<p align="justify"><p>हेटौंडा । रिपोर्टर्स क्लब नेपालका सभापति एवम् प्राईम टाईम्स टेलिभिजनका अध्यक्ष ऋषि धमला जागरण अग्रज पत्रकारिता पुरस्कार–२०७५ बाट मंगलबार&nbsp; पुरस्कृत भएका छन् । <br>स्टेट भिजन प्रालिद्वारा संचालित तु–खबर डटकमको दोस्रो वार्षिक उत्सव कार्यक्रमको अवसरमा धमलालाई १५ हजार राशिसहित उक्त पुरस्कार प्रदान गरिएको हो । <br>लामो समयदेखि पत्रकारिताको क्षेत्रबाट मुलुकको सुशासन, विकास र समृद्धिमा महत्वपूर्ण योगदान पुर्याएको भन्दै धमलालाई पुरस्कृत गरिएको हो । राष्ट्रियसभाका अध्यक्ष गणेशप्रसाद तिमिल्सिनाको हातबाट पत्रकार धमलालाई सम्मान गरिएको थियो । &nbsp;</p><p>कार्यक्रममा सम्बोधन गर्दै राष्ट्रियसभाका अध्यक्ष तिमिल्सिनाले पत्रकार धमलाको चर्चित टेलिभिजन कार्यक्रम ‘जनता जान्न चाहन्छन्’ मा आर्थिक क्रान्ति किन भएन भनेर बहस सुरु गर्नुपर्ने धारणा राखेका थिए । <br>अध्यक्ष तिमल्सिनाले मुलुकको विकास र समृद्धिको लागि मिडियामा पत्रकार धमलाले नेतृत्वदायी भूमिका निर्वाह गर्नसक्ने विश्वास दिलाए । उनले थपे,‘ऋषिजीले यो काम गर्न सक्नुहुन्छ, मलाई पूरा विश्वास छ।’<br>त्यस्तै प्रदेशन नम्बर ३ का आन्तरिक मामिला तथा कानुनमन्त्री शालिकराम जमकट्टेलले पत्रकार धमललाई देशको पत्रकारिताको नेताको रुपमा चित्रण गरे । उनले भने,‘ऋषिजी नेपाली पत्रकारिता जगतको नेता हो, उहाँले पत्रकारिताको माध्यमबाट देश विकासको लागि र सुशासन कायम गर्न अग्रणी भूमिका निर्वाह गर्नुभएको छ।’</p><p><br>उनले आजबाट विकास पत्रकारिताको नेतृत्वपनि धमलाले गर्ने विश्वास दिलाए । उनले भने,‘अहिले मुलुकको विकास र समृद्धिको लागि नीति कमजोर छ, अब ऋषिजीले यो विषय मिडियामार्फत उठाउनुपर्छ । फोकस गर्नुपर्छ । त्यो कुरा गर्न पत्रकारको नेता धमलाजी हो । उहाँले मात्रै गर्न सक्नुहुन्छ, अरुले गर्न सक्दैन् ।’ </p><p><img style="width: 1024px;" src="https://topnepalnews.comuploads/posts/337f7fc30c29424ef81e915f313aff2d1552996176.jpg"></p><p><br>कार्यक्रममा प्रदेश नम्बर ३ का आर्थिक मामिला तथा योजनामन्त्री कैलाश ढुंगेलले नेपालको हरेक परिवर्तनका आन्दोलनमा पत्रकार धमलाको अग्रणी भूमिका रहेको बताए । <br>उनले भने,‘नेपालको परिवर्तनको आन्दोलनमा ऋषिजीको ठूलो भूमिका रहेको थियो, यो कुरा देशले कहिल्यै बिर्सन सक्दैन् । हरेक विषयमा धमलाजी पोख्त हुनुहुन्छ, उहाँ गतिशिल व्यक्तिव्य हो, एजेण्डा उठान गर्नमा धमलाजी अरु पत्रकार साथीहरुभन्दा धेरै अगाडि हुनुहुन्छ ।’</p><p><br>त्यस्तै प्रमुख प्रमुख प्रतिपक्षी दल नेपाली कांग्रेसका नेता एवम् पूर्व गृहराज्यमन्त्री ईन्द्र बानियाँले पनि समग्र देशको विकासको लागि पत्रकार धमलाले खेलेको भूमिका महत्वपूर्ण र अतुलनीय रहेको भन्दै मुक्तकण्ठले प्रशंसा गरेका थिए । उनले थपे,‘पत्रकारिताको माध्यमबाट उहाँले खेलेको भूमिका धेरै महत्वपूर्ण छ, मुलुकको विकासको लागि उहाँले धेरै मेहनत गर्नुभएको छ । पत्रकारहरुको पनि उहाँ नेता नै हो ।’<br>यता, नेकपाका नेता एवम् राष्ट्रियसभा सदस्य रामनारायण विडारीले पनि पत्रकार धमलाले मुलुकको विकास र समृद्धिको लागि विभिन्न मिडियाका माध्यमबाट अग्रणी भूमिका निर्वाह गरेको भन्दै प्रशंसा गरेका थिए । <br>पुरस्कृत भएपछि सम्बोधन गर्दै पत्रकार धमलाले आफूले अब मुलुकको विकास र समृद्धिको लागि नै मिडियामार्फत सशक्त आवाज उठाउने विश्वास दिलाए । </p><p><br>त्यस्तै उनले मुलुक विकास हुनबाट बञ्चित हुनु भनेको नै भ्रष्टाचार रोग भएकोले भन्दै अब भ्रष्टाचारलाई जरैदेखि उखेल्ने पनि आफूले सशक्त अभियान चलाउने स्पष्ट पारे । <br>उनले भने,‘म रिपोर्टर्स क्लब र प्राईम टेलिभिजनमार्फत यो विषयमा गहन बहस तथा अन्तरक्रिया गर्नै प्रण गर्दछु, भ्रष्टाचार अन्न्तयको लागि मैले अभियान सुरु गरिसकेको छु, त्यस्तै मुलुकको विकासको लागि सुशासन अनिवार्य शर्त हो, यसमा पनि हामी पत्रकारहरु खरो उत्रिनुपर्छ ।’</p><p>उनले अब पत्रकारहरुले व्यवसायिक पत्रकारितामा बढि जोड दिनुपर्ने धारणा राखे । उनले भने,‘देश बनाउनेगरि पत्रकारिता गर्नुपर्छ, यो संकल्प हामीले राख्यौं भने धेरै परीवर्तन गर्न सकिन्छ।’ उनले मुलुकको विकास र समृद्धिको लागि आफूले राष्ट्रिय अभियान नै चलाउने घोषणा पनि गरे । धमलाले&nbsp; भ्रष्टाचार गर्नेलाई कारवाही गर्नुपर्ने पनि टिप्पणी गरे । </p><p>फरक प्रसँगमा उनले प्रदेश नम्बर ३ को राजधानी हेटौंडा बनाउनको लागि आफूले पनि सहयोग गर्ने वचन दिए । उनले थपे,‘प्रदेश नम्बर ३ को राजधानी हेटौंडालाई बनाउन म सक्दो सहयोग गर्छु ।’<br>तु–खबर डटकमको प्रधानसम्पादक तथा अध्यक्ष गिरिजा अधिकारीको सभाध्यक्षतामा भएको कार्यक्रममा राष्ट्रियसभाका अध्यक्ष सम्माननीय गणेश तिमल्सिनाको प्रमुख आतिथ्यता रहेको थियो ।<br>त्यस्तै कार्यक्रममा प्रदेश सभा सदस्य कुमारी मोक्तान, राष्ट्रिय सूचना आयोगका प्रमुख सूचना आयुक्त कृष्णहरि बास्कोटा, जिल्ला समन्वय समितिका संयोजक रघुनाथ खुलाल, नेपाल पत्रकार महासंघ महासचिव रमेश विष्टलगायतले मन्तव्य राखेका थिए ।<br></p><img style="width: 1024px;" src="https://topnepalnews.comuploads/posts/7e0eadfcd15a616c4ad9e6be3d75b4701552996391.jpg"></p><p align="justify">कार्यक्रममा पत्रकार महासंघ ३ नं. प्रदेशका अध्यक्ष प्रताप बिष्ट, थाहा
नगरपालिकाका मेयर लबशेर बिष्ट, उद्योग वाणिज्य संघ मकवानपुरको अध्यक्ष
कृष्ण कटुवाल, उद्योग संघका अध्यक्ष नवराज अर्याल, पत्रकार महासंघ
मकवानपुरका अध्यक्ष हरि हुमागाई लगायतकाको उपस्थिति थियो ।<br></p>

<p>विदुर । नुवाकोट र रसुवालाई सेवा दिँदै आएको विदुर नगरपालिकामार्फत सञ्चालित दमकल बिग्रिएर थन्किएको छ । पानी जम्मा गर्ने रिजर्भ ट्याङ्की चुहिने भएपछि दुई जिल्लामा सेवा दिँदै आएको दमकल हाल नगर क्षेत्रभित्रका सडक पखाल्न प्रयोगमा ल्याइएको छ ।<br><br>आगलागी, डढेलोलगायतका अग्नि नियन्त्रणका लागि नुवाकोटका सबै स्थानीय तहसहित रसुवासम्म सेवा दिँदै आएको दमकल बिग्रिएपछि दुई जिल्ला दमकल सेवाविहीन भएका हुन् । नगरपालिकामार्फत सञ्चालित दमकल बिग्रिएपछि दुई जिल्लाका १७ स्थानीय तहमा दमकल सेवा नहुँदा अहिलेको हिउँद तथा सुख्खायाममा आगलागाी भएमा ठूलो क्षति पुग्ने जोखिम देखिएको छ ।<br><br>दमकलको पानीट्याङ्की चुहिने भएर ‘बिग्रिएकाले मर्मत नभएसम्मका लागि सेवा दिन नसक्ने’ सूचना नगरपालिकाले गत शुक्रबार जारी गरेको छ । नगरपालिका प्रमुख सञ्जु पण्डितका अनुसार दमकलको ट्याङ्कीबाट पानी चुहिएर प्रयोग गर्न नमिल्ने भएकाले ममर्तका लागि पठाउन लागिएको छ । “प्राविधिक अध्ययनमा मर्मतका लागि रु १० लाख लाग्ने अनुमान छ”, प्रमुख पण्डितले भन्नुभयो, “मर्मतका लागि खर्च अभाव र कम्तीमा एक महीना समय लाग्ने देखिएकाले अहिलेको सुक्खायाममा के गर्ने अन्योलमा परेका छौँ ।”<br><br>विसं २०५६ मा चीन सरकारबाट अनुदान प्राप्त उक्त दमकल बनाउन कहाँ पठाउने निर्णय हुन बाँकी छ । गत शुक्रबारदेखि उक्त दमकललाई नगर क्षेत्रभित्रका सडकको धुलो पखाल्न प्रयोगमा ल्याइएको छ । यो वर्षको मङ्सिरदेखि फागुन अन्तिमसम्म नुवाकोटका सात स्थानमा आगलागी हुँदा करोडौँ मूल्य बराबरको धनमाल र केही पशुचौपाया मरेका थिए । </p><p><br></p><p><b>विदुर नगरपालिकामार्फत सञ्चालित दमकल बिग्रिएपछि सडकको धुलो पखाल्नको लागी प्रयोग गरिदै ।</b><br></p><p><img style="width: 1024px;" src="https://topnepalnews.comuploads/posts/cea76b7f497af62fc65c9d27f00757861552990105.jpg"><br></p><p><br><br></p>

<p>काठमाडौ । पूर्वमुमा बडामहारानी रत्नराज्यलक्ष्मीदेवी शाह स्वास्थ्य लाभ गरी यही सोमबार अस्पतालबाट फिर्ता हुनुभएको छ । यही फागुन २१ गते स्वास्थ्योपचारका लागि उहाँ नर्भिक अस्पताल भर्ना हुनु भएको सो अस्पतालले आज जारी गरेको विज्ञप्तिमा उल्लेख छ ।<br><br>पूर्वराजा ज्ञानेन्द्र शाह, पूर्वरानी कोमल शाह एवम् पूर्वमुमा बडामहारानीको स्वास्थ्योपचारको क्रममा सहयोग पु¥याउने नर्भिक अस्पतालका चिकित्सक, कर्मचारी, व्यवस्थापन र शीघ्र स्वास्थ्य लाभको कामना गर्ने सबै शुभेच्छुकलाई धन्यवाद दिइएको अस्पतालका नायब महाप्रबन्धक आरपी मैनालीद्वारा विज्ञप्तिमा उल्लेख छ । <br><br></p>

<p>काठमाडौ । नेपाल पत्रकार महासङ्घले यही चैत १६ गते ६४औँ स्थापना दिवस विविध मौलिक तथा रचनात्मक कार्यक्रम गरी मनाउन देशभित्र र बाहिरका सबै प्रदेश, शाखा र एशोसिएट समितिलाई निर्देश गरेको छ ।<br><br>सो अवसरमा महासङ्घका पूर्व पदाधिकारी सम्मान, शाखा सम्मान, जोखिम, सङ्कट तथा कठिन अवस्थाको रिपोर्टिङ अनुभवको प्रस्तुतीकरण प्रतियोगिता, पूर्व अध्यक्ष तथा सभापतिहरुसँग अन्तरसंवाद, मैत्रीपूर्ण फूटसल प्रतियोगिता तथा निःशुल्क स्वास्थ्य शिविरजस्ता कार्यक्रम गर्ने निर्णय भएको महासचिव रमेश विष्टले जानकारी दिनुभयो । महासङ्घका अध्यक्ष गोविन्द आचार्यको अध्यक्षतामा आज बसेको केन्द्रीय समितिको बैठकले गत फागुन ९ र १० गते कास्कीको पोखरामा आयोजित केन्द्रीय साधारणसभाका निर्णय, निर्देशन तथा विशेष प्रस्ताव कार्यान्वयनका लागि विस्तृत कार्ययोजना बनाइ आवश्यक पहल गर्ने निर्णय पनि गरेको छ ।<br><br>विश्व प्रेस स्वतन्त्रता दिवसको अवसरमा महासङ्घले आगामी मे २ र ३ तारिखमा मनाउने राष्ट्रिय प्रेस स्वतन्त्रता सम्मेलनमा महासङ्घका सबै पूर्वअध्यक्ष तथा सभापति, महासङ्घले हालसम्म घोषणा गरेका प्रेस स्वतन्त्रता सेनानी तथा सरोकारवाला संस्थाका प्रतिनिधिको सहभागिता रहनेछ । सो अवसरमा सबै प्रेस स्वतन्त्रता सेनानीलाई परिचयपत्र र प्रतीक चिह्न प्रदान गरिनुका साथै प्रेस स्वतन्त्रता सेनानी सम्मानसमेत गरिनेभएको छ । <br><br></p>