16.12¡ÆC
काठमाडौँ । प्रधानमन्त्री सुशीला कार्कीले आसन्न चुनावबारे छलफलका लागि सर्वपक्षीय बैठक आह्वान गर्नुभएको छ । प्रधानमन्त्री कार्कीको सचिवालयका अनुसार बैठक भोलि दिउँसो ४ बजे प्रधानमन्त्रीको सरकारी निवास वालुवाटारमा बस्नेछ ।
बैठकमा प्रमुख पाँच राजनीतिक दल, निर्वाचन आयोगका आयुक्तहरू र सुरक्षा निकायका प्रमुखलाई डाकेको सचिवालयले जनाएको छ । आउँदो फागुन २१ गतेका लागि तोकिएको प्रतिनिधि सभा चुनाव र त्यस अघि माघ ११ गते राष्ट्रिय सभाको चुनाव तोकिएको छ । राजनीतिक दलहरुले चुनावको लागि सुरक्षाको वातावरण हुनुपर्ने बताउँदै आएका छन् ।
यस अघि राजनीतिक दलहरूसँग छलफल गर्नुभएकी प्रधानमन्त्री कार्कीले भोलि भने राजनीतिक दलका नेताहरू, निर्वाचन आयोगका आयुक्तहरू र सुरक्षा निकायहरुसँग संयुक्त छलफल गर्न लाग्नुभएको हो ।
