पर्वत ।
लामो समयदेखि जिर्ण रहेको पोखरा–बागलुङ राजमार्ग बल्ल सुधार गर्न थालिएको छ । धवलागिरीका विभिन्न जिल्ला प्रवेशको यो राजमार्ग बिग्रेर लामो समयदेखि अस्तव्यस्त थियो । वर्षाैदेखि टालटुलको भरमा चल्दै आएको राजमार्ग यो पटक बल्ल वृहत रुपमा सुधार गर्न थालिएको छ ।
सडक विभाग अन्तर्गतको मध्यपहाडी आयोजनाले राजमार्गलाई नयाँ स्वरुपमा ढाल्ने गरि मर्मत सम्भारलाई गति दिएको छ । आयोजनाको पश्चिम खण्डका प्रमुख सुर्यबहादुर भाटका अनुसार राजमार्ग पुरै नयाँ स्वरुपमा बिस्तार र स्तरोन्नती गर्न थालिएको छ । चारवटा प्याकेज बनाएर राजमार्ग मर्मतसम्भार सहित बिस्तार गर्न थालिएको भाटले बताए ।
भाटका अनुसार तीनवर्ष पोखरा–बागलुङ (७२ किलोमिटर) खण्डको धेरैजसो भाग पुरै नयाँ बन्नेछ । ‘पोखरा–बागलुङ राजमार्ग साँघुरो हुदाँ तथा ठाउँठाउँमा भासिँदा सवारी संचालनमा समेत जोखिम थियो । पोखराको जिरो किलोमिटरदेखि याम्दीसम्म ६ किलोमिटर पहिलो र त्यसपछि घट्टेखोलासम्मको खण्ड दोश्रो भागमा पर्नेछ । घट्टेखोलादेखि नयाँपुलसम्मको करिब २५ किलोमिटरलाई तेश्रो खण्डमा र नयाँपुलदेखि पर्वतको मालढुंगासम्मको खण्ड (२४ किमि) लाई अर्काे खण्डमा बाँडेर मर्मतसम्भार र बिस्तार गर्न थालिएको छ ।
उनका अनुसार जिरो किलोमिटरदेखि याम्दीसम्म ६ लेनको सडक तयार हुनेछ । केही खण्ड पुरा भईसकेको छ । त्यसपछि फेँदीसम्म पनि ६ लेनको सडक बन्नेछ । फेँदीदेखि घट्टेखोलासम्म ९ मिटर फराकिलो सडक बन्ने उनले बताए । ‘आगामि ३ वर्ष्भित्र पोखरा–बागलुङ सडकले नयाँ स्वरुप पाउनेछ भाटले बताए । उनका अनुसार यो राजमार्ग बिस्तार र स्तरोन्नती गर्न करिब ३ अर्ब ३२ करोड रुपैयाँ लागत पर्नेछ ।
मर्मतसम्भार चलिरहेको सडकमा यतिबेला काँडेदेखि नयाँपुलसम्मको सबै खण्ड अस्तव्यस्त भएको छ । मर्मतसम्भारले निर्माण सामाग्री बाटोमा थुपारिँदा कतिपय खण्डमा एकतर्फी मात्र सवारी गुड्न सक्छन । बिस्तारको क्रमसँगै सवारीको दोहोरो आउजाउ हुँदा काममा बाधा परेको छ । राजमार्गको काँडेदेखी नयाँपुलसम्मको करिब १२ किलोमिटर मार्ग सबैभन्दा बढी क्षतविक्षत भएको थियो । सडकमा ठुला–ठुला खाल्डा परेका थिए भने कतिपय ठाउँमा कालोपत्रे समेत उप्किएकोमा अहिले पुरै भत्काएर मर्मतसम्भार गर्न थालिएको छ । अन्यन्तै नाजुक बनिसकेको सडकमा जुनसुकै बेला ठुलो दुर्घटना हुने खतरा बढेको थियो । सडकमा परेका खाल्डामा वर्षायाममा पानी जम्ने हुँदा झनै जोखिम थियो । पटके मर्मतमा वर्षेनी लाखौं रकम खर्च भएपनि त्यसले प्रतिफल लिन सकेको थिएन । पोखरा–बागलुङ राजमार्ग करिब तीनदशक अघि चीन सरकारको सहयोगमा बनेको हो । चीनले उक्त राजमार्गलाई आव २०५०/५१ मा नेपाल सरकारलाई हस्तान्तरण गरेको थियो ।

तुलसीपुर ।
तुलसीपुरमा एकजनाले आफ्नै श्रमतीलाई खुर्पा प्रहार गरि गम्भीर घाईते बनाएका छन् । तुलसीपुर उपमहानगरपालिका वडा नं १५ धम्कापुर निवासी ३८ बर्षीय खुमराज डाँगीले आफ्नै श्रीमती ३३ बर्षीया शारदा डाँगीलाई खुर्पा प्रहार गरि गम्भीर घाइते बनाएको ईलाका प्रहरी कार्यालय तुलसीपुरका प्रमुख एवं डिएसपी प्रकाश सापकोटाले जानकारी दिनुभयो
घर नजिकै खोलामा लुगा धुन गएको समयमा शुक्रवार दिउँसो सवा एक बजेतिर खुमराजले श्रीमतीलाई पछाडि वाट लुकेर घाँटीमा खुर्पाले प्रहार गरेका थिए । घाईते डाँगीको राप्ती अञ्चल अस्पताल तुलसीपुरमा उपचार भइरहेको छ । यसैबीच श्रीमतीलाई खुर्पा प्रहार गर्ने खुमराजलाई प्रहरीले पक्राउ गरेका डिएसपी सापकोटाले जानकारी दिनुभयो ।

सुनसरी ।
सुनसरी सदरमुकाम इनरुवामा तीन महिना यता अनियमित रुपमा पानी आउदा खानेपानीको अभाव भएको छ । खानेपानीको अभाव भएपछि स्थानीयहरु शुद्ध खानेपानी पिउनबाट समेत बन्चित भएको हो ।
इनरुवा खानेपानी उपभोक्ता संस्था समितिको लापर्वाहीका कारणले खानेपानीको अभाव भएका स्थानीयहरुले बताएका छन् । यहाँ कहिलेकाही पानी आउने गरेको भएपनि नियमित रुपमा खानेपानी नआउँदा स्थानीयहरु शुद्ध पानी पिउनबाट बन्चित भएका उपभोक्ता सिर्जना निरौलाले गुनासो गर्नुभयो ।
पानी धारामा नआए पनि बिल महिना महिनामा आएको आयै भएपछि उपभोक्ताहरु आक्रोसित बनेका अर्का उपभोक्ता विरेन्द्र मेहताले गुनासो गर्नुभयो । खानेपानी उपभोक्ता संस्था समिति इनरुवाले विना सूचना पानी नियमित प्रवाह नगर्दा उपभोक्ताहरुले पानीको हाहाकारको महसुस गर्न थालेका छन् ।
पानी प्रवाह नगरे पछि उपभोक्ताहरु पानीबाट बञ्चित भएको र पानी महसुल तिर्नुपर्ने बाध्यतामा रहेको बताएका छन् । संस्थाका पदाधिकारीहरुले आफूखुसी गर्न थालेका उपभोक्ताहरुले गुनासो गरेका छन् । पानी नआए पछि उपभोक्ताहरुले हाते कलको पानी खान बाध्य भएको उपभोक्ता सर्मिला देवको गुनासो रहेको छ ।
खानेपानीको हाहाकारको विषयमा उपभोक्ता कुरा बाहिर आएपछि मात्रै संस्थाले बोरिगंको खरावीका कारणले पानीको समस्या देखिएको प्रतिकृया दिएको छ ।

<p><span style="line-height: 1.42857;">उदयपुर ।</span><br></p><p>नेपाल वार एशोसियसन इकाई उदयपुरको १४ औँ अधिवेशन तथा २३ औँ बार्षिक साधारणसभा शुक्रबार सम्पन्न भएको छ ।&nbsp;</p><p>अधिवेशनको उद्घाटन गर्दै जिल्ला न्यायाधिश तेजेन्द्रप्रसाद शर्मा सापकोटाले जनताको न्यायमा पहुँच पुर्याउन अदालतले न्याय सेवा प्रणालीको रफ्तारलाई अगाडी बढाएको बताए ।&nbsp;</p><p>उनले जिल्ला अदालतको कामकारवाहीमा केहि ढिलाई भएको स्वीकार्दै जनतालाई छिटो, छरितो र सहजरुपले न्याय दिलाउन आफु प्रतिवद्ध रहेको बताए ।</p><p>न्यायलयलाई जनताका विचमा भरपर्दो र विश्वसनिय बनाउन आफु लागि पर्ने भन्दै उनले दु्रत न्यायसँगै विश्वसनियता कायम राख्ने बताए ।&nbsp;</p><p>कार्यक्रममा प्रहरी प्रमुख एसपी नवराज भट्ट, नेपाल पत्रकार महासंघका अध्यक्ष भरत खड्का, वरिष्ठ अधिवक्ताद्धय मोहनबहादुर कार्की, सुकराम श्रेष्ठ, पुर्वअध्यक्षहरु कृष्ण बस्नेत, वह्रमदेव चौधरी, मुरारी खड्का, श्यामानन्द चौधरी लगायतले बोलेका थिए ।</p><p>साधारणसभाले मौजुदा रहेको कार्यसमितिले गरेका कामकारवाही, प्रगतिका बारेमा समिक्षा गर्दै भावि योजनासमेत पारित गर्ने सचिब निरबहादुर राईले जानकारी दिए ।</p><p>सभामा जिल्ला सचिब राईले कार्यप्रगतिविवरण प्रस्तुत गरेका थिए । अधिवेशनले नयाँ नेतृत्वसमेत चयन गर्ने जनाइएको छ ।&nbsp;</p>