नुवाकोटको कल्याण माविमा चैत ६ गतेदेखि राष्ट्रिय पुरुष भलिबल प्रतियोगिता हुने

<p><b>सरोज लामा,</b><br>विदुर । नुवाकोटमा होली पर्वको अवसरमा राष्ट्रिय पुरुष भलिबल प्रतियोगिता आयोजना गरिएको छ । दुप्चेश्वर गाउँपालिकाको आयोजनामा यहि चैत ६ गतेदेखि ९ गतेसम्म ‘दोश्रो दुप्चेश्वर कप खुल्ला राष्ट्रिय पुरुष भलिवल प्रतियोगिता सञ्चालन गर्न लागिएको मूल आयोजक दुप्चेश्वर गाँउपालिका अध्यक्ष योविन्द्रसिंह तामाङले जानकारी दिनुभयो ।<br><br>उहाँको अनुसार प्रतियोगिता सञ्चालनको लागी आवश्यक सबै तयारी पूरा भइसकेकाले अहिले समूह दर्ताको प्रक्रिया चलिरहेको छ । <br>दुप्चेश्वर गाँउपालिका–५ स्थित बालकुमारीमा रहेको कल्याण माध्यामिक बिद्यालयमा सञ्चालन हुने प्रतियोगितामा पहिलो हुने समूहलाई एक लाख २५ हजार, दोश्रो हुनेलाई ७५ हजार, तेश्रो हुनेलाई ५० हजार र सात्वना स्थान हासिल गर्नेलाई २५ हजार रुपैयाँ नगद सहित शिल्ड, मेडल र ट्रफि प्रदान गरिने भएको छ । </p><p><b>यसैगरी, </b>प्रतियोगितामा उत्कृष्ट खेलाडीलाई पाँच हजार रुपैयाँ र उत्कृष्ट स्पाइकर, उत्कृष्ट सटर, उत्कृष्ट डिफेन्डर र उत्कृष्ट सरभरलाई समेत जनही तीन हजार पुरस्कारको व्यवस्था गरिएको छ । <br></p><p><img style="width: 918px;" src="https://topnepalnews.comuploads/posts/10f3550e11e1f7d880913edd04a9e3af1552989193.jpg"><br>आयोजकले सहभागी हुने खेलाडी तथा क्बललाई यही चैत ५ गतेसम्म नाम दर्ता गर्न सूचना जारी गरेको छ । दर्ता हुन पाँच हजार रुपैयाँ शुल्क तोकिएको छ । एउटा टोलीमा नौ जना खेलाडी, एक जना टिम मेनेजर र एक जना प्रशिक्षक समेत गरी ११ जनाको लागी खाना र बाँसको ब्यवस्था आयोजकले नै मिलाएको प्रतियोगिता सञ्चालनका संयोजक बिक्रम थापाले जानकारी दिनुभयो । <br><br>उहाँको अनुसार यही चैत ६ गते फागुपूर्णिमा पर्वदेखि सुरु हुने प्रतियोगिता चैत ९ गतेसम्म चल्नेछ । दुप्चेश्वर गाँउपालिकाको आयोजनामा पहिलो राष्ट्रिय पुरुष भलिबल प्रतियोगिता २०७४ सालमा सञ्चालन गरिएको थियो । <br><br></p>