<p>काठमाडौ । सञ्चारकर्मी रवि लामिछानेमाथि हत्या गरेको आरोप लागेको छ । </p><p>यही साउन २० गते सोमबार राति चितवनमा झुण्डिएर मरेको अवस्थामा फेला परेका पत्रकार शालिकराम पुडाशैनीले एक भिडियोमा आफ्नो हत्यारा पत्रकार लामिछाने भएको बताएका छन् ।</p><p><span style="line-height: 18.5714px;">काठमाडौ</span>बाट होस्टिङ हुदै आएको चर्चित अनलाइन नेपाल आजले बुधबार सार्वजनिक गरको दिवंगत पुडाशैनी आफैले बोलेको भिडियोमा पत्रकार लामिछानेले आफुलाई मर्न बाध्य पारेको आरोप लगाएका छन् ।<br><br>न्यूज ट्वान्टीफोर टेलिभिजनमा ‘सिधा कुरा जनतासँग’ कार्यक्रम चलाउँदै आएका पत्रकार लामिछानेमाथि उनका पूर्व सहकर्मी समेत रहेका दिवंगत पुडाशैनीले गम्भीर आरोप लगाएका हुन् ।</p><p>रवीसगै रवीको समूहका युवराज कंडेल र अर्की युवती अस्मिता कार्की माथी आरोप लगाइएको छ । शालिकरामले मर्नुअघि रेकर्ड गरेको भिडियोमा यी तीन जनालाई कानून बनाएर फासी समेत दिनुपर्ने माग गरेका छन् ।</p><p><b>हेर्नुहोस भिडियो <br></b><br><iframe width="560" height="315" src="https://www.youtube.com/embed/rn_4pQtY0Lc" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen="" style="line-height: 1.42857;"></iframe><br></p>

<p>दाङसिंह । नुवाकोटको तारकेश्वर गाउँपालिका– १ दाङसिंहमा श्रीमान–श्रीमतिको झगडा छुट्टाउन सहजिकरण गर्ने महिलाको मंगलबार बिहान मृत्यु भएको छ । मृत्यु हुनेमा स्थानीय ५५ वर्षीयाँ लालमाया तामाङ रहेको जिल्ला प्रहरी कार्यालयले नुवाकोटले जनाएको छ । </p><p><br>प्रहरी कार्यालयका प्रहरी निरीक्षक विष्णुहरी फुयाँलका अनुसार सोही स्थानका मेघबहादुर तामाङ र उनको श्रीमति चिनिमाया तामाङबीच सोमबार विवाद भएको थियो । विवाद पश्चात चिनिमाया बच्चा सहित छिमेकी <br>लालमायाको घरमा बाँसबस्न गएपछि उक्त घरमा नै श्रीमति फकाउन मेघबहादुर राती दश बजे पुगेका थिए ।</p><p><br>श्रीमान–श्रीमतिको झगडा समाधान गराएर घर फर्काउन सहजिकरण गर्ने क्रममा लालमाया आफ्नै घरको आगनमा लडेर बेहोस भएपछि उपचारको लागी आज जिल्ला अस्पताल त्रिशूलीमा पु¥याउदा चिकित्सकले मृत्यु भइसकेको बताएका हुन् । शव परीक्षणको लागी जिल्ला अस्पतालमा राखिएको छ । &nbsp;<br><br><br></p>

<p>ओखरपौवा । बालुवा उत्खनन गरेको खाल्डोमा डुबेर नुवाकोटको ककनी गाउँपालिका वडा नं.१ मा सोमबार साँझ दुई जनाको मृत्यु भएको छ । &nbsp;</p><p><br>ओखरपौवा स्थित कोल्पुखोला किनारमा अबैध रुपमा बालुवा उत्खनन्को क्रममा बनेको खाल्डोमा परेकी स्थानीय १३ वर्षकी बिनिता बलामी र उनलाई बचाउन गएकी सिन्धुलीको फिक्कल गाउँपालिकाकी ३५ वर्षीय लक्ष्मी तामाङको डुबेर मृत्यु भएको नुवाकोट प्रहरीले जनाएको छ । </p><p><img style="width: 660px;" src="https://topnepalnews.comuploads/posts/1546c1126dfefde3f377d514566bc87f1565681304.jpg"><br></p><p>नुवाकोटका प्रमुख जिल्ला अधिकारी द्रोण पोखरेलका अनुसार साँझ ६ बजेतिर खोला किनारमा खेल्न गएकी बालिका डुबेपछि उद्धार गर्न गएकी अर्की महिलाको पनि सोही खाल्डोमा डुबेर मृत्यु भएको हो । स्थानीयवासीले खोलामा अबैध रुपमा बालुवा उत्खनन् गर्ने व्यक्तिका कारण दुर्घटना भएको भन्दै बिरोध गरिरहेका छन् ।</p><p><img style="width: 660px;" src="https://topnepalnews.comuploads/posts/38a191936f32ada15390410310e274931565681316.jpg"><br><br><br></p>

<p>काठमाडौ । २० वर्षीया किशोरीलाई बेच्न खोजेको आशंकामा काठमाण्डौको नागढुङ्गाबाट दुई जना पक्राउ परेका छन् । <br><br>महानगरीय प्रहरी वृत्त थानकोटबाट माईती नेपालका प्रतिनिधिसहित खटिएको प्रहरीले ना ७ ख ५७०२ नम्बरको बस जाँच गर्ने क्रममा शनिबार साँझ दुई युवालाई पक्राउ गरेको हो ।<br><br>पक्राउ पर्नेमा रामेछाप खाँडादेवी गाउँपालिका–२ घर भएका ३१ वर्षीय भुवन तमाङ र काभ्रे खानीखोला गाउँपालिका–१ घर भएका २९ वर्षीय आइते बहादुर लोप्चन छन् ।<br><br>उनीहरुले ती किशोरीलाई झापाको बिर्तामोडमा रङ लगाउने काम लगाइदिन्छौं, कोही कसैले जाँच गर्ने क्रममा सोधपुछ गर्दा वास्तविक नाम नखुलाउनु र भाउजू सुत्केरी भएकाले बिर्तामोड जान लागेको बताउनु भन्दै विभिन्न प्रलोभन देखाई बेचबिखन गर्ने उद्देश्यले लैजान लागेको प्रहरीले जनाएको छ ।<br><br>प्रहरीकाअनुसार यसबारे थप अनुसन्धान भैरहेको छ ।<br></p>

<p>काठमाडौ । समय तालिकाअनुसार निजी आवास पुनर्निर्माणको काम नगर्ने भूकम्पपीडितहरू लाभग्राही सूचीबाट धमाधम हट्न थालेका छन् ।राष्ट्रिय पुनर्निर्माण प्राधिकरणले निजी आवास पुनर्निर्माणअन्तर्गत लाभग्राहीमा परेका भूकम्पपीडितलाई २१ असारसम्म अनुदान सम्झौता गर्न समय तोकेको थियो । समयसीमाभित्र सम्झौता नगर्ने ५७ हजार ३०९ ले अनुदान सम्झौता गरेका थिएनन् भने प्राधिकरणले उनीहरूलाई सूचीबाट हटाएको छ ।<br><br>यस्तै, २०७६ असार मसान्तसम्म पहिलो किस्ता नलिने भूकम्पपीडित पनि लाभग्राहीको सूचीबाट हटेका छन् । अनुदान सम्झौता गरेर पनि पहिलो किस्ता नलिने ५ हजार ५४० लाभग्राही सूचीबाट हटेका हुन् ।<br>प्राधिकरणले गत साउन पहिलो साता निजी आवास पुनर्निर्माणका लागि लाभग्राहीको सूचीमा समावेश भएर २१ असार २०७६ सम्म सम्झौता नगर्ने र असार मसान्तसम्म पहिलो किस्ता नलिने ६२ हजार ८४९ भूकम्पपीडितलाई लाभग्राहीको सूचीबाट हटाउने निर्णय गरेको थियो ।<br><br>प्राधिकरणले समयमा अनुदान सम्झौता नगर्ने र पहिलो किस्ता नलिनेका लागि अनुदान सम्झौता गर्ने र पहिलो किस्ता दिने कार्य स्थगित गर्न सबै निकायहरूलाई यसअघि नै निर्देशन दिएको थियो ।<br>प्राधिकरणको समय तालिकाअनुसार काम नगर्ने भूकम्पपीडित अझै ठूलो संख्या पनि हट्ने देखिएको छ । असार मसान्तसम्म पहिलो किस्ता लिएकाले कात्तिक मसान्तसम्म दोस्रो किस्ता र माघ मसान्तसम्म तेस्रो किस्ता लिनुपर्ने तालिका तय भएको छ ।<br><br>प्राधिकरणको पछिल्लो तथ्यांकअनुसार भूकम्पबाट प्रभावित ४ लाख २४ हजार ९७७ लाभग्राहीले अनुदान लिई घर निर्माण सम्पन्न गरेका छन् । अन्य २ लाख १४ हजार ३१४ लाभग्राहीका घर पुनर्निर्माण धमाधम भइरहेको छ ।<br>प्राधिकरणले पुनर्निर्माण सम्पन्न र बनाउँदै गरेका सहित कुल ६ लाख ४४ हजार २९१ घर पुनर्निर्माणको प्रक्रियामा रहेको जनाएको छ । उक्त संख्या पुनर्निर्माण गर्नुपर्ने घरको संख्याको ८३ प्रतिशत उपलब्धि हो । अनुदान सम्झौता गरेका लाभग्राहीको संख्या ७ लाख ७३ हजार ४४७ छ ।<br><br>प्राधिकरणले अनुदान सम्झौता गरेका मध्ये ७ लाख ६५ हजार २२१ ले पहिलो किस्ता बुझेका छन् भने ५ लाख ९९ हजार ४३९ ले दोस्रो किस्ता बुझिसकेका छन् । तेस्रो किस्ता बुझ्ने लाभग्राहीको संख्या ४ लाख ७४ हजार ११९ छ ।<br>राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले चालू आर्थिक वर्षभित्रै निजी आवास पुनर्निर्माणको मुख्य कार्य सम्पन्न गर्ने बताएका छन् ।<br></p>