सेयरको भाउ विस्तारै उकालो लाग्न थाल्यो

<p>काठमाडौं ।<br>गत साता ५१ प्रतिशत भन्दा बढीले घटेको नेपाली शेयर बजारको परिसूचक नेप्से यो साताको शुरुवात संगै बढ्न थालेको छ&nbsp; । <br><br>आइतवार सकारात्कम कदमका साथ&nbsp; बन्द भएको सेयर बजारको वद्धिले सोमवार समेत निरन्तरता पाएको छ ।</p><p>सोमवार नेप्से परिसूचक ६ दशमलव २८ अंकको वृद्धिसहित १७०६ दशमलव २८ अंकमा पुगेको छ । <br><br>सोमवार सेयर बजारलाई एभरेष्ट बैंकको कारोवारले डोर्यायो ।&nbsp; बैंकको सेयर ४० रुपैयाँको वृद्धिसहित ३६ सय ९० रुपैयाँमा पुग्यो भने सबैभन्दा धेरै १२ करोड ३५ लाख रुपैयाँको सेयर कारोवार समेत एभरेष्ट बैंकको भयो ।<br><br>सोमवार बैंकिग समूहको सूचक ८ दशमलव ९४ अंकले बढेको छ भने होटल, फइनान्स, विमा र उत्पादनमूलक समूहको सेयर सूचक समेत सोमवार बढ्यो ।</p><p>सोमवार&nbsp; विकास बैंक, जलविद्युत तथा अन्य समूहको सूचकमा सामान्य गिरावट भएको छ ।</p><p>आइतवारको तुलनामा सोमवार कारोवार रकममा समेत सुधार देखिएको छ । आइतवार नेप्सेमा ७३ करोडको कारोवार भएको थियो सोमवार त्यो बढेर ७८ करोड रुपैयाँ पुगेको छ । <br></p>