ठानाभञ्याङमा बस दुर्घटनामा परी मृत्यु हुनेको सङ्ख्या ६ पुग्यो

<p><span class="_mh6 _wsc" id="cch_f2457039ca0b27c"><span class="_3oh- _58nk">&nbsp;२४ भदौ, नुवाकोट । काठमाडौबाट नुवाकोटको खरानीटार आउदै गरको बस आज बिहान साढे ११ बजे शिवपुरी गाउपालिका वडा नम्बर ७ सुनखानीको ठानाभञ्याङमा दुर्घटना हुदाँ ६ जनाको मृत्यु भएको छ । दुर्घटनामा ३० जना घाईते भएका छन् । घाइते अधिकांशको अबस्था गम्भीर रहेको छ ।
काठमाडौबाट बिहान साढे ९ बजे खरानीटारको लागी छुटेको बा. १ ख ६३४८ नम्बरको यात्रुबाहक बस ठानाभञ्याङको “लो टोल”मा दुर्घटना हुँदा विदुर नगरपालिका वडा नं. ९ जफतीका २१ वर्षका शशी बोगटी, तादी गाँउपालिका वडा नं ५ नर्जामण्डपका ४५ वर्षका लक्ष्मी न्यौपाने र ६७ वर्षका ठूलीमायाँ तामाङको घटनास्थलमा नै मृत्यु भएको जिल्ला प्रहरी कार्यालय नुवाकोटका प्रहरी नायव उपरीक्षक मधुकरजंग विष्टले जानकारी दिनुभएको छ ।
यस्तै, गम्भीर घाइते भएर उपचारको क्रममा ग्रिनसिटी अस्पताल काठमाडौमा लालबहादुर तामाङ र उजेली मिजार, विपीस्मृति अस्पतालमा सबिना तामाङको मृत्यु भएको प्रहरीले जनाएको छ ।
उनीहरुको ठेगाना खुल्न बाँकी छ । </span></span></p><p><span class="_mh6 _wsc" id="cch_f2457039ca0b27c"><span class="_3oh- _58nk">दुर्घटनामा घाइते भएका ३० जनाको काठमाडौको ग्रिनसिटी, ग्राण्डी, विपीस्मृती लगायतको अस्पतालमा उपचार भइरहेको प्रहरी नायव उपरीक्षक मधुकरजंग विष्टले जानकारी दिनुभएको छ ।
ठानाभञ्याङ स्थित लो–टोलमा घुम्तीमा मोड्ने क्रममा दुर्घटना भएको बस सडकबाट ३ सय ५० मिटर तल पुगेको थियो । बस दुर्घटना पछि स्थानीयबासीले सुरक्षानिकायलाई खबर गरी उद्धारमा जुृटेका थिए ।
घटना लगत्तै पुगेको शिवपुरी राष्ट्रिय निकुञ्ज सुरक्षार्थ खटिएको नेपाली सेना,श्रीनाथ गण देवीघाटको गणपति रोहित गुरुङ, मेजर सुरेन्द्रबहादुर देउवा, जिल्ला प्रहरी कार्यालय नुवाकोकटा प्रहरी नायव उपरीक्षक विष्ट सहितको सुरक्षाकर्मी र स्थानीयले शवको व्यबस्थापन, घाइतेलाई उद्धार गरी उपचारको लागी काठमाडौ पठाएको हो । बसका चालक को थिए एकीन हुन बाँकी रहेको प्रहरीले जनाएको छ ।</span></span></p><p><span class="_mh6 _wsc" id="cch_f2457039ca0b27c"><span class="_3oh- _58nk">
बस दुर्घटनामा घाईते हुनेहरुमा ३२ बर्षिय शेरबहादुर तमाङ, २० बर्षिय रामशरण खतिवडा, २२ बर्षिय रमेश केसी, ४७ बर्षिय अञ्जु तामाङ, १६ बर्षिय दिक्षा घिमिरे, १८ बर्षिय मनिष डंगोल, १९ बर्षिय सरस्वती थिङ्ग, ५० बर्षिय कान्छी मिजार, ७ बर्षिय बालकहरु करण तिवारी, विनारा पण्डित रहेका छन् । उनीहरुको काठमाडौ स्थित ग्रिनसिटि अस्पतालमा उपचार भैरहेको छ ।
यस्तै, घाईते हुनेमा २९ बर्षिय सिता पण्डित, ३५ बर्षिय गिता खनाल, ३१ बर्षिय सितामाया तामाङ, १४ बर्षिय रामेश्वर मुखिया, २४ बर्षिय शर्मिला राई, ३५ बर्षिय भोजबहादुर तामाङ, १७ बर्षिय कविता तामाङ, ४८ बर्षिय गोविन्द श्रेष्ठ, १४ बर्षिय सानोबाबु तामाङ र ११ महिने बालक खुर्पेन तामाङ, ४७ बर्षिय यमशोभा मानन्धर रहेको प्रहरीले जानकारी दिएको छ ।
यस्तै काठमाडौ ग्राण्डी अस्पतालमा ३६ बर्षिय नविन श्रेष्ठ, ३३ बर्षिय मेनुका मैनाली, १५ बर्षिय रुपकगिरी, ३६ बर्षिय सरस्वती गिरी, ६६ बर्षिय नन्दकुमारी अधिकारी, ३६ बर्षिय राज्यलक्ष्मी श्रेष्ठ, ४३ बर्षिय देवकी रिजाल, २० बर्षिय पार्वती मगरको उपचार भैरहेको छ ।
</span></span></p><p><span class="_mh6 _wsc" id="cch_f2457039ca0b27c"><span class="_3oh- _58nk">यस्तै २७ बर्षिय देवकी ठकुरीको विपि स्मृति अस्पतालमा उपचार भैरहेको छ । यस्तै ६१ बर्षिय निर्मला पाठकका चिरायु अस्पतालमा उपचार भैरहेका प्रहरीले जानकारी दिएको छ ।
काठमाडौको माछापोखरीबाट बिहान ९.३० बजे तादी गाँउपालिकाको खरानीटारको लागी छुटेको बस शिवपुरी गाँउपालिकाको वडा नम्बर ७ सुनखानीको थानाभञ्ज्याङमा बिहान ११ बजे दुर्घटना भएको प्रतक्ष्यदर्शी स्थानिय शिव गुणीले जानकारी दिनुभएको छ ।
क्षमता भन्दा बढी यात्रु बोकेर आएको बस लो टोल स्थित घुम्तीमा मोड्ने क्रममा गाडीको पत्ता भाचिएर दुर्घटना भएको पासाङल्यामु यातायात व्यवसायी समितिका ईञ्चार्ज हरीप्रसाद न्यौपानले जानकारी दिनुभएको छ ।
बस दुर्घटना हुदाँ झिल्के भनिने अलिन तामाङको दुईतले घर पूर्ण रुपमा क्षति हुदाँ उहाको श्रीमति सिता तामाङ समेत घाइते भएर उपचारको लागी काठमाडौमा लगिएको छ ।
बस दुर्घघटना लगत्तै उद्धारमा खटिनुभएका स्थानीय कृष्णबहादुर तामाङले दुर्घटना लगत्तै प्रहरी लगायतको सहयोगमा उद्धार गरी उपचारको लागी काठमाडौ पठाएको र घटना निकै बिभत्स रहेको बताउनुभयो ।
</span></span></p><p><span class="_mh6 _wsc" id="cch_f2457039ca0b27c"><span class="_3oh- _58nk">सडकभन्दा साढे ३ सय मिटर माथीबाट आएको बसको आवाज भूकम्प गएको जस्तो डरलाग्दो रहेको प्रमिला तामाङले बताउनुभएको छ । बसले क्षति पु-याएको घरधनी सिता तामाङको जेठानीदिदी समेत रहनुभएका प्रमिलाले ठूलो आवाज सहितको बस आएर बज्रिएपछि अतालिएकाले उद्धार गर्न आफुहरुलाई कठिनाई भएको बताउनुभएको ।
नुवाकोट–काठमाडौ आवत जावतको लागी सबैभन्दा छोटो दुरीको रुपमा सञ्चालनमा आएको सडक खण्ड पहिरोको त्रास सगै सडक दुर्घटनाको लागी समेत उत्तिकै जेखिम देखिएको छ । काठमाडौबाट नुवाकोट प्रवेश गरेलगत्तै बस दुर्घघटना हुन पुगेको प्रहरीले जनाएको छ ।</span></span><span class="_mh6 _wsc" id="cch_f2457039ca0b27c"><span class="_3oh- _58nk"></span></span></p>