16.12¡ÆC
नुवाकोट । बेलकोटगढी नगरपालिकाको चिम्टेश्वर मन्दिर र भ्यू टावर परिसरमा राष्ट्रिय युवा संघ नेपाल बेलकोटगढी नगर कमिटीको आयोजनामा वृक्षारोपण गरिने भएको छ ।
‘नविनता, सृजनशीलता र गतिशीलता’को नारा सहित यही साउन १० गते शनिबार कार्यक्रमको आयोजना गरिएको हो । कार्यक्रम बिहान १० बजेदेखि सुरु हुने छ । बृक्षारोपण ऐतिहासिक चिम्टेश्वर मन्दिर सहित भ्यू टावर परिसरमा गर्न लागिएको नेकपा एमालेका युवा नेता सूर्यबहादुर तामाङले जानकारी दिनुभयो ।
उहाँको अनुसार वातावरण संरक्षण, हरियाली प्रवर्द्धन तथा स्थानीय जनचेतना अभिवृद्धि गर्न वृक्षारोपण गर्न लागिएको छ।
राष्ट्रिय युवा संघ नेपाल बेलकोटगढी नगर समितिका अनुसार कार्यक्रमलाई प्रभावकारी र सहभागितामूलक बनाउने तयारी अन्तिम चरणमा पुगेको राष्ट्रिय युवा संघ नेपाल बेलकोटगढी नगर कमिटीका अध्यक्ष हरिशरण लामाले जानकारी दिनुभयो ।
उहाँको अनुसार कार्यक्रममा स्थानीय युवाहरू, समुदाय प्रतिनिधिहरू, जनप्रतिनिधि तथा संघीय संगठनहरूको उपस्थिति रहने अपेक्षा गरिएको छ ।
