राष्ट्रिय भलिबलको उपाधी नेपाल पुलिसलाई

<p><span style="line-height: 1.42857;">मकपानपुर ।</span><br></p><p>केशवलाल श्रेष्ठको स्मृतिमा आयोजित दोस्रो राष्ट्रिय पुरुष भलिबलको उपाधी &nbsp;नेपाल पुलिस क्लबले जितेको छ । मंगलबार हेटौंडा–१९ बस्तिपुर स्थित निर्मल बहुमुखी क्याम्पसको मैदानमा भएको फाइनल भिडन्तमा नेपाल आर्मी क्लबलाइ सोझो सेटमा पराजित गर्दै पुलिसले उपाधी जितेको हो ।</p><p>पुलिसले आर्मीलाई २५–२०, २५–१६ र २५–२० को सेटमा हराएको हो । प्रतियोगिताको विजेता पुलिसले नगद २ लाख रुपैयाँ सहित शिल्ड, मेडल र प्रमाणपत्र प्राप्त गरेको छ भने आर्मीले एकलाख रुपैयाँमा चित्त बुझाउन बाध्य भएको छ । बिहान भएको खेलमा आयोजक टिमलाई हराउँदै सशस्त्र प्रहरी बलको एपीएफ तेस्रो भएको छ । एपीएफले ५० हजार र आयोजक मकवानपुरले २५ हजार रुपैयाँ प्राप्त गर्यो ।&nbsp;</p><p>प्रतियोगिताको सर्बोत्कृष्ट खेलाडी हुँदै पुलिसका कुलबहादुर थापाले नगद १५ हजार रुपैयाँ प्राप्त गरे भने उत्कृष्ट स्पाइकर नेपाल आर्मीका कुलबहादुर भट्ट, उत्कृष्ट लिफ्टर प्रहरीका यमबहादुर राना, उत्कृष्ट डिफेन्डर प्रहरीकै शमशेर चन्द, उत्कृष्ट ब्लकर आर्मीका भैरब बम र उत्कृष्ट प्रशिक्षक भएका पुलिसका सरोज श्रेष्ठले जनही ५/५ हजार रुपैयाँ सहित ट्रफी र प्रमाणपत्र प्राप्त गरे गरे ।</p><p>केशवलाल श्रेष्ठको स्मृतिमा गठित खेलकुद प्रतिष्ठान र युवा तथा खेलकुद समन्वय समिती हेटौंडा–१९ को आयोजनामा भएको प्रतियोगितामा साबिकको ५ विकास क्षेत्र, ३ विभागीय टिम र आयोजक गरी ८ टोलिको सहभागिता रहेको थियो ।</p><p>विजयी टिम तथा खेलाडीलाई हेटौंडा उपमहानगरपालिकाका मेयर हरिबहादुर महत, भलिबल संघका अध्यक्ष मनोरन्जन शर्मा, प्रमुख जिल्ला अधिकारी चक्रबहादुर बुढा, जिल्ला खेलकुद विकास समितिका अध्यक्ष माधव तिमल्सिना, प्रायोजक हेटौंडा स्कुल अफ म्यानेजमेन्टका प्रमुख पुरणबहादुर जोशी, आयोजक प्रतिष्ठान अध्यक्ष प्रताप बिष्टलगायतले पुरस्कार वितरण गरेका हुन् ।</p>