नेविसंघको दुई पक्षबीच कार्यक्रमस्थलमै हानाहान

<p><span style="line-height: 1.42857143;">काठमाडौं,असार ९ । &nbsp;लामो समयदेखि स्थगित महाधिवेशन गर्ने तयारी सुरु भएसँगै नेपाल विद्यार्थी संघमा दुई पक्षबीच विवाद पनि बढ्न थालेको छ । बुधबार बागबजारमा भएको एक कार्यक्रममा दुई पक्षबीच हानाहान नै भएको छ। नेविसंघले नै आयोजना गरेको शिक्षासम्बन्धी अन्तक्र्रियालाई सम्बोधन गरेर प्रमुख अतिथि रहेका रामचन्द्र पौडेल फर्किएलगत्तै दुई पक्षबीच विवाद सुरु भएको थियो । विवाद बढ्दै जाँदा हानाहान भएपछि नेविसंघ केन्द्रीय सदस्य इन्दु शर्मा सामान्य घाइते भएका खबर आजको नयाँ पत्रिकामा छापिएको छ &nbsp;।</span><br></p><p><br></p><p><b>महाधिवेशनको आठौँ प्रयास</b></p><p>नेविंघले ११औँ राष्ट्रिय महाधिवेशनका लागि आठौँपटक प्रयास गरेको छ । तर, प्रतिनिधिहरू फर्जी भएको भन्दै एउटा समूहले विरोध जनाइरहेको छ । पूर्व प्रचार विभाग प्रमुख रामप्रसाद अधिकारीले सात–आठ सय फर्जी प्रतिनिधि बताइएको भन्दै खारेजीको माग गरे । नेविसंघको वर्तमान नेतृत्वले ६४ जिल्लामा अधिवेशन सम्पन्न भइसकेको र त्यहाँबाट प्रतिनिधि चयन भइसकेको जनाएको छ ।</p><p><br></p><p><b>नक्कली प्रतिनिधि खारेज गर्न देउवालाई दबाब</b></p><p>कांग्रेस सभापति शेरबहादुर देउवाले २३ देखि २५ साउनसम्म हुने नेविसंघको एघारौँ महाधिवेशन निष्पक्ष हुने बताएका छन् । नेविसंघ नेता कुन्दन काफ्ले नेतृत्वको प्रतिनिधिमण्डलसँग बुधबार भएको भेटमा सभापति देउवाले महाधिवेशनको निष्पक्षतामा आशंका नगर्न आग्रह गरेका हुन् ।</p><p>सभापति देउवालाई भेट्न पुगेका विद्यार्थी नेताहरूले महाधिवेशनका लागि भनेर चयन गरिएका ६ सयभन्दा बढी प्रतिनिधि नक्कली रहेको भन्दै प्रतिवेदन बुझाएका थिए । नेविसंघ नेतृत्वले विवाद टुंगिएको बताए पनि ६४ जिल्लामा ६ सयभन्दा बढी नक्कली प्रतिनिधि रहेको उनीहरूको दावी छ ।</p><p><br></p><p>सभापति देउवालाई भेट्न कुन्दन काफ्ले, युवराज पाण्डेय, जित शेरचन, डिल्लीराम सुवेदी, कृष्णकुमारी बस्नेत, तुलसा पन्त, चक्र गुरुङलगायतका नेता पुगेका थिए । उनीहरूले नक्कली प्रतिनिधि खारेज गरेर मात्र महाधिवेशन सुनिश्चित गर्न सभापतिको ध्यानाकर्षण गराए ।</p><p><br></p><p>जवाफमा देउवाले पार्टी केन्द्रीय समितिबाट निर्देशन समिति गठन हुने र सो समितिले नै न्यायिक छानबिन गरी महाधिवेशन सुनिश्चित गर्ने स्पष्ट पारे । महामन्त्रीका आकांक्षी डिल्लीराम सुवेदीले भागबन्डा स्वीकार्य नहुने भन्दै विवादको निरूपण विधिवत् महाधिवेशन नै भएको बताए । नेविसंघको नौ वर्षदेखि महाधिवेशन हुन सकेको छैन ।</p>