जर्मनीमा तमु ल्होसार भव्य रुपमा मनाउने तयारी

<p>हामबर्ग ।</p><p>तमु समाज हामबर्ग, जर्मनीले तमु ल्होसार भव्यताका साथ मनाउने भएको छ ।</p><p>सन् २००२ मा तमुहरुको आस्थाको केन्द्रको रुपमा स्थापना गरिएको तमु समाज हामबर्गले हरेक वर्ष झै यसपाली पनी &nbsp;‘तमु ल्होसार’ मनाउन लागेको आयोजक सुन्दर गुरुङले जानकारी दिए ।&nbsp;</p><p><br></p><p>विदेशी भूमिमा नेपाली कला संस्कृति र मौलिक चाडलाई जोगाइ राख्ने उद्देश्यका &nbsp;साथ विगत १५ बर्ष देखि प्रत्येक बर्ष नेपाली समुदायलाई समेटेर कार्यक्रम गर्दै आएको उनको भनाई छ ।&nbsp;</p><p>यहि डिसेम्बर २४ तारिखका दिन मनाउन लागेको यस चाडमा नेपाली कला संस्कृती झल्कने विभिन्न प्रस्तुती तथा डिजे सुन्दर गुरुङबाट सामुहिक नृत्य लगायतका कार्यक्रम रहने &nbsp;अध्यक्ष लाल बहादुर गुरुङले बताए ।</p><p>कार्यक्रममा जर्मनीस्थित नेपाली राजदुत रमेश प्रसाद खनाल, एनआरएनए प्रतिनिधीहरु, गायक गायिका, कलाकार, पत्रकार तथा नेपाली समुदायको उपस्थिती रहने छ ।</p><p>साँझ ८ बजेबाट Schlenzig Str 11, 21107 Hamburg मा डिनर सहित शुरु हुने कार्यक्रममा प्रतिब्यक्ति २० य’रो, परिवारको ३५ र विद्यार्थीहरुका लागि १५ य’रोको टिकट तोकिएको आयोजकले जनाएको छ ।&nbsp;</p><p><br></p><p>प्रत्येक वर्ष १२ वर्षमा युग परिवर्तन हुने र यस्ता परिवर्तन हुने वर्षलाई १२ वटा जीवजन्तुलाई प्रतीकका रुपमा लिइने चलनअनुसार मनाइन लागेको यो पर्वको आफ्नो छुट्टै मौलिक परम्परा रहेको छ ।</p><p>यो पर्वमा मान्यजनहरुको आशिवार्द लिने र शुभकामना आदानप्रदान गरिने, राम्रो लगाउने, मीठो खाने प्रचलन रहेको छ ।</p>