<p>नुवाकोट । वन्यजन्तु रेडपाण्डाको छाला ओसारपसार तथा बिक्री वितरण मुद्दामा फारर रहेका एक जनालाई प्रहरीले पक्राउ गरेको छ ।<br><br>काठमाडौँं जिल्ला अदालतले २०७४ साल चैत ३ गते नुवाकोट शिवपुरी गाउँपालिका–६ का सन्तोषकुमार तामाङलाई पाँच वर्ष कैद हुने ठहर गरेकोमा उक्त सजाय बेरुजु रही फरार रहेका प्रतिवादीलाई केन्द्रीय प्रहरी अनुसन्धान ब्यूरोको टोलीले बुधबार पक्राउ गरी फैसला कार्यान्वयनका लागि आज काठमाडौँ जिल्ला अदालतमा पेश गरेको छ । उनलाई गुर्जुभञ्ज्याङ, नुवाकोटबाट पक्राउ गरिएको हो ।<br><br>प्रहरीले २०७४ साल भदौ १९ गते काठमाडौँ तारकेश्वर नपा–१० मनमैजुस्थित सडकमा प्रतिवादी सन्तोषकुमार तामाङले चलाएको बा३४प ६६८१ नंको पल्सर मोटरसाइकल जाँच गर्दा रेडपाण्डाको छाला बरामद गरेको थियो ।<br><br>रेडपाण्डाको छालासहित पक्राउ परेका तामाङ अदालतबाट माग भएको धरौटीबापत जमानीमा राखी तारेखमा रहेकामा अदालतको फैसलापछि फरार रहेका थिए । काठमाडौँ जिल्ला अदालतमा पेश गरिएका तामाङलाई अदालतको आदेशले कैद भुक्तानका लागि आजै केन्द्रीय कारागार कार्यालय सुन्धारामा पठाइएको छ । <br><br></p>

<p><b>-रामहरि न्यौपाने,</b><br>नुवाकोट । नेपालमा हाल निर्माणाधीन राजमार्ग मध्ये गाँउदेखि सहरसम्म र पूर्वदेखि पश्चिम जोडिएको पुष्पलाल–मध्यपहाडी लोकमार्गको निर्माण नुवाकोटमा तिव्र बनाइएको छ ।<br>पाँचथरको पूर्र्वीभेगमा पर्ने चियोभञ्ज्याङ (नेपाल–भारत सीमा) बाट सुरु भएर बैतडीको झुलाघाटमा (महाकाली नदीसम्म) जोडिन् यो राजमार्गको मध्ये नुवाकोटमा पर्दछ । सडक निर्माणको लागी नुवाकोट मध्येविन्दुमा अबस्थित छ । पूर्वी खण्ड अन्तरगत पाटीभञ्याङसम्म ६५९ किमि र पश्चिम खण्डमा नुवाकोटको पाटीभञ्याङदेखि बैतडीको झुलाघाटसम्म एक हजार ९७ किमि पर्दछ । </p><p><br>आयोजनाका इञ्जिनियर दयानाथ यादवको अनुसार मध्येपहाडी सडक खण्डको नुवाकोटमा करीब ७० किमि पर्दछ । हाल पाँच खण्डमा काम भइरहेको सो सडकको नुवाकोटमा सिन्धुपाल्चोकस्थित चिसापानीबाट प्रवेश गरी पार्टीभञ्याङहुदै शेराबगर, छहरे, ढिकुरे, गंगटे, डेउडी, सामरीहुदै भ¥याङभुरुङबाट धादिङतर्फ लाग्दछ । </p><p><br>जिल्लाको शिवपुरी गाँउपालिका, लिखु गाँउपालिका, विदुर नगरपालिका र म्यागङ्ग गाँउपालिका हुदै उक्त सडक धादिङतर्फ लाग्ने मध्येपहाडी सडक आयोजनाका पश्चिम खण्डका निमित्त प्रमुख इ.रमेश दृष्टिले जानकारी दिनुभयो ।<br><b>पहिलो खण्डमा</b> पाटीभञ्याङदेखि थानसिंहको छहरेसम्म २७.५ किमि पर्दछ । यस खण्डमा नयाँ ट्रयाक खोल्ने र साविक सडक स्तरउन्नतीको काम सम्पन्न भएपछि हाल सात वटा पक्कि पुलको निर्माण र कालोपत्रे गर्न ठेक्का लगाइएको छ । समग्रमा सडक निर्माणको काम १६ प्रतिशत सम्पन्न भएको छ । सडकमा पर्ने सातवटा पुल मध्ये तीन वटा ठेक्का लगाउन बाँकी छ भने चारवटाको निर्माण भइरहेको छ । त्यसमध्ये तीनवटा अन्तिम चरणमा पुगेको पश्चिम खण्डका निमित्त प्रमुख दृष्टिले जानकारी दिनुभयो । </p><p><br><b>दोश्रो खण्डमा</b> जिल्लाको थानसिंहको छहरेदेखि खानीगाँउको ढिकुरेबजारसम्मको १३ किमि सडक विभाग अन्तर्गत रिप (सडक विस्तार आयोजना) मार्फत काम भइरहेको छ । यो सडक साविकको सडक अन्तरगत स्तरउन्नती गर्ने काम सम्पन्न भएकाले हाल कालोपत्रे गर्ने तयारी गरिएको यादवले जानकारी दिए । उनको अनुसार आगामी फागुनदेखि सुरुहुने कालोपत्रेको काम छ महिनामा सम्पन्न गर्ने लक्ष्य लिइएको छ । </p><p><br><b>तेश्रो खण्डमा </b>ढिकुरेबजारदेखि विदुर नगरपालिका–५ गंगटेसम्म ७.३ किमि पर्दछ । यो सडक रमण–दिव्यज्योती जेभी मार्फत ठेक्का लगाएर कालोपत्रे गर्न निर्माणलाई तिव्र बनाइएको छ । हाल १७ स्थानमा एकै साथ आक्रामक शैलीमा निर्माणको काम भइरहेको इञ्जिनियर दयानाथ यादवले बताउनुभयो । </p><p><br><b>चौथो खण्डमा</b> विदुर नपा–५ गगटेदेखि विदुर नपा–१३ डेडडीसम्मको सडक विस्तार प्रारम्भिक अध्ययनको क्रममा छ । यो सडकको विस्तार तथा स्तरउन्नती कहाँबाट लैजाने हालसम्म अन्योल छ । यस खण्डको रेखाङ्कन तय भएको छैन भने विस्तृत परियोजना प्रतिवेदन (डिपिआर) निर्माण हुन बाँकी छ । </p><p><b><br>पाचौँ खण्ड</b> अन्तरगत विदुर नपा–१३ डेउडीबाट धादिङको सीमाक्षेत्र भ-याङभुरुङसम्मको सडक १३.५ किमि पर्दछ । यादवको अनुसार यो सडकको स्तरउन्नती तथा ट्रयाक विस्तारको काम सम्पन्न भएपश्चात हाल कालोपत्रेको लागी मित्र–सञ्जिवनी जेभीलाई विस. २०७५ असार ६ गते ठेक्का दिइएको छ । यस सडक खण्डमा तीन वटा पक्कि पुल (कागुने, सामरी र भ-याङभुरुङ खोलामा) पर्दछ । तीनवटै पुलको निर्माणको काम आधा भन्दाबढी सम्पन्न भइसकेको छ । <br>नुवाकोटमा मध्येपहाडी सडकको विस्तारले जिल्लाको दुगर्म तथा भौगोलिक रुपमा विकट मानिएका बस्तीहरुलाई सुगम र सहरसंग जोड्न महत्पूर्ण योगदान पु-याउने विश्वास लिइएको&nbsp; जिसस नुवाकोटका प्रमुख सन्तमान तामाङको बताउनुभयो ।</p><p><br>उहाँको अनुसार यस सडकले शिवपुरी गाँउपालिकाको पाटीभञ्याङदेखि छहरेसम्म सडक सुविधा बिहिन हुदाँ काठमाडौको चार वटा नगरपालिकासंग जोडिएको स्थानीयतह भएपनि विकट र दुर्गमको पहिचान&nbsp; अब हटाउन सक्ने आशा जगाएको छ ।</p><p><br>“यो सडक निर्माणले धादिङसंग जोडिएको म्यागङ गाँउपालिका र सिन्धुपाल्चोक र काठमाडौसंग जोडिएको शिवपुरी गाँउपालिकाबासीको जीवनस्तर उकास्न छलाङ ल्याउन सक्छ ।” तामाङले भन्नुभयो “यहाँको कृषि उब्जनी, जडिबुटी, पर्यटक प्रबद्धनले जिल्लाहुदै मुलुकलाई आर्थिक रुपमा समृद्धि बनाउन सकिन्छ ।”</p><p><br>आर्थिक रुपमा समृद्धिको लागी पूर्वाधारका अन्य माध्यमजस्तै सडकको हिस्सा महत्वपूर्ण रहेको तथ्यलाई उजागर गर्ने अवसर पनि बन्ने देखिन्छ । पूर्वी–पहाडदेखि पश्चिम–पहाडसम्म पहाडै–पहाड पहुँच पु¥याउने योजनाको समग्र काम भने अपेक्षा अनुसार प्रगति भने देखिएको छैन । <br><br><br></p>

<p align="justify">काठमाडौ । गत मंसिर २८ गते दुप्चेश्वर गाँउपालिका वडा नं. १ घ्याङफेदीको घ्याङडाँडाका भएको मिनीट्रक दुघैटनामा परी ज्यान गुमाएका व्यक्तिका परिवारलाई राहत स्ववरु पाँचच लाख रुपैयाँ&nbsp; क्षतिपूर्ति सहित घाईतेहरुको निशुल्क उपचारको व्यवस्था गर्न नुवाकोटका जनप्रतिनिधिहरुले नेपाल सरकार समक्ष माग गरेका छन् । </p><p align="justify">संघीय सांसद हितबहादुर तामाङको नेतृत्वमा नुवाकोटबाट निर्वाचित जनप्रतिनिधीहरुको टोलीले बुधबार प्रधानमन्त्री निवास वालुवाटार पुगी प्रधानमन्त्री केपी ओलीलाई माग पत्र बुझाएको हो । एकै गाउँका प्रायः एकै परिवार र आफन्तहरुको दुर्घटनामा परी मृत्यु भएको र तीनका आश्रित बालबालिका र बृद्धबृद्धाहरुको पालन पोषणमा समेत कठिनाई परेकाले प्रति मृतकका परिवारलाई रु.पाँच लाख क्षतिपूर्तिको व्यवस्था गरिदिन माग पत्रमा उल्लेख गरिएको छ । सांसद तामाङसंगै संघीय सांसद नारायण खतिवडा, प्रदेश ३ का उपसभामुख राधिका तामाङ, प्रदेश सांसदहरु केशव पाण्डे, हिरानाथ खतिवडा र बद्री मैनालीको तर्फबाट उक्त माग पत्र बुझएका हुन । </p><p align="justify">उनीहरुले काठमाडौका विभिन्न अस्पतालमा उपचारत १४ जना घाईतेको उपाचार खर्चको व्यवस्था तत्काल गरिदिन प्रधानमन्त्रीको ध्यानाकर्षण गराउँदै उपचार खर्चको दायित्व सरकारले व्यहोर्ने गरी सम्बन्धीत अस्पतालमा गृहमन्त्रालयबाट पत्राचार भएको प्रति सरकारलाई धन्यवाद व्यक्त गरेको छ । उक्त घटनामा परी हालसम्म २१ ज्यान गुमाएका छन् ।</p><p align="justify"><br>यसै सन्दर्भमा बुधबार बाट शुरु भएको संसदको हिउँदे अधिवेशन प्रारम्भमा दलका प्रमुख नेताहरुले विशेष समयमा बोल्दै नुवाकोट दुर्घटनामा परी ज्यान गुमाउनेहरु प्रति श्रद्धाञ्जली व्यक्त गर्दै घाईतहरुको शिघ्र लाभको कामना सहित उपचार र क्षतिपूर्तिका लागि सरकारको ध्यानाकर्षण गराएका छन् ।</p><p align="justify"> पूर्व प्रधानमन्त्री तथा नेकपाका अध्यक्ष प्रचण्ड, नेपाली कांग्रेसका सभापति शेरबहादुर देउवा र नयाँ शक्ति पार्टीका संयोजक डा। बाबुराम भट्टराईले संसदलाई सम्बोधनका क्रममा उक्त विषयमा ध्यानाकर्षण गराएका हुन ।<br></p>

<p>काठमाडौं । नेपाल दूरसञ्चार प्राधिकरणका अध्यक्ष दिगम्बर झाले आफ्नो पदबाट राजीनामा दिएका छन् । झाले बुधवार आफ्नो पदबाट राजीनामा दिएका हुन् । गत भदौ २४ गते प्राधिकरणको अध्यक्षमा पुनर्नियुक्ती पाएका अध्यक्ष झाले बुधवार अपराह्न सञ्चार तथा सूचना प्रविधिमन्त्री गोकुल बाँस्कोटासमक्ष राजीनामा पत्र बुझाएका हुन् ।&nbsp; झाको नियुक्ति रद्द वा बर्खास्त गर्नुपर्ने माग सत्तारुढ नेकपाभित्र उठेको थियो। जारी स्थायी समिति बैठकमा नेताहरुले यस्तो माग गरेका थिए। नेकपाका युवा केन्द्रीय सदस्यहरुले झालाई बर्खास्त गर्नुपर्ने विषयमा हस्ताक्षर अभियान नै चलाएका थिए।<br><br>हस्ताक्षर अभियानकर्तामध्येकी एक नेकपा केन्द्रीय सदस्य रामकुमारी झाँक्रीले बुधबार साँझ ट्वीट गर्दै भनेकी छन्, सरकारले एउटा नयाँ आशा देखायो, भ्रष्ट दिगम्बर झाको नियुक्ति खारेज गर्न सरकारलाई निर्देशन पार्टीको स्थायी कमिटीलाइ हामीहरु ४३ केन्द्रीय सदस्यहरुले ज्ञापनपत्र बुझाएका थियौँ। उनलाई सरकारले राजिनामा गरायो।’ निर्वाचन आचार संहिता जारी भएपछि भएका सबै राजनीतिक नियुक्ति खारेज गर्न निर्णय गत असारमा वर्तमान सरकारले गरेको थियो।<br><br>सोही अनुसार झाको नियुक्तिपनि खारेज भएको थियो। सो निर्णयप्रति असहमति जनाउँदै झाले सर्वाेच्च अदालतमा रिट दायर गरेका थिए। मुद्दाको अन्तिम सुनुवाई हुन नपाउँदै सरकारले उनलाई सोही पदमा पुन नियुक्ति गरेको थियो। नियुक्तिपछि उनले अदालतमा दायर गरेको मुद्दा फिर्ता लिएका थिए।झालाई पुन नियुक्तिको विषयले पार्टीभित्र र बाहिरबाट सरकारको आलोचना भएको थियो।<br></p>

<p>काठमाडौं । नेपालको परराष्ट्र मन्त्रालयले जारी गरेको विज्ञप्तिमा गम्भीर त्रुटि भेटिएको छ। इन्डोनेसियामा हालै ज्वालामुखी विस्फोटपछि आएको सुनामीमा दर्जनौँको मृत्यु भएको विषयमा विज्ञप्ती निकाल्दा त्रुटी भएको हो ।&nbsp; परराष्ट्रले राष्ट्रपति कार्यालयको हवाला दिँदै जारी गरेको विज्ञप्तिमा मानिसहरूको मृत्यु भएको विषयमा 'बधाई' दिएको जनाइएको छ। <br><br>राष्ट्रपति विद्यादेवी भण्डारीले शनिबार इन्डोनेसियाको बान्टेन र लामपुङ क्षेत्रमा आएको सुनामीको कारण कयौंको ज्यान गएकोमा इन्डोनेसियाको राष्ट्रपतिलाई एक बधाई सन्देश पठाउनु भएको छ,” परराष्ट्र मन्त्रालयले एकसाथ सयौं नेपाली र विदेशी सञ्चार माध्यममा कार्यरत पत्रकारहरुलाई इमेल मार्फत पठाइएको विज्ञप्तिमा भनिएको छ । <br><br>विज्ञप्तिको पहिलो अनुच्छेदमा इन्डोनेसियाको राष्ट्रपतिलाई इन्डोनेसियाका कयौं नागरिकको मृत्यु भएकोमा बधाई दिइएको भएपनि दोस्रो अनुच्छेदमा भने दुःख व्यक्त गरिएको छ । <br><br>“सन्देशमा राष्ट्रपतिले कयौंको ज्यान गएकोमा नेपाल सरकार र आफ्नो व्यक्तिगत तर्फबाट गहिरो दुःख व्यक्त गर्नु भएको छ,” विज्ञप्तिमा भनिएको छ । विज्ञप्तिमा जारी उद्धार कार्यमा सफलता मिलोस् भन्ने कामना पनि गरिएको छ । <br><br></p>

<p>काठमाडौं ।&nbsp; पूर्वी एसियाली देश जापानले दोस्रो विश्वयुद्धपछि पहिलोपटक विदेशी कामदार लिने भएको छ । जापान सरकारले आप्रवाससम्बन्धी कानुनमा व्यापक नीतिगत सुधार गर्दै नेपाल, चीन, इण्डोनेसिया, मंगोलिया, म्यान्मार, थाइल्याण्ड, फिलिपिन्स र भियतनामबाट विदेशी कामदार लिने भएको जापानी सञ्चारमाध्यम द जापान टाइम्सले जनाएको छ ।<br><br>जापानले आगामी अप्रिलदेखि विदेशी कामदार लिन सुरु गर्ने गरी मंगलबार त्यहाँको मन्त्रिपरिषद्ले नीतिगत सुधारको प्रक्रियालाई अन्तिम रुप दिएको छ । यसकै लागि जापानले आगामी आर्थिक वर्षको २२.४ बिलियन जापानी येनबराबरको बजेटमा आप्रवास नियन्त्रण कानुनमा १ सय २६ वटा नीतिगत सुधारलाई समेटेको छ । डिसेम्बरको सुरुतिरै जापानले उक्त सुधारको निर्णय गरेको थियो । जापानले ६ सय मिलियन जापानी येन जापानी भाषा शिक्षण कार्यक्रमलाई छुट्याएको जनाएको छ । <br><br>परिमार्जित इम्मिग्रेसन ल (आपवाससम्बन्धी कानुन)अनुसार जापानले अब ‘ब्लु कलर’ विदेशी कामदारलाई उनीहरुको दक्षता र विज्ञताको आधारमा ‘वर्किङ भिसा’ दिनेछ । पछिल्लो समय जापानमा कामदार अभावको समस्या देखिनथालेपछि यस्तो कदम चालिएको हो । पहिलो पाँच वर्षमा जापानले ३ लाख ४५ हजार विदेशी कामदारलाई विभिन्न १४ औद्योगिक क्षेत्रमा काम गर्न दिनेछ । ती क्षेत्रहरु नर्सिङ केयर, जानिटोरियल वर्क अर्थात् घर, विद्यालय, अस्पतालजस्ता भवन सफा गर्ने, गार्ड बस्ने रहेका छन् भने अन्य क्षेत्रहरु उत्पादनमूलक, होटल, कृषि तथा फिसिङ (माछापालनसम्बन्धी), फुड प्रोसेसिङ तथा अन्य खाद्यसम्बन्धी सेवाहरु रहेका छन् । <br><br>त्यस्तै जापानले मंगलबार नै विदेशी कामदारलाई मुख्य सहरकेन्द्रित गर्ने कानुनमा समेत आवश्यक सुधार गरेको छ । तर जापानकै धेरै राजनीतिज्ञहरुले भने नयाँ व्यवस्थाअनुसार वर्किङ भिसा पाएपछि विदेशी कामदारहरु सहरकेन्द्रित मात्रै हुनसक्ने समेत चिन्ता व्यक्त गरेका छन् । नयाँ व्यवस्थाअनुसार जापानी रोजगारदाताले अब सिधै नयाँ कामदारहरुलाई लिन सक्नेछन् भने भनेअनुसारको काम नभए कामदारले स्वैच्छिक रुपमा कम्पनी परिवर्तन समेत गर्न पाउनेछन् । <br><br>जापानको न्याय मन्त्रालयले साना औद्योगिक क्षेत्रमा काम गर्न चाहने विदेशी विद्यार्थीहरुलाई सहजै काम पाउने व्यवस्था समेत गरेको छ । १ सय २६ नीतिगत सुधारमा खासगरी जापानका सार्वजनिक शिक्षण संस्थामा जापानी भाषा शिक्षणको लागि विद्यार्थी र शिक्षकको अनुपात समेत २०२६ सम्ममा तीव्र वृद्धि गरिने भएको समाचारमा जनाइएको छ । जापानले विश्वमा जापानी भाषा शिक्षालाई मात्र ३.४ बिलियन जापानी येन खर्च गर्ने योजना बनाएको छ । जसअन्तर्गत कम्प्युटर आधारित परीक्षण प्रणालीमा विदेशीहरुलाई आफ्नो कार्यदक्षता जाँच गर्ने अवसर दिइनेछ । जापानले देशभर १०० वटा सहजीकरण केन्द्र स्थापना गरी ११ वटा भाषाहरु जापानी, अंग्रेजी, चिनियाँ, भियतनामी, कोरियन, स्पेनिस, पोर्चुगिज, नेपाली, इन्डोनेसियन, थाई र टाग्लोग भाषाको प्रशिक्षण समेत दिनेछ । <br><br>त्यस्तै जापानले विदेशी कामदारलाई राष्ट्रिय स्वास्थ्य बीमा कार्यक्रममा समेत आकर्षित गर्नेछ जसले केही स्वास्थ्य सुृविधा प्रदान गर्नेछ तर त्यसको दुरुपयोग रोक्न पनि आवश्यक कदम चालिने जनाइएको छ । नयाँ भिसा वर्गीकरणअनुसार विदेशी कामदारको हकमा १८ वर्ष वा त्यसदेखि माथि उमेरकाले आवासीय स्टाटसका लागि निवेदन दिन सक्नेछन् । निश्चित ज्ञान र अनुभव भएकाहरुलाई एउटा र उच्च कार्यदक्षता भएकालाई अर्को वर्गमा राखिएको छ । उक्त पहिलो वर्गका विदेशी कामदारले पाँच वर्षसम्म काम गर्न पाउनेछन् भने परिवारका अन्य सदस्यलाई भने जापान लैजान पाउनेछैनन् । तर दोस्रो वर्गका कामदारले भने भिसा नवीकरणको अवसर पाइरहनेछन् भने परिवारका सदस्यलाई समेत जापान लैजान पाउने समाचारमा जनाइएको छ । <br><br>उक्त पहिलो वर्गका कामदारले सामान्य जापानी भाषाको ज्ञान हासिल गरेको तथा भाषा परीक्षा उत्तीर्ण गरेको हुनुपर्नेछ । जापानले पहिलोपटक विदेशी कामदारको लागि ढोका खोलेको हो । यसअघि जापानले उच्च कार्यदक्षता भएका मानिसलाई मात्र जापानमा काम गर्न अनुमति दिँदै आएको थियो । <br><br></p>

<p></p><p>&nbsp;नुवाकोट । प्रदेस र प्रतिनिधिसभाको निर्वाचन आउन एक साता पनि बाँकी थिएन । २०७४ मंसिर ११ गते पहिलो चरणको निर्वाचन अन्नतरगत नुवाकोटमा हुन लागिरहेको निर्वाचनको चुनौती निकै ठूलो थियो । २०७४ मंसिर मंसिर १ गते ककनीमा प्रतिनिधिसभाका उम्मेदवार पूर्वमन्त्री डा.रामशरण महत र प्रदेससभाका उम्मेदवार तथा डा.महतका पूर्व स्वकीय सचिव समेत रहेका रमेशकुमार महतलाई लक्षित गरी शक्तिशाली बम विस्फोट भयो ।<br><br>उक्त घटनामा उम्मेदवारद्धय सुरक्षित भएपनि उनीहरुसगै रहेका कार्यकर्ता चढेको गाडीलाई बमले क्षतिग्रस्त बनाइदियो । सो घटनामा पाच जना घाइते भए । त्यही घटनापछि नुवाकोटका तत्कालीन प्रमुख जिल्ला अधिकारी जगदीशराज बरालले नुवाकोटमा सुरक्षा चुनौती बढेको भन्दै निर्वाचन गराउन नसक्ने सार्वजनिक कार्यक्रममा नै बताउन थाले ।<br><br>चुनावको मुखैमा आएर एकपछि अर्को बम विस्फोटका घटना हुनु, प्रमुख जिल्ला अधिकारीले आवश्यक पूर्वतयारीलाई ध्यान दिनतर्फ नलागी सुरक्षा चुनौती देखाएर निर्वाचन रोक्नको लागी पहल गरिरहेको समयमा तत्कालीन सरकारले चुनाव गराउनको लागी नुवाकोटमा प्रमुख जिल्ला अधिकारी बीरेन्द्रकुमार यादव र प्रहरी प्रमुख (प्रहरी उपरीक्षक) बसन्तबहादुर कुंवरलाई २०७५ मंसिर ५ गते नुवाकोटमा काज सरुवा गर्यो । सोही घटनालाई लिएर तत्कालीन समयमा काँग्रेस सरकारले गरेको काज सरुवा उनीहरुको पार्टीलाई सहयोग पुर्याउने कर्मचारी ल्याएको भनेर तत्कालीन एमाले र माओवादी केन्द्रले असहमति समेत जनाएका थिए । तर, नुवाकोटको ६ महिने बसाइमा न त प्रमुख जिल्ला अधिकारी यादवले कुनै पार्टी विशेषको लागी काम गरे न त १३ महिनाको बसाईमा प्रहरी प्रमुख बसन्तबहादुर कुंवरले कुनै कमजोरी भूमिका देखाए । <br><br>१३ महिनाको नुवाकोट बसाईमा प्रहरीको भूमिका कतिसम्म प्रभावकारी, निष्पक्ष, जनताको लागी सेवामा केन्द्रित र संगठन सुधारको लागी नेतृत्वको असल हुनुपर्छ भनेर राम्रोसंग चिनाउने अवशर समेत पाए । नुवाकोट आगमनको समयमा विभिन्न दृष्टिकोणलाई लिएर बिरोध गर्नेहरुले कुंवरको बसाईको समीक्षासगै नुवाकोटबाट बिदाईमा निकै राम्रो प्रशंसा गरे र भनेका छन, असल नेतृत्वको गुण र प्रहरी जस्तो गुण बसन्त कुवरसंग छ । नुवाकोटमा मात्र नभई प्रहरी संगठनमा नै उनीजस्तै कार्य गर्ने व्यक्तिको नेतृत्वको खाचो छ । </p><p align="justify"><b>प्रहरी उपरीक्षक बसन्तबहादुर कुंवरले नुवाकोट बसाईको १३ महिना २०७४ साल मंसिर ५ गतेदेखि २०७५ साल पुस १ गतेसम्म गरेका मुख्य मुख्य कार्यहरु :</b></p>&nbsp;•नेपाल प्रहरी संगठनले अख्तियार गरेको सेवा बिशिष्टिोकरण नितिलाई प्रभावकारी रुपमा कार्यान्वयन गरेको ।<br>•प्रहरी कर्मचारीहरुको तालिम तथा व्यावशायिक दक्षताको आधारमा सम्पूर्ण प्रहरी कर्मचारीहरुलाई जिम्मेवारी दिई खटनपटनमा प्राथमिकता दिएको ।<br>•CAP ( Crime Action Plan) को अवधारणालाई प्रभाबकारी रुपमा कार्यान्वयन गरी अपराध नियन्त्रण तथा अनुसन्धानमा प्रभावकारीता ल्याएको ।<br><br><p align="justify"><b>प्रशासनिक कार्यतर्फ :</b><br>•यस जिल्लाको न.पा.तथा गा.पा.को केन्द्र रहेको स्थान बेलकोटगढी न.पा.को बाघखोर, तारकेश्वर गा.पा.को दानसिंह, शिवपुरी गा.पा.को शेराबगर र गुर्जु भन्ज्याड.गमा अस्थाई प्रहरी पोष्ट स्थापना गरी सुरक्षा ब्यबस्था र संरचनालाई मजबुत र बिकेन्द्रित गरिएको ।<br>•यस जिल्लाको पञ्चकन्या गा.पा.मा (क) स्तरको ईलाका प्रहरी कार्यालयको स्थापना गरिएको ।<br>•आचरण बिपरित कार्य गर्ने प्र.नि.लगायत २५ जना प्र.क.हरुलाई कारवाही गरिएको ।<br>•जि.प्र.का.नुवाकोट तथा मातहत समेतमा राम्रो कार्य गर्ने प्र.ना.उ.लगायत २४ जना प्र.क.हरुलाई पुरस्कृत गरिएको ।<br>•प्रहरी कर्मचारीहरुको मनोबल उच्च राख्ने तर्फ बिशेष ध्यान दिई प्रहरी कर्मचारीहरुको शारिरीक तथा मानसिक सबलता र चुस्तता कायम गरी कार्यसम्पादन र व्यावशायिकतामा प्रभावकारीता ल्याएको ।<br></p><p align="justify"><b>प्रहरी कार्यतर्फ :</b><br>•प्रहरी आचरण, अनुशासन र कार्य सम्पादनको स्तर र कानुन कार्यान्वयनमा सुन्य सहनसिलता अपनाई शान्ती सुरक्षा र सुसासन कायम गर्न उल्लेख्य भूमिका खेलेको ।<br>•प्रतिनिधी सभा तथा प्रदेश सभाको निर्वाचन २०७४ लाई भयरहित, निष्पक्ष, शान्तीपुर्ण र बिश्वसनिय बातावरणमा सम्पन्न गरेको ।<br>•अवैध मदीरा उत्पादन तथा विक्री वितरणलाई दुरुत्साहन गरी नुवाकोटमा ८,५१२ लिटर तयारी मदिर तथा सोको कच्चा पदार्थ ११०० लिटर&nbsp; वरामद गरी नष्ट गरेको ।<br>•अवैध नदिजन्य पदार्थ उत्खनन् गर्ने १८ सवारी साधनलाई कार्वाही गरी ४,७०,००० राजश्व संकलन गरिएको, नदिजन्य तथा खानीजन्य प्राकृतिक स्रोत साधनको अवैध दोहनलाई नियन्त्रण गरिएको ।<br>•नुवाकोट जिल्लामा आफै उम्रिएका अवैध गाजा अदाजी १४,०२० बोट फडानी गरि नष्ट गरिएको ।<br>•नुवाकोटको बिदुर नगरपालिकाको ब्यस्त बजार क्षेत्रलाई प्रभाबकारी व्यबस्थापन गरी बट्टार बसपार्कलाई संचालनमा ल्याएको ।<br>•ट्राफिक प्रहरी र नेपाल प्रहरीको संयुक्त चेकिङबाट २५०१३ वटा सवारी साधनलाई कारवाही गरी १,७८,९०,०००।-&nbsp; राजश्व संकलन भएको ।<br>•RSCC (Road Security Checkpoint Concept) लाई बिशिष्टिकृत रुपमा नुवाकोट&nbsp; जिल्लाभरी संचालन गरी ट्राफिक नियम उलंगनका घटनाहरुमा सुन्य सहनशिनता अपनाई ट्राफिक व्यबस्थापन गरी सोवाट श्रृजना हुने अन्य अपराधमा न्यूनिकरण गरेको ।<br><br></p><p align="justify"><b>अपराध अनुसंन्धानतर्फ :</b><br>•नुवाकोटमा १५२ जना फरार अभियुक्तहरुलाई पक्राउ गरि अदालत पठाएको कैद ७१ बर्ष ९ महिना कैद र १९,५२,४८१।- जरिवाना असुल गरेको ।<br>• जुवातास खेल्ने ५० जनालाई&nbsp; पक्राउ गरी कानुनी कारवाही गर्दा रु.९,८६,३३०/-रकम राजश्व दाखीला गरिएको ।<br>•संगठीत अपराध, गुण्डागर्दी , घाक धम्की , मानव ओसारपसार तथा विरुद्धका कारवाही लगायत अन्य जघन्य अपराधहरुको नियन्त्रणका लागि आवश्यकता बमोजिमको रणनिती निर्माण गरी व्यापक प्रहरी परिचालन गरि त्यस्ता प्रवृतिहरुको&nbsp; निरुत्साहीत गरी कानुनको सर्वोच्चता र दण्डहिनताको अन्त्यका लागि नागरिकले महशुस हुने गरी प्रभावकारी कार्य गरेको । &nbsp;<br>•खवर संकलन तथा जिम्मेवारी क्षेत्रको वस्तुस्थितीका वारेमा अध्यावधिक हुनका लागि जिल्लाका साविक नगरपालिका र गा.पा.को प्रत्येक वडास्तरका २।२ जना अगुवा तथा सहयोगी नागरिकहरुको नामावली र सम्पर्क नम्वर संकलन गरी नियमित सम्पर्कका लागि खास प्रहरी कर्मचारीलाई जवाफदेही बनाई अपराध तथा शान्ती सुरक्षा सम्वन्धी खवर संकलन तथा प्राप्तीको संजाललाई प्रभाबकारी वनाएको ।<br>•सेवा प्रवाहमा सेवाग्राहीहरुलाई सहज पहुँचको व्यवस्था मिलाई न्याय सम्पादनमा कुनै किसिमको दवाव प्रभावमा नपरी दलाल तथा विचौलियाहरुलाई कार्यालय प्रवेशमा पूर्णतया निषेध गरिएको ।<br><b><br></b></p><p align="justify"><b>कार्यालय ब्यवस्थापन तथा अन्य सिर्जनशील कार्यहरु :</b><br>•जिल्ला प्रहरी कार्यालयहरुको सवै कार्यकक्ष तथा शाखाहरु, हिरासत कक्ष र परिसरमा समेतमा प्रहरी र जनताको सहभागितामा&nbsp; कुल रु. १,५०,०००/- लागतमा&nbsp; १६ थान CCTV क्यामेरा जडान गरी कार्यालय प्रमुख Control Room बाट Monitoring को व्यवस्था गरिएको ।<br>•आम जनतालाई सहज र नागरिक मैत्री सेवा दिने उद्देश्यले&nbsp; जि.प्र.का. परिसरमा नागरिक सहायता कक्ष, होजियारी र सैलुन कक्ष ,पुस्तकालय, मो.सा. पार्किङ स्थल, कार्यालय मुख्य प्रबेशद्वार, कार्यालय परिसरको करिव ३०० मी. सडकको कालोपत्रे निर्माण कार्य, शुद्द पिउने पानी संरचना निर्माण गरेको । <br>•बिभिन्न बित्तीय संघ संस्था, उद्योग बाणिज्यसंघसंग समन्वय गरी नुवाकोट जिल्लाको नगरमा रहेको सिसि टिभीको पुन:संचालन गराएको ।<br>•हिरासत व्यवस्थापन कक्षको सुधारको लागि स्रोत साधनलाई उचित प्रयोग गरी व्यवस्थीत गरिएको तथा हिरासत कक्ष तथा गार्ड रुमलाई CC TV Camara बाट निग्रानी गर्ने व्यबस्था र मनोरन्जनका लागी टि.भि.को ब्यबस्था गरिएको ।<br>•कार्यालयमा विद्युतिय हाजिरी प्रणाली (e-Attendance) जडान गरिएको ।<br>•कार्यालय परिसरको प्रवेशद्धारमा विद्युतिय नागरिक बडापत्र तथा सुचना पाटी ( DigitalCitizen Charter &amp;E-Notice Board) को व्यवस्था गरिएको ।<br>•"प्रहरी मेरो साथी" अवधारणा अन्तर्गत नागरिक सुनुवाई, स्कुल सम्पर्क, प्रहरी नागरिक हातेमालो, लागु औषध सम्वन्धि चेतनामूलक कार्यक्रम,घरदैलो तथा अन्तक्रिया, सामुदायिक प्रहरी सेवा, समुदाय– प्रहरी साझेदारी' लगायतका कार्यक्रम गरी प्रहरी नागरिक बिचको सम्बन्ध सुधार ल्याई प्रहरी प्रतिको जनविश्वासमा अभिवृद्धि गरेको ।<br>•कार्यालय ब्यबस्थापन तथा कार्यालय परिशरलाई सेवाग्राही , नागरिक मैत्री र बातावरण मैत्री बनाउन प्रभावकारी भूमिका खेलेको ।<br></p><p align="justify">प्रहरी कस्तो हुन्छ र हुनुपर्छ भनेर एसपी कुंवरले नुवाकोटका जनताको लागी राम्रो छाप छोडेर काजमा गत साता महानगरीय प्रहरी कार्यालय रानीपोखरी पुगे । उनको नुवाकोट बसाईको क्रमममा मुलुकभर प्रहरी विरुद्धका अभियान चलिरहेका थिए । जुम्लामा डा.गोविन्द केसीको धर्नामा प्रहरीले अन्धाधुन्द गरेको लाठीचार्ज र बुट प्रहार, ३३ किलो अबैध सुन तस्करी र सनम शाक्य हत्याकाण्डमा प्रहरीका उच्चपदस्थ कर्मचारीको संलग्नता, कञ्चजनपुरकी बालिका निर्मला पन्तको बलत्कार पछि हत्या घटनामा संलग्न देखि अपराध जोगाउन प्रहरीको गलत भूमिका, सामाजिक सञ्जालमा भाइरल भएको एक जना अर्धपागल पुरुषलाई प्रहरीले निर्मम लाठी प्रहार गरेको घटनाले प्रहरी बिरुद्ध बिरोध चर्किरहदा पनि नुवाकोट प्रहरीको कमकारबहीको निष्पक्ष भूमिकाले नुवाकोटका जनताले अन्यत्र घटनालाई लिएर यहाँको सार्वजनिक स्थलदेखि आफ सामाजिक सञ्जालमा प्रहरी विरुद्ध कुनै प्रतिक्रिया जनाएनन् । </p><p align="justify">नुवाकोटमा प्रहरीको लागी मुख्य चुनौती भनेको यहाँका नागरिकमा रहेको उच्च राजनीतिक चेतनाको स्तर, केन्द्रमा बलियो पहुँच जमाउन सफल भएका नेताहरुसंगको सिधा सम्पर्क, अबैध रुपमा फस्टाउदै गएको नदीजन्य सहित अबैध खानी उत्खनन् रहेको थियो । ती सबैमा नुवाकोट प्रहरीको नेतृत्वमा रहदाँ बसन्तबहादुर कुवरको भूमिका निश्पक्ष रह्यो । उनको कार्यकालमा जिल्लामा अबैध खानी र नदी खोलाको तस्करीहरु निमिट्यान्न भए । जनताले तस्करीबाट बस्न नसकिएको भनेर गुनासो यो पछिल्लो वर्ष कहीकतैबाट गर्नु परेन । जिल्लामा कुनै घटना हुदाँ राजनीतिक लगायतका शक्ति समूहको चलखेल भयो भनेर सुन्नु परेन ।</p><p align="justify">प्रहरीको आन्तरिक सुदृढिकरण पनि निकै परिवर्तन जनताले देखे । भूकम्प पछि टागिएका त्रिपालमा पस्न आएका कुंवरले जिल्ला प्रहरी कार्यालयलाई रिसोर्ट सरह फुल बगैचा, सफा र सुग्घर परिसर, सेवाग्राहीलाई सफा पिउने पानी उपलब्ध गराएर तिर्खाको प्यास मात्र मेटाएका छैनन्, नुवाकोटमा बसन्त कुंवर जस्तै प्रहरी नेतृत्वको प्यास पनि लोभ्याएका छन् ।<br></p><br><p></p><p></p>

<p><br>रसुवा । चीनको केरुङबाट अबैध रूपमा सुन ल्याएको भन्दै रसुवा प्रहरीले धादिङ तिप्लिङका जलबहादुर तामाङलाई सोमबार पक्राउ गरेको छ ।</p><p><br>तिप्लिङ घर भएर पछिल्लो समय रसुवाको स्याफ्रुबेसीमा बस्दै आएका ३९ वर्षका तामाङलाई ३ सय ७८ ग्राम अबैध सुन सहित नियन्त्रणमा लिएको रसुवा प्रहरी प्रमुख प्रहरी नायव उपरीक्षक सन्तोष तामाङले जानकारी दिए ।<br>प्रहरी प्रमुख तामाङको अनुसार बा ८२ प ५११४ नं. को मोटरसाइकलमा सवार रहेका तामाङले कागजमा बेरेको सुन पैतालामा राखेर त्यसमाथी जुत्ता लगाएको अबस्थामा पक्राउ गर्न सफल भएको हो । </p><p>उनलाई प्रहरीले कटुञ्जेबाट नियन्त्रणमा लिएको हो । थप कारबाहीको लागी रावश्व अनुसन्धान विभागमा बुझाउने प्रहरीले जनाएको छ<br><br><br></p>