उदयपुर ।
केयर नेपालको सहयोगमा राष्ट्रिय कृषक महासंघ नेपालले पुर्वका तीन जिल्लामा सञ्चालन गरेको नागरिक समाज सवलिकरण परियोजनाको बार्षिक समिक्षा शुक्रबार सम्पन्न भएको छ ।
कृषि क्षेत्रमा देखिएका समस्या, चुनौती, अवसरका बारेमा वहस पैरवीको माध्यमबाट महासंघले राज्यको नीति निर्माणमा नै सघाउ पुर्याउने उदेश्यले विगत ४ बर्षदेखि यो परियोजना सञ्चालन गर्दै आएको छ ।
महासंघले परियोजनामार्फत कृषि क्षेत्रमा बनेका राम्रा नीति नियमहरु कार्यान्वयन तहमा दवाव दिने, नीति भएर पनि कृषकको अनुकुलमा नभएकालाई संशोधनमा दवाव दिने र आबश्यकता भएर पनि बन्न नसकेका केहि बुँदालाई नीतिमा समेटन दवाव दिने लक्ष्य लिएको केन्द्रिय महासचिव नवराज बस्नेतले जानकारी दिए ।
उनले भने, कृषि सम्बन्धी थुप्रै नीति बनेका छन्, कुनै काम लाग्ने छन्, कुनै कृषककै हितमा छैन्, तिनीहरु सबैको पुर्नरविचार गरी राम्रालाई कार्यान्वयन, नराम्रालाई शंसोधन गर्नु पर्ने देखिएकाले कृषक जागरण अभियान सुरु गरिएको हो ।
कतिपय कृषकका हितमा बनेका नीति नियमपनि वास्तविक कृषकसँग नपुगेको, विपन्न वर्गमा कृषि कार्यक्रम नपुगेकाले यो कार्यक्रम सञ्चालन गर्नु परेको उनको भनाई छ । यसकासाथै कृषकलाई दिईने सेवासुबिधाका बारेमा अतिविपन्न परिवारलाई जानकारी नहुँदा पनि कृषकहरुको जीवनयापन उठन नसकेकाले तल्लो स्तरका कृषकलाई अधिकारमा पहँुच पुर्याउने परियोजनाको लक्ष्य रहेको परियोजनाका उदयपुर कार्यक्रम संयोजक देवि थापामगरले बताए ।
महासंघले कृषक समुहमार्फत नागरिकलाई सवलीकरण बनाउन चेतनामुलक कार्यक्रम र जीवनयापनमा सहज बनाउन सहयोग गर्दै आएको उनको भनाई छ । परियोजना उदयपुर, ओखलढुंगा र सिरहा जिल्लामा सञ्चालित छ ।

बीरगंज ।
उच्च अदालत वीरगञ्जले लक्ष्यअनुसार मुद्दा फर्छ्यौट गर्न नसक्दा मुद्दाको चाप बढेको छ ।
वीरगञ्ज चिनी कारखानाको परिसरमा अस्थायी इजलास सञ्चालनमा आएदेखि हालसम्म ६ सय वटा मुद्दा फछ्र्यौट भएको छ ।
पुनरावेदन अदालत हेटौंडाबाट जिम्मेवारी सरेर आएका २१ सय ६५ र नयाँ दर्ता भएका ७ सय ५९ वटा गरी २ हजार ९ सय २४ मुद्दा मध्ये विभिन्न प्रकृत्तिका ६ सय वटा मुद्दा फछ्र्यौट गरेको हो ।
अदालतले वार्षिक मुद्दा मध्ये ६८ प्रतिशत मात्रै फछ्र्यौट गर्ने लक्ष्य राखेको भए पनि ३० प्रतिशत मात्र मुद्दा फछ्र्यौट भएको छ ।
अदालतमा आउने विभिन्न वाधा व्यवधानका कारण लक्ष्य अनुसारको मुद्दा फर्छ्यौट गर्न नसकिएको कार्यालयका अधिकारी बताउँछन् । अदालतको मंसिरसम्मको तथ्यांक अनुसार अझै पनि ९ महिनादेखि २ वर्ष नाघेका २३२४ वटा मुद्दा फछ्र्यौट गर्न बाँकी छ । अदालतका सूचना अधिकारी केशव कौशिकका अनुसार २ वर्ष नाघेका २३६ वटा मुद्दाहरु विचाराधीन छन् ।
१८ महिनादेखि २ वर्ष भित्रका २५० मुद्दा फछ्यौट हुन बाँकी छन् भने १ वर्षदेखि १८ महिनाभित्रका ३६३ वटा मुद्दा थन्किइरहेका छन् ।
त्यसैगरी ९ महिनादेखि १ वर्ष भित्रका ६५० मुद्दा विचारधीन छन् भने ९ महिना भित्रका ८२५ मुद्दा फर्छ्यौट हुन बाँकी छ ।
राज्य पुनर्संरचनापछि स्थापना भएको अदालतले पुनरावेदन अदालतबाट जिम्मेवारी सरेर आएका पर्सा, बारा र रौतहटका व्यक्तिवादी र सरकारवादी मुद्दाका साथै बन्दी प्रत्यक्षीकरण, परमादेश, उत्प्रेषण, प्रतिषेध, अधिकारपृक्ष्य र निषेधाज्ञा लगायतका आदेश दिँदै आएको छ ।

बीरगंज ।
वीरगञ्जको सुखचैना स्थित सुपर ग्यास उद्योगमा बुधबार विहान भएको आगलागी परी थप एक जनाको आज उपचारको क्रममा मृत्यु भएपछि मृत्यु हुनेको संख्या ३ पुगेको छ ।
उद्योगमा लागेको आगो निभाउन जाँदा घाइते भएका वीरगञ्ज महानगरपालिकाका अग्नि नियन्त्रक सञ्जिव नेपालको उपचारका क्रममा आज मृत्यु भएको प्रहरीले जनाएको छ ।
नेपाललाई उपचारकोलागि ट्रमा सेन्टरबाट रेफर गरेर बर्न सेन्टर कीर्तिपुरमा लगिएको थियो । उपचारको क्रममा नेपालको त्यहीँ मृत्यु भएको वीरगंज महानगरपालिकाका नगरप्रमुख विजय सरावगीले बताउनुभयो ।
वीरगञ्जको सुपर ग्यास उद्योग आगलागी नियन्त्रणमा संलग्न वीरगंज वारुण यन्त्रमा कार्यरत सर्लाहीका यादव अधिकारी, तनहुँका मधुसुदन मिश्रको बुधबार घटनास्थलमै निधन भएको थियो । अर्का घाइते अरुण महतोको गम्भिर अवस्थामा काठमाडौंमा उपचार भइरहेको छ ।

<p><span style="line-height: 1.42857;">जनकपुरधाम ।</span><br></p><p>प्रतिनिधि सभा तथा प्रदेश सभाको चुनावमा शान्ति सुरक्षा प्रदान गर्नका लागि खटिएका म्यादी प्रहरीहरु पुस ७ गते देखि विदा भएका छन् । सफलता पूर्वक चुनाव सम्पन्न गर्नमा योगदान दिएको भन्दै सवै म्यादी प्रहरीहरुलाई प्रमाणपत्र पनि दिएको छ ।</p><p>धनुषा जिल्लामा प्रदेश तथा प्रतिनिधि सभाको चुनावका लागि ३ हजार ५ सयको संख्यामा म्यादी प्रहरी भर्ना गरिएको थियो । उनीहरुलाई सरकारले दुई महिनाको तलव भत्ता प्रदान गरेका थिए । देश भरिमा गरेर ९० हजारको संख्यामा म्यादी प्रहरी भर्ना गरिएको थियो ।</p><p>धनुषा जिल्लामा भर्ना भएका म्यादी प्रहरीहरुले निर्वाचन पछि पनि शान्ति सुरक्षा तथा ट्राफिक व्यवस्थापनमा खटिएका थिए ।</p><p>उनीहरुले जनकपुरको ट्रापिक व्यवस्थापनमा पनि सहयोग गरेका थिए । म्यादी प्रहरीहरुको म्याद समाप्त भएपछि प्रहरीको काम फेरि पनि बढेको छ । यस अघि नेपाल प्रहरीलाई निक्कै मदत मिलेका थिए ।</p><p>चुनावमा खटेका कतिपय म्यादी प्रहरीहरुले प्रमाणपत्र बुझेर विदेशमा गए त्यसकै आधामा सुरक्षा गार्डमा पनि काम गर्न पाउने भएकाले दंग परेका छन् ।</p><p>दुई महिनाको तालिम जस्तै नै भएका कारणले उनीहरुले यसै प्रमाणपत्रको अधारमा खाडी मुलुकहरुमा सुरक्षा गार्डको जागिर पाउने भएका कारणले कतिपय हुने खाने घरका युवाहले पनि म्यादी प्रहरीमा भर्ना भएका थिए ।</p>

काठमाडौं ।
प्रधानन्यायाधीश गोपाल पराजुलीले कानून कार्यान्वयन गर्ने निकायले कार्य सम्पादन गर्दा आचार संहिता पालना गर्नुपर्ने बताउनुभएको छ ।
महान्यायाधिवक्ताको कार्यालयको स्थापना दिवसका अवसरमा आज काठमाडौंमा आयोजित कार्यक्रममा प्रधानन्यायधीश पराजुलीले पक्राउ परेका व्यक्तिलाई अनुसन्धानको प्रारम्भिक चरणमै सार्वजनिक गर्नु अचारसंहिताविपरीत हुने बताउनुभयो ।
प्रधानन्यायाधीश पराजुलीले संसद्बाट जारी भएको मुलुकी अपराध ९संहिता० ऐन र फौजदारी कार्यविधि ९संहिता० ऐनले अपराधको दण्ड सजाँयको व्यवस्थापनमा नवीनतम् अवधारणा ल्याएको बताउनुभयो ।
कार्यक्रममा कानून, न्याय तथा संसदीय मामिलामन्त्री यज्ञबहादुर थापाले सरकारलाई कानूनी सल्लाह दिन तथा सरकारका हकहितका मुद्दामा महान्यायाधिवक्ताको कार्यालयको ठूलो महत्व रहेको बताउनुभयो ।

<p><span style="line-height: 1.42857;">बुटवल ।</span><br></p><p>उपराष्ट्रपति नन्द बहादुर पुनले प्रतिनिधि सभा र प्रदेश सभाको निर्वाचनमा आम नेपाली जनताको सहभागिताले नेपालमा राजनीतिक संक्रमणको अन्त्य गरी आर्थिक समृद्धिको बाटो खोलेको बताउनुभएको छ ।</p><p>रुपन्देही उद्योग संघ र नेपाल उद्योग परिसंघको आयोजनामा आजदेखि बुटवलमा शुरु भएको १४ औं राष्ट्रिय औद्योगिक प्रदर्शनी कृषि, प्रविधि तथा पर्यटन महोत्सवको उद्घाटन गर्दै उहाँले स्थानिय तह, प्रतिनिधि सभा र प्रदेश सभाको निर्वाचनले नयाँ युगको प्रारम्भ गरेको पनि बताउनु भयो ।</p><p>कार्यक्रममा एमालेका उपमहासचिव विष्णु पौडेलले निर्वाचन आयोगले समानुपातिक तर्फको मतपरिणाम सार्वजनिक गरेपछि नयाँ सरकार निर्माणको प्रक्रिया अघि बढने बताउनुभयो ।</p>

तुलसीपुर ।
दाङको तुलसीपुरले हतियारले सहित जुवा खेल्ने गिरोह पक्राउ परेको छ । इप्रका तुलसीपुरले तुलसीपुर उपमहानगरपालिका वडा नम्बर ६ स्थित भीआइपी टोलको जुवा घरमा छापा मार्दा हतियार समेत भेटिएको छ । जुवा खेलिरहेको सूचनाका आधारमा त्यहाँ पुगेको प्रहरीले उनिहरुको साथबाट पैसा,तास र कौडासँगै तरवार समेत बरामद गरेको छ । जुवाको खालबाट तुलसीपुरका व्यापारीहरु सोमबहादुर केसी,सरोज केसी,टेकबहादुर विक,ऋषिराज केसी,समिर शाह,संजय थापा,धनबहादुर राना,अनवर अन्सार,कमल बस्नेत पक्राउ परेको इप्रका प्रमुख डीएसपी प्रकाश सापकोटाले जानकारी दिनुभएको छ । प्रहरीले उनिहरुको साथबाट एक लाख ९३ हजार ६ सय ४० रुपैंया समेत बरामद गरेको छ । तुलसीपुरमा जुवाडेको साथबाट तरवार बरामद भएको यो पहिलो घटना हो । पक्राउ परेकालाई अनुसन्धानका लागि हिरासतमा राखिएको छ ।