जापानमा कोरोना महामारी चरमोत्कर्षमा, राजधानी आसपास आपतकाल घोषणा

<p><b>गोकर्ण अधिकारी टोकियो, जापान ।</b> प्रधानमन्त्री सुगा योशिहिदेले कोरोना भाइरसको बिरूद्ध विशेष उपायहरु सम्बन्धी ऐनको आधारमा राजधानी टोकियो र आसापका क्षेत्रमा आपतकालिन अवस्था जारी गरेका छन ।<br></p><p><br></p><p>जनवरी ७ तारिख साँझ प्रधानमन्त्री सुगाले राजधानी टोकियो, साइतामा, चिबा र खानागावा क्षेत्रहरुलाई समेटेर आपतकाल घोषणा गरेका हुन ।&nbsp;</p><p>आपतकाल जनवरी ८ तारिखबाट लागू भइ फेब्रुअरी ७ तारिखसम्म जारी रहने घोषणामा उल्लेख छ ।</p><p><br></p><p>यसमा स्थानीय बासिन्दाहरुलाई घरभित्रै बस्न आग्रह गरिएको छ । रेस्टुरेन्ट र बारहरुलाई साँझ ७ बजेदेखि अल्कोहलको विक्री वितरण बन्द गर्न र साँझ ८ बजे पसल नै बन्द गर्न अनुरोध गरिएको छ । जिम र डिपार्टमेन्ट स्टोर र मनोरञ्जन एकाईहरुले पनि सञ्चालन अवधि कम गर्नु पर्नेछ ।</p><p><br></p><p>टोकियोमा संक्रमितको संख्या २ हजार ४४७ को नयाँ उचाईमा उक्लिएकै दिन यस्तो घोषण भएको हो । यो बुधवार कायम नयाँ उचाईभन्दा ८ सय बढी हो ।</p><p>शुक्रबार नै जापानमा कम्तिमा ७५ सय व्यक्ति कोरोना संक्रमित भएको अधिकारीहरुले बताएका छन् । यो संख्या कोरोना महामारी यताकै सर्वाधिक भएको यहाँको स्वास्थ्य मन्त्रालयले बताएको छ ।</p><p><br></p><p>आपतकालले टोकियो, र आसपासका खानागावा, चिबा र साइतामा प्रिफेक्चरलाई&nbsp; समेटेको छ । यहाँ बासिन्दाहरुलाई विशेषगरी साँझ ८ बजेपछि अत्यावश्यक</p><p>बाहेक अन्य कामका लागि घर बाहिर नजान भनिनेछ ।&nbsp;</p><p><br></p><p>कम्पनीहरुलाई पनि कर्मचारीहरुलाई घरबाटै काम गर्न वा भिन्ना भिन्नै समयमा कार्यालयमा बोलाउन प्रेरित गरिनेछ । कार्यालयमा आएर काम गर्ने कर्मचारीको</p><p>संख्या ७० प्रतिशत कम गर्ने सरकारी लक्ष्य छ ।&nbsp;</p><p><br></p><p>कार्यक्रमहरुमा दर्शकको संख्या कार्यक्रमस्थलको क्षमताको ५० प्रतिशत वा ५ हजारमा सीमित पारिनेछ । यी उपायहरु यस अघि अप्रिलमा घोषणा भएको आपतकालको</p><p>भन्दा अलि खुकुलो हो । त्यति बेला देशभर विद्यालय र व्यवसायहरु अस्थायी रुपमा बन्द भएका थिए भने कार्यक्रमहरु पनि रद्द गरिएका थिए ।</p><p><br></p><p>अनुपालना नगर्नेहरुलाई सजायको पनि व्यवस्था छ । विश्वविद्यालयका प्रवेश परीक्षाहरु यही महीनाको अन्त्यतिर तय मितिमै हुनेछ । सरकारले पब, बार र</p><p>रेस्टुरेन्टहरुलाई अनुरोध मानेर व्यवसाय सञ्चालन कम गरेबापत यस अघि दिँदै आएको दैनिक ४० हजार येन सहुलियत बढाएर अधिकतम् ६० हजार येनमा पुर्याउने</p><p>भएको छ । अनुपालना गर्न नमान्ने व्यवसायको नाम र ठेगाना सार्वजनिक गरिने आधारभूत योजना छ ।</p><p><br></p><p>साँझ ८ बजेपछि बन्द गर्नु पर्ने व्यवस्थाबाट टेक आउट र डेलिभरीलाई छूट दिइनेछ । टोकियोमा कोरोना भाइरस संक्रमितको संख्या ५०० अर्थात् अहिलेको</p><p>भन्दा २० प्रतिशतमा आयो भने आपतकाल हटाइने कोरोना भाइरस नियन्त्रणको जिम्मा पाएका मन्त्री यासुतोशी निशिमुराले बताएका छन् ।</p><p><br></p><p>अहिले देशव्यापी रुपमा संक्रमण बढिरहेको छ । बुधवार जापानमा दैनिक संक्रमितको संख्या पहिलो पटक ६ हजार नाघेको थियो । हालैका हप्तामा देशभर</p><p>देखिएको संक्रमित मध्ये करीब आधा टोकियोका छन् ।</p><p><b>कोरोना महामारीले जापानमा ८० हजार ब्यक्तिले रोजगार गुमाए :&nbsp;</b></p><p>जापानमा कोरोना भाइरस महामारीको असरकै कारण ८० हजार भन्दा धेरैले रोजगारी गुमाएको सरकारी तथ्यांकले देखाएको छ । श्रम मन्त्रालयका अनुसार गत वर्षको जनवरीको अन्त्यदेखि बुधवारसम्मको अवधिमा करीब ८० हजार १०० जना बेरोजगार भएको वा जागिर गुमाउने क्रममा छन् ।&nbsp;</p><p>मन्त्रालयको तथ्यांकले श्रम अधिकारी र सार्वजनिक कर्मचारी भर्ती कार्यालयसँग भएको तथ्यांकलाई मात्रै समावेश गरिएकोले वास्तविक आकार यो भन्दा पनि धेरै हुन सक्ने अनुमान गरिएको छ । तथ्यांक अनुसार म्यानुफ्याक्चरिङ क्षेत्र महामारीको सबैभन्दा धेरै मारमा छ । डिसेम्बर २५ सम्ममा यस क्षेत्रबाट १७ हजार जनाले रोजगारी गुमाएका छन् । यस सूचिमा दोस्रो स्थानमा रहेको रेस्टुरेन्ट उद्योगबाट रोजगारी गुमाउनेको संख्या ११ हजार छ । खुद्रा क्षेत्रमा १० हजार भन्दा थोरै बढीले रोजगारी गुमाएका छन् । होटल क्षेत्रबाट पनि ९ हजार ६०० जनाले जागिर गुमाएका छन् ।</p><p>बिहिवार टोकियो र आसपासका प्रिफेक्चरमा सरकारले आपतकाल घोषणा गर्दैछ । यसका कारण थप रोजगारी गुम्ने चेतावनी कर्मचारी संगठनहरुले दिइरहेका छन्<br></p><p>।मन्त्रालयले रोजगारी जोगाउन कम्पनीहरुलाई सरकारले दिने सहुलियतका लागि आवेदन दिन अनुरोध गरिरहेको छ । अर्को तथ्यांकले भने महामारीले मानिसहरुको आम्दानी खुम्चिरहेको देखाएको छ</p><p>। मन्त्रालयका अनुसार नोभेम्बरमा औसत मासिक तलब २ हजार ७०० रहेको छ । योसँगै आम्दानी लगातार ८ औं महीना पनि घटेको हो । गत वर्षको सोही अवधिको</p><p>तुलनामा भने यो येनमा २ दशमलव २ प्रतिशत कम हो । संकटका कारण केही कम्पनीहरुले बोनस ह्वात्तै घटाएको अधिकारीहरुले बताएका छन् ।</p>