<p><span style="line-height: 1.42857;">काठमाडौं ।</span><br></p><p>भ्रष्टाचारी ठहर भएर सजाय पाएका काँग्रेस नेता गोविन्दराज जोशीले आफ्नो उम्मेद्धारी रद्द नहुने जिकिर गरेका छन् ।</p><p><br></p><p>एक राष्ट्रिय दैनिकले कांग्रेस पूर्व सह महामन्त्री गोविन्दराज जोशीको उम्मेदवारी गैरकानूनी भएको खबर दिएसँगै उनको उम्मेदवारीबारे कानुनीवृत्तमा टिकाटिप्पणी भैरहेको छ । र, आम मतदातावृत्तमा यसले आशंका जन्माएको पनि छ । तर केही कानूनविदहरुले भने जोशी उपर लगाइएको भ्रष्टाचारसम्बन्धी मुद्दा अदालतमा विचाराधिन रहेका कारण उनले दिएको उम्मेदवारीमा दाबी विरोध गर्न नमिल्ने तर्क गरिरहेका छन् ।</p><p><br></p><p>नेपाल बार एसोसिएसन तनहुँ जिल्ला अदालत बार इकाईका पूर्व अध्यक्ष अधिवक्ता परशुराम गिरी प्रस्तुत मुद्दामा विशेष अदालतको फैसला उपर सर्वोच्च अदालतमा पुनराबेदन परी विचाराधिन अबस्थामा रही रहेको कारण जोशीको उम्मेदवारी कानुनवमोजिम नै भएको बताउँछन् ।</p><p><br></p><p>जोशी उपर लगाइएको मुद्दा विचाराधिन रहेकाले शुरु विशेष अदालतले गरेको पहिलो फैसलालाई आधार मानेर उम्मेदवारी दिन नमिल्ने भन्ने कुरा कानुन संगत छैन । उनले भने,‘दाबी बिरोध परे पनि त्यो कानुन संगत हुँदैन ।’</p><p><br></p><p><br></p><p>प्रतिनिधि सभा सदस्य निर्वाचन ऐन २०७४ को दफा १३ घ मा ‘भ्रष्टाचार, जर्बजस्ती करणी, मानव बेचविखन तथा ओसारपसार, लागूऔषध बिक्रीवितरण तथा निकासी वा पैठारी, सम्पत्ति शुद्धिकरण, राहदानी दुरुपयोग, अपहरणसम्बन्धी कसुर वा नैतिक पतन देखिने अन्य फौजदारी कसुरमा सजायँ पाई वा कुनै कसुरमा जन्मकैद वा २० वर्ष वा सो भन्दा बढी कैद सजायँ पाई त्यस्तो फैसला अन्तिम भएको’ भन्ने व्यवस्था छ । तर जोशी बिरुद्ध लगाइएको भ्रष्टचार सम्बन्धि मुद्दाको अन्तिम फैसला भै नसकेका कारण उनको उम्मेदवारी गैरकानूनी भन्ने कानूनी आधार नभएको अधिवक्ता गिरीको तर्क छ ।</p><p><br></p><p>अर्का अधिवक्ता कृष्णहरि वाग्लेले पनि जोशीको उम्मेदवारीलाई गैरकानूनी भन्ने आधार नभएको तर्क गरेका छन् । ‘नेपालको विद्यमान प्रतिनिधि सभा सदस्य निर्वाचन तथा प्रदेस सभा निर्वाचन निर्देशिका २०७४’ अनुसार कुनै पनि आधारमा जोशीको उम्मेदवारी खारेज हुने अवस्था नरहेको उनले तर्क गरे । उनले पनि भ्रष्टाचार मुद्दामा अन्तिम फैसला हुन बाँकी रहेकै अवस्थामा उम्मेदवारीलाई गैरकानूनी भन्न सकिने अवस्था नरहेको जिकिर गरे ।</p><p><br></p><p>उम्मेदवारी कमजोर पार्न अफवाह</p><p><br></p><p>कांग्रेस पूर्व सह महामन्त्री गोविन्दराज जोशी तनहुँ क्षेत्र नम्बर १ का बलिया उम्मेदवार हुन् । पार्टीले टिकट नदिए पछि स्वतन्त्र उम्मेदवारी दिएका जोशीले आम कार्यकर्ताको टिकटबाट आफूले चुनाव जित्ने जिकिर गरिरहेका छन् ।</p><p><br></p><p>यस्तोमा उनको उम्मेदवारी निकै महत्वपूर्ण ठानिएको छ । कतिपयले आफ्ना चिर प्रतिद्वन्द्वी कांग्रेस नेता रामचन्द्र पौडेललाई चुनाव हराउन जोशीले उम्मेदवारी दिएको तर्क समेत गर्ने गरेका छन् । तर जोशी कोही कसैलाई हराउन भन्दा पनि आफ्ना मतदाताको आग्रहअनुसार चुनाव जित्ने लक्ष्यका साथ मैदानमा उत्रिएको बताउँछन् ।</p><p><br></p><p>उम्मेदवारी दर्ता तथा घोषणाका बेला पञ्चेबाजा सहित ठूलो दलबलका साथ काँग्रेस कार्यकर्ताहरुनै लिएर जानुले पनि उनको पक्षमा केही मतदाताको आकर्षण देखिएको छ ।</p><p><br></p><p>यसले पनि उनको उम्मेदवारीलाई विचलित पार्ने हिसाबले विभिन्न अफवाह फैलाउने काम भएको उनीनिकट नेताहरुले जिकिर गरिरहेका छन् ।</p><p><br></p><p>लामो समय कानूनी वकालत गरेका र कुशल कानून व्यवसायीसमेत रहेका जोशीले यति ठूलो निर्णय गर्नुपूर्व कानूनी पृष्ठभूमिबारे बुझेर नै उम्मेदवारी दिएकाले पनि उनको उम्मेदवारीमा असर नपर्ने उनी निकट काँग्रेस नेताहरुले टिप्पणी गर्न थालेका छन् ।</p><p><br></p><p>संयुक्त बाम गठबन्धनबाट उम्मेद्धार रहेको तनहुँ १ मा जोशीको उम्मेद्धारी रद्द नभएमा काँग्रेसको भोट रामचन्द्र पौडेल र जोशीमा बाँडिने हुँदा निर्वाचनमा बिजयको दाबी गरेपनि धर्मर अवस्थामा रहेका नेता पौडेल जोशीकै कारण पराजित हुने काँग्रेस समर्थकहरुले नै बताइरहेका छन् ।</p>

<p><span style="line-height: 1.42857;">काठमाडौं ।</span><br></p><p>निर्वाचन आयोगले आगामी मंसिर १० र २१ गते दुई चरणमा हुने प्रतिनिधिसभा सदस्य तथा प्रदेशसभा सदस्य निर्वाचनका लागि समानुपातिक निर्वाचन प्रणालीतर्फ दलले पेश गरेको बन्दसूची शुक्रबार सार्वजनिक गरेको छ ।</p><p><br></p><p>आयोग स्थित प्रतिनिधिसभा सदस्य तथा प्रदेशसभा सदस्य निर्वाचन प्रणालीको समानुपातिकतर्फको निर्वाचन अधिकृतको कार्यालयका अनुसार समानुपातिक निर्वाचनमा राजनीतिक दलबाट छ हजार ९४ उम्मेदवारको नाम समावेश भएको प्रारम्भिक विवरण रहेको छ । समानुपातिक निर्वाचन प्रणालीतर्फका निर्वाचन अधिकृत एवं निर्वाचन आयोगका सचिव वेगेन्द्रराज शर्मा पौड्यालले पत्रकार सम्मेलनमा बन्दसूची सार्वजनिक गरेका हुन् ।</p><p><br></p><p>सार्वजनिक गरिएको बन्दसूचीअनुसार आदिवासी पुरूष ७८३, महिला ९३१ र अन्य एक, खस आर्य पुरूष ८६७ र महिला ९९७, थारू पुरूष १५८ र महिला २६२, दलित पुरूष ३४२ र महिला ४९६, मधेशी पुरूष ४५५ र महिला ५६३, मुस्लिम पुरूष ८१ र महिला १५७ उम्मेदवार छन् । यसैगरी अपांगता भएका पुरूष १५८, महिला ११५ र अन्य एक तथा पिछडिएका क्षेत्रका पुरूष १०७ र महिला १२२ उम्मेदवारको नाम बन्दसूचीमा समावेश रहेको आयोगले जनाएको छ ।</p><p><br></p><p>प्रतिनिधिसभा तथा प्रदेशसभा निर्वाचनका लागि आयोगमा दर्ता भएका ८८ दलमध्ये समानुपातिक निर्वाचन प्रणालीतर्फ प्रतिनिधिसभा सदस्यका लागि ४९ र प्रदेशसभा सदस्य निर्वाचनसमेतका लागि ५३ दलले बन्दसूची बुझाएका थिए । सार्वजनिक गरिएको बन्दसूची निर्वाचन आयोगको वेबसाइटमा राख्ने व्यवस्था मिलाइएको जनाइएको छ ।</p><p><br></p><p>उम्मेदवारको बन्दसूचीमा नाम समावेश भएका कुनै उम्मेदवार संविधान वा प्रतिनिधिसभा सदस्य निर्वाचन ऐन, २०७४ र प्रदेशसभाका हकमा प्रदेशसभा सदस्य निर्वाचन ऐन, २०७४ बमोजिमको योग्यता नपुगेको वा उम्मेदवार हुन अयोग्य भए सो सात दिनभित्र दावी विरोधमा उजुरी गर्न सकिनेसमेत व्यवस्था छ ।</p><p><br></p><p>समानुपातिकतर्फको निर्वाचन कार्यक्रमअनुसार यही कात्तिक १८ देखि २४ गतेसम्म बन्दसूचीमा नाम समावेश भएका उम्मेदवारको योग्यता सम्बन्धमा दाबी विरोध गर्न निवेदन दिन सकिने, कात्तिक २५ देखि मंसिर १ गतेसम्म त्यस्ता दावी विरोधका निवेदनमाथि जाँचबुझ र निर्णय गर्ने कार्यक्रम छ । जाँचबुझपछि बन्दसूचीबाट नाम हटेको सूचना प्रकाशन गरी आगामी मंसिर ३ गते उम्मेदवारको बन्दसूची अन्तिम रूपमा प्रकाशन गर्ने कार्यक्रम छ ।</p><p>………………..</p><p>नेकपा माओवादी केन्द्रले समानुपातिक निर्वाचन मार्फत छान्ने आफ्नो सांसदको सूची सार्वजनिक भएको छ । सार्वजनिक नामावली अनुसार पहिलो नम्बरमा पूर्वमन्त्री रेखा शर्मालाई राखेको छ ।</p><p><br></p><p>ल्ह्यारक्याल लामा पनि माओवादीको समानुपातिक सूचीमा परेका छन् । उनको नाम बन्दसूचीको ५६ औं नम्बरमा पाइएको छ ।</p><p><br></p><p>पहिलो संविधानसभामा एमालेबाट समानुपातिबाट सांसद बनेका लामा दोस्रो संविधानसभामा माओवादीवादीबाट समानुपातिकबाट सांसद बनेका थिए ।</p><p><br></p><p>अर्थ राज्यमन्त्री हुँदा दोहोरो नागरिकता भेटिएपछि उनले राजीनामा दिएका थिए ।</p><p>तर पछि एमाले छाडेका उनले माओवादी केन्द्रका अध्यक्ष पुष्पकमल दाहाल प्रचण्डका छोरा प्रकाश दाहाललाई एउटा गाडी उपलब्ध गराएको तथा पैसा दिएर समानुपातीक सासंद बनाएको चर्चा चलेको थियो ।</p><p><br></p><p>निर्वाचन आयोगले शुक्रबार सार्वजनिक गरेको सूची अनुसार रेखा पहिलो नम्बरमा छिन् भने दोस्रो नम्बरमा पूर्वउपसभामुख पूर्णाकुमारी सुवेदी, तेस्रो नम्बरमा धर्मशिला चापागाईँ र चौथो नम्बरमा सत्या पहाडी छिन् ।</p><p>…………..</p><p>यसैगरि बाबुराम भट्टराई नेतृत्वको नयाँ शक्ति पार्टीको समानुपातिकको पहिलो नम्बरमा नायिका करिष्मा मानन्धरलाई राखिएको छ ।</p><p><br></p><p>निर्वाचन आयोगले शुक्रबार साँझ सार्वजनिक गरेको समानुपातिकको अन्तिम बन्द सूचिमा नयाँ शक्तिबाट पार्टीबाट करिष्मा मानन्धरको नाम एक नम्बरमा छ ।</p><p><br></p><p>मानन्धर नयाँ शक्ति पार्टी निर्माण भएसँगै नयाँ शक्तिमा प्रवेश गरेकी थिइन । उनी पार्टीको केन्द्रीय परिषद सदस्य हुन् ।</p><p><br></p><p>यस्तै नयाँ शक्तिबाट हिसिला यमीकी दिदी तिमिला यमी पनि समानुपातिकमा परेकी छन् । तर हिसिला यमी भने छैनन् ।</p><p><b><a href="http://election.gov.np/ecn/uploads/userfiles/ClosedListforGorkhapatra.pdf" target="_blank">दलहरुले समानुपातीक सांसदमा राखेको नामावली सूची हेर्न यहाँ क्लिक गर्नुहोस्</a><i><a href="http://election.gov.np/ecn/uploads/userfiles/ClosedListforGorkhapatra.pdf" target="_blank"></a></i></b></p><p><b><i><br></i></b></p>

<p><span style="line-height: 1.42857;">काठमाडौँ । नेकपा एमालेका महासचिव ईश्वर पोखरेलले निर्वाचन सकिएलगत्तै एमाले र नेकपा माओवादी केन्द्रबीच एकता हुने बताउनुभएको छ ।&nbsp;</span><br></p><p><br></p><p>एमाले टोखाद्धारा आयोजित कार्यकर्ता भेलामा उहाँले दुई पार्टी एक गर्न नै वाम गठबन्धन गरिएको जानकारी दिनुभयो ।&nbsp;</p>