शेयर बजारको परिसूचक अहिलेसम्मकै उच्च

<p>२७ जेठ, काठमाडौं ।<br>आन्तरिक शेयर बजारमा विहिबार शेयर बजारको परिसूचक नेप्से बढेर हालसम्मकै उच्च अंकमा पुगेको छ ।</p><p>बिहिबार १९ दशमलब ९ अंकले बढेर नेप्से हालसम्मकै बढी १ हजार ५६६ दशमलब ७० अंकमा पुगेको हो ।<br><br>यसैगरी, शेयर बजारमा विहिबार १३७ कम्पनीका १ अर्ब ८९ करोड ९४ लाख रुपियाँ बराबरको शेयर कारोबार भएको र यो कारोबार रकम पनि हालसम्मकै उच्च रहेको नेपाल स्टक एक्सचेञ्जले जनाएको छ ।<br><br>विहिबार शेयर बजारमा बीमाको परिसूचक ५९५.४३ अंकले बढेर हालसम्मकै उच्च ८ हजार ६५४.३२ अंकमा पुगेको र असार नजिकिन लागेकाले नेप्से निरन्तर बढ्दै विहिबार उच्च अंकमा पुगेको नेपाल स्टक एक्सचेञ्जका प्रवक्ता मुराहरि पराजुलीले बताउनुभयो ।<br><br>असारमा कम्पनीहरुले लगानीको प्रतिफल दिने र बैंकहरुले जस्तै बीमा कम्पनीहरुले पनि पूँजी बढाउन लागेको भन्ने चर्चा बजारमा चलेकाले पनि शेयर कारोबार उच्च भएको प्रवक्ता पराजुलीले स्पष्ट गर्नुभयो ।<br><br></p>