सिटी ट्राभल्स एण्ड टुर्सले जापानबाट सेवा थाल्यो

<p>२० असार, टोकियो ।<br>जापानमा नेपालीहरुको संख्या बढेसँगै नेपालमा रहेका मनि ट्रान्सफर तथा&nbsp; ट्राभल्स कम्पनीहरुले आफ्ना सेवा जापानमा विस्तार गर्ने क्रम बढिरहँदा शनिवारबाट अर्को एक कम्पनी थपिएको छ ।<br><br>नेपालीहरुलाई नै लक्षित गरेर सिटी ट्राभल्स एण्ड टुर्सले जापानको टोकियोबाट शनिबारदेखि आफ्नो सेवा थालेको हो ।<br><br>गैर आवासिय नेपाली संघ एनआरएनएका उपाध्यक्ष तथा व्यवसायी भवन भट्टबाट औपचारिक रुपमा उद्घाटन सहित सिटीले नेपाल जापान हवाई टिकट तथा टुर्स प्याकेज गर्ने उदेश्य सहित सेवा थालेको हो ।<br><br>सिटी ट्राभल्स टोकियो स्थित सिनोओकुवोमा कार्यालय राखेको छ । आगामी बर्षबाट टुर्स प्याकेज सहित जापानीहरुलाई आकर्षक प्याकेजमा नेपाल भ्रमण गराउने लक्ष्य बनाएको सिटी ट्राभल्स एण्ड टुर्सका कार्यकारी अधिकृत महेश श्रेष्ठले जानकारी दिए ।<br><br>नेपालमा सन् २००७ बाट सेवा थालेको सिटीले जापानमा २००८ देखि नै रेमिटयान्स सेवा दिंदै आएको छ ।<br><img src="https://topnepalnews.comuploads/posts/aa5500a32759687f69dd370eb323f1c61467598466.jpg" style="width: 760.289px; height: 570.217px;"><br><br>रेमिट्यान्सबाट ट्राभल्स सेवा थप गर्नुको उदेश्य नेपालमा पर्यटनको विस्तार गर्ने लक्ष्य बोकेको बताउँदै श्रेष्ठले आगामी वर्षबाट व्यवसायीक टुर प्याकेजको सेवा सुरु गर्ने महत्वाकांक्षी योजना रहेको जानकारी दिनुभयो ।<br><br>कार्यक्रममा बोल्नुहुँदै गैरआवासीय नेपाली संघ एनआरएनए आईसीसी उपाध्यक्ष भवन भट्टले नेपालमा पर्यटक स्वागत गर्न भर्खरै सुरु गरिएको अतिथि देवो भव कार्यक्रमको अभियानमा संलग्न हुन आव्हान गर्दै विश्वभर रहेका नेपालीहरुले नेपालको समृद्धिमा हातेमालो गर्नुपर्ने बिचार राख्नुभयो ।<br><br>बिदेशमा रहेका एक नेपालीले कम्तिमा तीन बिदेशी नागरिकलाई नेपालबारे बताएर नेपाल पठाउन सकेमात्र पनि पर्यटनबाटै नेपालको समृद्धि सम्भव रहेको बताउँदै उपाध्यक्ष भट्टले नेपालको मौलिकता र नेपाली स्वागतलाई बेच्न सकेमात्र पनि विदेशी पर्यटक लोभिएर नेपाल जाने बताउनुभयो ।<br><img src="https://topnepalnews.comuploads/posts/cd78f614e8b578173fd29f98704a74671467598489.jpg" style="width: 759.956px; height: 569.967px;"><br>आगामी वर्षबाट वीवी एयरवेजले जापानबाट नेपाल सिधा उडानको तयारी गरिरहेको हुनाले यसबाट सिटी ट्राभल्स सहित समग्र नेपालका पर्यटन कम्पनी र नेपाललाई फाइदा पुग्ने विश्वास व्यवसायी भट्टले व्यक्तगर्नुभयो ।<br><br>कार्यक्रमलाई सम्वोधन गर्नुहुँदै एनआरएनए जापानका सल्लाहकार तथा जापानबारे जानकार रहनुभएका बुद्धिजिवि जिज्ञानकुमार थापाले जापानीहरुको नेपाल भ्रमण समय र संख्या बढिरहेको बताउँदै जापानीहरुलाई नेपाल भ्रमणको लागि आकर्षक योजना सहित सत्कार र सेवा दिन सक्नुपर्ने बताउनुभयो ।<br><br>जापानमा रहेका नेपालीहरुको कमाईलाई सुरक्षित रुपमा नेपाल पठाउने विश्वासिलो कम्पनीको रुपमा अहिलेसम्म काम गरिरहेको दाबी गर्दै सिटी ट्राभल्सका निर्देशक दिनेश केसीले अब जापानमा रहेका नेपाली सहित जापानीहरुलाई सुरक्षित रुपमा नेपाल लैजाने र भ्रमण गराउने बताउनुभयो ।<br><br>कार्यक्रममा एनआरएनए आईसीसी उपाध्यक्ष भवन भट्ट, सिटी ट्राभल्सका प्रमुख कार्यकारी निर्देशक महेशकुमार श्रेष्ठ, नेपाली राजदूतावास जापानका टोपनारायण गिरी तथा एसवीआई रेमिटका विजनेश डिपार्टमेन्ट प्रमुख सुसुमी फुकुसिमाले संयुक्त रुपमा रिवन काटेर सिटी ट्राभल्स एण्ड टुर्सको उद्घाटन गर्नुभएको थियो ।<br><br>कार्यक्रममा एनआरएनए आईसीसी सदस्य ओम गुरुङ, एनआरएनए जापानका अध्यक्ष सुदन थापा, उपाध्यक्ष टासी लामा, गल्कोट समाज जापानका वरिष्ठ उपाध्यक्ष नरबहादुर थापा, पत्रकार महासंघ जापानका अध्यक्ष तिलक मल्ल, भूपालमान श्रेष्ठ, लगायतको उपस्थिति रहेको थियो । कार्यक्रममा नेपाली कलाकारहरुले लोक तथा आधुनीक गित गाएर मनोरञ्जन समेत प्रदान गरेका थिए ।<br></p>