17.12¡ÆC
<p>२९ जेठ, काठमाडौं ।<br>नयाँ शक्ति पार्टी नेपाल पार्टीको आज औपचारिक घोषणा भएको छ । अबको निकास आर्थिक विकास भन्ने नाराका साथ शक्ति पार्टी नेपालका संयोजक डा. बाबुराम भट्टराईले काठमाडौंमा पार्टीको घोषणा गर्नु भयो ।<br><br>नयाँ शक्ति नेपाल पार्टी घोषणा कार्यक्रममा सुभकामना दिनुहुँदै प्रधानमन्त्री केपी शर्मा ओलीले सरकार वार्ता र संवादका माध्यमबाट अहिलेको समस्या समाधा गर्न प्रतिबद्ध रहेको बताउनु भयो ।<br><br>प्रधानमन्त्री ओलीले संविधान संशोधन गरेर समस्या समाधान गर्न सकिने भएकाले वार्ता र संवादमा आउन आन्दोलनरत दलहरुले फेरी एक पटक आव्हान गरेको बताउनु भयो ।<br><br>प्रधानमन्त्री ओलीले संविधानले सवै सवैलाई समान अधिकार दिएकाले अव देशलाई विकास र समृद्धिको बाटोमा अघि बढाउन आवश्यक रहेको र त्यसमा नयाँ शक्ति नेपाल पार्टीले महत्वपूर्ण भुमिका खेल्ने विश्वास व्यक्त गर्नु भयो ।<br><br>कार्यक्रममा नेपाली कांग्रेसका सभापति शेर बहादुर देउवाले मुलुकमा आर्थिक विकास र समृद्धिका लागि सवै एक जुट हुनु आवश्यक रहेको बताउनु भयो ।<br><br>नयाँ शक्ति नेपालका संयोजक डा. बाबुराम भट्टराईले नेपालले रानीतिका विभिन्न चरण पार गर्दै आएको र अवको बाटो आर्थिक विकास भएकाले नयाँ शक्ति नेपाल सबृद्ध नेपालका लागि बैकल्पिक शक्तिका रुपमा आएको बताउनु भयो ।<br><br>कार्यक्रममा नेकपा माओवादी केन्द्रका नेता कृष्णबहादुर महराले आर्थिक विकास अहिलेको आवश्यकता भएकाले त्यसका लागि राजनीतिक स्थिरता र सन्तुलन हुनु आवश्यक रहेको बताउनु भयो ।<br><br>नयां शक्ति नेपालको पार्टी स्थापना तथा राष्टिय सभा घोषणा सभामा विभिन्न राजनीतिक दलका नेताहरु, विभिन्न कुटनीतिक नियोगका प्रतिनिधिहरु र विभिन्न मुलुकका राजनीतिक दलका नेताहरु सहभागि हुनुहुन्थ्यो ।<br><br></p>
