उपराष्ट्रपति र प्रचण्डलाई गाली गरेको भन्दै जर्मनीमा रहेका युवालाई नेपाल लगिंदै

<p><span style="line-height: 1.42857;">जर्मनी ।</span><br></p><p>उपराष्ट्रपति नन्दबहादुर पुन र माओवादी केन्द्रका अध्यक्ष पुष्पकमल दाहाल प्रचण्डलाई गाली बेइज्जती गरेको भन्दै यहाँ रहेका एक नेपाली युवालाई कारवाहीको लागि नेपाल लगिने तयारी भएको छ ।</p><p><br></p><p>सामाजिक सञ्जालमा उपराष्ट्रपति पुन र प्रचण्डलाई गाली बेइज्जती गर्ने धादिङ त्रिपु्रासुन्दरीका आत्मराम थपलियालाई नेपाल प्रहरीले जर्मनीबाट नेपाल लैजाने भएको हो ।</p><p><br></p><p>जर्मनीमा रहेका थपलियाले केही समयदेखि उपराष्ट्रपति पुन तथा प्रचण्ड लगायतका व्यक्तिलाई अपशब्द प्रयोग गर्दै फेसबुकमा गाली गरेको बताइन्छ ।</p><p><br></p><p>जर्मनीमा विद्यावारिधिका क्रममा रहेका थपलियाले सामाजिक सञ्जालमा मनपरी लेख्न थालेपछि उनलाई प्रहरीले कारबाही प्रक्रिया अघि बढाएको थियो ।&nbsp;</p><p><br></p><p>थपलियालाई पक्राउ गर्न नेपाल प्रहरीको केन्द्रीय अनुसन्धान व्यूरोले प्रक्रिया अघि बढाएको बताइसकेको छ ।</p><p><br></p><p>उनलाई नेपाल ल्याउन व्यूरोले उनको नाममा जारी भएको राहदानी निलम्वनका लागि विभागलाई पत्राचार गरेको र यहाँ स्थित नेपाली दुतावाससँग समन्वय थालिसकेको बुझिएको छ ।</p><p><br></p><p>नेपाल लगेर थपलियालाई साइवरक्राइम अन्तर्गत मुद्दा चलाउने तयारी गरेको नेपाल प्रहरी श्रोतले बताएको छ ।</p>