<p>१२ जेठ, काठमाडौं ।</p><p>केपी ओलीको नेतृत्वमा सरकार बनेको आठ महिना पनि बित्न नपाउँदै उनकै पार्टी एमालेभित्र संगठित असन्तुष्टिका स्वर चर्किन थालेका छन् ।<br><br>पार्टीका दुई वरिष्ठ नेता तथा पूर्वप्रधानमन्त्री माधवकुमार नेपाल र झलनाथ खनालले आफू पक्षधर नेताकार्यकर्ताको भेला गरेका आजको अन्नपूर्णले जनाएको छ ।<br><br>पार्टी अध्यक्ष रहेका प्रधानमन्त्री ओलीले सररल्लाहका लागि कुनै उपयुक्त फोरम नदिएको भन्दै उनीहरले दुईदिलने भेला आयोजना गरेका हुन् । भेला मंगलबार सुरु भई बुधबार सकिदैँछ ।<br><br>नेपाल खनानल पक्षले आगमी दसौं महाधिवेशनका लािग अध्यक्षको उम्मेदवारको रुपमा नेपाललाई अगाडि सारेको छ ।<br><br>ओली पक्षले यस्तो भेला गर्न र आफ्नो समूह बलियो बनाउन मदन भण्डारी प्रतिष्ठान र नेपाल पक्षले मदन भण्डारी अध्ययन केन्द्रलाई व्यानर बनाउँदै आएका छन् ।<br><br>नेपाल पक्षले पनि यस अघि ओली पक्षले जस्तै गरी देशभरीबाट भेलामा सहभागि बोलाएको छ । मदन आश्रितको २३ औ&nbsp; स्मृति दिवसको सन्दर्भ पारेर ‘संविधान कार्यन्वयन राष्ट्र र पार्टी निर्माण’बिषयक नाम दिएको यस भेलामा देशका सबै जिल्लाबाट प्रतिनिधित्व गराइएको छ।<br><br>जिल्ला कार्यसमितिमा आफनो पक्षको अध्यक्ष त्यो नभए पदाधकारी र त्यो पनि नभए सदस्यलाई प्रतिनिधित्व गराइएको छ । सबै गरेर चार सया भन्दा बढीको सहभागिता रहेको यस भेलामा स्थायी कमिटी सदस्य, पोलिटब्युरो सदस्य, केन्द्रीय समितिका सदस्य, सांसद, जनर्गीय संगठनक ३ पदाधिकारी, लगायतका सहभागिता रहेको छ ।<br><br>यस्ता भेललाई लिएर यस भन्दा अघिल्लो बैठकमा नेताहरुले कुरा उठाए पछि तीनलाई पार्टीको मञ्चमा परिणत गर्ने र केही कुरा भन्न परे पार्टीले नै आयोजना गर्ने सहमति भएको थियो। तर बरिष्ठ नेता नेपालले त्यस्तो कुनै फोरम नपाएकेले कुरा सुन्न र पार्टीलाई सृदृढ बनाउन यस्तो भेला आयोजना गरेको बताए ।<br><br>भेलामा संबोधन गर्दै बरिष्ठ नेता नेपालले पार्टीके दशौ महाधिबेशनलाई प्रभाव पार्नका लागि एकलौटी तरिकाले जथाभावी पार्टी सदस्यता बितरण गर्न लागेको आरोप लगाए ।<br><br>‘मनपरि र अपारदर्शी ढंगले पार्टी सदस्यता बाँडने काम भएको छ, कसैसँग सरल्लाह गरिएको छैन’नेपालले भने । नेपालले माओवादीमा समेत अहिले नौ जनाको हेडक्वाटर भएकोमा आफनो पार्टीमा केही नेताहरुबीच नै सहमति हुन छोडेको बताए ।<br><br></p>