<p>रक्सी खाएर हल्ला गरेको आरोपमा प्रहरी हिरासतमा पुगेका टिकाबहादुर राईलाई कुटपिट गरेको आरोपमा ३ जनालाई पक्राउ गरि प्रहरीले हत्या अभियोग लगाएको छ। कान्तिपुर दैनिकमा समाचार छ।<br>&nbsp;<br>महानगरीय प्रहरी वृत्त बौद्धले राईको हत्यामा संलग्न रहेको अभियोगमा घटनाको दिन राईसागै हिरासतमा रहेका केशब पुलामी मगर, प्रकाश सुब्बा र दावा लामालाई पक्राउ गरि हत्या अभियोग लगाएको हो।<br>&nbsp;<br>प्रहरीले यातना दिँदा राईको मृत्यु भएको परिवारले दाबी गर्दै आएको छ।<br>&nbsp;<br>वैशाख २७ गते चुच्चेपाटीको एलपी ग्यास डिपोमा भएको सामान्य विवादमा पक्राउ परेका राईको २९ गते मृत्यु भएको थियो।<br></p>

<p>मुलुकमा सबैभन्दा बढी अर्थमन्त्री हुने भाग्यवानी नेतामा पर्छन्, कांग्रेस नेता रामशरण महत । खुला अर्थतन्त्रका हिमायती मानिने महत कांग्रेसबाट ६ पटक मन्त्री भए । कांग्रेसमा महेश आचार्यपछि निरन्तर अर्थमन्त्री बन्ने अवसर पाए पनि महतले पार्टीभित्र भने कहिल्यै लोकप्रिय छवि बनाउन सकेनन् । कान्तिपुर दैनिकमा समाचार छ।<br>&nbsp;<br>‘महतले खुला अर्थतन्त्रको नाममा समाजवाद उन्मुख कार्यक्रम दिन नसकेको पार्टीभित्रै आलोचना छ,’ महतको अर्थमन्त्री कालको अनुभव सुनाउँदै कांग्रेसका एक नेताको तिखो टिप्पणी छ, ‘उहाँले आफ्नो कार्यकालभर मुलुकको अर्थमन्त्री आफैंमात्रै भइराख्छु र आफ्नै ढुकुटीबाट रकम बाँड्नुपर्ने हो जस्तो व्यवहार देखाउनुभयो । जसका कारण पार्टीभित्र आलोचना हुने गरेको हो ।’<br>&nbsp;<br>यतिखेर उनी अर्थमन्त्री छैनन् । तर, पार्टीभित्र उनै आलोचनाका प्रमुख पात्र बनिरहेका छन् । एमाले नेतृत्वको गठबन्धन सरकारका अर्थमन्त्री विष्णु पौडेलले ल्याएको बजेटप्रति कांग्रेस नेताहरूको सैद्धान्तिक रूपमा विरोध छ । तर, वास्तविक विरोधको प्रहार भने पार्टीको पूर्ववर्ती सरकारका अर्थमन्त्री महतप्रति बढी लक्षित देखिएको छ ।<br>आइतबारको काग्रेस संसदीय दलको बैठकमा उनै महतप्रति धेरै सांसद खनिएका थिए ।<br></p>

<p>देशकै प्रशासनिक केन्द्र सिंहदरबारमा को-को बस्छन ? मुलुक हाँक्ने प्रधानमन्त्री र मन्त्रीहरुदेखि ठूल्ठूला योजना परियोजना बनाउने कर्मचारी यो परिसरका मन्त्रालय र कार्यालयमा काम गर्छन् ।</p><p>कान्तिपुर दैनिकमा समाचार छ।<br>तर धेरैलाई थाहा नहुन पनि सक्छ यही परिसरमा ८० वटा भूस्याहा कुकुर पनि छन्, जसलाई सरकारले आफ्नो खर्चमा व्यवस्थित गरेर राखेको छ।<br>&nbsp;<br>सिंहदरबारभित्रका यी कुकुर आ आफ्ना झुण्डमा बाँडिएर बस्ने गरेका छन् । संसद सचिवालय परिसरमा १५ छन् भने अर्थ मन्त्रालय र रेडियो नेपालमा १०-१० वटा।<br></p>

<p>पप्पु गुरुङ्, १८ जेठ, दोधारा चाँदनी / कञ्चनपुर । आज अपरान्ह करिब ३ बजे ईलाका प्रहरी कार्यालय दोधारा चाँदनीका प्रहरी निरिक्षक बिरेन्द्र बिर विश्वकर्मा र प्रहरी जवान गग्न ढुङ्गाल दोधारा चाँदनी नगरपालिका वडा नं. ८, सुन्दरनगरमा गएका थिए । उनिहरु सामान्य सिमा क्षेत्र तथा गाँउको अवस्था बुझ्न गएका थिए । सुन्दरनगर दोधारा चाँदनकिो जगबुडा नदीको पारीको गाँउ हो । सिमा क्षेत्र तथा गाँउमा गतिबिधी बुझ्दै गर्दा प्रहरी निरिक्षकलाई २०६६ साल माघ १७ देखि मानव बेचबिखनमा फरार अभियुक्तको बारे स्थानियहरुले जनाकारी दिए । अभियुक्त बिर बहादुर सुनार घरमा बसिरको थिए । अभियुक्त सुनार १ महिना जति दोधारा चाँदनी फर्केको थिए । उनि बेचबिखन मुद्धामा फरार भएर भारतमा बस्दै आएका थिए । अभियुक्त बिर बहादुर सुनार पुगेर निरिक्षकले जानकारी लिए पश्चात उनलाई प्रहरी कार्यालयमा हिड्न भने । अभियुक्त सुनार प्रहरीको कुरे नसुनि भाग्न थाले । उनि भागेर भारत/नेपाल सिमाको १० गजा सम्म पुगे एक प्रहरी निरिक्षक र एक जवान उनिहरुको पिछा गर्दै गरे । अन्त: अभियुक्त बिर बहादुर सुनारलाई रोक्न प्रहरीले एक राउण्ड आकाशमा हावाईफायर गर्नु पर्‍यो । बल्ल आएर अभियुक्त बिर सुनारलाई प्रहरीले समात्यो । करिब एक हजार मिटरको दौडाभागीमा प्रहरीले अभियुक्तलाई नियन्त्रणमा लिन सफल भयो । पक्राउ परेको सुनारलाई ल्याउदै गर्दा अभियुक्त सुनारका अनफ्तले एक समुह बनाएर प्रहरीलाई आक्रमण गर्‍यो । प्रहरी निरिक्षक तथा प्रहरी जवान माथी हातपात गर्दै अभियुक्त भनिएका सुनारलाई भगाएर सिमा पार गरायो । प्रहरीलाई स्थानियहरुले बचाउदै उनिहरुलाई सुरक्षित स्थान सम्म ल्याउन सफल भए । प्रहरी निरिक्षक तथा जवान कार्यालय फर्केर थप प्रहरी लिएर सुन्दरनगर गयो । ईलाका प्रहरी कार्यालय दोधारा चाँदनी देखि सुन्दरनगर पुग्न करिब ३० मिनेट जगबुडा नदी पार गर्नु पर्छ । थप बल सहित प्रहरी पुग्दा सम्म अपराधिक समुहरु फरार भएका थिए । प्रहरीले बिक्रम सुनार, काला सुनार गरि १० जनाको नाउ संकलन गरि अभियुक्तलाई भगाउने ब्यक्तीको सुचीमा राखी उनिहरुको खोजी कार्य जारी राखेको छ् । प्रहरी निरिक्षक बिरेनद्र विर बिश्कर्मा ईलाका प्रहरी कार्यालयमा आए देखि सुरक्षा ब्यवस्था मजबुद बन्दै आएको स्थानियहरुको दाबी रहेको छ् । प्रहरी निरिक्षक बिरेनद्र विर बिश्कर्माले अपराधिक क्रियाकलापमा संलग्न फरार अभियुक्तको फाईल खोल्न थालेपछि स्थानियहरु खुशी भएका छन् । <br><br><br></p>