<p align="justify">काठमाडौ । दाङको बंगलाचुली गाउँपालिकाको गाडीमा आगजनी गरिएको छ । दाङको पहाडी भेगमा पर्ने बंगलाचुली गाउँपालिकाको गाडीमा आगजनी गरिएको उक्त गाडीमा शनिबार राति अज्ञात समुहले आगजनी गरेको हो । आगजनीबाट रा.१ झ १५२ नम्बरको गाडी पूर्ण रुपमा जलेर नष्ट भएको प्रहरीले जनाएको छ ।<br><br>प्रहरीका अनुसार गाडीमा लागेको आगो इलाका प्रहरी कार्यालय कमिरेचौरबाट सई गोपालप्रसाद शर्माको कमाण्डमा खटिएको प्रहरी टोली र स्थानीयले आगो निभाएपसिन गाडी जलेर ध्वस्त भएको छ ।<br><br>उता शनिबार राति नै कपिलवस्तुको मायादेवी गाउँपालिकाका अध्यक्ष बजरंगी चौधरीले चढ्ने गाडीमा समेत अज्ञात समुहले आगजनी गरेका छन् । आगजनी कसले गर्यो भन्ने यकित तथ्य पत्ता नलागे पनि आगो विप्लव समुहले लगाएको हुनसक्ने प्रहरीको अनुमान गरेको छ ।<br></p>

<p>काठमाडौ ।&nbsp; पत्रकार शालिकराम पुडासैनी आत्महत्या प्रकरणमा रबि लामिछाने मुछिएपछि उनले आफ्नो मुख खोलेका छन् । </p><p>केही अनलाइन मिडियामा शालिकराम पुडासैनीको मोवाइलमा भेटिएको भिडियो भन्दै रबि लामिछानेले तानव दिएका कारण आत्महत्या गरेको समाचार बाहिरिएपछि रविले आफु सत्य तथ्य बाहिर आओस् भन्ने पक्षमा रहेको बताएका छन् ।<br><br>उनले प्रहरीले आफुलाई कुनैपनि भिडियो बारे जानकारी नगराएको समेत उल्लेख गरेका छन् । तर मिडियामा प्रहरीले मोबाइलमा भिडियो भेटेको र रबि लामिछानेले केटी प्रयोग गरेर आफुलाई तनाव दिएको भन्ने समेत समाचार सम्प्रेषण भएपछि रबी स्वयंम फेसबुक मार्फत लाइभ आएका थिए । <b>हेर्नुस् भिडियो । </b><br></p> <iframe src="https://www.youtube.com/embed/d4b-8dYT5y4" allow="accelerometer; autoplay; encrypted-media; gyroscope; picture-in-picture" allowfullscreen="" width="560" height="315" frameborder="0"></iframe>

<p>काठमाडौ । दमकल ढिलो आउँदो सुुविसुको कार्यालयमा लागेको आगो नियन्त्रणमा झन् ढिलाई भएको खुलेको छ । काठमाडौंको बालुवाटारमा रहेको ईन्टरनेट र केवुल टेलिभिजन सेवा प्रदायक कम्पनी सुविसुको कार्यालयमा बुधबार दिउँसो भिषण आगलागी भएको थियो । दिउँसो १ः४५ बजेतिर आगलागी शुरु भएको प्रत्यक्षदर्शीले बताएका छन् ।&nbsp; <br><br>समयमै खबर गर्दा पनि त्यसको झण्डै ४५ मिनेटपछि मात्रै दमकल घटनास्थलमा पुगेको थियो । त्यतिन्जेलसम्म आगो झन् धेरै फैलिएको एक जना प्रत्यक्षदर्शीले बताए । ‘आगो लागेको झण्डै ४५ मिनेटपछि दमकल आयो, त्यो पनि पाइप दोब्रिएको के के भाको, पानी नै फालेन, आगो ठूलो थियो, पानीको फोहोरा सानो भो’, ती प्रत्यक्षदर्शीले भने ।<br><br>सुविसुको मुख्य सर्भर रहेको भवनमा आगलागी भएको हो । सुविसुको सिस्टमलाई विद्युत प्रवाह गर्न सञ्चालन गरिने जेनेरेटर रहेको कोठाबाट आगलागी भएको देखिएको प्रहरीको भनाइ छ । कोठामा स्टक राखिएको पेट्रोलमा आगो सल्किएको थियो ।<br><br>पेट्रोलबाट लागेकाे नेपाली सेना, नेपाल प्रहरी र काठमाडौं महानगरपालिकाको दमकल समेत आगो निभाउन नसकेपछि त्रिभुवन अन्तर्राष्ट्रिय विमानस्थलकाे दमकल बोलाइएको थियो । आगलागीपछि देशभर सुविसुको इन्टरनेट र केवुल टेलिभिजन सेवा अवरुद्ध भएको छ ।<br></p>

<p>काठमाडौ । विभिन्न ३४ जिल्लाका ४२ पालिकाका ४७ पद रिक्त रहेका छन् । सङ्घीय मामिला तथा सामान्य प्रशासन मन्त्रालयका सङ्घीय मामिला शाखाका शाखा अधिकृत दुर्गा दाहालका अनुसार एक उपमहानगरपालिका प्रमुखसहित चार गाउँपालिकाका प्रमुख/उपाध्यक्ष रिक्त रहेका छन् । <br><br>उहाँका अनुसार सुनसरीको धरान उपमहानगरपालिकाका प्रमुख तारा सुब्बा, सङ्खुवासभाको मकालु गाउँपालिकाका अध्यक्ष खङ्गबहादुर कटुवाल, महोत्तरीको पिपरा गाउँपालिकाका अध्यक्ष विनोद चौधरी, हुम्लाको खार्पुनाथ गाउँपालिकाका उपाध्यक्ष सिन्धु हमाल शाही, फागुनन्द गाउँपालिकाका अध्यक्ष अमरकुमार नेम्बाङ निधन भएका कारण रिक्त रहेको छ । <br><br>रिक्त पदाधिकारी हुनेमा धेरैजसो निधन र जिल्ला समन्वय समितिमा निर्वाचित भएका छन् । रिक्त हुनेमा सबैभन्दा बढी महोत्तरीमा चार पदाधिकारी, प्यूठान, पाँचथर र बैतडीमा तीन/तीन पदाधिकारी रिक्त छन् । महोत्तरीको बेलवा नगरपालिका दुई पदाधिकारी, मटिहानी नगरपालिका र पिपरा गाउँपालिका एक/एक पदाधिकारी रिक्त रहेका छन् । <br><br>बैतडीको पुर्चौडी नगरपालिका, सुर्नया गाउँपालिका र दोगडाकेदार गाउँपालिका वडाध्यक्ष रिक्त रहेका छन् । पाँचधरको फिदिम नगरपालिका, फागुनन्द गाउँपालिका, हिलिहाड गाउँपालिकामा एक/एक रिक्त छ । प्यूठानको ऐरावती गाउँपालिका वडा नं १ र २ सहित प्यूठान नगरपालिकामा एक जना वडाध्यक्ष रिक्त रहेका छन् । यस्तै चितवनको खैरहनी नगरपालिका वडा नं ४ र वडा नं ५, सङ्खुवासभाको खाँदबारी नगरपालिका र मकालु गाउँपालिकामा पनि वडाध्यक्ष रिक्त रहेका छन् । <br><br>निर्वाचन आयोगले रिक्त रहेका सङ्घ, प्रदेश र पालिकाका पदाधिकारीको निर्वाचन आगामी मङ्सिर १४ गते निर्वाचन गर्ने तयारी गरेको छ । सङ्घमा कास्की निर्वाचन क्षेत्र नं २ बाट निर्वाचित हुनुभएका तथा तत्कालीन संस्कृति, पर्यटन तथा नागरिक उड्डयनमन्त्री रवीन्द्र अधिकारीको निधन भएपछि त्यो निर्वाचन क्षेत्र रिक्त रहेको छ । यसैगरी प्रदेश सदस्य निधन भएका बागलुङ निर्वाचन क्षेत्र २ (२), भक्तपुर निर्वाचन क्षेत्र १ को (१) र दाङ निर्वाचन क्षेत्र ३ को (२) मा समेत निर्वाचन गराइने छ । <br><br></p>

<p>विदुर । नुवाकोटको ककनी गाँउपालिका वडा नं. १ को वडा कार्यालयमा बम विष्फोट गराएको अभियोगमा प्रहरीले बेलकोटगढी नगरपालिका– ५ का बच्चुराम लामिछानेलाई पक्राउ गरेको छ ।<br><br>प्रतिबन्धित नेकपा विप्लव समूहमा आबद्ध रहेर उनी सहितका व्यक्तिहरुले यही साउन १४ गते राती वडा कार्यालयमा बम विष्फोट गराएको अभियोगमा लामिछानेलाई नियन्त्रणमा लिएको जिल्ला प्रहरी प्रमुख कृष्णबहादुर पल्लिमगरले जानकारी दिनुभयो । उहाँको अनुसार लामिछानेलाई आइतबार काठमाडौको किर्तिपुर स्थित उनले सञ्चालन गर्दै आएको स्टेशनरी पसलबाटै नियन्त्रणमा लिएर अनुसन्धानको लागी नुवाकोट ल्याइएको हो । सोमबार जिल्ला अदालतमा उपस्थित गराइएका लामिछानेलाई तीनदिन थुनामा राखेर अनुसन्धान गर्न प्रहरीलाई म्याद दिइएको छ । <br><br>उनी हाल किर्तिपुरमा व्यवसाय गर्दै आएकाले प्रतिबन्धित नेकपा विप्लव समूहमा आबद्ध नभएकाले रिहा गर्न परिवारले आग्रह गरेका छन् । नेकपा विप्लव समूहको खुला राजनीतिक गतिविधिको समयमा समर्थक भएपनि उक्त पाटीको क्रियाकलापलाई सरकारले प्रतिबन्ध लगाएसगैँ उहाँ व्यवसाय तर्फ लाग्नुभएकाले रिहा गरिदिन पक्राउ परेका लामिछानेको श्रीमति रश्मी ढुङ्गानाले माग गर्नुभयो । <br><br>पक्राउ परेका लामिछानेले तत्कालीन नेकपा माओवादीको भूमिगत राजनीतिमा आबद्ध भएर २०५८ मा दुईपिपल गाउँ जनसरकार प्रमुखको जिम्मेवारी पाएका थिए । उनी हाल किर्तिपुरमा व्यवसाय गर्दै आएका छन् भने नुवाकोटमा रहेको जनजागरण कृषि सहकारी सँस्थाको सचिव एंव कामरुदेवी मावि, इन्द्रेश्वर आधारभूत विद्यालय र झिल्केश्वरी सामुदायिक वन उपभोक्ता समितिको निवर्तमान अध्यक्ष हुन् ।<br><br><br><br></p>

<p>विदुर । नुवाकोटको ककनी गाँउपालिका वडा नं.१ को वडा कार्यालयमा गत साउन १४ गते राती भएको बम विष्फोटबाट पु-याएको क्षतिको जिल्ला समन्वय समिति नुवाकोटका प्रमुख सन्तमान तामाङले स्थलगत निरीक्षण एंव अवलोकन गर्नुभएको छ ।</p><p><br>अज्ञात समूहको आगजनीले पूर्ण क्षति पु-याएको वडा कार्यालयको अवलोकन पश्चात जिसस प्रमुख तामाङले जनप्रतिनिधिलाई सुरक्षाको प्रत्याभूति दिलाउन राज्य जिम्मेवार हुनुपर्ने माग गर्नुभयो । </p><p><br>‘जनसत्ता नुवाकोट’को नाममा वडाअध्यक्षलाई धम्की दिएको र त्यस पश्चात अज्ञात समूहबाट वडा कार्यालयमा भएको बम विष्फोटले संघीयता कार्यान्वयनको चरणमा उत्साहित भएका जनतालाई गाँउबस्तीबाटै पाइरहेको सेवा प्रभावित बनाएको भन्दै जनप्रतिनिधि र सेवा प्रवाह गर्ने सरकारी कार्यालको सुरक्षा व्यवस्था प्रभावकारी बनाउन सरकारसंग जिसस प्रमुख तामाङले माग गर्नुभएको हो । </p><p>उहाँले घटनास्थलको अनुगमन पश्चात जिल्ला स्थित सुरक्षा निकायका पदाधिकारीलाई फोन मार्फत जनतालाई सेवा पु-याउन खटिएका जनप्रतिनिधि र सेवा दिने कार्यालयको सुरक्षा भरपर्दो, विश्वसनीय एंव शान्तिपूर्ण कायम गराउनको लागी पनि निर्देशन दिनुभयो । </p><p><img style="width: 960px;" src="https://topnepalnews.comuploads/posts/0e9638615a93a1dd5350ea2d113a6d821565013005.jpg"><br></p><p><br>बम विष्फोटबाट वडा कार्यालयमा रहेका कागजात, उपकरण, फर्निचर लगायतका सबै सामाग्रि नष्ट भएको थियो भने कार्यालयको झ्याल, ढोका सहित भवनमा समेत क्षति पुगेको छ । उक्त भवनको यथाशक्य पुर्ननिर्माण गराउन सम्बन्धित पक्षको ध्यानाकर्षण गराउने उहाँले प्रतिबद्धता जनाउनुभयो । <br><br><br><br></p>