241.jpg"></p><p align="justify"><img style="width: 1024px;" src="https://topnepalnews.comuploads/posts/06830d2a299ce9e32f970a5eeda47d081543853249.jpg"><img style="width: 1024px;" src="https://topnepalnews.comuploads/posts/51110988bc53100d64dbc5148726da931543853254.jpg"><br></p><p align="justify">अहिले मुलुकको विभिन्न स्थानका घटनामा प्रहरीलाई जोडेर भइरहेका टिप्पणी प्रति इंकित गर्दै उहाँले प्रहरीको गलत आचरण बाहिर आएको जस्तो नभएको र कहीँकतै भएका कमजोरी समेत सुधारेर अघिबढ्दै आएकाले प्रहरीलाई जनताबाट सम्मानित सँस्थाको रुपमा स्थापित गराउन सरोकारवालाको पनि भूमिका महत्वपूर्ण रहेको बताउनुभयो । </p><p align="justify"><img style="width: 1024px;" src="https://topnepalnews.comuploads/posts/e4c17850a0a95248ab819d2037b92eb11543853264.jpg"><br></p><p align="justify">सत्य, सेवा र सुरक्षाको प्रत्याभूति दिलाउन नेपाल प्रहरी बफादार रहेको स्मरण गराउदै उहाँले प्रहरी संगठनलाई यसअघि विभिन्न लाल्छना लगाएर ‘प्रहरी त यस्तै हो’ भनेर समुदायमा रहेको नकारात्मक भावनाको अविश्वास त्याग गर्न आग्रह गर्नुभयो । </p><p align="justify"><img style="width: 1024px;" src="https://topnepalnews.comuploads/posts/2282c2c0ca1b42cd65f5f543e6b84da91543853275.jpg"></p><p align="justify"><img style="width: 1024px;" src="https://topnepalnews.comuploads/posts/4780397705ee7dcc6a665a9672d66bd91543853284.jpg"><br></p><p align="justify"><br>प्रहरी महानिरीक्षक खनालले नेपाल प्रहरी अपराध रोकथाम, अपराध नियन्त्रण र नागरिकको सुरक्षा लगायतलाई केन्द्रीय दायित्वमा प्रहरी संगठन पूर्ण प्रतिबद्ध रहेको भन्दै&nbsp; अधिकांश अपराधी पक्राउ गर्न सफल हुदै आएको बताउनुभयो । </p><p align="justify">उहाँले विविध चुनौतीका बाबजुद छिमेकी देशका प्रहरीसँग सहकार्य र इन्टरपोलको सहयोगमा समेत बाहिरी मुलुकबाट अपराधीलाई ल्याएर कानुनी कारवाही गर्न प्रहरी सफल भएको उदाहरण दिदै केही घटनामा बाहेक धेरै अपराधको अनुसन्धानमा प्रहरीको सफल अनुसन्धान गर्दै आएकाले नागरिकको सुरक्षा प्रत्याभूती दिलाउन प्रहरी संगठन हरबखत तत्पर रहेको बताउनुभयो ।</p><p align="justify"><img style="width: 1024px;" src="https://topnepalnews.comuploads/posts/9bcf4c76285e57338dd77d8803ab45431543853309.jpg"><br></p><p align="justify"><br>स्थानीय सरकार र नागरिकसँग दिगो साझेदारीमार्फत शान्ति सुरक्षा कायम गर्ने अभियानको सुरुवातले छोटो समयमै उच्च सफलता प्राप्त भएको चर्चा गर्दै प्रहरी महानिरीक्षक खनालले यसबाट शान्ति सुरक्षा कायम गर्ने जिम्मेवारी स्थानीय सरकार, समाज र प्रहरीको जिम्मेवारी हो भन्ने भावनामा समेत अभिबृद्धि हुने बताउनुभयो । </p><p align="justify"><br>उहाँले प्रहरी संगठन सदैव जनमुखी, पारदर्शी र कानुनबाट निर्देशित मूल्य मान्यताका आधारमा संचालित हुँदै आएकाले नयाँ भवनको निर्माण सेवा प्रवाहको लागी अति आवश्यक रहेको बताउनुभयो । &nbsp;</p><p align="justify"><br>कार्यक्रममा प्रदेस नं ३ नम्बर प्रदेश प्रहरी कार्यालय हेटौंडाका प्रमुख प्रहरी नायव महानिरीक्षक दिपककुमार थापाले अपराध नियन्त्रणको लागी आफूहरु दृढ मनोबलको साथ क्रियाशिल भएकाले त्यसमा सम्झौता नगर्न मातहतको प्रहरीलाई निर्देशन दिनुभयो ।&nbsp; उहाँले नयाँ भवनको निर्माणले प्रहरीलाई सेवा पु-याउन र उच्चमनोबलको साथ काम गर्न प्रेरणा मिल्ने विश्वास व्यक्त गर्नुभयो । &nbsp;</p><p align="justify"><img style="width: 1024px;" src="https://topnepalnews.comuploads/posts/d45d060b1af6b0b4d46d1a719662327f1543853349.jpg"><br></p><p align="justify"><br><b>कार्यक्रममा</b> जिल्ला समन्वय समिति नुवाकोटका प्रमुख सन्तमान तामाङले नुवाकोटको शान्ति सुरक्षा कायम गराउनको लागी अहिलेको प्रहरी संगठनको भूमिका प्रभावकारी र पारदर्शी रहदै आएको भन्दै प्रशंसा गर्नुभएको छ । <br>जिसस प्रमुख तामाङले अन्य जिल्लाहरुमा प्रहरीको भूमिका राम्रो नभएको टिप्पणी आइरहेको समयमा नुवाकोटमा भने जिल्लाको सबै स्थानीयहमा प्रहरी इकाईको स्थापना, मानवअधिकारको रक्षा, पीडितलाई न्यायको अनुभूती दिलाएर जिल्लामा शान्ति सुरक्षा कायम राख्न नुवाकोट प्रहरीको भूमिका सन्तोषजनक रहदै आएकाले यसलाई कायमै राख्न सुझाव दिनुभएको छ । </p><p align="justify"><img style="width: 1024px;" src="https://topnepalnews.comuploads/posts/127983030af75492c6033eb3740313db1543853367.jpg"><br></p><p align="justify"><b><br>यस्तै,</b> नुवाकोटका प्रमुख जिल्ला अधिकारी उद्ववबहादुर थापाले नुवाकोटमा रहेका प्रहरी इकाईहरु मध्ये अहिले निर्माण भएको तीन वटा सम्पन्न भएपनि अझै आधा दर्जन प्रहरी इकाईहरु भौतिक पूर्वाधार अभावमा रहेकाले त्यस स्थानमा पनि सेवा प्रवाह गुणस्तर बनाउन भवनको पुर्ननिर्माण अति आवश्यक रहेको बताउनुभएको छ । &nbsp;</p><p align="justify"><img style="width: 1024px;" src="https://topnepalnews.comuploads/posts/6376dca433ec67e1fbf787020dd482441543853380.jpg"><br></p><p align="justify"><br>&nbsp; <b>कार्यक्रममा</b> जिल्ला प्रहरी कार्यालय नुवाकोटका प्रमुख प्रहरी उपरीक्षक बसन्तबहादुर कुंवरले ११ प्रहरी इकाईको पुर्ननिर्माणको क्रममा तीन वटाको पुर्ननिर्माण सम्पन्न भएको र बाँकीको निर्माण अन्तिम चरणमा पुगेको जानकारी दिनुभएको छ । उहाँले नयाँ भवनको निर्माण सगै जिल्लामा शान्ति सुरक्षा कायम राख्नको लागी सिसिटिभी क्यामरा जडान, स्वच्छ खानेपानी लगायतको बन्दोबस्तीले प्रहरी उच्च बनोबलको साथ जनताको सेवामा क्रियाशिल रहेको बताउनुभएको छ । &nbsp;</p><p align="justify"><img style="width: 1024px;" src="https://topnepalnews.comuploads/posts/07b862387b574a1f9ef1fe9a40efd2391543853398.jpg"><br></p><p align="justify"><b><br>&nbsp;&nbsp; &nbsp;कार्यक्रममा</b> जिल्लामा रहेका विभिन्न स्थानीयतहका प्रमुख, उपप्रमुख, सुरक्षा अङ्गका प्रतिनिधि एवम सरकारी कार्यालयका प्रमुख तथा प्रतिनिधि, नागरिक समाज, उद्योग बाणिज्य संघ, सामुदायिक प्रहरी, पूर्वप्रहरी लगायतको सहभागिता रहेको थियो । </p><p align="justify"><img style="width: 1024px;" src="https://topnepalnews.comuploads/posts/6376dca433ec67e1fbf787020dd482441543853408.jpg"></p><p align="justify"><img style="width: 1024px;" src="https://topnepalnews.comuploads/posts/730b24f58e4d2acc7791ab29d003f5191543853418.jpg"></p><p align="justify"><img style="width: 1024px;" src="https://topnepalnews.comuploads/posts/4caaf9af01d2d7e7542d84e42ec912f71543853429.jpg"></p><p align="justify"><img style="width: 1024px;" src="https://topnepalnews.comuploads/posts/702e7181acea2a448ff2260d5788345d1543853436.jpg"><br></p><p align="justify"><br>नुवाकोटमा सशस्त्र युद्ध र विनासकारी भूकम्पले क्षति पुगेका प्रहरी इकाईको पुर्ननिमाण अन्तरगत बाँकी आठ वटा प्रहरी इकाईको पुर्ननिर्माण भइरहेको छ । पुर्ननिर्माण गरिएको भवन भूकम्प प्रतिरोधि सहित आवश्यक सुविधासम्पन्न पूर्वाधार समावेश गरिएको छ । सशस्त्र द्धन्द्ध र भूकम्पले क्षति पुगेका तथा नयाँ स्थानमा स्थापना भएका आधा दर्जन प्रहरी इकाईको पुर्ननिर्माण नहुदाँ अन्योल रहदाँ भाडा र टहरा मार्फत सेवा पु-याउदै आएका छन् ।</p><p align="justify"><img style="width: 1024px;" src="https://topnepalnews.comuploads/posts/0eae1321cc56eb41c2dafd27278e8e761543853544.jpg"><br></p><p align="justify"> </p><p align="justify"><img style="width: 1024px;" src="https://topnepalnews.comuploads/posts/54de92577bae3ada44b628c3af11ae321543853496.jpg"><br></p><p align="justify"><img style="width: 1024px;" src="https://topnepalnews.comuploads/posts/a6977ed91799287b9d2faf2fbb223c641543853478.jpg"></p><p align="justify"><img style="width: 1024px;" src="https://topnepalnews.comuploads/posts/7e3429191d6b816ee197f4a38b6100d51543853487.jpg"><br></p><p align="justify"><img style="width: 1024px;" src="https://topnepalnews.comuploads/posts/629474f9e2a35522b9fc738b6d475ca71543853467.jpg"><br></p><p align="justify"><br><b>यसैबीच,</b> प्रहरी महानिरीक्षक सर्वेन्द्र खनालले आइतबार नै नुवाकोट पछि जिल्ला ट्राफिक प्रहरी कार्यालय गजुरी धादिङको नवनिर्मित भवनको पनि उद्घाटन गर्नुभएको छ । </p><p align="justify">भवनको उद्घाटन गर्दै उहाँले संगठनमा उपलब्ध भौतिक पूर्वाधार तथा स्रोत साधनले प्रहरीको क्षमता अभिवृद्धि र आधुनिकीकरणमा दूरगामी प्रभाव पार्ने बताउनुभएको छ । धादिङ ट्राफिक प्रहरीले नयाँ भवनबाट उत्कृष्ट सेवा प्रदान गर्न सकेमात्र भवन बनाएको सान्दर्भिकता हुने निर्देशन दिनुभएको छ । <br><br><br><br></p>

<p><br>टक्सार, नुवाकोट । नुवाकोट जिल्लास्तरीय २२औँ जुनियर÷युवा रेडक्रस सर्कल गोष्ठि बिन्दुकेशर घोषणा–पत्र जारी गर्दै यही मंसिर १५ गते सम्पन्न भएको छ ।</p><p><br>म्यागङ गाँउपालिका–५ टक्सार स्थित बिन्दुकेशर माध्यामिक विद्यालयमा शुक्रबारदेखि सुरु भएको जुरेस गोष्ठि नौ बुँदे घोषणापत्र र सातबँुदे सुझाब प्रस्तुत गर्दै सम्पन्न भएको हो । <br>गोष्ठिमा धादिङको एक सहित नुवाकोटका ४३ विद्यालयका १२९ जना जुनियर÷युवा रेडक्रस सर्कलमा आबद्ध विद्यार्थी र शिक्षक नायक सम्मिलित गोष्ठिले पछिल्लो एक वर्षको काम–कारबाहीको समीक्षा र आगामी वर्षको भावी रणनीति तयार गरेको आयोजक बिन्दुकेशर माविका शिक्षक नायक टिकाराम सापकोटाले जानकारी दिनुभयो । </p><p><br>उहाँको अनुसार घोषणा पत्रमा ‘जुनियर तथा युवा ः दिगो विकासमा पु¥याउन टेवा’ भन्ने नारा सहित संगठन विकासलाई प्रभावकारी बनाइने, जुनियर तथा युवा रेडक्रसको कोषलाई प्रभावकारी बनाउन एक सदस्यबाट बार्षिक रु पाँच संकलन गर्ने, शैक्षिक सँस्थाको आसपासका स्थानमा मादक पदार्थ र सूर्तिजन्य पदार्थ पूर्ण रुपमा बन्देज लगाउने, सफा र सुग्घर विद्यालय बनाउन फोहरको बर्गिकरण अनुसार त्यसको पुनःउपयोग गरी बाँकीलाई उचित व्यवस्थापन गर्ने उल्लेख गरिएको छ ।</p><p><br>घोषणापत्रमा विद्यालय पूर्ण सरसफाई, विपद् जोखिम न्युनिकरणका गतिविधिलाई थप प्रभावकारी बनाइने, मानव स्वास्थ्यमा असर पर्ने तयारी खाद्य (जङ्क फुड)लाई शैक्षिक सँस्था परिसरमा विक्री नगर्न सचेत गराउने, रेडक्रसको अभिन्न अङ्ग भएको हैसियतले विश्व रेडक्रस दिवस, नेपाल रेडक्रस दिवस, जुरेस–युरेस दिवस, भूकम्प सुरक्षा दिवस, विश्व एड्स दिवस लगायतलाई महत्वको साथ मनाएर विद्यालय र समुदायमा त्यसको प्रभावकारिता बृद्धिगर्ने उद्देष्य राखिएको छ ।&nbsp; </p><p><br>बिन्दुकेशर माविका प्रअ ताराप्रसाद श्रेष्ठको अनुसार गोष्ठिमा विनासकारी भूकम्पको समय र त्यसपछि जुरेसमा आबद्ध विद्यार्थी मार्फत खोज तथा उद्धार, उपचार र राहत वितरण, प्रथामिक उपचार सेवा लगायतमा पु¥याएको भूमिका प्रभावकारी भएकाले आगामी दिनमा थप मजबुद बनाउन केन्द्रित गराउन लागिएको छ ।</p><p><br>नेपाल रेडक्रस सोसाइटीको भातृ सँस्थाको रुपमा विद्यालयहरुमा क्रियाशिल जुनियर÷युवा रेडक्रस सर्कलले जीवनरक्षा तथा स्वास्थ सुरक्षा सम्बन्धि मानवीय सेवाको साथै जनचेतना अभिबृद्धि, रेडक्रसको सिद्धान्त र मानवीय मूल्यको प्रबद्धन, अन्तराष्ट्रिय कानूनको प्रचार, प्रकोप महामारीको न्युनिकरण सहित त्यसको पूर्वतयारी, उद्धार र राहत वितरणमा सहयोग लगायतको मानव सेवाका उच्चतम कार्य गर्दै आएको छ ।</p><p><br>आगामी वर्षको जुरेस गोष्ठि भदु्रटारमा रहेको कुण्डला मावि र शिक्षक नायकहरुको गोष्ठि मनकामनामा रहेको त्रिभुवन माविले सञ्चालन गर्ने निर्णय भएको रेडक्रस नुवाकोट शाखाका सामुदायिक प्रशिक्षक समुन्द्रबाबु अधिकारीले जानकारी दिनुभयो ।&nbsp; <br><br></p>

<p><br>टक्सार । नुवाकोट जिल्लास्तरीय २२ औँ जुनियर/युवा रेडक्रस सर्कलको गोष्ठि म्यागङ गाँउपालिका वडा नं. ५ टक्सार स्थित बिन्दुकेशर माध्यामिक विद्यालयमा जारी रहेको छ ।</p><p>हिजोदेखि सुरु भएर आजसम्म चल्ने गोष्ठिको उद्घाटन समारोहमा म्यागङ गाँउपालिका अध्यक्ष आशा तामाङले मानवीय सेवाको भावले अन्तराष्ट्रियस्तरमा छवी कमाएको रेडक्रसको उच्चतम सम्मान भएकाले त्यही अनुसार सेवालाई कायम राख्नको लागी विद्यालयतहमा क्रियाशिल जुनियर रेडक्रस सर्कललाई आह्वान गर्नुभएको छ । अध्यक्ष तामाङले भूकम्प पछिको उद्धार र उपचारमा रेडक्रसमा आबद्ध रहेका जुनियर रेडक्रसले पु-याएको भूमिका प्रशंसनीय भएकाले उनीहरुलाई सक्रिय बनाएर सिप, श्रोत र साधनले समेत क्षमतावान बनाउनको लागी सहयोगको प्रतिबद्धता जनाउनुभएको छ । &nbsp;</p><p>यस्तै, गाँउपालिकाको उपाध्यक्ष शान्ती गुरुङले मानवीय सेवा र निवास्र्थ सँस्थाको रुपमा कायम रहेको सर्कललाई सबै विद्यालयमा उपस्थित गराउनुपर्ने सुझाब दिनुभएको छ । र्दुइदिनसम्म चल्ने गोष्ठि मार्फत सर्कलमा आबद्ध भएका विद्यार्थी र शिक्षक नायकहरुबीच अनुभव आदनप्रदानको लागी समेत प्रभावकारी हुने विश्वास लिएको बताउनुभएको छ । &nbsp;</p><p>कार्यक्रममा नेपाल रेडक्रस नुवाकोट शाखा सभापति सुरतबहादुर चित्रकारले जुनियर रेडक्रस सर्कल रेडक्रसको अभिन्न अङ्गको रुपमा रहेर संगठन र सहभागिता प्रर्बद्धनमा पु-याउदै आएको योगदान अमूल्य रहेको बताउनुभएको छ ।<br>नुवाकोटमा रेडक्रसको उच्चतम प्रतिष्ठा कायम रहनुभएमा सर्कलको भूमिकामा रहेका विद्यार्थीहरुको योगदान र सहयोगबाट नै उपलब्धी प्राप्त भएकाले आगामी दिनमा जुनियर सर्कललाई मजबुद बनाउनको लागी क्रियाशिल हुने बताउनुभएको छ । &nbsp;</p><p>कार्यक्रममा रेडक्रस रसुवा सभापति बाबुलाल तामाङले रेडक्रसको उद्देष्य पूरा गर्नको लागी विद्यालयतहमा स्थापना भएका जुनियर रेडक्रस सर्कल मार्फत विश्वमा नै रेडक्रसको प्रतिष्ठा बनाउन सहयोग पुगेको बताउनुभएको छ । कार्यक्रममा म्यागङ गाँउपालिकाको वडा न ३ का वडाध्यक्ष हरीबहादुर तामाङ, वडा नं. ५ का वडाध्यक्ष रामबहादुर तामाङ, वडा नं. ६ का वडाध्यक्ष आत्तमसिंह तामाङ, रेडक्रस सोसाइटी केन्द्रीय जुनियर विभागका उपनिर्देशक शिवराम गौतम, बिन्दुकेशर विद्यालय व्यवस्थापन समितिका अध्यक्ष मुरलीप्रसाद सापकोटा प्रधानध्यापक ताराप्रसाद श्रेष्ठ, शिक्षक नायक टिकाराम सापकोटा, विद्यार्थी आशिक यादव लगायतले २२ औ जुनियर सर्कलहरुको गोष्ठिले यसअघि पु-याएको भूमिकाको समीक्षा गर्दै आसन्न वर्षको लागी बनाउने भावी योजनामा रेडक्रसका सिद्धान्त र मानवीय सहयोगका कार्यक्रमलाई सुक्ष्म रुपमा समावेश गरी विद्यालयमा गठन भएको सर्कललाई बस्तीसम्म पु¥याउन सुझाब दिनुभएको छ । </p><p>यसैगरी, रेडक्रस नुवाकोट शाखा सदस्य एवम् नेपाल जुनियर रेडक्रस विभाग नुवाकोट संयोजक केशव सुवेदीले खुलासत्र सम्पन्न पश्चात हिजो र आज दुई दिनचल्ने गोष्ठिको बन्द सत्रले यसअघिका कामको समीक्षा गरी भावि रणनीति बनाएर रेडक्रसको भूमिका अझ उच्चतम बनाउन केन्द्रित हुने बताउनुभएको छ । </p><p>कार्यक्रममा रेडक्रस नुवाकोट मार्फत सञ्चालित आपतकालीन कार्यक्रमका कार्यक्रम अधिकृत रबिन दाहाल, नुवाकोट रेडक्रस कोषाध्यक्ष श्रीराम पाण्डे, उपमन्त्री सिता तामाङ, उपकोषाक्ष उद्धवशर्मा रिजाल, जिल्ला सदस्य सुशीला चित्रकार, रेडक्रस देउराली उपशाखा सभापति पारसलाल तामाङ, रेडक्रस रसुवा कोषाध्यक्ष दिनेश तामाङ,&nbsp;रेडक्रस नुवाकोटका सामुदायिक प्रशिक्षक समुन्द्रबाबु अधिकारी, रडक्रस नुवाकोटका विपद् व्यवस्थापन कार्यमा लामो समयदेखि प्रशिक्षकको रुपमा क्रियाशिल रहनुभएका रेडक्रसकर्मीहरु रेमश गिरी, कुमार पाठक, रबिन्द्रनाथ न्यौपाने लगायत जिल्लामा जुनियर रेडक्रस सर्कल गठन भएका विभिन्न विद्यालयका शिक्षक नायक एवम जुनियर रेडक्रसकर्मी विद्यार्थीको सहभागिता रहेको छ ।</p><p><br>गोष्ठिमा नुवाकोटका ८५ भन्दा बढी विद्यालय मध्ये अधिकांश विद्यालय र धादिङको कुण्डलादेवी मावि समेतको सहभागिता रहेको गोष्ठि सञ्चालन भइरहेको विन्दुकेशर माविका शिक्षक मधुसुदन सापकोटाले जानकारी दिनुभएको छ । उहाँको अनुसार हिजोदेखि सुरु भएको गोष्ठिले आज विन्दुकेशर घोषणा पत्र जारी गर्दै अर्को वर्ष नयाँ विद्यालयलाई कार्यक्रम सञ्चालन गर्ने जिम्मेवारी प्रदान गरी सम्पन्न गर्ने योजना लक्ष्य राखिएको छ ।</p><p><br>रेडक्रसको भातृ सस्थाको रुपमा विद्यालयहरुमा क्रियाशिल रहेको जुनियर/युवा रेडक्रस सर्कलले जीवन रक्षा तथा स्वास्थ सुरक्षा सम्बन्धि मानवीय सेवाको साथै जनचेतनाको अभिबृद्धि, रेडक्रसको सिद्धान्त र मानवीय मूल्यको प्रबद्धन, अन्तराष्ट्रिय कानूनको प्रचार, प्रकोप महामारीको न्युनिकरण, त्यसको पूर्वतयारी, उद्धार र राहत वितरणमा सहयोग लगायत मानव सेवाका उच्चतम कार्य गर्दै आएको छ । <br><br><br></p>