<p><span style="line-height: 1.42857;">काठमाडौं ।</span><br></p><p>दलहरुले दशैं, तिहार तथा छठ पर्व लगायतका चाडपर्व लक्षित चियापन आयोजना गर्न नपाउने भएका छन् ।</p><p><br></p><p>चियापानका नाममा बर्षेनी दशौं लाख खर्च गर्दै तडकभडक गर्दै आएका दलहरुलाई निर्वाचन आयोगले निर्वाचन आचारसंहिता लागु भएको अवस्थामा कार्यक्रम गरिए कडा कारबाही गर्ने चेतावनी दिएको छ ।</p><p><br></p><p>प्रमुख निर्वाचन आयुक्त डा अयोधिप्रसाद यादवका अनुसार निर्वाचन आचारसंहिता लागू भइसकेकाले चियापान वा जलपान कार्यक्रम गर्न पाइने छैन ।</p><p><br></p><p>‘प्रदेश सभा र प्रतिनिधि सभाको निर्वाचनमा रेडियोको भूमिकामाथि बहस’ कार्यक्रमलाई मंगलबार राजधानीमा सम्वोधन गर्दै प्रमुख आयुक्त यादवले भने, ‘प्रदेश र प्रतिनिधि सभा निर्वाचनको मिति घोषणा भैसकेको छ, यस्तो अवस्थामा आयोजना गरिने हरेक चियापानहरु राजनीतिक उद्देश्यहरुले प्रेरित हुन्छन्, त्यसैले आयोगले यसबारेमा पूर्ण सचेतना अपनाएको छ, हामी यस्ता खाले चियापान गर्न दिँदैनौं ।’</p><p><br></p><p>अहिले चाडपर्वको मुखमा चियापन र भोजभतेर गर्नेहरुको होडबाजी नै चलेको छ । नेपाली कांग्रेसले मंगलबारमात्रै विज्ञप्ति निकालेर दशैंको कोजाग्रत पूर्णिमाको दिन ३३० वटै प्रदेशस्तरीय निर्वाचन क्षेत्रमा चियापान कार्यक्रम गर्ने घोषणा गरेको छ । एमाले, माओवादी केन्द्र लगायत दलहरुले पनि दशैं, तिहार र छठ पर्वको अवसरमा चियापान कार्यक्रम गर्दै आएका छन् ।</p><p><br></p><p>मंसिर १० गतेको पहिलो चरणको निर्वाचनको संघारमा गरिने चियापान कार्यक्रमले चुनावको गन्ध आउने भन्दै प्रमुख आयुक्त यादवले प्रतिनिधिसभा र प्रदेश सभा निर्वाचन अघि यस्तो कार्यक्रम कसैले गरे कडा कारवाही गर्ने बताए ।</p>

<p><span style="line-height: 1.42857;">काठमाडौं ।</span><br></p><p>व्यवस्थापिका संसदको आजका पहिलोे बैठकले थारु आयोग विधेयक २०७४, मुस्लिम आयोग विधेयक २०७४ लाई सर्वसम्मतीले पारित गरेको छ ।</p><p><br></p><p>उपप्रधानमन्त्री एवं संघीय मामिला तथा स्थनीय विकास मन्त्री विजय कुमार गच्छदारका तर्फबाट भुमिसुधार तथा व्यवस्था मन्त्री गोपाल दहितले उक्त विधेयक परित गरियोस भनी संसदमा प्रस्ताव प्रस्तुत गर्नुभएको थियो ।</p><p><br></p><p>यसैगरी बैठकले सहकारी विधेयक २०७४ र केही नेपाल कानुनलाई संशोधन, एकिकरण, समायोजन र खारेज गर्ने विधेयक, २०७४ लाई समेत पारित गरेको छ ।</p><p><br></p><p>सहकारी तथा गरिबी निवारण मन्त्री अम्बिका बस्नेतले सहकारी विधेयक र कानुन न्याय तथा संसदीय मामिला मन्त्री यज्ञबहादुर थापाले केही नेपाल कानुनलाई संशोधन, एकिकरण, समायोजन र खारेज गर्ने विधेयक पारित गरियोस भनी प्रस्ताव प्रस्तुत गर्नु भएको थियो ।</p><p><br></p><p>बैठकमा विपद जोखिम न्युनीकरण तथा व्यवस्थापन विधेयक, राष्ट्रियसभा सदस्य निर्वाचन विधेयक र राष्ट्रपती तथा उपराष्ट्रपतीको निर्वाचन सम्बन्धी विधेयक गरी छुट्टाछट्टै तीनवटा विधेयक संसदमा प्रस्तुत भएको छ ।</p><p><br></p><p>गृहमन्त्री जनार्दन शर्माले संसदमा प्रस्तुत भएका तीनवटै विधेयकको अनुमति माग्ने प्रस्तावमाथि सांसदहरु प्रेम सुवाल, डिल्लीप्रसाद काफ्ले र अनुराधा थापामगरले प्रस्तुत गर्नुभएको विरोधको सूचना वैठकले अस्विकृत गरेको थियो ।</p><p><br></p><p>बैठकमा विकास समितिका सभापती रविन्द्र अधिकारीले स्थानीय शासन विधेयक सम्बन्धि समितिको प्रतिवेदन र सुशासन तथा अनुगमन समितिका सभापती मोहनसिंह राठौरले राष्ट्रपती, उपराष्ट्रपतीको पारिश्रमिक तथा सुविधा सम्बन्धी विधेयकको समितिको प्रतिवेदन पेश गर्नुभयो ।</p><p><br></p><p>यस्तै विधायन समितिको प्रतिवेदन सहितको देवानी कार्यविधि संहिता विधेयकको केही दफाहरुका सम्बन्धमा संसदले पुन विचारार्थ निर्देशन सहित देवानी सहित विधेयक र देवानी कार्यविधि संहिता विधेयक सम्बन्धीत समितिमा फिर्ता पठाएको छ ।&nbsp;</p><p>यसअघि बैठकमा सभामुख ओनसरी घर्तीले प्रधानमन्त्री तथा मन्त्रिपरिषदको कार्यालयबाट प्राप्त मन्त्रिपरिषद विस्तार सम्बन्धी पत्रको व्यहोरा पढेर सुनाउनु भयो ।</p><p>व्यवस्थापिका संसदको अर्को बैठक आजै १५ मिनेट पछी फेरी बस्ने छ ।</p>

<p><span style="line-height: 1.42857;">जनकपुरधाम ।</span><br></p><p>धनुषाको १८ वटै स्थानीय तहको मतगणना जारी रहेको छ । धनुषाको विभिन्न स्थानीय तहको पछिल्लो मतगणनाको परिणाम अनुसार ४ वटा वडाध्यक्षमा नेकपा एमाले विजयी भएका छन् ।</p><p>यसैगरि संघीय समाजवादी फोरम नेपालले २, राष्ट्रिय जनता पार्टी नेपालले २ तथा माओवादी केन्द्रले १ गरेर ७ वटा वडाध्यक्ष पदमा निर्वाचित भएका छन् ।</p><p>धनुषाको १८ स्थानीय तहमा जारी रहेको मतगणनाको प्रारसम्भक रुझानमा नेपाली काँग्रेस ६ स्थान, फोरम ४ स्थान, राजपाले २ थान, २ वटामा माओवादी केन्द्र, एमाले १ स्थानमा अग्रता सलएको छ ।</p><p>अरु ठाउँमा मतगणना जारी नै रहेको छ । जनकपुर उपमहानगरपालिकामा राष्ट्रिय जनता पार्टी नेपालका मेयर पदका उम्मेदवार रालकिशोर साह नेपाल काँग्रेसका उम्मेदवार भन्दा दोब्बर मत अन्तरले अग्र स्थानमा रहनु भएको छ ।</p><p>उपमेयर पदमा पनि सोही पार्टीका रिता झाको अग्रता कायम रहेको छ । मतगणनाको प्रारम्भिक रुझान मात्र रहेको छ ।&nbsp;</p>