<p><b>रामहरि न्यौपाने, <br>बाघखोर, </b>नुवाकोटको बेलकोटगढी नगरपालिकाले चालु आर्थिक वर्षमा चार स्थानमा नयाँ वडा कार्यालयको पक्कि भवनको निर्माण सुरु गरेको छ । नयाँ निर्माण गरिने वडा कार्यालय मध्ये दुई स्थानको भवनको निर्माण अघि बढाइएको छ । <br>संघीयता कार्यान्वयन अन्तरगत राज्य पुर्नसंरचनाको क्रममा जिल्लाको विभिन्न छ वटा साविकका गाँउ विकास समितिलाई समावेश गरेर निर्माण भएको नगरपालिका भएकाले भौतिक संरचना अभावमा गुज्रिएको छ ।<br>संरचना अभाव भोग्दै आएको नपाले नगरकार्यपालिकाको सभाबाट बिनियोजित पुरक बजेट मार्फत यो आवको बााकी दुई महिनाको अवधिमा चार स्थानमा वडा कार्यालय भवन निर्माण गर्न लागिएको नगर प्रमुख राजेन्द्ररमण खनालले जानकारी दिनुभयो ।<br>उहाँको अनुसार नयाँ बनाइने भवन मध्ये वडा नं. ९ को नलगाँउ र वडा नं. ११ को फूलबारीमा कार्य सुरु भएको छ । <br>नगरमा रहेका १३ मध्ये आठ वटा वडामा भवन अभाव रहेको छ । चालु आवमा वडा नं. ४, ५, ९ र ११ को लागी नयाँ कार्यालय बनाउन बजेट तर्जुमा गरिएको छ । &nbsp;<br>उक्त चार वटा स्थानमा भवन निर्माणको लागी रु दुई करोड बजेट चैतमा सम्पन्न नगरसभाले बिनियोजित गरेको थियो ।<br>वडा नं. ९ को भवन निर्माणको लागी पि.एन. निर्माण सेवा प्रालीलाई रु ३५ लाखमा र वडा नं. ११ मा भवन बनाउन श्रवशक्ति महामाँया प्रालीलाई रु ४२ लाखमा जिम्मेवारी दिइएको छ । बाँकी वडाको भनवको शिलान्यास एक साताभित्रै गरिने उपप्रमुख कविता ढुङ्गानाले जानकारी दिनुभयो । </p><p><br>स्थानीय सरकार गठन भएपछि निर्वाचित प्रतिनिधिले जनताका समस्या समाधान गराउन सक्रिय रहेकाले नयाँ भवन निर्माणले सरकारी सेवा प्रवाह थप गुणस्तरीय हुने उहाँले विश्वास व्यक्त गर्नुभयो ।<br>नगरपालिका सञ्चालन हुदैँ आएको भवन समेत विपद्बाट जोखिममा परेका समुदायको लागी राख्न बनाइएको अस्थायी संरचनामा सञ्चालन हुदै आएको छ । वडा कार्यालयको भवन निर्माण सम्पन्न पश्चात नगरपालिकाको लागी भवन बनाउने योजना बनाइएको छ । &nbsp;<br><br><br></p>

धादिङवेसी ।&nbsp; काँकडभिट्टाबाट काठमाडौँ आउँदै गरेको यात्रुबाहक बस त्रिशुलीमा खस्दा पाँच जनाको मृत्यु भएको छ । काठमाडाैँ आउँदै गरेको बस धादिङको गजुरी गाउँपालिका वडा नम्बर ६ बन्छेटारबाट त्रिशुली नदीमा खस्दा पाँच जनाको घटनास्थलमै मृत्यु भएको&nbsp; इलाका प्रहरी कार्यालय गुजुरीका प्रहरी निरीक्षक नवराज ढुंगेलले दैनिकीलाई जानकारी दिए ।<br><br>ढुंगेलका अनुसार मृत्यु हुनेमा चन्द्रागिरि नपाका ३५ वर्षीया सीता थपलिया, कन्याम इलामका २० वर्षीय विशाल गिरी, काठमाडौँ जिल्ला थानकोटका ५१ वर्षीय राजकुमार सुवेदी रहेका छन । अन्य दुईको सनाखत भएको छैन । दुर्घटनामा २९ जना घाइते भएका छन । घाइतेहरूको केहीको स्थानीय स्वास्थ्य संस्थामा उपचार भैरहेको छ भने केहीलाई थप उपचारका लागि काठमाडाैँ पठाइएको छ । घइते मध्ये पाँच जनाको अवस्था गम्भीर रहेको छ । ना ७ ख ४३८७ नम्बरको यात्रुबाहक बस बिहान ६ बजे त्रिशुलीमा खसेको हो । घाइतेको उद्धारमा सशस्त्र प्रहरी र नेपाल प्रहरी खटिएका थिए ।<br>

<p>काठमाडौ । धादिङको कुम्पुरलाई केन्द्रविन्दु बनाएर भूकम्प गएको छ । शुक्रबार २ बजेर ८ मिनेटमा ५ रेक्टर स्केलको भूकम्प गएको हो । भूकम्पको धक्का आसपासका जिम्मामा समेत महसुस भएको थियो ।<br></p><p>यो २०७२ वैशाखको गोरखा भूकम्पकै पराकम्प भएको राष्ट्रिय भूकम्प मापन तथा अनुसन्धान केन्द्रले जनाएको छ ।</p>

<p>काठमाडौ । सरकारले संसद्मा हालै दर्ता गरेको ‘मिडिया काउन्सिल सम्बन्धी कानुनलाई संशोधन र एकीकरण गर्न बनेको विधेयक’ मा राजाको सक्रिय शासनकालमा भन्दा १० गुणा बढी जरिबानाको व्यवस्था गरिएको छ । <br><br>‘सरकार नियन्त्रित मिडियाको परिकल्पना’ गरिएको भन्दै चौतर्फी आलोचना भइरहेको यो विधेयक प्रधानमन्त्री केपी शर्मा ओलीले सोच विचार गरेर मात्रै ल्याइएको भनेर स्पष्ट पारेका छन् । तर, यस विधेयकमा पत्रिका र पत्रकारलाई गरिने व्यवहार भने राजाको शासनकालमा भन्दा कठोर देखिएको छ । राजाको शासनकालमा प्रेस र पत्रकारलाई बढीमा रु. एक लाख जरिवाना गर्न सकिने प्रावधान राखिएकोमा अहिलेको प्रस्तावित विधेयकमा बढीमा रु. १० लाख जरिवाना र दुई वर्षसम्म कैदको प्रावधान छ । <br>जनताको हकअधिकार कुण्ठित गर्दै सशक्त ढंगले राजतन्त्रात्मक अधिनायकवाद ल्याउनुपर्ने सोचका डा. तुलसी गिरी उपाध्यक्ष भएको समयमा तत्कालीन सरकारले वि.सं. २०६२ असोज २३ गते पत्रकारिता सम्बद्ध विभिन्न ऐन संशोधन गर्ने अध्यादेश ल्याएर अभिव्यक्ति स्वतन्त्रता हनन् गर्ने कोशिस गरेको थियो । राजाले ल्याएको प्रेस, तथा छापाखाना र प्रेस काउन्सिल ऐनलाई संशोधन गर्न ल्याएको अध्यादेशभन्दा लोकतान्त्रिक विधिबाट निर्वाचित कम्युनिस्ट सरकारले १० गुणा बढी जरिबानाको प्रावधान राखेर आफ्नो चरित्र स्पष्ट पारेको विज्ञहरू बताउँछन् ।<br><img style="width: 675px;" src="https://topnepalnews.comuploads/posts/548738c1c320cd9be4a4751db7729d371558015134.jpg"></p><p>“काउन्सिलबाट जारी भएको आचारसंहिता विपरीत कुनै सामग्री प्रकाशन वा
प्रसारण गरेको कारण मर्यादा वा प्रतिष्ठामा आँच पुर्‍याएको भनी सम्बन्धित
व्यक्तिले दफा १६ बमोजिम दिएको उजुरी उपर दफा १७ बमोजिम जाँचबुझ गर्दा
कसैको मर्यादा वा प्रतिष्ठामा आँच पुर्‍याएको देखिएमा काउन्सिलले सम्बन्धित
आम सञ्चारमाध्यम, प्रकाशक, सम्पादक, पत्रकार वा संवाददातालाई २५ हजार
रुपैयाँदेखि १० लाख रुपैयाँसम्म जरिबाना गर्न सक्नेछ,” विधेयकमा उल्लेख छ ।
<br><br>छापाखाना र प्रकाशन सम्बन्धी राजाले जारी गरेको विधेयकमा
प्रतिबन्धित प्रकाशन वा निषेधित प्रकाशन प्रकाशित गरेमा प्रकाशक वा
सम्पादकलाई १० हजार रुपैयाँसम्म जरिबाना वा एक वर्षसम्म कैद वा दुवै सजाय
हुने व्यवस्था थियो ।<br><br>स्वतन्त्र पत्रकारिताको अभ्यासमा प्रकाशक तथा
सम्पादक एउटै व्यक्ति नभएको अवस्थामा समाचारमा प्रकाशित सामग्रीको
सन्दर्भमा सम्पादकलाईमात्र पूर्ण जिम्मेवार मानिने प्रचलन विपरीत
प्रस्तावित विधेयकमा प्रकाशकलाई पनि कारबाही र जरिबाना तिराउने व्यवस्था
गरिएको छ । <br><br>पत्रकारलाई आचारसंहिता लागू गराउन उद्यत रहने प्रेस
काउन्सिलको स्थानमा आउने मिडिया काउन्सिलले पीडितलाई तोकिएको जरिबानाभन्दा
बढी रकम क्षतिपूर्ति पनि भराइदिने परिकल्पना गरेको छ । काउन्सिलबाट जारी
भएको आचारसंहिता विपरीत कुनै सामग्री प्रकाशन वा प्रसारण गरेको कारणबाट
कुनै व्यक्ति वा संस्थालाई क्षति पुगेको भएमा काउन्सिलले त्यस्तो क्षति
पुगेको व्यक्ति वा संस्थालाई मनासिव क्षतिपूर्ति भराइदिन सक्ने,” व्यवस्था छ
। <br></p>

<p>लेकसाइड ।&nbsp; दिगो पर्यटनका लागि समान सहभागिता भन्ने उद्देश्यका साथ स्थापित पर्यटन व्यवसायी महिला सङ्घ नेपाल (टेवान)को टोलीले भारतको सिक्किम, दार्जिलिङलगायत क्षेत्रमा पोखराको पर्यटन प्रवद्र्धनमा साझेदारीका लागि छलफल गरेको छ । सिक्किम सरकार ग्रामीण व्यवस्थापन र विकास विभागअन्तर्गतको सिक्किम राज्य ग्रामीण विकास संस्थानको आयोजनामा सिक्किममा आयोजित अन्तक्र्रियामा नेपालको भूबनोट, निकटताजस्ता कारण दुवै देशमा पर्यटकीय साझेदारीका विषयमा जोड दिइएको थियो । टेवानका अध्यक्ष लक्की कार्की क्षेत्रीले टेवानले स्थापनाकालदेखि नै पर्यटन प्रवद्र्धनका लागि विविध गतिविधि गर्दै आएको बताउनुभयो ।<br><br>उहाँले पोखरासहित समग्र नेपालको पर्यटकीय साझेदारीलगायतका विषयमा अध्ययन अवलोकन एवं अन्तक्र्रियाका लागि यस क्षेत्रको भ्रमण गरिएको जानकारी दिनुभयो । पर्यटन क्षेत्रमा महिलाको समान सहभागिता बिना पर्यटन क्षेत्रको विकास सम्भव नभएको बताउँदै उहाँले यससंस्थाबाट गरिएको यो पहिलो अन्तर्राष्ट्रिय भ्रमण पर्यटकीय साझेदारीमा महत्वपूर्ण भूमिका निर्वाह गर्ने विश्वास व्यक्त गर्नुभयो ।<br><br>सिक्किम राज्य ग्रामीण विकास संस्थाका सहायक निर्देशक मनोज क्षेत्रीले महिला बिनाको ग्रामीण पर्यटनको कल्पनासमेत गर्न नसकिने बताउनुभयो ।सिक्किमको पर्यटनको अवस्थाबारे जानकारी गराउँदै उहाँले यस क्षेत्रमा पछिल्लो समय बाह्य पर्यटकभन्दा आन्तरिक पर्यटक बढ्दै गएकाले ग्रामीण पर्यटन विकासका लागि राज्य सरकारले नागरिकलाई घरबास नमूनाका दुईकोठे घर, तालीम साथै ‘एक्सपोजर भिजिट’को कार्यक्रम पनि सञ्चालन गर्दै आएको उहाँले जानकारी दिनुएको बताइएको थियो ।<br><br>सिक्किममा होमस्टेको सिकाइ स्याङ्जाको सिरुबारीबाट सिकेको जानकारी दिँदै सहायक निर्देशक क्षेत्रीले सन् २०११ मा मात्र प्रदेश सरकारले १३६ घर बनाएर नागरिकलाई दिएको र स्वदेशमै केही गर्न चाहने परिवार तथा युवालाई रु २० लाखसम्म बिना धितो ऋण उपलब्ध गराउँदै आएको सो अबसरमा बताइयो ।सप्ताहाव्यापी भ्रमणका क्रममा सिक्किम दार्जिलिङ क्षेत्रमा पोखराको पर्यटन प्रवद्र्धनका साथै सरोकारवालाबीच अन्तक्र्रियाले पोखरासहित नेपालको पर्यटकीय विकासमा महत्वपूर्ण टेवा पुग्ने विश्वास लिएको टेवान नेपालका उपाध्यक्ष रेनु थापाले जानकारी दिनुभयो ।<br></p>