वर्षे विदामा चलेको पठन मेला सम्पन्न

<p>विदुर । च्वाडी माध्यमिक विद्यालयमा पठन मेला सम्पन्न भएको छ । वर्षे विदामा रहेका बालबालिकाको स्वतन्त्र पठन सिपको विकास गर्नका लागि पठन मेला आयोजना गरिएको हो । <br>पढ्नका लागि कोठाको प्राविधिक सहयोग र रुडेक नेपालको साझेदारीमा सञ्चालित साक्षरता कार्यक्रम अन्तर्गत च्वाडी माविको आयोजनामा सो मेला सञ्चालन गरिएको हो । <br>मेलामा‘सबै थोक छोडौ, पढा’ैं, ‘पढाई दौड’, ‘पढाई प्रतिस्पर्धा’ , ‘चित्रलेखन’, ‘सम्झ र लेख’ लगायतका ५ वटा क्रियाकलापहरु आयोजना गरिएको थियो । </p><p><br>क्रियाकलापमा प्रथम, द्धितिय र तृतिय हुने बालबालिकालाई प्रोत्साहन स्वरुप पुरस्कारको पनि व्यवस्था गरिएको रुडेक नेपालका कार्यक्रम संयोजक जीवन पुडासैनीले जानकारी दिए । <br>प्रध्यानाध्यापक टीकाराम खरेलले कार्यक्रमबाट बालबालिकामा भाइचाराको विकास हुने, विदाको समयको उपयोग गर्ने अवसर, स्वतन्त्र र निरन्तर पठन सिपको विकास गर्नका लागि ज्यादै नै महत्वपूर्ण भूमिका निर्वाह गरेको बताएका थिए ।</p><p><img style="width: 765px;" src="https://topnepalnews.comuploads/posts/f9c1440ce59df22ff79296c9febf8df01564634656.jpg"><br>मेलामा सहभागी बालबालिकाले पठन मेलाले पढ्ने वानीको विकास, विदाको समय उपयोग र साथीभाईहरुमा भेटघाट गर्ने अवसर पाएको र बेलाबेलामा यस्ता मेला आयोजना हुनुपर्ने प्रतिक्रिया जनाएका थिए । </p><p><br>मेलामा ईसिडी देखि ५ कक्षासम्मका ५५ जना बालबालिकासहभागी भएका थिए । मेलामा आयोजक विद्यालयको नजिकका विद्यालय हिमालय एकेडेमीबाट ६ जना, समता स्कुलबाट ३ जना बालबालिका सहभागी भएका थिए । साथै, मेलामा ५ जना अभिभावक र ४ जना शिक्षकको सहभागिता रहेको थियो । </p><p><br>रुडेक नेपालले वर्षेनी विदाको समयमा विभिन्न विद्यालयमा पठन मेला आयोजना गर्दै आएको छ । <br><br><br><br></p>