कुमरीमा समुदायले सञ्चालन गरेको पुस्तकालयलाई राष्ट्रिय पुरस्कार

<p align="justify">नुवाकोट । बेलकोटगढी नगरपालिका वडा नं. २ कुुमरीमा समुदाय मार्फत सञ्चालनमा रहेको जनजागरण सामुुदायिक पुस्तकालय श्रोतकेन्द्र यो वर्षको पहुँचयुक्तता अवार्डबाट सम्मानित भएको छ ।</p><p align="justify"><br>अपाङ्गता भएका व्यक्तिहरुको २७औँ अन्तराष्ट्रिय दिवसको अवसरमा पुस्तलकायले अवार्ड प्राप्त गरेको हो । पुस्तकालयले अपाङ्गता भएका व्यक्तिहरुको क्षेत्रमा गरेको कार्य, पुस्तकालय भवन अपाङ्गतामैत्री बनाएर सञ्चालन तथा पुस्तकालयको सेवा सथा सुविधामा अपाङ्गता भएका व्यक्तिलाई सहज रुपमा अध्ययन तथा प्रयोगका सामाग्री व्यवस्था गरेबापत पुस्तकालय सम्मानित भएको राष्ट्रिय अपाङ्ग महासंघ नेपालले जनाएको छ ।</p><p align="justify"><br>संयुक्त राष्ट्र संघले तय गरेको ‘अपाङ्गता भएका व्यक्तिहरुको सशक्तिकरण तथा समावेशिता समानताको सुनिश्चितता’ र राष्ट्रिय नारा ‘मलाई गणना गर, मलाइ समाबेश गर’ सम्पन्न कार्यक्रमको क्रममा पुस्तकालय सम्मानित भएको हो । </p><p align="justify">प्रत्येक वर्ष प्रदान गरिने अवार्डमा महासंघले नेपालभरका अपाङ्गताको क्षेत्रमा काम गर्ने संघ संस्थाहरु मध्येबाट उत्कृष्ठ सँस्थालाई सम्मानगर्दै आएको छ । पुस्तकालयलाई पहुँचयुक्तता अवार्ड महिला, बालबालिका तथा जेष्ठ नागरिक मन्त्री थममायाँ थापाले पुस्तकालयका अध्यक्ष रामचन्द्र तिमल्सिनालाई प्रदान गर्नुभएको हो ।</p><p align="justify"><img style="width: 1024px;" src="https://topnepalnews.comuploads/posts/74dfe3fa310fde1ef1b79390c4cd295a1543972184.jpg"><br></p><p align="justify">रिड नेपाल तथा ए.एस.बीको आर्थिक तथा प्राविधिक सहयोगमा दुई करोड ८५ लाख रुपैयाँ लगानीमा निर्मित पुस्तकालय गएको बैशाख २० गते उद्घाटन गरी सञ्चालनमा रहेको छ ।<br>बहुप्रकोप प्रतिरोधात्मक सहित अपाङ्गगतामैत्री पुस्तकालयमा पुस्तकालयकक्ष, बालकक्ष, महिलामैत्रीकक्ष, युवाकक्ष, सभाहल, समाबेसी विपद् जोखिम न्युनिकरणकक्ष, आईसिटी कक्ष र श्रव्यदृष्य कक्ष सहित सात कक्षबाट सेवा दिदै आएको छ । </p><p align="justify"><img style="width: 1024px;" src="https://topnepalnews.comuploads/posts/c9d0c2fcb1cda4dc4b6620262d422b361543972216.jpg"><br></p><p align="justify">पुस्तकालयमा अपाङ्गता भएका व्यक्तिको लागी सांकेतिक भाषाका पुस्तक, ब्रेल पुस्तक र डेजी पुस्तक सहित श्रवणयन्त्र लगायतका पहुुचयोग्य प्रयोगका सामाग्री समावेश गरिएको पुस्तकालयका कार्यक्रम संयोजक श्यामराज तिमिल्सिनाले जानकारी दिनुभएको छ । </p><p align="justify"><img style="width: 1024px;" src="https://topnepalnews.comuploads/posts/cdd2579955c2f1fd2cf7a1a0a6842a971543972241.jpg"></p><p align="justify"><img style="width: 1024px;" src="https://topnepalnews.comuploads/posts/cdd2579955c2f1fd2cf7a1a0a6842a971543972258.jpg"><br><br><br></p>