<p><span style="line-height: 18.5714px;">धादिङ</span><span style="line-height: 18.5714px;">।&nbsp;</span></p><p><span style="line-height: 18.5714px;">त्रिशुली नदिमा भएको बस्दा मृत्यु हुनेको संख्या ३० जना पुगेको छ । मृतक मध्ये ९ जना महिला र ११ जना पुरुष ६ जना बालक र ३ जना बालिका रहेको धादिङ प्रहरी उपरीक्षक धुव्रराज राउतले जानकारी दिए । मृतक मध्ये १२ जनाको सनाखत भएको छ ।</span></p><p><span style="line-height: 18.5714px;">सप्तरीको राजविराजबाट काठमाडौं जाँदै गरेको ना ६ ख १४६७ नम्बरको बस शनिबार बिहान धादिङको गजुरी गाउँपालिका वडा नं ५ बांगेमोडस्थित त्रिशुली नदिमा खसेको थियो । &nbsp;</span></p><p><span style="line-height: 18.5714px;">दुर्घटनामा मृत्यु हुने मध्ये १२ जनाको सनाखत खुलेको छ । सनाखत हुनेहरुमा सप्तरी जिल्ला तिलाठी ३ निबासी ३५ बर्षिय सिमी कुमारी झा, सिराहा न.पा ८ गोलबजारका ५० र्बिषय रामकुमार यादव, सप्तरी जिल्ला देउरीमरुवा न.पा १५ का सहचालक १८ बर्षिय नरेश मुखिया, सप्तरी जिल्ला बोधेवरसाई न.पा ३ का १५ बर्षिय चन्दरेखा प्रमाणी, सप्तरी जिल्ला राजविराज न.पा. १६ का ७४ बर्षिय चन्द्रवती झा रहेका छन् ।</span></p><p><span style="line-height: 18.5714px;">त्यस्तै सप्तरी जिल्ला तिलाठी गाउँपालिका १ का ३३ बर्षिय मन्जित कुमार झा, सप्तरी जिल्ला नेरेयाका २५ बर्षिय पार्वती चौधरी, सप्तरी जिल्ला &nbsp;बोधेवरसाई न.पा २ का ६ बर्षिय आदित्य यादव, सप्तरी जिल्ला तिलाठी ३ का ३८ बर्षिय सन्जित कुमार झा, सप्तरी जिल्ला नेरेयाका ३ बर्षिय सुशान चौधरी, सप्तरी जिल्ला नेरेया गाउँपालिका ३ का २४ बर्षिय रमानन्द यादव र भारतको मधुवनी जिल्ला विहार निवासी २९ बर्षिय ममतादेबी ठाकुर रहेको राउतले जानकारी दिए ।</span></p><p><span style="line-height: 18.5714px;">दुर्घटना स्थलबाट १६ जना घाइतेलाई उद्धार गरिएको छ । घाइतेहरु मध्ये २ जनालाई उपचारका लागि काठमाडौँ पठाइएको छ भने १४ जनाको गजुरी अस्पतालमा उपचार भइरहेको छ । दुर्घटनास्थलमा उद्धार कार्य जारी छ ।&nbsp;</span></p><p><br><img src="https://topnepalnews.comuploads/posts/8a0a23c8f8db5a400c29e8e9ffffd9361509181209.jpg" style="width: 551px; height: 326.562px;"><br><br></p><p><b>एकै परिवारका ६ को मृत्यु, २ बेपत्ता</b></p><p>मृत्युभएका मध्ये अधिकाशं सप्तरी जिल्लाका छन् । जहाँ अहिले शोकले ढुबेको छ । दिपावली र छठ मनाएर आपनो काममा फर्किरहेकाहरु दुर्घटनामा परेका छन् ।</p><p><br></p><p>आफन्तको मृत्यु भएको खवरसँगै ज्यान गुमाएकाहरुको टोलमा रुवावासी नै चलेको छ ।&nbsp;</p><p><br></p><p>सप्तरीको तिलाठी कोइलाडी गाउँपालिका १ तिलाठी बस्तीमा शनिबार बिहानैदेखि रुवावासी छ । तिलाठीका पंडित रमानाथ झाको सिंगो परिवार नै धादिङ दुर्घटनामा परि ज्यान गुमाएका छन् । २ छोरा, बुहारी, २ नातिसहित उनको परिवारका ६ जनाको उक्त घटनामा मृत्यु भएको छ ।</p><p><br></p><p>रमानाथ झाका छोराहरु संजितकुमार झा र अंजितकुमार झा, संजितकी श्रीमती सिमी झा र संजितका छोरा अभिनव झाको मृत्यु भएको तिलाठीका वडाध्यक्ष दिनेश्वर मिश्रले जानकारी दिए । संजितका कान्छा छोरा प्रतिक बेपता छन् ।</p><p><br></p><p>यस्तै संजितका सालो बिटु झा ठुली सासुआमा चन्द्रिकादेवी झाको समेत ज्यान गएको छ । संजितकी साली पुजा अझै वेपता छिन् । संजित नेपाल बैंक लिमिटेड चावहिल शाखामा सातौं तहमा कार्यरत थिए ।&nbsp;</p><p><br></p><p><img src="https://topnepalnews.comuploads/posts/da184233a0d22193e8e397dab9d65e581509181237.jpg" style="width: 550.224px; height: 289.812px;"><br></p><p><br></p><p><b>हालसम्म सनाखत भएका १२ जना मृतकको नामावली</b></p><p><br></p><p>नरेश मुखिया – सप्तरी</p><p>शुसान चौधरी – सप्तरी</p><p>रमानन्द यादव – सप्तरी</p><p>संजित कुमार झा – सप्तरी</p><p>सिम्मी कुमारी झा – सप्तरी</p><p>आदित्य यादव – सप्तरी</p><p>ममता देवी ठाकुर – मधुवनी बिहार ईन्डिया</p><p>राज कपुर यादब – सिरहा</p><p>पार्वती चौधारी – सप्तरी</p><p>चन्द्ररेखा प्रमणी – सप्तरी</p><p>मन्जित कुमार झा – सप्तरी</p><p>चन्द्रावती झा – सप्तरी</p>

<p><span style="line-height: 1.42857;">काठमाडौं ।</span><br></p><p>निर्वाचन आयोगले लाखौं रुपैयाँ खर्चेर राजधानीको पाँचतारे होटेलमा चुनावमा मतपत्र जोगाउन सुरक्षाकर्मीलाई तालिम दिएको छ ।</p><p><br></p><p>मतपत्रको सुरक्षाबारे चारैवटा सुरक्षा निकायका अधिकारीलाई राखेर आयोगले तालिम आयोजना गरेको हो ।</p><p><br></p><p>राजधानीको होटल याक एण्ड यतीमा शुक्रबार विहानदेखि नेपाली सेना, सशस्त्र प्रहरी, नेपाल प्रहरी र राष्ट्रिय अनुसन्धान विभागका अधिकारीहरुलाई तालिम आयोजना गरिएको हो ।</p><p><br></p><p>निर्वाचन स्थलमा मतपत्रको सुरक्षा कसरी गर्ने भनेर तालिम दिइने निर्वाचन आयोगका प्रवक्ता नवराज ढकालले जानकारी दिए । ‘चुनावमा बुथ कब्जा हुने, मतपत्र च्यातिने, लुटिने लगायतका सम्भावित घटना कसरी रोक्ने भनेर तालिम दिइने छ,’ प्रवक्ता ढकालको भनाई छ ।</p><p><br></p><p>निर्वाचनको सुरक्षाका लागि सरकाले तीन वटा सुरक्षा घेरा बनाएको छ । सबैभन्दा बाहिरी घेरामा नेपाली सेना, बीचको घेरामा सशस्त्र प्रहरी र सबैभन्दा भित्री घेरामा नेपाल प्रहरीलाई खटाइने छ । त्यसका साथसाथै म्यादी प्रहरी र अनुसन्धान विभागको टोली पनि निर्वाचन व्यवस्थित र सूचना संकलनको लागि परिचालित हुनेछन् ।</p>