जापानमा रेलको लिगमा हाम फालेर किशोरद्धारा आत्महत्या

<p>टोकियो ।<br>जापानमा एक किशोरले रेल लिगमा हामफालेर आत्महत्या गरेका छन् । जापानी प्रहरीका अनुसार १४ वर्षीय किशोरले गुडिरहेको रेल अगाडी हामफालेर आत्महत्या गरेका हुन् ।<br><br>टोकियोको ओइजुमिगाकुएन स्टेसनको सिइबु इकेबुकुरो लाईनमा विहान ५ : ४० बजेको समयमा घटना घटेको हो ।<br><br>किशोरले हाम फालेको देख्नेवित्तिकै रेल रोकेपनि रेलको गतिका कारण किशोरलाई किचेपछि मात्र रेल रोकिनपुग्दा उनको मृत्यु हुन पुगेको हो ।<br><br>आत्महत्या गरेका किशोरको साथबाट कुनैपनि कागजात नभेटिएको र आत्महत्याको कारण पनि खुल्न नसकेको भन्दै जापानी प्रहरीले आत्महत्या गरेका किशोर जापानी भएको बताएको छ ।<br><br>जापानमा पछिल्लो दिनहरुमा रेलको लिगमा हामफालेर आत्महत्या गर्नेक्रम बढेसँगै रेल लिग क्षेत्रमा जापानी प्रहरीले सतर्कता अपनाएपनि घटना रोक्न सकिराखेको छैन ।<br><br><br><br></p>