<p><span style="line-height: 1.42857;">काठमाडौं ।</span><br></p><p>निर्वाचन आयोगले आगामी मंसिरमा हुने प्रतिनिधिसभा र प्रदेशसभा सदस्य निर्वाचनको पर्यवेक्षण गर्न चाहने अन्तर्राष्ट्रिय संस्था, समुदाय र व्यक्तिलाई पर्यवेक्षणका लागि आवेदन दिन आह्वान गरेको छ ।&nbsp;</p><p><br></p><p>निर्वाचन आयोगले आज एक सूचना प्रकाशित गरी निर्वाचनको पर्यवेक्षण गर्न चाहने संस्था, समुदाय र व्यक्तिलाई यही भदौ २९ गतेदेखि आगामी असोज १४ गतेभित्र आवश्यक कागजातसहित आवेदन दिन आह्वान गरेको हो ।&nbsp;</p><p><br></p><p>निर्वाचनलाई स्वच्छ, स्वतन्त्र र भयरहित वातावरणमा सम्पन्न गर्ने उद्देश्यमा योगदान पु¥याउन आयोगले अन्तर्राष्ट्रिय संस्था तथा समुदायलाई पर्यवेक्षणमा सहभागी हुनका लागि आग्रह गरेको आयोगका प्रवक्ता नवराज ढकालले बताउनुभयो ।&nbsp;</p><p><br></p><p>निर्वाचनमा अन्तर्राष्ट्रिय संस्था तथा समुदायको पर्यवेक्षणबाट निर्वाचन आयोग र अन्तर्राष्ट्रिय समुदायबीचको सम्बन्ध विस्तार हुनका साथै आयोगको विश्वसनीयता कायम राख्नमा यसले मद्दत पुग्ने आयोगले विश्वास लिएको छ ।&nbsp;</p><p><br></p><p>पर्यवेक्षण गर्ने इच्छुक संघसंस्था वा व्यक्तिले निर्वाचन आयोगले अन्तर्राष्ट्रिय पर्यवेक्षकका लागि पारित गरेको आचारसंहिताको परिधिभित्र रहेर आफ्नो जिम्मेवारी पूरा गर्नुपर्नेछ ।&nbsp;</p><p><br></p><p>आयोगका अनुसार इच्छुक संघसंस्था वा व्यक्ति आफ्नो मुलुकको आधिकारिक निकायमा दर्ता भएको र विगतमा निर्वाचनको पर्यवेक्षण गरेको अनुभवसमेत हुनुपर्ने आयोगले मापदण्ड तोकेको छ ।&nbsp;</p><p><br></p><p>विश्वका कतिपय मुलुकले राष्ट्रिय, संसदीय वा आमनिर्वाचनमा अन्तर्राष्ट्रिय संस्था र समुदायलाई पर्यवेक्षण गर्न दिने अभ्यास रहेको छ । यसबाट निर्वाचनप्रति विश्वसनीयता बढाउन योगदान पुग्ने विश्वास गरिन्छ ।&nbsp;</p>

<p><span style="line-height: 18.5714px;">प्रमिला सुनार-बिदुर/नुवाकोट&nbsp;</span><span style="line-height: 18.5714px;">।</span><span style="line-height: 18.5714px;"><br>नुवाकोटमा यात्रुबाहक बस दुर्घटना हुदा ६ जनाको मृत्यु भएको छ भने ३० जना घाईते भएका छन् ।</span></p><p><span style="line-height: 18.5714px;"><br></span></p><p><span style="line-height: 18.5714px;">काठमाण्डौंबाट नुवाकोटको तादी गाउपालिकाको खरानीटारतर्फ आउदै गरेको बा १ ख ६३४८ नम्बरको यात्रुबाहक बस शिवपुरी गाउपालिका वडा नम्बर ७ सुनखानीको थानाभञ्याङ भन्ने स्थानमा दुर्घटना हुँदा घटनास्थलमा ३ जना, काठमाडौको ग्रिनसिटि अस्पतालमा ३ जना र विपी स्मृति अस्पतालमा ३ जनाको मृत्यु भएको प्रहरीले जानकारी दिएको छ ।</span></p><p><span style="line-height: 18.5714px;"><br></span></p><p><span style="line-height: 18.5714px;">घटनास्थलमा मृत्यु हुनेमा तादी गाँउपालिका वडा नम्बर ५ का ४५ बर्षिय लक्ष्मी न्यौपाने, ६७ बर्षिय ठुलीमाया तामाङ र विदुर नगरपालिका वडा नम्बर ९ जफतिका २१ बर्षिय शशि बोगटी रहेको जिल्ला प्रहरी कार्यालय नुवाकोटका प्रहरी नायव उपरिक्षक मधुकर जंग बिष्टले जानकारी दिनुभएको छ ।</span></p><p><span style="line-height: 18.5714px;"><br></span></p><p><img src="https://topnepalnews.comuploads/posts/41468360e943e8df4f3d24f79e40fa6b1504952682.jpg" style="width: 506.417px; height: 379.812px;"><span style="line-height: 18.5714px;"><br></span></p><p><span style="line-height: 18.5714px;"><br></span></p><p><span style="line-height: 18.5714px;">यसैगरी, उपचारको क्रममा काठमाडौको ग्रिनसिटि अस्पतालमा लालबहादुर तामाङ र उजेली मिजारको मृत्यु भएको प्रहरीले जनाएको छ । यस्तै, काठमाडौकै विपि स्मृति अस्पतालमा सविना तामाङको मृत्यु भएको प्रहरीले जानकारी दिएको छ ।</span></p><p><span style="line-height: 18.5714px;"><br></span></p><p><span style="line-height: 18.5714px;">दुर्घटनामा घाईते हुनेमा ३२ बर्षिय शेरबहादुर तमाङ, २० बर्षिय रामशरण खतिवडा, २२ बर्षिय रमेश केसी, ४७ बर्षिय अञ्जु तामाङ, १६ बर्षिय दिक्षा घिमिरे, १८ बर्षिय मनिष डंगोल, १९ बर्षिय सरस्वती थिङ, ५० बर्षिय कान्छी मिजार, ७ बर्षिय बालकहरु करण तिवारी, विनारा पण्डित रहेका छन् । उनीहरुको काठमाडौ स्थित ग्रिनसिटि अस्पतालमा उपचार भैरहेको छ ।</span></p><p><span style="line-height: 18.5714px;"><br></span></p><p><img src="https://topnepalnews.comuploads/posts/ead4852ac4829259cfc8a3d06c8cf90b1504952712.jpg" style="width: 506.417px; height: 379.812px;"><span style="line-height: 18.5714px;"><br></span></p><p><span style="line-height: 18.5714px;"><br></span></p><p><span style="line-height: 18.5714px;">यस्तै घाईते हुनेमा २९ बर्षिय सिता पण्डित, ३५ बर्षिय गिता खनाल, ३१ बर्षिय सितामाया तामाङ, १४ बर्षिय रामेश्वर मुखिया, २४ बर्षिय &nbsp;शर्मिला राई, ३५ बर्षिय भोजबहादुर तामाङ, १७ बर्षिय कविता तामाङ, ४८ बर्षिय गोविन्द श्रेष्ठ, १४ बर्षिय सानोबाबु तामाङ र ११ महिने बालक खुर्पेन तामाङ, ४७ बर्षिय यमशोभा मानन्धर रहेको प्रहरीले जानकारी दिएको छ ।</span></p><p><span style="line-height: 18.5714px;"><br></span></p><p><span style="line-height: 18.5714px;">काठमाडौको माछापोखरीबाट बिहान ९.३० बजे तादी गाँउपालिकाको खरानीटारको लागी छुटेको बस शिवपुरी गाँउपालिकाको वडा नम्बर ७ सुनखानीको थानाभञ्ज्याङमा बिहान ११ बजे दुर्घटना भएको प्रतक्ष्यदर्शी स्थानिय शिव गुणीले जानकारी दिनुभएको छ ।&nbsp;</span></p><p><span style="line-height: 18.5714px;"><br></span></p><p><img src="https://topnepalnews.comuploads/posts/37a7b8c8c5a65a5aa0a44019088675461504952736.jpg" style="width: 506.417px; height: 379.812px;"><span style="line-height: 18.5714px;"><br></span></p><p><span style="line-height: 18.5714px;"><br></span></p><p><span style="line-height: 18.5714px;">थानाभञ्ज्याङको घुम्तीमा भएको दुर्घटनामा बस सडकबाट ४ सय मिटर तल खस्न पुगि झिल्के भनिने अनिल तामाङको घरको माथी अड्किएको थियो । दुर्घटना भएको बसको ठक्करले घर भत्किदा अनिल तामाङको श्रीमती डम्फी भनिने सिता तामाङको &nbsp;काठमाडौमा उपचार भैरहेको छ । &nbsp;&nbsp;</span></p><p><span style="line-height: 18.5714px;"><br></span></p><p><span style="line-height: 18.5714px;">बैकल्पिक तथा नयाँ रुटका रुपमा हालै संञ्चालनमा ल्याईएको त्रिशुली-काठमाण्डौं मार्गको त्रिशुली-छहरे-टोखा सडकमार्ग अन्तर्गत नुवाकोट-काठमाण्डौं सीमानजिकै थानाभञ्ज्याङमा उक्त बस दुर्घटना भएको थियो । &nbsp;</span></p><p><span style="line-height: 18.5714px;"><br></span></p><p><span style="line-height: 18.5714px;">
<iframe width="560" height="315" src="https://www.youtube.com/embed/v-7ZxXocsbQ" frameborder="0" allowfullscreen=""></iframe>
</span></p><p><span style="line-height: 18.5714px;"><br></span></p><p><span style="line-height: 18.5714px;">
साथै दुर्घटनामा घाईते भएकाहरुलाई स्थानीयबासी र शिवपुरी राष्ट्रिय निकुञ्जमा तैनाथ नेपाली सेना, श्रीनाथ गण देविघाटबाट खटिएको नेपाली सेनाको टोली र नेपाल प्रहरीको टोलीद्धारा उद्धारगरी उपचारका लागि काठमाडौ लगिएको थियो ।&nbsp;</span></p><p><span style="line-height: 18.5714px;">घटनास्थलमा मृत्यु भएका तादी गाँउपालिका वडा नम्बर ५ का ४५ बर्षिय लक्ष्मी न्यौपाने, ६७ बर्षिय ठुलीमाया तामाङ र विदुर नगरपालिका वडा नम्बर ९ जफतिका २१ बर्षिय शशि बोगटीको शव पोष्टमार्टमको लागी जिल्ला अस्पताल त्रिशुलिमा लगिएको प्रहरी नायव उपरिक्षक डिएसपि मधुकर जंग बिष्टले जानकारी दिनुभएको छ ।</span></p>

<p><span style="line-height: 1.42857;">काठमाडौं ।</span><br></p><p>सरकार स्थानीय तहको निर्वाचन मिति घोषणाको गृहकार्यमा सक्रिय रहेका बेला रजाधानीमा तस्करीको सुन बरामद हुने क्रम बढेको छ । लामो समयदेखि निर्वाचन चर्चामै समेटिएको थियो ।</p><p>गत पुसमा नेपाली कांग्रेस, एमाले र माओवादी केन्द्रका नेता निर्वाचनका लागि सहमत भएसँगै मिति घोषणाको गृहकार्य सुरु भयो ।</p><p><br></p><p>यसैबीच राजधानीमा तस्करीका सुन भटाभट बरामद हुन थाल्यो । सुरक्षा निकाय र निर्वाचन आयोग निर्वाचनको तयारीमा जुटेकै बेला पुस १३ मा थानकोटमा ७ किलो सुन फेला पर्यो ।</p><p>सो सुनको अनुसन्धान सकिएकै थिएन पुस २१ मा प्रहरीको केन्द्रीय अनुसन्धान ब्युरोले त्रिभुवन विमानस्थलबाट बाहिरिएको साढे ३३ किलो सुन फेला पार्यो । जसले राम्रै तरंग ल्यायो ।</p><p><br></p><p>जानकारहरुका अनुसार निर्वाचनका बेला तस्करीका घटना बढ्ने गरेका छन् । स्थानीय तह निर्वाचनमा गाउँपालिकाको अध्यक्षका उम्मेदवारले ५ करोड खर्च भएको सार्वजनिक गरेका थिए । यस्तो बेलामा दललाई उम्मेदवारको खर्च जुटाउन हम्मेहम्मे पर्ने नै भयो ।</p><p>यही बेला सुन तस्करी किन बढेको होला रु सुनचाँदी व्यवसायी मणिकरत्न शाक्य पञ्चायत कालदेखि नै सुन तस्करी हुने गरेपछि यसबारे धेरै चर्चा हुने गरेको बताउँछन् । सुन तस्करी राजनीतिक गतिविधिसँग जोडिएको उनको विश्लेषण छ । आजको नागरिक दैनिकमा खबर छ ।</p>

<p><span style="line-height: 1.42857;">काठमाडौं ।</span><br></p><p>भारतीय तथा चिनियाँ तस्करले ०६० सालदेखि रक्तचन्दनको अवैध कारोबारका निम्ति नेपाली भूमि प्रयोग गरे । तातोपानी र रसुवा नाकाका भन्सार कर्मचारी, जिल्लादेखि केन्द्रसम्मका सुरक्षा निकायका उच्च अधिकृत र विभिन्न तहका नेताको संरक्षणमा चलेको यो धन्दा जारी छ ।</p><p><br></p><p>चीनमा विलासी फर्निचर बनाउन प्रयोग हुने रक्तचन्दको अवैध कारोवारमा नेपाली पक्षले पारवहन सहजकर्ताको भूमिका खेल्यो र त्यसबाट लाभान्वित आपराधिक समूह क्रमशः आर्थिक तथा संगठित अपराधसँग समेत जोडिँदै गए । यसका कारण नेपालको अन्तर्राष्ट्रिय जगतमै बदनाम हुँदै जाँदा सरकारले हस्तक्षेप गर्न थाल्यो र तस्कर हच्कन थाले ।</p><p><br></p><p>त्यो अवस्थामा रक्तचन्दनका लागि जति पनि पैसा तिर्न तयार चिनियाँ तस्कर अन्य लाभकारी धन्दातर्फ मोडिए । जसमा डलर, सुन, वन्यजन्तुका अंगप्रत्यंग, जडीबुटीलगायत थुप्रै बस्तु पर्छन् ।</p><p><br></p><p>जानकारका अनुसार पछिल्ला वर्षमा नेपालमा चिनियाँ तस्करले जरो गाडेका छन् । आवरणमा होटल, रेस्टुराँ र अन्य व्यापार देखिए पनि विभिन्न अवैध धन्दाका कारण चिनियाँ व्यापारी सन्देहको घेरामा छन् ।८८ किलो सुन केरुङ नाकाबाट काठमाडौं ल्याएका चिनियाँ नागरिक वान विई मिङ ठमेलका होटल व्यवसायी हुन् ।</p><p><br></p><p>पछिल्लो समय चीनबाट भारी मात्रामा भित्रेका ठानिएका सुन नेपालका सुन पसलमा पनि प्रशस्तै बिक्री हुन्छ । जबकि त्यस्तो सुनका लागि लक्षित गन्तव्य भारतको विशालबजार हो । गत वर्ष पुसमा प्रहरीले ८ किलो सुनसहित भूगोलपार्कस्थित भाग्यलक्ष्मी ज्वेलर्सका सञ्चालकद्वय विक्रम मित्तल र विवेक मित्तललाई पक्राउ गर्यो । उनीहरूलाई भारतीय नागरिक भागिरथ चौधरीले सुन सप्लाई गर्दै आएका थिए ।</p><p><br></p><p>चौधरीले ‘मामा’ उपनामका चिनियाँ तस्करबाट सुन बुझेर काठमाडौंका केही सुन पसललाई सप्लाई गर्दै आएका थिए । चिनियाँ तस्करले ल्याएको सुन नेपाली सुन व्यवसायीले खरिद गर्ने यो एउटा चोटिलो उदाहरण बन्यो । उक्त घटनाको अनुसन्धानले चिनियाँ तस्करले भारत मात्रै नभएर नेपालमा समेत आफ्नो जालो विस्तार गर्न खोजेको पुष्टि गरेको थियो । आजको अन्नपूर्ण पोस्ट दैनिकमा खबर छ ।</p>