23.12¡ÆC
नुवाकोट । तारकेश्वर गाउँपालिका वडा नं ४ स्दथित र्शनटारमा अत्याधुनिक सुविधासम्पन्नविद्यालय भवन निर्माण हुने भएको छ । पालिकाको सहकार्य र अनुमतिमा ईन्टरनेशनल स्काउटभोलेनट्स ग्रुप नेपालले भवन निर्माण गर्न लागेको हो ।
तारकेश्वर गाउँपालिका अध्यक्ष शिव अधिकारी ( अविरल), ईन्टरनेशनल स्काउट भोलेनट्स ग्रुपनेपालका प्रतिनिधि अजित खड्का र चिनिया नागरिक hunag wengi बिच छलफल पश्चात्तत्काल भवन निर्माणको काम थाल्ने समझदारी भएको हो ।
बिसं २०७२ को भुकम्पपछि विस्थापित भैसकेको उक्त विद्यालयको भवन निर्माण पनि यसअघिअध्यक्ष अधिकारीकै पहलमा सुचारु भएको थियो ।
नयाँ बन्ने भवनमा ५ वटा कक्षाकाेठा, ३ प्रशासनिक कोठा, एक क्यान्टिन, बाथरूम, शौचालयर १५ जना छात्राछात्र बस्ने होस्टल (छात्रवास) हुने अध्यक्ष शिव अधिकारी (अविरल)ले जानकारी दिनुभयो । उहाँको अनुसार यसलाई पालिका भित्रकै नमुना विद्यालय बनाउने लक्ष्य लिइएको छ ।
सुविधा सम्पन्न भवन निर्माण गरि विद्यालय संचालन गर्नुपर्ने स्थानीयको माग र यसअघि आफुलेगरेको प्रतिबद्धता अनुसार छिट्टै भवन निर्माण हुने अध्यक्ष अधिकारीले विश्वास व्यक्त गर्नुभयो ।
